ཉིན་ཤས་བསྟུད་མར། རང་ལྗོངས་ཀྱི་སྡེ་ཚན་ཁག་དང་ཚན་པ་ཁག་གིས་བརྗོད་དོན་གཙོ་བོའི་སློབ་གསོ་སྤུས་ཚད་མཐོ་པོས་སྤེལ་རྒྱུ་དེ་མིག་སྔའི་ཆབ་སྲིད་ཀྱི་ལས་འགན་ཨང་དང་པོར་བརྩིས་ནས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱི་དགོངས་དོན་དང་ཏང་ཀྲུང་དབྱང་གི་ཐབས་ཇུས་བཀོད་སྒྲིག་སློབ་སྦྱོང་དང་ལག་བསྟར་ནན་ཏན་བྱེད་པ་དང་། རང་སྐྱོང་ལྗོངས་ཏང་ཨུད་ཀྱི་ལས་ཀའི་བླང་བྱ་དོན་འཁྱོལ་བྱེད་པ། དགོངས་པ་སློབ་སྦྱོང་དང་བྱ་སྤྱོད་སྤེལ་བ་བཅས་བྱེད་པ་དང་ཏང་གི་གསར་གཏོད་རིགས་པའི་གཞུང་ལུགས་ཀྱིས་བསམ་བློར་དྲག་ཆས་སྤྲོས་པ་དང་། ལག་ལེན་ལ་མཛུབ་ཁྲིད་བྱེད་པ། ལས་དོན་ལ་སྐུལ་འདེད་གཏོང་བ་བཅས་བྱས་ཏེ། རིགས་པའི་གཞུང་ལུགས་སློབ་སྦྱོང་བྱས་པའི་ཕན་འབྲས་བྱ་གཞག་ཁག་གི་འཕེལ་རྒྱས་ལ་སྐུལ་འདེད་གཏོང་བའི་སྒུལ་ཤུགས་ཆེན་པོར་ཏན་ཏིག་འགྱུར་བར་བྱས་པ་རེད།
ཉིན་ཤས་གོང་། ལྗོངས་ཏང་ཨུད་དྲིལ་བསྒྲགས་པུས་ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་བརྟན་པོ་འཛུགས་པ་དང་རྒྱལ་ཁབ་ཀྱི་འདུ་ཤེས་དང་། སྤྱི་དམངས་ཀྱི་འདུ་ཤེས། ཁྲིམས་སྐྱོང་གི་འདུ་ཤེས་བཅས་བརྟན་དུ་བཏང་སྟེ། གཞི་རིམ་གྱི་སྒྲོག་འགྲེལ་ལས་དོན་བརྗོད་དོན་གཙོ་བོའི་སློབ་གསོའི་ནང་བཅུག་ནས་བརྗོད་དོན་གཙོ་བོའི་སློབ་གསོ་དེ་གཞི་རིམ་དང་མང་ཚོགས་ཁྲོད་ཟམ་མི་ཆད་པར་ཁྱབ་ཐུབ་པར་བྱས་ཡོད། ལྗོངས་ཏང་ཨུད་དྲིལ་བསྒྲགས་པུས་གཞི་རིམ་སྒྲོག་འགྲེལ་པའི་གསོ་སྦྱོང་འཛིན་གྲྭ་དང་གཞི་རིམ་གྱི་རྐང་འཛིན་སྒྲོག་འགྲེལ་པའི་གསོ་སྦྱོང་འཛིན་གྲྭ་གཉེར་ནས་གང་ཞིག་ཁྲིད་དགོས་པ་དང་ཇི་ལྟར་ཁྲིད་དགོས་པའི་སྐོར་ལ་ཟུར་ཁྲིད་བྱས་ཡོད་པ་རེད།ལྗོངས་ཏང་ཨུད་ཀྱི་འཆད་ཁྲིད་ཚོགས་པས《གཞི་རིམ་དུ་ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་བརྟན་པོ་འཛུགས་པ་དང་རྒྱལ་ཁབ་ཀྱི་འདུ་ཤེས་དང་སྤྱི་དམངས་ཀྱི་འདུ་ཤེས་ཁྲིམས་སྐྱོང་གི་འདུ་ཤེས་བཅས་བརྟན་དུ་གཏོང་བའི་སྐོར་གྱི་སྒྲོག་འགྲེལ་ལས་དོན་གྱི་བརྡ་ཐོ》བཀྲམ་ནས་རྒྱུན་རྣམ་ཅན་གྱི་སྒྲོག་འགྲེལ་དང་གཅིག་སྡུད་སྒྲོག་འགྲེལ་ཟུང་འབྲེལ་བྱས་ཏེ། དཔྱད་ཞིབ་ལས་དོན་གྱི་བླང་བྱ་གཞིར་བཟུང་དུས་རབས་གསར་པའི་ཤེས་དཔལ་ལག་ལེན་ལྟེ་གནས(སུའོ་དང་ས་ཚིགས)ཀྱིས་སྒྲིག་འཛུགས་བྱས་པའི་འབྲེལ་ཡོད་ལག་ལེན་བྱེད་སྒོ་དང་ཟུང་འབྲེལ་གྱིས“རིག་གནས་ལུས་རྩལ་དང་སྒྲོག་འགྲེལ”དང“གློག་བརྙན་དང་སྒྲོག་འགྲེལ”“གཏམ་རྒྱུད་དང་སྒྲོག་འགྲེལ”སོགས་ཀྱི་བྱེད་ཐབས་སྤྱད་ནས་སྒྲོག་འགྲེལ་ལས་དོན་གྱི་ཡིད་དབང་འགུག་ནུས་ཟམ་མི་ཆད་ཆེ་རུ་བཏང་ཡོད།
རང་སྐྱོང་ལྗོངས་ཕྱི་ཕྱོགས་ལས་དོན་གཞུང་ལས་ཁང་གིས་བརྗོད་དོན་གཙོ་བོའི་སློབ་གསོའི“དགོངས་པ་སློབ་སྦྱོང་དང་ཏང་གཤིས་བརྟན་གཏོང་གིས་སློབ་སྦྱོང་གི་དཔེ་དམག་བརྩོན་ལེན་བྱེད་པའི”བྱེད་སྒོ་སྤེལ་ཏེ་ཏང་གི་གསར་གཏོད་རིགས་པའི་གཞུང་ལུགས་ལ་བརྟེན་ནས་ཕུགས་བསམ་བརྟན་དུ་གཏོང་བ་དང་། ཏང་གཤིས་ལ་ཞུན་བརྡར་བྱེད་པ། ལག་ལེན་ལ་མཛུབ་ཁྲིད་བྱེད་པ། ལས་དོན་ལ་སྐུལ་འདེད་གཏོང་བ་བཅས་བྱས་ཡོད་ཅིང་། བྱེད་སྒོ་དེ་རིགས་པའི་གཞུང་ལུགས་ཀྱི་ཚོད་རྒྱུགས་ཀྱི་རྣམ་པ་ནས་སྤེལ་ཞིང་། ནང་དོན་ཁྲོད་བོད་ཀྱི་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་དང་། དུས་རབས་གསར་པའི་ཏང་གི་བོད་སྐྱོང་མཛད་ཇུས། ཀྲུང་དབྱང་གི་བོད་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་བདུན་པའི་དགོངས་དོན་སོགས་ཚུད་ཡོད་པ་རེད། ཚོད་རྒྱུགས་གཏོང་རིང་ཏང་ཡོན་དང་ལས་བྱེད་པས་གཟབ་གཟབ་ནན་ནན་གྱིས་ལན་བཏབ་པ་དང་། ཚོད་རྒྱུགས་བཏང་བ་བརྒྱུད་ཏང་ཡོན་དང་ལས་བྱེད་ལས་བཟོ་ཡོངས་ཀྱིས་ཚང་བཤེར་ཆད་གསབ་བྱས་ནས་འགྲན་སློབ་སྙེག་བརྒལ་གྱི་སློབ་སྦྱོང་དང་ལས་ཀའི་རྣམ་པ་བཟང་པོ་ཆགས་པར་བྱས་ཡོད།
ཉེ་ཆར། གུང་གཞོན་སྡེ་ཚོགས་བོད་རང་སྐྱོང་ལྗོངས་ཨུ་ཡོན་ལྷན་ཁང་གིས་བརྗོད་དོན་གཙོ་བོའི་སློབ་གསོའི“དགོངས་པ་སློབ་སྦྱོང་དང་། ཏང་གཤིས་བརྟན་གཏོང་། ལག་ལེན་ལ་མཐོང་ཆེན། བྱས་རྗེས་གསར་འཇོག”བཅས་ཀྱི་སྤྱིའི་བླང་བྱར་དམིགས་ཏེ་སློབ་སྦྱོང་གི་རྣམ་པ་གསར་གཏོད་དང་བྱེད་སྒོའི་གཞི་རྟེན་ཕུན་སུམ་ཚོགས་སུ་བཏང་ནས“དུས་རབས་གསར་པའི་གཞོན་ནུས་མར་ཁེ་སི་རིང་ལུགས་པ་བྱེད། ནམ་ཡང་ཏང་གི་རྗེས་སུ་འབྲང”ཞེས་པའི་བརྗོད་དོན་གཙོ་བོའི་སྡེ་ཚོགས་ཉིན་མོའི་བྱེད་སྒོ་སྤེལ་ནས་ཏང་ཡོན་དང་ལས་བྱེད་པའི་ལས་སྒྲུབ་ལས་གཏོད་ཀྱི་གདེང་ཚོད་དང་ཆོད་སེམས་སྔར་བས་འཕེལ་བར་བྱས་ཡོད། གུང་གཞོན་སྡེ་ཚོགས་བོད་རང་སྐྱོང་ལྗོངས་ཨུ་ཡོན་ལྷན་ཁང་གིས་ཏང་ཡོན་དང་ལས་བྱེད་པ་སྒྲིག་འཛུགས་བྱས་ཏེ《ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པའི་ཆེད་དོན་བཏུས་བསྒྲིགས》སོགས་སློབ་སྦྱོང་བྱས་ནས་ཇི་མ་ཇི་བཞིན་སློབ་སྦྱོང་དང་། བསམ་བློ་མང་ཙམ་གཏོང་བ། ཟབ་སྦྱོང་མཐིལ་རྟོགས་བཅས་ལ་བརྟེན་ནས་ཏང་གི་གསར་གཏོད་རིགས་པའི་གཞུང་ལུགས་ཀྱིས་བསམ་བློར་དྲག་ཆས་སྤྲོས་པ་དང་། ལྗོངས་ཡོངས་ཀྱི་མི་རིགས་ཁག་གི་གཞོན་ནུ་ཚོར་མཐུན་སྒྲིལ་སྣེ་ཁྲིད་བྱས་ཏེ་དད་སེམས་ཡོད་པ་དང་། ཕུགས་བསམ་ཡོད་པ། འཇོན་ཐང་ཡོད་པ། ཀུན་སྤྱོད་ལྡན་པ་བཅས་ཀྱི་གཞོན་ནུ་བྱས་ནས་སྤྱི་ཚོགས་རིང་ལུགས་དེང་རབས་ཅན་གྱི་བོད་ལྗོངས་གསར་པ་འཛུགས་སྐྲུན་བྱེད་པའི་འཕེལ་རིམ་ནང་ལང་ཚོའི་སྟོབས་ཤུགས་སྐྱེས་སུ་ཕུལ་ཡོད།