《ཨའོ་མོན་མེས་རྒྱལ་གྱི་པང་དུ་ལོག་ནས་ལོ་20འཁོར་བར་རྟེན་འབྲེལ་ཞུ་བའི་ཚོགས་ཆེན་དང་ཨའོ་མོན་དམིགས་བསལ་སྲིད་འཛིན་ཁུལ་གྱི་སྐབས་ལྔ་པའི་སྲིད་གཞུང་གི་འགན་བཞེས་མཛད་སྒོའི་ཐོག་གི་གསུང་བཤད》 འགན་བཞེས་མཛད་སྒོའི་གསུང་བཤད་ནང་ཨའོ་མོན་གྱི“རྒྱལ་ཁབ་གཅིག་ལ་ལམ་ལུགས་གཉིས”ཀྱི་གྲུབ་འབྲས་ཐོབ་པའི་ལག་ལེན་གྱི་ཉམས་མྱོང་གལ་ཆེན་ཕྱོགས་སྡོམ་བྱས་པ་སྟེ། “རྒྱལ་ཁབ་གཅིག་ལ་ལམ་ལུགས་གཉིས”ཀྱི་ལམ་ལུགས་ཀྱི་གདེང་ཚོད་ཐོག་མཐའ་བར་གསུམ་དུ་བརྟན་དུ་བཏང་བ་དང་། “རྒྱལ་ཁབ་གཅིག་ལ་ལམ་ལུགས་གཉིས”ཀྱི་ཡང་དག་པའི་ཁ་ཕྱོགས་ཐོག་མཐའ་བར་གསུམ་དུ་ཁོང་དུ་ཡག་པོ་ཆུད་པར་བྱས་པ། “རྒྱལ་ཁབ་གཅིག་ལ་ལམ་ལུགས་གཉིས”ཀྱི་འགན་འཁྲི་འཁུར་སེམས་ཐོག་མཐའ་བར་གསུམ་དུ་ཟབ་ཏུ་བཏང་བ། “རྒྱལ་ཁབ་གཅིག་ལ་ལམ་ལུགས་གཉིས”ཀྱི་སྤྱི་ཚོགས་ཀྱི་ཆབ་སྲིད་རྨང་གཞི་ཐོག་མཐའ་བར་གསུམ་དུ་བརྟན་པོར་བཙུགས་ཡོད། གསུང་བཤད་ནང་ནན་བཤད་གནང་དོན། ཨའོ་མོན་གྱི་དཔལ་འབྱོར་རྒྱུན་མཐུད་དང་སྐྱོན་བྲལ་ངང་འཕེལ་རྒྱས་འགྲོ་བར་སྔར་བས་སྐུལ་འདེད་གཏོང་བར“ལྟེ་བ་གཅིག་དང་། སྟེགས་བུ་གཅིག རྟེན་གཞི་གཅིག”བཅས་ཀྱི་དམིགས་ཚད་ཀྱི་ངེས་གནས་ལ་དམིགས་ཏེ་དཔལ་འབྱོར་འོས་འཚམ་དང་སྣེ་མང་འཕེལ་རྒྱས་ཀྱི་གཙོ་རྒོལ་ཁ་ཕྱོགས་འཕྱུགས་མེད་ངང་འདེམས་པ་དང་། རྒྱལ་ཁབ་ཀྱི་འཐབ་ཇུས་དང་སྦྲེལ་མཐུད་ཧུར་ཐག་བྱེད་པ། “རྒྱུད་གཅིག་ལམ་གཅིག”དང་ཀོང་ཏུང་དང་། ཤང་ཀང་། ཨའོ་མོན་བཅས་ཀྱི་མཚོ་ཁུག་ཆེན་པོ་མཉམ་དུ་བསྐྲུན་པའི་གོ་སྐབས་དམ་འཛིན་བྱས་ནས་ཀྲུའུ་ཨའོ་མཉམ་ལས་གསར་སྤེལ་གྱི་ཧེང་ཆིང་གླིང་ཕྲན་གྱི་ལས་དོན་ཡག་པོ་སྒྲུབ་དགོས།

(ཡོང་ཁུངས། མི་དམངས་ཉིན་རེའི་ཚགས་པར། 2023ལོའི་ཟླ་4ཚེས་6ཉིན)