འདི་ནི་སྲི་ཆོད་སྒྲོལ་མས(ལངས་བཞིན་པ)དྲི་བར་ལན་རྒྱག་བཞིན་པ།

འདི་ནི་བོད་ལྗོངས་འདམ་གཞུང་རྫོང་སློབ་འབྲིང་གི་སློབ་མ་སྲི་ཆོད་སྒྲོལ་མས་བོད་ཡིག་སློབ་ཚན་ཉན་བཞིན་པ།

འདི་ནི་སྲི་ཆོད་སྒྲོལ་མ(གཡས་ཀྱི་གསུམ་པ)དང་ཉལ་ཁང་གཅིག་པའི་གྲོགས་མོ་ཚོ་ཞོར་ཟས་བཟའ་གིན་ཁ་བརྡ་གློད་བཞིན་པ།

འདི་ནི་འདམ་གཞུང་རྫོང་སློབ་འབྲིང་གི་སློབ་མས་སློབ་གྲྭའི་ཟ་ཁང་ནས་གུང་ཟས་ལེན་བཞིན་པ།

འདི་ནི་སྲི་ཆོད་སྒྲོལ་མའི་ཨ་མས་ཕྲུ་གུའི་གཟེངས་བསྟོད་ལག་ཁྱེར་སྒྲིག་བཞིན་པ།

འདི་ནི་སྲི་ཆོད་སྒྲོལ་མའི་ཨ་ཕས་རླངས་འཁོར་བཏང་ནས་བུ་མོ་བསུ་བར་འགྲོ་བ།

འདི་ནི་སྲི་ཆོད་སྒྲོལ་མ(གཡས)དང་ཁོང་གི་ཨ་ཕ་དང་གཅུང་མོ་ཡིན་པ།

འདི་ལོ་ལོ་15ལ་སླེབས་པའི་སྲི་ཆོད་སྒྲོལ་མ་ནི་བོད་རང་སྐྱོང་ལྗོངས་འདམ་གཞུང་རྫོང་སློབ་འབྲིང་ལོ་རིམ་བརྒྱད་པའི་འཛིན་གྲྭ་དྲུག་པའི་སློབ་མ་ཞིག་ཡིན་ཞིང་། ཁོ་མོའི་ཁྱིམ་འདམ་གཞུང་རྫོང་ལུང་རིང་ཤང་མཆོད་རྟེན་གྲོང་ཚོར་ཡོད་པ་དང་གྲོང་ཚོ་དེ་གཉན་ཆེན་གདང་ལའི་ལྷོ་རྒྱུད་དུ་གནས་པ་དང་ཆ་སྙོམས་ས་བབ་མཐོ་ཚད་སྨི་4000ལྷག་ཙམ་ཟིན་གྱི་ཡོད།

སྲི་ཆོད་སྒྲོལ་མ་དང་འཛིན་གྲྭའི་སློབ་མ་51ཡོངས་རྫོགས་རྩྭ་ཐང་ཐོག་ཕྱུགས་འཚོ་བའི་འཚོ་བ་མཇུག་འགྲིལ་ནས་དེང་རབས་ཀྱི་བོད་རྒྱ་སྐད་གཉིས་སློབ་གསོ་དང་ལེན་བྱེད་ཀྱི་ཡོད།

སློབ་གྲྭའི་ནང་སྲི་ཆོད་སྒྲོལ་མས་དགའ་ཤོས་བྱེད་པའི་སློབ་ཚན་ནི་རྩིས་རིག་སློབ་ཚན་ཡིན་ཞིང་། “རྩིས་རིག་གི་འདྲི་གཞི་རྩིས་རྒྱག་ཐུབ་རིམ་བཞིན་རང་ཉིད་དངོས་གནས་གྱོང་པོ་ཡོད་པའི་ཚོར་སྣང་ཡོང་གི་འདུག”ཅེས་སྲི་ཆོད་སྒྲོལ་མས་བཤད།

དགོང་ལྟར་རང་སྦྱོང་གྲོལ་རྗེས། སྲི་ཆོད་སྒྲོལ་མས་གྲོགས་མོ་དང་མཉམ་དུ་ཉལ་ཁང་དུ་ལོག་ནས་རྒན་ལགས་ཀྱིས་བཀོད་སྒྲིག་གནང་བའི་སྦྱོང་ཚན་ལེགས་སྒྲུབ་བྱེད་ཀྱི་ཡོད། ཉལ་ཁང་གི་གློག་བསད་རྗེས་སྲི་ཆོད་སྒྲོལ་མས་ཉལ་ཁང་གཅིག་པའི་སློབ་མ་རྣམས་དང་ཅི་འཕྲོས་མོལ་འཕྲོས་ཤོད་ཀྱིན་སློབ་གྲྭའང་ངའི་ཁྱིམ་ཡིན་ཞེས་བརྗོད་ཀྱི་ཡོད།

སྲི་ཆོད་སྒྲོལ་མའི་ཕ་མ་གཉིས་པོས་ཕྱུགས་འཚོ་བ་དང་ལས་ཀ་ཙག་ཙིག་བྱས་ནས་འཚོ་བ་སྐྱེལ་གྱི་ཡོད། ཁོ་མོའི་ཨ་ཕ་ཚེ་བརྟན་རྡོ་རྗེས“ང་ཚོ་ཆུང་དུས་འཚོ་བ་སྐྱོ་བས། སློབ་གྲྭར་འགྲོ་བའི་ཆ་རྐྱེན་མེད། ད་ཆ་རྒྱལ་ཁབ་ཀྱི་སྲིད་ཇུས་ཡག་པོ་ཡོད་པས། ཕྲུ་གུ་ཚོ་སློབ་གྲྭར་བསྐྱོད་ནས་ཤེས་ཡོན་མང་ཙམ་སྦྱོང་ཐུབ་ན་བསམ་གྱི་འདུག”ཅེས་བཤད།

བོད་ཀྱི་ལོ་བཅོ་ལྔའི་རིང་གི་གཞུང་གྲོན་སློབ་གསོའི་སྲིད་ཇུས་དང་སློབ་སྐྱོར་སྲིད་ཇུས་ལས། ཚེ་བརྟན་རྡོ་རྗེའི་ཁྱིམ་ལ་ཆ་མཚོན་ན། ཕྲུ་གུ་ཚོ་སློབ་གྲྭར་བསྐྱོད་པར་དཀའ་ངལ་དེ་ཙམ་མེད།

ཉེ་བའི་ལོ་ཤས་རིང་། བོད་ཀྱིས་ཞིང་འབྲོག་པའི་བུ་ཕྲུག་སློབ་གྲྭར་སྐྱོད་པར་སེམས་ཁྲལ་མི་དགོས་པའི་བྱ་ཐབས་ཕྱོགས་ཡོངས་ནས་དོན་འཁྱོལ་བྱས་པས། ཞིང་འབྲོག་པའི་བུ་ཕྲུག་གི་སློབ་གསོ་དང་ལེན་བྱེད་པའི་ཆུ་ཚད་མངོན་གསལ་དོད་པོས་མཐོ་རུ་ཕྱིན་ཡོད། ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན། བོད་ཀྱིས་འགྲོ་གྲོན་ཚད་གཞི་ཐེངས་བརྒྱད་མཐོ་རུ་བཏང་བ་དང་ཁྱོན་མ་དངུལ་སྒོར་དུང་ཕྱུར་220.67བཏང་བས། སློབ་མ་མི་ཐེངས་ཁྲི་655.08ལ་ཕན་པ་ཐོབ་ཡོད། མིག་སྔར“འགན་ལེན་གསུམ”གྱི་སྲིད་ཇུས་ལས་ལོ་རེར་སློབ་མ་རེར་ཆ་སྙོམས་སྒོར་4200སྤྲོད་ཀྱི་ཡོད་པ་དང་སློབ་མས་ལོངས་སྤྱོད་ཐུབ་པའི་རོགས་སྐྱོར་སྲིད་ཇུས་ཁག་42ཟིན་གྱི་ཡོད།

བོད་ཀྱིས་འགྲོ་གྲོན་ཚད་གཞི་ཐེངས་བརྒྱད་མཐོ་རུ་བཏང་བ་དང་ཁྱོན་མ་དངུལ་སྒོར་དུང་ཕྱུར་220.67བཏང་བས། སློབ་མ་མི་ཐེངས་ཁྲི་655.08ལ་ཕན་པ་ཐོབ་ཡོད། མིག་སྔར“འགན་ལེན་གསུམ”གྱི་སྲིད་ཇུས་ལས་ལོ་རེར་སློབ་མ་རེར་ཆ་སྙོམས་སྒོར་4200སྤྲོད་ཀྱི་ཡོད་པ་དང་སློབ་མས་ལོངས་སྤྱོད་ཐུབ་པའི་རོགས་སྐྱོར་སྲིད་ཇུས་ཁག་42ཟིན་གྱི་ཡོད།