ཉིན་ཤས་བསྟུད་མར་རང་ལྗོངས་ཀྱི་སྡེ་ཚན་ཁག་དང་ཚན་པ་ཁག་གིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱི་དགོངས་དོན་དང་ཏང་ཀྲུང་དབྱང་གི་བཀོད་སྒྲིག་བླང་བྱ་སློབ་སྦྱོང་དང་ལག་བསྟར་ནན་ཏན་བྱས་ནས། དམིགས་ཚད་ལས་འགན་ལ་དམིགས་པ་དང་། གནད་དོན་གྱི་སྟོན་ཕྱོགས་མངོན་གསལ་དོད་པ། ཕན་འབྲས་དངོས་ལ་སྣང་ཆེན་བཅས་བྱས་ཤིང་། ལག་ལེན་བསྟར་བར་སྒྲིག་འཛུགས་ཞིབ་ཚགས་དང་སྐུལ་སྤེལ་ལ་བརྒྱུད་རིམ་ལྡན་པའི་འཆར་འགོད་བྱས་ཏེ་བརྗོད་དོན་གཙོ་བོའི་སློབ་གསོ་ཏན་ཏིག་དང་ནུས་ལྡན་སྤེལ་བར་སྐུལ་འདེད་བཏང་བ་རེད།
ཚེས་26ཉིན་གྱི་ཕྱི་དྲོར། ལྗོངས་སློབ་གསོ་ཐིང་ཏང་ཙུའུ་ཡིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་དང་ལག་བསྟར་བྱེད་པའི་བརྗོད་དོན་གཙོ་བོའི་སློབ་གསོའི་དཔེ་ཀློག་འཛིན་གྲྭ་སྒྲིག་འཛུགས་བྱས་ཏེ། གཅིག་སྡུད་སྤེལ་རེས་དང་བགྲོ་གླེང་བྱས་ཤིང་། ལྗོངས་སློབ་གསོ་ཐིང་ཏང་ཙུའུ་ཡི་ཧྲུའུ་ཅི་ཏུའུ་ཅན་ཀུང་གིས་ཚོགས་འདུ་གཙོ་སྐྱོང་གནང་བ་དང་འབྲེལ་སྤེལ་རེས་གཏམ་བཤད་གནང་བ་རེད། ཚོགས་འདུར“དགོངས་པ་སློབ་སྦྱོང་དང་། ཏང་གཤིས་བརྟན་གཏོང་། ལག་ལེན་ལ་མཐོང་ཆེན། བྱས་རྗེས་གསར་འཇོག”བཅས་ཀྱི་སྤྱིའི་བླང་བྱ་ལྟར། བོད་ཀྱི་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་དང་དུས་རབས་གསར་པའི་ཏང་གི་བོད་སྐྱོང་མཛད་ཇུས་ཕྱོགས་ཡོངས་ནས་སློབ་སྦྱོང་དང་ཁོང་དུ་གཏིང་ཟབ་ཆུད་པར་བྱས་ཏེ། “དོན་ཆེན་བཞིར”དམིགས་པ་དང“འཛུགས་གཏོད་བཞིར”ཤུགས་རྒྱག་པ། དངོས་འཛིན་དངོས་སྒྲུབ་ཀྱི་འབད་བརྩོན་དང་། རྩེར་སོན་གཏོད་ཕོད་པའི་ཧུར་སེམས། རྒྱུན་འཁྱོངས་ལྷོད་མེད་ཀྱི་ངར་ཤུགས་བཅས་ལ་བརྟེན་ནས་བརྗོད་དོན་གཙོ་བོའི་སློབ་གསོ་གཏིང་ཟབ་ཕྱོགས་སུ་སྤེལ་བ་དང་། ཏན་ཏིག་སྤེལ་བ། སེམས་གཏིང་ལ་འཇགས་པ་བཅས་ལ་སྐུལ་འདེད་བཏང་ནས། སློབ་སྦྱོང་གི་ཕན་འབྲས་སློབ་གསོའི་བྱ་གཞག་གི་སྤུས་ཚད་མཐོ་བའི་འཕེལ་རྒྱས་ལ་སྐུལ་མ་གཏོང་བའི་བྱ་སྤྱོད་དངོས་ལ་སྒྱུར་དགོས་པའི་བླང་བྱ་བཏོན་པ་རེད།
ཚེས་26ཉིན། ལྗོངས་ཏང་ཨུད་དྲིལ་བསྒྲགས་པུའི་རྒྱུན་ལས་པུའུ་ཀྲང་གཞོན་པ་བོད་ལྗོངས་ཉིན་རེའི་ཚགས་པར་ལས་ཁུངས་ཏང་ཨུད་ཀྱི་ཧྲུའུ་ཅི་ལེའོ་ཁེན་གྱིས། ལྗོངས་ཏང་ཨུད་དྲིལ་བསྒྲགས་པུའི་པུའུ་དོན་ཨུ་ལྷན་ཚན་ཁག་གི་ཁོངས་མིའི་བརྗོད་དོན་གཙོ་བོའི་སློབ་གསོའི་དཔེ་ཀློག་འཛིན་གྲྭའི་གཅིག་སྡུད་སློབ་སྦྱོང་དང་སྤེལ་རེས་ཀྱི་བགྲོ་གླེང་ཚོགས་འདུ་གཙོ་སྐྱོང་གནང་ཞིང་། པུའུ་དོན་ཨུ་ལྷན་ཚན་ཁག་གི་ཁོངས་མིས་ལས་ཀའི་དོན་དངོས་དང་ཟུང་འབྲེལ་བྱས་ཏེ་བགྲོ་གླེང་གཏིང་ཟབ་བྱས་པ་དང་། ཏང་གི་གསར་གཏོད་རིགས་པའི་གཞུང་ལུགས་ལ་བརྟེན་ནས་གནད་དོན་དངོས་ཐག་གཅོད་བྱས་པའི་གྱོད་དཔེ་དང་མྱོང་ཚོར་དངོས་སྤེལ་རེས་བྱས་ནས་ལས་དོན་ལེགས་སུ་གཏོང་བའི་བྱེད་ཐབས་བཏོན་པ་རེད། བགྲོ་གླེང་ཚོགས་འདུའི་ཐོག་པུའུ་ལས་ཁུངས་ཀྱི་ཏང་ཡོན་ལས་བྱེད་པ་ཡོངས་ཀྱིས་ད་ཐེངས་ཀྱི་བརྗོད་དོན་གཙོ་བོའི་སློབ་གསོ་གོ་སྐབས་སུ་བྱས་ནས་སློབ་སྦྱོང་གི་དཔེ་ཐོ་དང་། ཆེད་དོན་བགྲོ་གླེང་། སློབ་སྦྱོང་གཞི་རྟེན་བཅས་ཡང་བསྐྱར་ལེགས་སུ་གཏོང་བ་དང་། བརྟག་དཔྱད་ཞིབ་འཇུག་གཏིང་ཟབ་བྱས་ནས་ཆེད་དོན་བགྲོ་གླེང་དང་། བརྟག་ཞིབ་བྱེད་ཐབས། བརྟག་ཞིབ་གྲུབ་འབྲས་བཅས་ལ་ཡང་བསྐྱར་བསམ་བློ་གཏོང་བ། གཙོ་གནད་ལས་དོན་ཡག་པོ་བསྒྲུབས་ནས་ལྟེ་བའི་ལས་དོན་དང་། རང་ངོས་ཀྱི་ལེགས་ཆ། མང་ཚོགས་ཀྱི་དགོས་མཁོ་བཅས་ལ་ཡང་བསྐྱར་འཆར་འགོད་བྱེད་པ། འཚོལ་བཤེར་དག་ཐེར་ལ་དམ་འཛིན་གཏིང་ཟབ་བྱས་ནས་བསམ་འཆར་བསྡུ་ལེན་དང་། ཏང་གཤིས་དབྱེ་ཞིབ། དག་ཐེར་བཅོས་སྒྲིག དམངས་གཙོའི་འཚོ་བའི་ཚོགས་འདུ། སྒྲིག་སྲོལ་དང་ལམ་ལུགས་འཛུགས་པ་བཅས་ཡང་བསྐྱར་མངོན་གསལ་དོད་པོ་ཡོང་བ་དང་། གཞུང་འཁྱོངས་གསར་འབྱེད་ལ་བརྟེན་ནས་དྲིལ་བསྒྲགས་བསམ་བློའི་ལས་དོན་སྟོབས་ཆེར་འགྲོ་རྒྱུར་སྐུལ་མ་གཏོང་བ་བཅས་བྱེད་དགོས་ཞེས་བསྟན་ཡོད། ལྗོངས་ཏང་ཨུད་ཀྱི་བརྗོད་དོན་གཙོ་བོའི་སློབ་གསོའི་སྐོར་སྐྱོད་མཛུབ་ཁྲིད་ཚོགས་ཆུང་གསུམ་པ་ཚོགས་འདུར་ཕེབས་ནས་མཛུབ་ཁྲིད་གནང་བ་རེད།
རང་སྐྱོང་ལྗོངས་ཚོང་དོན་ཐིང་གིས་འཚོལ་བཤེར་གྱི་གནད་དོན་དེ་བརྗོད་དོན་གཙོ་བོའི་སློབ་གསོའི་ཐོག་མཐའ་བར་གསུམ་དུ་ཁྱབ་རྒྱུ་མཐའ་འཁྱོངས་བྱས་ནས་གནད་དོན་གྱི་སྟོན་ཕྱོགས་མངོན་གསལ་དོད་པོ་དང་། ནན་པོ་གཙོར་བཟུང་མཐའ་འཁྱོངས་ཀྱིས་སློབ་སྦྱོང་བྱེད་ཀྱིན་དུ་ཞིབ་བཤེར་དང་དག་ཐེར་བྱེད་ཀྱིན་དུ་འཛུགས་སྐྱོང་ཐུབ་པར་བྱས་ཡོད། དུས་མཚུངས་སུ་ཐིང་ཏང་ཙུའུ་ཡིས་ཤེས་རྟོགས་བྱུང་བའི་གནད་དོན་ལ་དམིགས་ནས་ཚོང་དོན་ཐིང་གི་གཞུང་ཕྱོགས་དྲ་ཚིགས་དང་སྐད་འཕྲིན་སྤྱི་རྟགས་བརྒྱུད་ཏང་ཡོན་དང་མང་ཚོགས་ལ་དག་ཐེར་དོན་འཁྱོལ་བྱས་ཚུལ་བརྡ་ཁྱབ་བཏང་བ་དང་། རང་འགུལ་ངང་ལྟ་སྐུལ་དང་ལེན་བྱས་ཏེ“མིག་སྔར་དག་ཐེར”དང“ཡུན་རིང་འཛུགས་པ”ཟུང་འབྲེལ་མཐའ་འཁྱོངས་ཀྱིས་དག་ཐེར་བྱེད་རིང་ཤེས་རྟོགས་བྱུང་བའི་ཉམས་མྱོང་བཟང་པོ་དང་བྱེད་ཐབས་བཟང་པོ་དུས་ཐོག་ཏུ་ཕྱོགས་སྡོམ་བྱས་པ་མ་ཟད་ལམ་ལུགས་ཆགས་པར་བྱས་ནས་བརྗོད་དོན་གཙོ་བོའི་སློབ་གསོའི་རིགས་པའི་གཞུང་ལུགས་སློབ་སྦྱོང་དང་། གནད་དོན་འཚོལ་བཤེར། སྒྲིག་སྲོལ་དང་ལམ་ལུགས་འཛུགས་པ་སོགས་ཀྱི་ལས་དོན་ལ་གཞི་གཅིག་ཏུ་སྐུལ་སྤེལ་གཏོང་དགོས་པའི་བླང་བྱ་བཏོན་པ་རེད།