2019ལོ། ③

★ ཟླ་10ཚེས་1ཉིན། རྒྱལ་སའི་ལས་རིགས་ཁག་གིས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དབུ་བརྙེས་ནས་ལོ་70འཁོར་བར་རྟེན་འབྲེལ་ཞུ་བའི་ཚོགས་ཆེན་དང་། དམག་གཟིགས་མཛད་སྒོ མང་ཚོགས་ཀྱི་ཁྲོམ་སྐོར་བཅས་འཚོགས་པ་རེད། ཞི་ཅིན་ཕིང་གིས་གསུང་བཤད་གནང་བ་དང་འབྲེལ་གཟབ་སྦྲེང་དཔུང་སྡེར་གཟིགས་པ་རེད།

★ ཟླ་10ཚེས་17དང་31ཉིན། ཀྲུང་གུང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གིས་སྔ་རྗེས་སུ《དུས་རབས་གསར་པའི་སྤྱི་དམངས་ཀྱི་ཀུན་སྤྱོད་འཛུགས་སྐྱོང་གི་ལག་བསྟར་རྩ་གནད》དང《དུས་རབས་གསར་པའི་རྒྱལ་གཅེས་རིང་ལུགས་ཀྱི་སློབ་གསོ་ལག་བསྟར་རྩ་གནད》བཀྲམ་པ་རེད།

★ ཟླ་10ཚེས་22ཉིན། རྒྱལ་སྲིད་སྤྱི་ཁྱབ་ཁང་གིས《ཚོང་གཉེར་ཁོར་ཡུག་ལེགས་སུ་གཏོང་རྒྱུའི་སྐོར་གྱི་སྲོལ་ཡིག》ཁྱབ་བསྒྲགས་བྱས་པ་རེད།

★ ཟླ་10ཚེས་28ནས་31ཉིན་བར། ཀྲུང་གུང་སྐབས་བཅུ་དགུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པ་འཚོགས་ཤིང་། ཚང་འཛོམས་གྲོས་ཚོགས་ཐོག《ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་ལམ་ལུགས་མཐའ་འཁྱོངས་དང་འཐུས་སྒོ་ཚང་དུ་གཏོང་བ་དང་རྒྱལ་ཁབ་ཀྱི་བཅོས་སྐྱོང་མ་ལག་དང་བཅོས་སྐྱོང་ནུས་པ་དེང་རབས་ཅན་ལ་སྐུལ་འདེད་གཏོང་བའི་གནད་དོན་གལ་ཆེན་འགའ་ཞིག་སྐོར་གྱི་གཏན་འབེབས》ལ་གྲོས་འཆམ་བྱུང་བ་རེད།

★ ཟླ་11ཚེས་8ནས་10ཉིན་བར། ཀྲུང་དབྱང་དམག་ཨུད་ཀྱི་གཞི་རིམ་འཛུགས་སྐྱོང་ཚོགས་འདུ་འཚོགས་ཤིང་། ཞི་ཅིན་ཕིང་གིས་གསུང་བཤད་གནང་སྐབས། དུས་རབས་གསར་པར་རང་རེའི་དམག་དཔུང་གི་གཞི་རིམ་འཛུགས་སྐྱོང་ལ་ཤུགས་སྣོན་རྒྱག་པ་ནི་དམག་དཔུང་སྟོབས་ཆེར་དང་དར་རྒྱས་གཏོང་བའི་རྨང་གཞི་དང་སྟོབས་ཤུགས་གནས་ས་རེད་ཅེས་གསུངས་པ་རེད།

★ ཟླ་12ཚེས་17ཉིན། ཀྲུང་གོའི་རྒྱལ་ཐོན་གནམ་ཐང་གྲུ་གཟིངས་ཐོག་མ་ཧྲན་ཏུང་རྟགས་ཅན་གྱི་དམག་གྲུ་མཚོ་དམག་ལ་རྩིས་སྤྲད་ཅིང་། ཞི་ཅིན་ཕིང་རྩིས་སྤྲོད་རྩིས་ལེན་གྱི་མཛད་སྒོར་ཕེབས་པ་མ་ཟད། དམག་གྲུར་བཞུགས་ཏེ་གཟིགས་ཞིབ་ཀྱང་གནང་བ་རེད།

★ ཟླ་12ཚེས་20ཉིན། ཞི་ཅིན་ཕིང་ཨའོ་མོན་མེས་རྒྱལ་པང་དུ་ལོག་ནས་ལོ་20འཁོར་བར་རྟེན་འབྲེལ་ཞུ་བའི་ཚོགས་ཆེན་དང་ཨའོ་མོན་དམིགས་བསལ་སྲིད་འཛིན་ཁུལ་གྱི་སྐབས་ལྔ་པའི་སྲིད་གཞུང་གི་འགན་བཞེས་མཛད་སྒོར་ཕེབས་པ་དང་འབྲེལ་གསུང་བཤད་ཀྱང་གནང་བ་རེད།

★ ཟླ་12ཚེས་30ཉིན། རྒྱལ་སྲིད་སྤྱི་ཁྱབ་ཁང་གིས《ཞིང་པ་ལས་མིའི་གླ་ཕོགས་གཏོང་སྤྲོད་ཀྱི་འགན་སྲུང་སྲོལ་ཡིག》ཁྱབ་བསྒྲགས་བྱས་ཏེ། ཞིང་པ་ལས་མིའི་གླ་ཕོགས་གཏོང་སྤྲོད་བྱེད་སྤྱོད་ཚད་ལྡན་དུ་བཏང་ནས་ཞིང་པ་ལས་མིས་དུས་ཐོག་ཏུ་གླ་ཕོགས་ཆ་ཚང་ལེན་ཐུབ་པའི་འགན་ལེན་བྱས་པ་རེད།

★ ལོ་མཇུག་ཏུ། ཀྲུང་གོ་གུང་ཁྲན་ཏང་གི་ཏང་ཡོན་བསྡོམས་འབོར་ཁྲི་9191.4དང་གཞི་རིམ་རྩ་འཛུགས་ཁྲི་468.1ཟིན་པའི་ནང་གཞི་རིམ་ཏང་ཨུད་ཁྲི་24.9དང་། སྤྱི་ཁྱབ་ཀྲི་པུའུ་ཁྲི་30.5 ཀྲི་པུའུ་ཁྲི་412.7བཅས་ཟིན་པ་རེད།

(རྩོམ་གྱི་ཡོང་ཁུངས་ཤིན་ཧྭ་གསར་འགྱུར་ཁང) (མུ་མཐུད་འགོད་རྒྱུ)