གསར་དུ་བསྐོ་གཞག་བྱས་པའི་བོད་བཞུགས་རྒྱལ་ཡོངས་སྲིད་གྲོས་ཀྱི་ཨུ་ཡོན་དང་། རང་སྐྱོང་ལྗོངས་མི་དམངས་སྨན་ཁང་གསུམ་པའི་ཡོན་ཀྲང་གཞོན་པ། སྨན་པ་དཀའ་བཅུ་པ་བཅས་ཡིན་པའི་ཧྭ་ཏེ་སྨིས་གསུངས་དོན།

སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་རྒྱ་ཆེའི་སྲིད་གྲོས་ཨུ་ཡོན་ཚོས་རྒྱལ་ཁབ་ཀྱི་ཆེད་དུ་རང་འགན་གཙང་སྒྲུབ་དང་དམངས་ཀྱི་ཆེད་དུ་འགན་འཁྲི་སྒྲུབ་པའི་བརྩེ་སེམས་མཐའ་འཁྱོངས་བྱས་ཏེ་བྱ་གཞག་སེམས་ལ་འཇོག་པ་དང་འགན་འཁྲི་ཕྲག་ཏུ་ཁུར་ནས་ཨུ་ཡོན་གྱི་འགན་འཁྲི་ནན་ཏན་སྒྲུབ་དགོས་ཞེས་གསུངས་ཡོད། འགོ་ནད་ཆེད་ཚན་སྨན་ཁང་གི་ཆེད་ཚན་སྨན་པ་ཡིན་པའི་ངོས་ནས་སྨན་པའི་འགན་འཁྲི་དང་ལས་འགན་དེ་སྲིད་གྲོས་ལས་དོན་གྱི་འགན་འཁྲི་དང་ལས་འགན་དང་ཟུང་འབྲེལ་དམ་ཟབ་བྱས་ཏེ། བོད་ཀྱི་སྨན་བཅོས་འཕྲོད་བསྟེན་བྱ་གཞག་སྤུས་ཚད་མཐོ་བའི་འཕེལ་རྒྱས་ཡོང་བར་སྐུལ་འདེད་གཏོང་ཆེད་ཐབས་འདོན་ཇུས་འབུལ་བྱེད་ཀྱི་ཡིན།

ཆབ་མདོ་གྲོང་ཁྱེར་གྲོང་གསེབ་དར་རྒྱས་ཅུས་ཀྱི་ཏང་ཙུའི་ཁོངས་མི་རིམ་པ་དང་པོའི་བརྟག་ཞིབ་པ་སྐྱིད་པོ་ཚེ་རིང་གིས་གསུངས་དོན།

2022ལོར་ཆབ་མདོ་གྲོང་ཁྱེར་གྱིས་དབུལ་པོ་བསྐྱར་ལོག་དང་དབུལ་པོར་འགྱུར་ཉེན་ཡོད་པའི་དུད་ཚང་1845ཡི་མི་8824བབས་བསྟུན་གཙང་བཟོ་བྱས་ནས་གཞི་ཁྱོན་ལྡན་པའི་དབུལ་པོ་བསྐྱར་ལོག་མི་ཐེབས་པའི་མཐའ་ཚད་བརྟན་པོ་བསྲུངས་ཡོད། སྲིད་གཞུང་གིས་གཞི་རིམ་ལ་དོ་ཁུར་དང་གཏོང་ཆ་གཏོང་ཤུགས་མུ་མཐུད་ཆེ་རུ་གཏོང་བ་དང་ཆབས་ཅིག སྤྱི་ཚོགས་ཕྱོགས་ཁག་གི་སྟོབས་ཤུགས་གྲོང་གསེབ་དར་རྒྱས་གཏོང་བའི་ནང་ཞུགས་པར་ལས་སྟེགས་བསྐྲུན་ནས་གྲོང་གསེབ་དར་རྒྱས་གཏོང་བའི་ནང་གནས་ཀྱི་སྒུལ་ཤུགས་རྒྱུན་ཆད་མེད་པར་འཕེལ་རྒྱུའི་རེ་བ་ཡོད།