གསར་འགོད་པར་ཉེ་ཆར་འཚོགས་པའི་མངའ་རིས་ས་ཁུལ་གྱི“འཛུགས་གཏོད་བཞིའི”གཞི་རིམ་ཏང་རྩ་འཛུགས་ཀྱི་དཔེ་སྟོན་ས་ཚིགས་དང་གྲོང་ཚོ་རིམ་པའི་རྩ་འཛུགས་ཀྱི་བྱེད་སྒོ་སྤེལ་ཡུལ་གྱི་དག་ཐེར་མཐོར་གཏོང་དཔེ་སྟོན་ས་ཚིགས་ཀྱི་སྒོ་བྱང་འགེལ་བའི་མཛད་སྒོ་དང་གཞི་རིམ་ཏང་རྩ་འཛུགས་འཛུགས་སྐྱོང་ལ་སྐུལ་འདེད་གཏོང་བའི“བླང་བྱ་ཁག་ལྔའི”བཀོད་སྒྲིག་ཚོགས་འདུ་ནས་ཤེས་རྟོགས་བྱུང་བར། མངའ་རིས་ས་ཁུལ་གྱིས“འཛུགས་གཏོད་བཞིའི”གཞི་རིམ་ཏང་རྩ་འཛུགས་ཀྱི་དཔེ་སྟོན་ས་ཚིགས་40བཙུགས་ནས་ས་ཁུལ་ཡོངས་ཀྱི་གཞི་རིམ་ཏང་རྩ་འཛུགས་འཛུགས་སྐྱོང་སྐས་རིམ་གསར་པ་ཞིག་ཏུ་སླེབས་རྒྱུར་སྐུལ་འདེད་གཏོང་འཆར་ཡོད་པ་རེད།

ཤེས་རྟོགས་བྱུང་བར་གཞིགས་ན། 2022ལོ་ནས་བཟུང་མངའ་རིས་ས་ཨུད་རྩ་འཛུགས་པུས《མངའ་རིས་ས་ཁུལ་གྱི“འཛུགས་གཏོད་བཞིའི”གཞི་རིམ་ཏང་རྩ་འཛུགས་ཀྱི་དཔེ་སྟོན་ས་ཚིགས་འཛུགས་སྐྱོང་གི་ཇུས་གཞི》བཟོས་ནས་བཀྲམ་པ་དང་འབྲེལ། “འཛུགས་གཏོད་བཞིའི”ལས་དོན་དང་ཟུང་འབྲེལ་གྱིས་བོད་ནུབ་ཀྱི་གདོང་ལེན། གསར་བརྗེའི་མངའ་རིས་ཀྱིས་སྤུས་ཚད་མཐོར་གཏོང་དང་ཕན་འབྲས་ཆེར་གཏོང་ལོ་གཏོད་རྒྱུ་ཁྲིད་སྟོན་དུ་བྱེད་པ་དང་། ཏང་རྩ་འཛུགས་ཀྱི་དམག་འཐབ་མཁར་རྫོང་དང་ཏང་ཡོན་གྱི་གདོང་ལེན་དཔེ་བཟང་གི་ནུས་པ་འདོན་སྤེལ་བྱ་རྒྱུ་འགག་རྩར་བརྩིས་ཏེ“སྔོན་ལ་ཚོད་ལྟ་དང་སྔོན་ལ་ལག་བསྟར་བྱེད་པ་དང་། ཚད་ཤིང་འཛུགས་པ། རྩ་སྲ་རྨང་བརྟན། སྤུས་དག་གཏོད་པ། ཁྱབ་འགྱེད་སྐུལ་ཁྲིད། ཕུགས་ལ་ཕན་འདོགས་པ”བཅས་ཀྱི་ལས་ཀའི་བསམ་ཕྱོགས་ལ་གཞིགས་ནས་མི་རིགས་མཐུན་སྒྲིལ་ཡར་ཐོན་དང་། ས་མཐོའི་དཔལ་འབྱོར་སྤུས་ཚད་མཐོ་བའི་འཕེལ་རྒྱས། སྐྱེ་ཁམས་ཤེས་དཔལ་འཛུགས་སྐྱོང་། མཐའ་བརྟན་དང་། མཐའ་དར། དམངས་ཕྱུག་བཅས་ཀྱི“འཛུགས་གཏོད་བཞིའི”གཞི་རིམ་ཏང་རྩ་འཛུགས་ཀྱི་དཔེ་སྟོན་ས་ཚིགས་40བཙུགས་ཏེ། “འགན་ལེན་བཞི”མངོན་འགྱུར་དང་། “འཛུགས་གཏོད་བཞིར”སྐུལ་འདེད་གཏོང་བ། “མདུན་གྲལ་དུ་སླེབས་པ་བཞི”དང“སྔོན་ཐོན་བརྩོན་ལེན་བཞི”ཧུར་ཐག་ཐུབ་པ་བཅས་བྱ་ཆེད་སྲ་ཞིང་བརྟན་པའི་རྩ་འཛུགས་ཀྱི་འགན་ལེན་ནུས་ལྡན་བྱས་ཡོད་པ་རེད།

དཔེ་སྟོན་ས་ཚིགས་འཛུགས་སྐྲུན་ལས་དོན་ཏན་ཏིག་དང་བརྟན་པོའི་ངང་སྤེལ་ཐུབ་པར་བྱ་ཆེད། ས་ཨུད་རྩ་འཛུགས་པུས་དཔེ་སྟོན་ས་ཚིགས་རེར་སྒོར་ཁྲི་20ཡི་ཚད་གཞི་ལྟར་མ་དངུལ་གཏོང་སྤྲོད་བྱས་པ་དང་། གྲོང་ཚོའི(སྡེ་ཁུལ)ཏང་རྩ་འཛུགས་ཀྱིས་གྲོང་ཚོ་རིམ་པའི་རྩ་འཛུགས་ཀྱི་བྱེད་སྒོ་སྤེལ་ཡུལ་ཚད་ལྡན་དུ་གཏོང་བའི་མ་དངུལ་དང་དཔེ་སྟོན་ས་ཚིགས་འཛུགས་སྐྲུན་གྱི་མ་དངུལ་སྤྱི་འདོམས་བེད་སྤྱོད་བྱས་ནས་དཔེ་སྟོན་ས་ཚིགས་འཛུགས་སྐྲུན་ཡག་པོ་དང་། བེད་སྤྱོད་ཡག་པོ། ནུས་པ་འདོན་སྤེལ་ཡག་པོ་བཅས་ཐུབ་པའི་འགན་ལེན་བྱ་རྒྱུ་རེད།