ཚེས་20ཉིན། རང་སྐྱོང་ལྗོངས་ཀྱི་ཀྲུའུ་ཞི་དང་རང་སྐྱོང་ལྗོངས་སྲིད་གཞུང་གི་ཏང་ཙུའི་ཧྲུའུ་ཅི་ཡན་ཅིན་ཧའེ་ཡིས་སྲིད་གཞུང་ཏང་ཙུའི(རྒྱ་ཆེ)ཚོགས་འདུ་གཙོ་སྐྱོང་གནང་ནས། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་དང་ལག་བསྟར་བྱེད་པའི་བརྗོད་དོན་གཙོ་བོའི་སློབ་གསོའི་ལས་དོན་ཚོགས་འདུར་གནང་བའི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་སོགས་ཀྱི་དགོངས་དོན་དང་། དེ་བཞིན་ཀྲུང་དབྱང་དང་ལྗོངས་ཏང་ཨུད་ཀྱི་འབྲེལ་ཡོད་ཡིག་ཆའི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱས་པ་དང་། རང་སྐྱོང་ལྗོངས་ཀྱི་བརྗོད་དོན་གཙོ་བོའི་སློབ་གསོའི་ལས་དོན་ཚོགས་འདུའི་བཀོད་སྒྲིག་བླང་བྱ་དོན་འཁྱོལ་དང་སྲིད་གཞུང་ཏང་ཙུའུ་དང་སྲིད་གཞུང་ཁོངས་གཏོགས་ཀྱི་བརྗོད་དོན་གཙོ་བོའི་སློབ་གསོའི་ལས་དོན་བཀོད་སྒྲིག་གནང་བ་རེད།
ཡན་ཅིན་ཧའེ་ཡིས་གསུངས་དོན། ལྗོངས་ཡོངས་ཀྱི་སྲིད་གཞུང་ཁོངས་གཏོགས་ཀྱིས་བསམ་བློ་དང་བྱ་སྤྱོད་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱི་དགོངས་དོན་དང་ཏང་ཀྲུང་དབྱང་གི་ཐབས་ཇུས་བཀོད་སྒྲིག་ཐོག་གཅིག་གྱུར་ཏན་ཏིག་དང་། ཏང་ཀྲུང་དབྱང་དང་ལྗོངས་ཏང་ཨུད་ཀྱི་བརྗོད་དོན་གཙོ་བོའི་སློབ་གསོའི་ལས་དོན་ཚོགས་འདུའི་དགོངས་དོན་དང་བཀོད་སྒྲིག་བླང་བྱ་སློབ་སྦྱོང་གཏིང་ཟབ་དང་གནད་ལ་འཁེལ་པོས་ཁོང་དུ་ཆུད་པར་བྱས་ནས། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་ཕུགས་བསམ་བརྟན་དུ་གཏོང་བ་དང་། ཏང་གཤིས་ལ་ཞུན་བརྡར་སྤྲོས་པ། ལག་ལེན་ལ་ཁྲིད་སྟོན་བྱེད་པ། ལས་དོན་ལ་སྐུལ་འདེད་གཏོང་བ་བཅས་ཀྱི་སྟོབས་ཤུགས་ཆེན་པོ་ཞིག་ཏུ་གྱུར་པར་བྱས་ཏེ། སློབ་སྦྱོང་ལ་བརྟེན་ནས་སེམས་པ་སྐྱེད་པ་དང་། སློབ་སྦྱོང་ལ་བརྟེན་ནས་བློ་རིག་རྒྱས་པ། སློབ་སྦྱོང་ལ་བརྟེན་ནས་སྤྱོད་ཚུལ་སྲོང་བ། སློབ་སྦྱོང་ལ་བརྟེན་ནས་ལས་ཀར་སྐུལ་འདེད་གཏོང་བ་བཅས་མངོན་འགྱུར་ཧུར་ཐག་ཐུབ་པར་བྱེད་དགོས།
ཡན་ཅིན་ཧའེ་ཡིས་ནན་བཤད་གནང་དོན། ལྗོངས་ཏང་ཨུད་ཀྱི་བཀོད་སྒྲིག་བླང་བྱ་དང་ཞིབ་བསྡུར་བྱས་ནས། སྲིད་གཞུང་ཏང་ཙུས“དཔེ་སྟོན་གྱི་ཚད་ཤིང་ཡག་པོ་བྱེད་དགོས་པ”སོགས་ཕྱོགས་དྲུག་ཐད་ཀྱི་བྱེད་ཐབས་ཞིབ་ཕྲ་ཁག་23བཟོས་ཡོད་པས་ཚང་མས་སློབ་སྦྱོང་དང་གོ་བ་ནན་ཏན་བླངས་ནས་ལག་བསྟར་དོན་འཁྱོལ་ལ་དམ་འཛིན་ཡག་པོ་བྱེད་དགོས། གཅིག་ནས་ཚུགས་གནས་མཐོ་རུ་གཏོང་བ་དང་སློབ་སྦྱོང་གཏིང་ཟབ་བྱེད་དགོས་ཤིང་། མ་རྩོམ་ལ་ལྟ་བ་དང་། མ་ཡིག་སྦྱོང་བ། མ་དོན་རྟོགས་པ་བཅས་བྱས་ཏེ《ཞི་ཅིན་ཕིང་གི་གསུང་རྩོམ་འདེམས་བསྒྲིགས》གནས་བབ་གལ་ཆེན་དུ་བཞག་ནས་མི་སྒེར་གྱི་སློབ་སྦྱོང་དང་མཉམ་སྡེབ་སློབ་སྦྱོང་། བརྒྱུད་རིམ་ལྡན་པའི་སློབ་སྦྱོང་དང་ཆེད་དོན་བགྲོ་གླེང་ལ་སྤྱི་འདོམས་ཡག་པོ་བྱས་ཏེ། རང་སྐྱོང་ལྗོངས་སྲིད་གཞུང་ཏང་ཙུས“གཏན་འཁེལ་གཉིས”ལ་ལྷག་བསམ་རྣམ་དག་ངང་སྲུང་སྐྱོབ་དང“སྲུང་སྐྱོང་གཉིས”ལྷག་བསམ་རྣམ་དག་གིས་ལག་ལེན་བསྟར་བའི་ཆབ་སྲིད་ཀྱི་ཚུགས་གནས་དང་འགན་འཁྲི་འཁུར་སེམས་མངོན་ཐུབ་པར་བྱེད་དགོས། གཉིས་ནས་ཚད་གཞི་དང་ཡང་ཡང་བསྡུར་བ་དང་ཇུས་འགོད་བྱེད་དགོས་ཤིང་། ལག་ལེན་བསྟར་མཁན་དང་། བྱ་སྤྱོད་སྤེལ་མཁན། དངོས་སྒྲུབ་ཅན་བཅས་ཀྱི་འགན་འཁྲི་ཡག་པོ་སྒྲུབ་པ་དང་རང་འགུལ་ངང་ཏང་ཀྲུང་དབྱང་དང་ལྗོངས་ཏང་ཨུད་ཀྱི་བླང་བྱར་ཞིབ་བསྡུར་བྱས་ཏེ། མང་ཚོགས་ཀྱི་བློ་ལ་བབས་མིན་དེ་རྩ་བའི་ཤན་འབྱེད་ཀྱི་ཚད་གཞིར་འཛིན་པ་དང་། གནད་འགག་ཐུག་ས་དང་། གནད་དོན་ཐོན་ས། འགལ་ཟླའི་མདུན་མ་བཅས་སུ་སྐྱོད་པ། སྐད་ཆ་དྲང་པོ་ཉན་པ་དང་གནས་ཚུལ་དངོས་ལ་རྟོག་ཞིབ་བྱེད་པ། ཐབས་ཇུས་གནད་འཁེལ་འདོན་པ་དང་། བྱ་བ་དངོས་སྒྲུབ་པ། ཕན་འབྲས་དངོས་དོན་གཉེར་བཅས་ལ་ཤུགས་སྣོན་བརྒྱབ་ནས་ཕྱི་ཚུལ་ཅན་དང་། གཡོ་རྫུན་ཅན། རྣམ་པ་ཅན་བཅས་ལ་སྔོན་འགོག་མཐའ་གཅིག་ཏུ་བྱེད་དགོས། གསུམ་ནས་གོང་གིས་འོག་ལ་སྣེ་ཁྲིད་དང་དོན་ཐོག་ཏུ་འཁྱོལ་བར་བྱེད་དགོས་ཤིང་། རང་སྐྱོང་ལྗོངས་སྲིད་གཞུང་ཏང་ཙུའུ་ཡི་ཁོངས་མིས་རང་འགུལ་ངང་སློབ་སྦྱོང་ལ་སྣེ་ཁྲིད་བྱེད་པ་དང་། དངོས་སྒྲུབ་ཀྱིས་སློབ་སྦྱོང་ལ་ཁྲིད་སྟོན་བྱེད་པ། འགན་འཁུར་ནས་སློབ་སྦྱོང་ལ་སྐུལ་འདེད་གཏོང་བ་བཅས་བྱས་ཏེ། བརྗོད་དོན་གཙོ་བོའི་སློབ་གསོའི་སློབ་སྦྱོང་གི་བླང་བྱ་ཁག་དོན་ཐོག་ཏུ་འཁྱོལ་བ་དང་གྲུབ་འབྲས་ཐོབ་པར་སྐུལ་འདེད་གཏོང་དགོས།