2020ལོ། ②

★ ཟླ་5ཚེས་11ཉིན། ཀྲུང་གུང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གིས《དུས་རབས་གསར་པར་སྤྱི་ཚོགས་རིང་ལུགས་ཀྱི་ཁྲོམ་རའི་དཔལ་འབྱོར་སྒྲིག་སྲོལ་འཐུས་སྒོ་ཚང་དུ་མགྱོགས་པོ་གཏོང་རྒྱུའི་སྐོར་གྱི་བསམ་འཆར》བཀྲམ་ཡོད།

★ ཟླ་5ཚེས་28ཉིན། རྒྱལ་ཡོངས་མི་དམངས་འཐུས་ཚོགས་སྐབས་བཅུ་གསུམ་པའི་ཚོགས་འདུ་ཐེངས་གསུམ་པར། 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་དམངས་དོན་ཁྲིམས་གཞུང》དང《ཤང་ཀང་དམིགས་བསལ་སྲིད་འཛིན་ཁུལ་གྱིས་རྒྱལ་ཁབ་བདེ་འཇགས་སྲུང་སྐྱོང་གི་བཅའ་ཁྲིམས་ལམ་ལུགས་དང་ལག་བསྟར་ལམ་སྲོལ་འཛུགས་པ་དང་འཐུས་སྒོ་ཚང་དུ་གཏོང་རྒྱུའི་སྐོར་གྱི་གཏན་འབེབས》ལ་གྲོས་འཆམ་བྱུང་ཡོད།

★ ཟླ་6ཚེས་30ཉིན། རྒྱལ་ཡོངས་མི་དམངས་འཐུས་ཚོགས་སྐབས་བཅུ་གསུམ་པའི་རྒྱུན་ལས་ཨུ་ལྷན་གྱི་ཚོགས་འདུ་ཐེངས་ཉི་ཤུ་པར། 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཤང་ཀང་དམིགས་བསལ་སྲིད་འཛིན་ཁུལ་གྱི་རྒྱལ་ཁབ་བདེ་འཇགས་སྲུང་སྐྱོང་གི་བཅའ་ཁྲིམས》ལ་གྲོས་འཆམ་བྱུང་ཡོད།

★ ཟླ་7ཚེས་23ཉིན། ཀྲུང་གོའི་སྐར་མ་མིག་དམར་ལ་འཚོལ་ཞིབ་ཐིག་ལེན་གྱི་ལས་འགན་ཐེངས་དང་པོ་སྒྲུབ་མཁན་མཁའ་འདྲི་ཨང་དང་པོའི་འཚོལ་ཞིབ་འཕྲུལ་ཆས་འཕེན་གཏོང་ལམ་ལྷོངས་བྱུང་ནས་རང་རྒྱལ་གྱིས་རང་བརྟེན་ངང་རྒྱུ་སྐར་འཚོལ་ཞིབ་ཀྱི་གོམ་པ་དང་པོ་སྤོས་ཡོད། 2021ལོའི་ཟླ་5ཚེས་15ཉིན་མཁའ་འདྲི་ཨང་དང་པོའི་འཚོལ་ཞིབ་འཕྲུལ་ཆས་སྐར་མ་མིག་དམར་གྱི་སྟེང་དུ་བདེ་བླག་ངང་བབས་ཡོད། ཚེས་22ཉིན། ཀྲུའུ་རུང་རྟགས་ཅན་གྱི་སྐར་མ་མིག་དམར་གྱི་འཕྲུལ་འཁོར་དེ་སྐར་མ་མིག་དམར་གྱི་ངོས་སུ་བཏང་བ་དང་འབྲེལ་ཚན་རིག་གི་སྐོར་ཞིབ་ཚད་ལེན་བྱས་པ་ལས། སྐར་མ་མིག་དམར་འཚོལ་ཞིབ་ཀྱི་ལས་འགན་ཐེངས་དང་པོ་བདེ་བླག་ངང་ལེགས་གྲུབ་བྱུང་བ་མཚོན་ཡོད།

★ ཟླ་8ཚེས་28དང་ཚེས་29ཉིན། ཀྲུང་དབྱང་གི་བོད་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་བདུན་པ་འཚོགས་ཤིང་། ཞི་ཅིན་ཕིང་གིས། དུས་བབ་གསར་པ་དང་ལས་འགན་གསར་པའི་མདུན་དུ། ངེས་པར་དུ་དུས་རབས་གསར་པའི་ཏང་གི་བོད་སྐྱོང་མཛད་ཇུས་ཕྱོགས་ཡོངས་ནས་ལག་བསྟར་གྱིས་ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་བརྟན་དུ་བཏང་སྟེ་མཐུན་སྒྲིལ་དང་། འབྱོར་ཕྱུག ཤེས་དཔལ། ཞི་མཐུན། མཛེས་སྡུག་བཅས་ལྡན་པའི་སྤྱི་ཚོགས་རིང་ལུགས་དེང་རབས་ཅན་གྱི་བོད་ལྗོངས་གསར་པ་འཛུགས་སྐྲུན་ཧུར་ཐག་བྱེད་དགོས་ཞེས་ནན་བཤད་གནང་ཡོད།

★ ཟླ་9ཚེས་17ཉིན། རྒྱལ་སྲིད་སྤྱི་ཁྱབ་ཁང་གི་རྒྱུན་ལས་ཚོགས་འདུར་ཁེ་ལས་འཕེལ་རྒྱས་དང་མང་ཚོགས་ཀྱི་འཚོ་བར་འབྲེལ་བ་དམ་ཟབ་ཡོད་པའི་དོན་ཚན་མང་པོ“ཞིང་སྒྲོལ་ཀུན་སྒྲུབ”ལ་སྐུལ་འདེད་གཏོང་བའི་བྱེད་ཐབས་གཏན་འཁེལ་བྱུང་ཡོད།

★ ཟླ་9ཚེས་22ཉིན། ཞི་ཅིན་ཕིང་གིས་མཉམ་འབྲེལ་རྒྱལ་ཚོགས་ཀྱི་ཚོགས་ཆེན་སྐབས་75པའི་སྤྱིར་བཏང་རང་བཞིན་གྱི་རྩོད་གླེང་ཐོག་གསུང་བཤད་གནང་བ་དང་། ཀྲུང་གོའི་དབྱང་གཉིས་ཐཱན་འགྱུར་འབུད་གཏོང་དེ་2030ལོའི་གོང་མཐོ་ཤོས་སུ་སླེབས་པ་བརྩོན་ལེན་དང་2060ལོའི་གོང་ཐཱན་སྙོམས་སྦྱོར་ཡོང་བའི་བརྩོན་ལེན་ཧུར་ཐག་བྱེད་པའི་ཁྱབ་བསྒྲགས་གནང་ཡོད།

★ ཟླ་9ཚེས་25དང་26ཉིན་ཀྲུང་དབྱང་གི་ཤིན་ཅང་གི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་གསུམ་པ་འཚོགས་ཡོད།

★ ཟླ་9ཚེས་30ཉིན་ཀྲུང་གུང་ཀྲུང་དབྱང་གིས《ཀྲུང་གོ་གུང་ཁྲན་ཏང་ཀྲུང་དབྱང་ཨུ་ཡོན་ལྷན་ཁང་གི་ལས་དོན་སྲོལ་ཡིག》བཀྲམ་ཡོད།

★ ཟླ་10ཚེས་23ཉིན་ཀྲུང་གོ་མི་དམངས་དང་བླངས་དམག་གིས་ཨ་འགོག་ཁྲའོ་རོགས་ལ་ཕྱི་རྒྱལ་དུ་དམག་འཐབ་བྱེད་པར་བསྐྱོད་ནས་ལོ་70འཁོར་བར་དྲན་གསོ་ཞུ་བའི་ཚོགས་ཆེན་འཚོགས་ཡོད།

★ ཟླ་10ཚེས་26ནས་29ཉིན་བར་ཀྲུང་གུང་སྐབས་བཅུ་དགུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་ལྔ་པ་འཚོགས་པ་དང་། ཚང་འཛོམས་གྲོས་ཚོགས་ལ《རྒྱལ་དམངས་དཔལ་འབྱོར་དང་སྤྱི་ཚོགས་གོང་འཕེལ་གྱི་ལོ་ལྔ་ཚན་བཅུ་བཞི་པའི་འཆར་འགོད་དང་2035ལོའི་རྒྱང་རིང་དམིགས་ཚད་གཏན་འབེབས་བྱེད་རྒྱུའི་སྐོར་གྱི་གྲོས་འགོར》གྲོས་འཆམ་བྱུང་ཡོད།

★ ཟླ་11ཚེས་15ཉིན་ཀྲུང་གོ་དང་ཨེ་ཤེ་ཡ་ཤར་ལྷོའི་མནའ་འབྲེལ་རྒྱལ་ཁབ་བཅུ་དང་དེ་བཞིན་རི་པིན་དང་། ཧན་གོ ཨོ་སི་ཁྲུ་ལི་ཡ། ནེའུ་ཙི་ལན་བཅས་ཀྱིས་ཐུན་མོང་ཐོག《ས་ཁོངས་ཀྱི་ཕྱོགས་ཡོངས་ཀྱི་དཔལ་འབྱོར་རོགས་ཟླའི་འབྲེལ་བའི་གྲོས་ཆོད》ལ་མིང་རྟགས་བཀོད་ཡོད།

★ ཟླ་11ཚེས་16དང་17ཉིན་ཀྲུང་དབྱང་གི་ཕྱོགས་ཡོངས་ནས་ཁྲིམས་ལྟར་རྒྱལ་སྐྱོང་གི་ལས་དོན་ཚོགས་འདུ་འཚོགས་ཤིང་། ཚོགས་འདུར་ཞི་ཅིན་ཕིང་གི་ཁྲིམས་སྐྱོང་དགོངས་པར་ཕྱོགས་སྡོམ་དང་རྒྱས་བཤད་བྱས་པ་དང་། ཟླ་12ཚེས་1ཉིན་ཀྲུང་གུང་ཀྲུང་དབྱང་གིས《ཁྲིམས་སྐྱོང་ཀྲུང་གོ་འཛུགས་སྐྲུན་གྱི་འཆར་འགོད(2020ལོ་ནས་2025ལོ་བར)》བཀྲམ་ཡོད།

★ ཟླ་11ཚེས་28ཉིན“འབད་འཐབ་མཁན”རྟགས་ཅན་གྱི་མཚོ་བྱིངས་ཡོངས་ཁྱབ་མི་ཞུགས་ཆུར་འཛུལ་ཡོ་བྱད་ཀྱིས་སྨི་ཁྲིའི་མཚོ་གཏིང་དུ་ཚོད་ལྟ་བདེ་བླག་ངང་ལེགས་གྲུབ་བྱུང་བ་དང་འབྲེལ་རྒྱལ་ཁའི་ངང་ཕྱིར་ལོག་པ་རེད།

★ ཟླ་12ཚེས་16ཉིན་ཀྲུང་གུང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གིས《དབུལ་སྒྲོལ་འགག་སྒྲོལ་གྱི་གྲུབ་འབྲས་སྲ་བརྟན་དང་རྒྱ་སྐྱེད་གཏོང་བ་དང་གྲོང་གསེབ་དར་རྒྱས་འབྲེལ་མཐུད་ནུས་ལྡན་བྱེད་རྒྱུའི་སྐོར་གྱི་བསམ་འཆར》བཀྲམ་ཡོད།

(རྩོམ་གྱི་ཡོང་ཁུངས་ཤིན་ཧྭ་གསར་འགྱུར་ཁང)

(མུ་མཐུད་འགོད་རྒྱུ)