ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན་བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གིས་གཅིག་སྡུད་སློབ་གསོ་བཀོད་སྒྲིག་ཐེངས་མང་གནང་བ་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས“ཏང་ཡོངས་སུ་གཅིག་སྡུད་རང་བཞིན་གྱི་སློབ་སྦྱོང་སློབ་གསོའི་བྱེད་སྒོ་སྤེལ་བ་ནི་རང་རེའི་ཏང་གིས་རང་ངོས་གསར་བརྗེར་སྐུལ་འདེད་གཏོང་བའི་ཐབས་ལམ་གལ་ཆེན་དང་ཉམས་མྱོང་གལ་ཆེན་ཞིག་ཀྱང་རེད”ཅེས་གསུངས་ཡོད། རིགས་པའི་གཞུང་ལུགས་ཀྱི་དྲག་ཆས་སྤྲོས་ཤུགས་ཆེ་རུ་གཏོང་བ་དང་། ཕུགས་བསམ་དང་དད་སེམས་བརྟན་དུ་གཏོང་བ། ཐོག་མའི་བསམ་འདུན་དང་འགན་འཁྲིར་འབད་བརྩོན་བྱེད་པ། དངོས་ཡོད་ཀྱི་ལས་དོན་ལ་སྐུལ་འདེད་གཏོང་བ་བཅས་བྱས་ཏེ་དུས་རབས་གསར་པའི་ཏང་གི་ཐེངས་རིམ་བྱུང་གི་སློབ་སྦྱོང་སློབ་གསོའི་སྙིང་བཅུད་དང་སྙིང་དོན་རྒྱུན་འཛིན་བྱས་ཏེ་ཏང་ནང་ཁུལ་གྱི་སློབ་གསོའི“སྣ་འདུས་ཐབས་བཟང”བཏོན་ཡོད།

ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་དང་ལག་བསྟར་བྱེད་པའི་བརྗོད་དོན་གཙོ་བོའི་སློབ་གསོ།

2023ལོའི་ཟླ་4པ་ནས་བཟུང་།

རྫོང་དང་ཁྲུའུ་རིམ་པ་ཡན་གྱི་འགོ་ཁྲིད་ལས་བྱེད་པ་གཙོ་གནད་དུ་བཟུང་ནས། ད་ཐེངས་ཀྱི་བརྗོད་དོན་གཙོ་བོའི་སློབ་གསོར་དུས་མཚམས་དང་ལྷུ་ཚིགས་མི་དབྱེ་བར་རིགས་པའི་གཞུང་ལུགས་སློབ་སྦྱོང་དང་། བརྟག་དཔྱད་ཞིབ་འཇུག འཕེལ་རྒྱས་ལ་སྐུལ་འདེད། ལྟ་བཤེར་བཅོས་སྒྲིག་བཅས་མགོ་ནས་མཇུག་བར་ཁྱབ་པར་བྱས་ནས་ཟུང་འབྲེལ་ནུས་ལྡན་དང་སྡེབ་གཅིག་ཏུ་སྐུལ་འདེད་བཏང་ཡོད།

སྤྱིའི་བླང་བྱ། དགོངས་པ་སློབ་སྦྱོང་དང་། ཏང་གཤིས་བརྟན་གཏོང་། ལག་ལེན་ལ་མཐོང་ཆེན། བྱས་རྗེས་གསར་འཇོག

རྩ་བའི་ལས་འགན། ཐོས་བསམ་སྤྱོད་གསུམ་ཟུང་འབྲེལ་དང་ཤེས་དད་སྦྱོར་གསུམ་གཅིག་གྱུར་ཡོང་བར་བྱས་ཏེ། དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་དེ་ཕུགས་བསམ་བརྟན་དུ་གཏོང་བ་དང་། ཏང་གཤིས་ལ་ཞུན་བརྡར་སྤྲོས་པ། ལག་ལེན་ལ་མཛུབ་ཁྲིད་བྱེད་པ། ལས་དོན་ལ་སྐུལ་འདེད་གཏོང་བ་བཅས་ཀྱི་སྟོབས་ཤུགས་ཆེན་པོ་ཞིག་ལ་འགྱུར་བ་བྱས་ནས། ཏང་ཡོངས་ཀྱིས་ཐོག་མཐའ་བར་གསུམ་དུ་བསམ་བློ་གཅིག་གྱུར་དང་། སྙིང་སྟོབས་བརྟན་པོ། བྱ་སྤྱོད་མཐུན་སྦྱོར། འཐབ་ནུས་ཆེན་པོ་བཅས་རྒྱུན་འཁྱོངས་ཐུབ་པ་དང་སློབ་སྦྱོང་ལ་བརྟེན་ནས་སེམས་པ་སྐྱེད་པ་དང་། སློབ་སྦྱོང་ལ་བརྟེན་ནས་བློ་རིག་རྒྱས་པ། སློབ་སྦྱོང་ལ་བརྟེན་ནས་སྤྱོད་ཚུལ་སྲོང་བ། སློབ་སྦྱོང་ལ་བརྟེན་ནས་ལས་ཀར་སྐུལ་འདེད་བཅས་ཀྱི་ཐད་ཏན་ཏན་ཏིག་ཏིག་གི་ཕན་འབྲས་ཐོན་པར་འབད་བརྩོན་བྱ་རྒྱུ་དེ་རེད།

དམིགས་ཚད། མཐར་བློ་སྒྲིལ་སེམས་སྐྱེད་ལ་བརྟེན་ནས་རྩ་བ་བརྟན་དུ་གཏོང་བ་དང་། གཤིས་སྤྱོད་སྦྱོང་བརྡར་ལ་བརྟེན་ནས་ལྷག་བསམ་རྣམ་དག་ལ་ཤུགས་སྣོན་རྒྱག་པ། དངོས་སྒྲུབ་འགན་འཁུར་ལ་བརྟེན་ནས་འཕེལ་རྒྱས་ལ་སྐུལ་འདེད་གཏོང་བ། དམིགས་ཡུལ་དོན་གཉེར་ལ་བརྟེན་ནས་དམངས་ལ་བདེ་སྐྱིད་སྐྲུན་པ། སྤྱོད་གཙང་གཞུང་དྲང་ལ་བརྟེན་ནས་སྲོལ་གསར་གཏོད་པ་བཅས་ཀྱི་དམིགས་ཚད་ལོན་པར་བྱེད་དགོས།

ང་ཚོས་ད་ཐེངས་ཀྱི་བརྗོད་དོན་གཙོ་བོའི་སློབ་གསོ་གོ་སྐབས་སུ་བྱས་ཏེ་ཏང་གི་གསར་གཏོད་རིགས་པའི་གཞུང་ལུགས་ཀྱིས་དྲག་ཆས་སྤྲོས་རྒྱུར་ཤུགས་སྣོན་རྒྱག་པ་དང་། ཏང་ཡོངས་ཀྱི་མར་ཁེ་སི་རིང་ལུགས་ཀྱི་ཆུ་ཚད་ཟམ་མི་ཆད་པར་མཐོ་རུ་གཏོང་བ། ཏང་གི་སྲིད་སྐྱོང་ནུས་པ་དང་འགོ་ཁྲིད་ཆུ་ཚད་ཟམ་མི་ཆད་པར་མཐོ་རུ་གཏོང་བ་བཅས་བྱས་ཏེ། རྒྱང་ལམ་གསར་པར་འབད་འབུངས་བྱེད་པར་སེམས་ནུས་གཅིག་སྒྲིལ་དང་། འབད་འབུངས་ཡར་བརྩོན། ཞུམ་མེད་མདུན་སྐྱོད་བཅས་བྱས་ཏེ། སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་ཕྱོགས་ཡོངས་ནས་འཛུགས་སྐྲུན་དང་ཀྲུང་ཧྭ་མི་རིགས་བསྐྱར་དར་རླབས་པོ་ཆེར་ཕྱོགས་ཡོངས་ནས་སྐུལ་འདེད་གཏོང་ཆེད་མཐུན་སྒྲིལ་འབད་འཐབ་བྱེད་དགོས།

——2023ལོའི་ཟླ་4ཚེས་3ཉིན། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་དང་ལག་བསྟར་བྱེད་པའི་བརྗོད་དོན་གཙོ་བོའི་སློབ་གསོའི་ལས་དོན་ཚོགས་འདུ་པེ་ཅིང་དུ་འཚོགས་པ་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་གསུང་བཤད་གལ་ཆེན་གནང་བ།

ཏང་གི་ལོ་རྒྱུས་སློབ་སྦྱོང་སློབ་གསོ།

2021ལོ་ནས་བཟུང་།

ཏང་ཡོངས་སུ་ཏང་གི་ལོ་རྒྱུས་དེ་སྦྱོང་དགོས་ངེས་དང་རྒྱུན་དུ་སྦྱོང་དགོས་པའི་སློབ་ཚན་ཞིག་ཏུ་བརྩི་རྒྱུ་མཐའ་འཁྱོངས་བྱས་ཡོད།

བླང་བྱ། ལོ་རྒྱུས་སྦྱངས་ནས་གནས་ལུགས་གསལ་རྟོགས་དང་། ལོ་རྒྱུས་སྦྱངས་ནས་གདེང་ཚོད་འཕེལ་བ། ལོ་རྒྱུས་སྦྱངས་ནས་སྤྱོད་བཟང་གོང་བཀུར། ལོ་རྒྱུས་སྦྱངས་ནས་ལག་ལེན་ཧུར་ཐག་བཅས་བྱེད་དགོས།

ཏང་ཡོངས་ཀྱི་བློ་མཐུན་ཚོས་ཏང་གི་ལོ་རྒྱུས་སྦྱོང་བ་དང་། དགོངས་དོན་རྟོགས་པ། བྱ་བ་དངོས་སྒྲུབ་པ། རྣམ་པ་གསར་པ་གཏོད་པ་བཅས་བྱེད་དགོས།

མཐའ་དག་མདུན་ཕྱོགས་སུ་སྐྱོད་པ་དང་ཚང་མས་བསྐྱོད་མྱོང་བའི་ལམ་བུ་མི་བརྗེད་པར་ས་ཐག་ཇི་ཙམ་རིང་བ་དང་འོད་སྟོང་ཇི་ཙམ་འབར་བའི་འབྱུང་འགྱུར་གྱི་ཕྱོགས་སུ་སྐྱོད་ཀྱང་རུང་བརྒྱུད་མྱོང་བའི་སྔོན་ཆད་བརྗེད་མི་རུང་ལ་རྡོག་ཐོན་བྱེད་དགོས་དོན་གང་ཡིན་པའང་བརྗེད་མི་རུང་།

——2021ལོའི་ཟླ་2པར་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཏང་གི་ལོ་རྒྱུས་སློབ་སྦྱོང་སློབ་གསོའི་སྐུལ་སློང་ཚོགས་ཆེན་ཐོག་གནང་བའི་གསུང་བཤད།

“ཐོག་མའི་བསམ་འདུན་མ་བརྗེད་པར་འགན་འཁྲི་བློ་ལ་བརྟན་པོར་འཆང་བའི”བརྗོད་དོན་གཙོ་བོའི་སློབ་གསོ།

2019ལོའི་ཟླ་5པའི་ཟླ་མཇུག་ནས་བཟུང་།

རྫོང་དང་ཁྲུའུ་རིམ་པ་ཡན་གྱི་འགོ་ཁྲིད་ལས་བྱེད་པ་གཙོ་གནད་དུ་བྱས་ནས་ཐོག་མའི་བསམ་འདུན་མ་བརྗེད་པར་འགན་འཁྲི་བློ་ལ་བརྟན་པོར་འཆང་བ་དེ་ཏང་འཛུགས་སྐྱོང་གི་མི་འགྱུར་བརྟན་གནས་ཀྱི་ཞིབ་འཇུག་བྱ་གཞི་དང་ཏང་ཡོན་དང་ལས་བྱེད་པ་ཡོངས་ཀྱི་ཚེ་གང་གི་ཞིབ་འཇུག་བྱ་གཞིར་བརྩིས་ནས་ཕུགས་ཕན་གྱི་ལམ་སྲོལ་ཆགས་ཡོད།

སྤྱིའི་བླང་བྱ། ཐོག་མའི་བསམ་འདུན་སྲུང་བ་དང་། འགན་འཁྲི་འཁུར་བ། ཧེ་བག་འཚོལ་བ། དོན་འཁྱོལ་ལ་དམ་འཛིན།

དམིགས་ཚད། རིགས་པའི་གཞུང་ལུགས་སློབ་སྦྱོང་ཐད་གྲུབ་འབྲས་ཐོབ་པ་དང་། བསམ་བློ་ཆབ་སྲིད་ཐད་ཉམས་སད་ཐེག་པ། ལས་སྒྲུབ་ལས་གཏོད་ཐད་འགན་འཁྲི་འཁུར་ཕོད་པ། དམངས་ཆེད་ཞབས་འདེགས་ཞུ་བའི་ཐད་དཀའ་གནད་སེལ་བ། གཞུང་དྲང་སྤྱོད་གཙང་ཐད་མིག་དཔེ་སྟོན་པ།

ད་ཐེངས་ཀྱི་བརྗོད་དོན་གཙོ་བོའི་སློབ་གསོའི་བྱེད་སྒོ་སྤེལ་བ་ནི་རྒྱ་ཆེའི་ཏང་ཡོན་དང་ལས་བྱེད་པས་གསར་བརྗེའི་སྲོལ་རྒྱུན་དང་སྤྱོད་ཚུལ་བཟང་པོ་དར་སྤེལ་གཏོང་བར་སློབ་གསོ་ཁྲིད་སྟོན་བྱས་ཏེ་མི་དམངས་ལ་མཐུན་སྒྲིལ་སྣེ་ཁྲིད་ཀྱིས་ཏང་གི་ཚོགས་ཆེན་བཅུ་དགུ་པའི་ཐོག་གི་བརྗིད་ཆེའི་འཆར་འགོད་དེ་དག་རེ་རེ་བཞིན་མཛེས་སྡུག་ལྡན་པའི་དོན་དངོས་ལ་འགྱུར་བ་བྱེད་དགོས།

——2019ལོའི་ཟླ་5ཚེས་31ཉིན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས“ཐོག་མའི་བསམ་འདུན་མ་བརྗེད་པར་འགན་འཁྲི་བློ་ལ་བརྟན་པོར་འཆང་བའི”བརྗོད་དོན་གཙོ་བོའི་སློབ་གསོའི་ལས་དོན་ཚོགས་འདུའི་ཐོག་གནང་བའི་གསུང་བཤད།

“སློབ་སྦྱོང་གཉིས་དང་ཚད་ལོན་གཅིག”གི་སློབ་སྦྱོང་སློབ་གསོ།

2016ལོའི་ཟླ་2པ་ནས་བཟུང་།

“སློབ་སྦྱོང་གཉིས་དང་ཚད་ལོན་གཅིག”གི་སློབ་སྦྱོང་སློབ་གསོའི་ལས་དོན་སྤེལ་བར་ཏང་ཡོན་ཚང་མར་ཕྱོགས་ཡོངས་ནས་ཏང་ནང་ཁུལ་དུ་སློབ་གསོ་གཏིང་ཟབ་སྤེལ་བའི་ལག་ལེན་གལ་ཆེན་ལ་ཕྱོགས་དགོས་པ་དང་ཏང་ནང་ཁུལ་གྱི་སློབ་གསོ་དེ“འགག་རྩའི་ཉུང་ཤས”ནས་རྒྱ་ཆེའི་ཏང་ཡོན་ལ་རྒྱ་སྐྱེད་གཏོང་བའི་བར་དང་གཅིག་སྡུད་རང་བཞིན་གྱི་སློབ་གསོ་ནས་རྒྱུན་གཏན་རང་བཞིན་གྱི་སློབ་གསོའི་བར་སྣུར་སྲིང་བྱ་རྒྱུར་སྐུལ་འདེད་གཏོང་བའི་བྱ་ཐབས་གལ་ཆེན་ཞིག་རེད།

ནང་དོན་གཙོ་བོ། ཏང་གི་སྒྲིག་ཡིག་དང་སྒྲིག་སྲོལ་སློབ་སྦྱོང་དང་གསུང་བཤད་རབ་དང་རིམ་པ་སློབ་སྦྱོང་བྱས་ནས་ཚད་ལོན་པའི་ཏང་ཡོན་ཞིག་བྱེད་དགོས།

“སློབ་སྦྱོང་གཉིས་དང་ཚད་ལོན་གཅིག”གི་སློབ་སྦྱོང་སློབ་གསོའི་ལས་དོན་སྤེལ་བར་ཕྱོགས་ཡོངས་ནས་ཏང་ནན་པོས་སྐྱོང་བ་དེ་ཀྲི་པུའུ་དང་ཏང་ཡོན་ཚང་མར་དོན་འཁྱོལ་ཐུབ་པར་བྱེད་དགོས།“སློབ་སྦྱོང་གཉིས་དང་ཚད་ལོན་གཅིག”གི་སློབ་སྦྱོང་སློབ་གསོའི་ལས་དོན་སྤེལ་བར་རྨང་གཞི་སློབ་སྦྱོང་དང་འགག་རྩ་ཚད་ལོན་ཡོང་རྒྱུར་ཐུག་ཡོད།

——2016ལོའི་ཟླ་4པར་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས“སློབ་སྦྱོང་གཉིས་དང་ཚད་ལོན་གཅིག”གི་སློབ་སྦྱོང་སློབ་གསོའི་ལས་དོན་སྤེལ་བའི་ཐད་མཛུབ་སྟོན་གལ་ཆེན་གནང་བ།

“ནན་གསུམ་དྲང་གསུམ”གྱི་ཆེད་དོན་སློབ་གསོ།

2015ལོའི་ཟླ་4པ་ནས་བཟུང་།

རྫོང་དང་ཁྲུའུ་རིམ་པ་ཡན་གྱི་འགོ་ཁྲིད་ལས་བྱེད་པའི་ཁྲོད་ཏང་གི་མང་ཚོགས་ལམ་ཕྱོགས་ཀྱི་སློབ་གསོའི་ལག་ལེན་བྱེད་སྒོ་སྣུར་སྲིང་དང་གཏིང་ཟབ་ལ་སྐུལ་འདེད་གཏོང་བ་ནི་བྱེད་སྒོ་ཙམ་མ་ཡིན་པར་འགོ་ཁྲིད་ལས་བྱེད་པའི་རྒྱུན་གཏན་རང་བཞིན་གྱི་སློབ་སྦྱོང་སློབ་གསོའི་ཁྲོད་མཉམ་འདྲེས་ཡོང་བར་བྱས་ཏེ“དྲང་ནན”ཚེ་གང་གི་གོམས་གཤིས་སུ་འགྱུར་བ་བྱེད་དགོས།

བླང་བྱ། “རང་གཅུན་ནན་པོ་དང་། དབང་ཆ་བེད་སྤྱོད་ནན་པོ། གཅུན་འདོམས་ནན་པོ། བྱ་བ་དྲང་བདེན་ངང་སྒྲུབ་པ། ལས་གཏོད་དྲང་བདེན་བྱེད་པ། མི་དྲང་བདེན་ཞིག་བྱེད་པ”

“ནན་གསུམ་དྲང་གསུམ”ནི་ང་ཚོར་ཉིན་ལྟར་འཕྲད་བཞིན་པའི་བླང་བྱ་ཞིག་ཡིན་པས་ཚང་མས་དུས་རྟག་ཏུ་བློ་ལ་བརྟན་པོ་ངེས་པ་དང་། བྱ་བ་སྒྲུབ་རིམ་བཞིན་མཐའ་འཁྱོངས་བྱེད་པ། དུས་དང་རྣམ་པ་ཀུན་ཏུ་སེམས་ནང་འཇོག་པ། ག་དུས་ཡིན་ནའང་བདེན་དོན་མཐའ་འཁྱོངས་དང་ནོར་འཁྲུལ་ཡོ་བསྲང་མཐའ་འཁྱོངས་བྱེད་པ། ཏང་དང་མི་དམངས་ཀྱི་བྱ་གཞག་ལ་ཕན་པ་ཞིག་ཡིན་ཕྱིན་མཐའ་གཅིག་ཏུ་སྒྲུབ་པ་དང་། ནུས་ཤུགས་ཡོད་རྒུས་སྒྲུབ་པ། སྐད་ཅིག་ཙམ་ཡང་མཚམས་མི་འཇོག་པར་སྒྲུབ་པ་དང་། ཏང་དང་མི་དམངས་ཀྱི་བྱ་གཞག་ལ་མི་ཕན་པ་ཞིག་ཡིན་ཕྱིན་མཐའ་གཅིག་ཏུ་ཡོ་བསྲང་དང་ལེགས་བཅོས་མཐར་ཕྱིན་བྱས་ནས་སྐད་ཅིག་ཙམ་ཡང་མ་འགྱངས་པར་ལེགས་བཅོས་བྱེད་དགོས།

——2015ལོའི་ཟླ་9པར་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་སྐབས་བཅོ་བརྒྱད་པའི་ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་མཉམ་སྡེབ་ཚོགས་འདུ་ཐེངས་ཉེར་དྲུག་པའི་ཐོག་གནང་བའི་གསུང་བཤད།

ཏང་གི་མང་ཚོགས་ལམ་ཕྱོགས་ཀྱི་སློབ་གསོ་དང་ལག་ལེན་བྱེད་སྒོ།

2013ལོའི་ཟླ་6པ་ནས་བཟུང་གོང་ནས་འོག་ཏུ་ཁག་ཐེངས་གཉིས་ལ་དབྱེ་ནས་སྤེལ་བ་དང་། ཐོག་མར་ཀྲུང་དབྱང་ཆབ་སྲིད་ཅུས་ནས་འགོ་ཚུགས་པ།

ནང་དོན་གཙོ་བོ། དམངས་ཆེད། དངོས་གཉེར། སྤྱོད་གཙང་།

གཅིག་སྡུད་ཐོག་ཐག་གཅོད་བྱེད་དགོས་པ། ཕྱི་ཚུལ་རིང་ལུགས་དང་། དཔོན་ཉམས་རིང་ལུགས། སྐྱིད་འདོད་རིང་ལུགས། བག་མེད་ལོངས་སྤྱོད་བཅས་ཀྱི“སྤྱོད་ཚུལ་བཞིའི”གནད་དོན།

སྤྱིའི་བླང་བྱ། “མེ་ལོང་ལྟ་བ་དང་། ཞྭ་གོས་སྲོང་བ། ལུས་པོ་བཀྲུ་བ། ནད་གཞི་བཅོས་པ”

ཕུགས་བསམ་དང་དད་སེམས་བརྟན་དུ་བཏང་སྟེ་འཇིག་རྟེན་ལྟ་བ་དང་། མི་ཚེའི་ལྟ་བ། རིན་ཐང་ལྟ་བ་བཅས་ཀྱི“གཅུས་སྒོ་ཨ་མའི”གནད་དོན་ཐག་གཅོད་ཏན་ཏིག་བྱེད་དགོས་པ་དང་། སྲིད་དོན་ལས་རྗེས་ཀྱི་ལྟ་བ་ཡང་དག་བཙུགས་ཏེ་རྨང་གཞི་འདིང་བ་དང་ཕུགས་ལ་ཕན་པའི་ལས་དོན་ལ་དམ་འཛིན་ཏན་ཏིག་བྱེད་དགོས་པ། གཟེར་འདེབས་ཀྱི་སྙིང་སྟོབས་དར་སྤེལ་བཏང་སྟེ་ལས་དོན་དོན་ཐོག་ཏུ་འཁྱོལ་བ་བྱེད་དགོས་པ། ཡང་དག་པའི་མི་སྤྱོད་ཀྱི་ཕྱོགས་སྟོན་མཐའ་འཁྱོངས་བྱས་ཏེ་རྒྱ་ཆེའི་ལས་བྱེད་པས་དངོས་འཛིན་དངོས་སྒྲུབ་བྱ་རྒྱུར་ཁྲིད་སྟོན་ཧུར་ཐག་བྱེད་དགོས།

——2013ལོའི་ཟླ་9པར་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཧོ་པེ་ཞིང་ཨུད་རྒྱུན་ཨུའི་ཚན་ཁག་གི་ཆེད་དོན་དམངས་གཙོའི་འཚོ་བའི་འཚོགས་འདུར་མཛུབ་སྟོན་གནང་སྐབས་གནང་བའི་གསུང་བཤད།