ཏང་གི་ཚོགས་ཆེན་ཉི་ཤུ་པའི་དགོངས་དོན་སློབ་སྦྱོང་དང་། དྲིལ་བསྒྲགས། ལག་བསྟར་བཅས་གཏིང་ཟབ་བྱ་ཆེད། ཞིང་ལས་འཕེལ་རྒྱས་དངུལ་ཁང་བོད་ལྗོངས་ཡན་ལག་དངུལ་ཁང་གིས“སྔ་ཙམ་གསུམ་དང་དམ་འཛིན་གསུམ”གཙོ་རྐང་དུ་བྱས་ཏེ་སློབ་སྦྱོང་དང་། དྲིལ་བསྒྲགས། ལག་བསྟར་བཅས་ཀྱི་ཚ་རླབས་ཤིག་མགྱོགས་མྱུར་འཕྱུར་བར་བྱས་ནས་ལས་དོན་ལ་སྐུལ་འདེད་བཏང་ཡོད།
སྔ་ཙམ་སློབ་སྦྱོང་བྱས་ནས་ཟབ་སྦྱོང་མཐིལ་རྟོགས་ཡོང་བར་དམ་འཛིན་བྱས་ཤིང་། ཞིང་ལས་འཕེལ་རྒྱས་དངུལ་ཁང་བོད་ལྗོངས་ཡན་ལག་དངུལ་ཁང་གི་ཏང་ཨུད་ཀྱིས་དཔེ་སྟོན་སྣེ་ཁྲིད་ཀྱི་ནུས་པ་འདོན་སྤེལ་བྱས་ཏེ་སྔོན་ལ་སློབ་སྦྱོང་དང་སློབ་སྦྱོང་གཏིང་ཟབ་བྱས་ནས་ལས་རིགས་ཡོངས་ཀྱི་ལས་བྱེད་ལས་བཟོའི་བསམ་བློ་དང་བྱ་སྤྱོད་ཏང་གི་ཚོགས་ཆེན་ཉི་ཤུ་པའི་དགོངས་དོན་ཐོག་མགྱོགས་མྱུར་གཅིག་གྱུར་ཡོང་བར་སྣེ་ཁྲིད་བྱས་པ་རེད།
སྔ་ཙམ་དྲིལ་བསྒྲགས་བྱས་ནས་རྒྱ་ཁྱབ་ངང་སྐུལ་སློང་ཡོང་བར་དམ་འཛིན་བྱས་ཤིང་། འབྲེལ་ཡོད་བརྡ་ཐོ་དང་ཇུས་གཞི་བཀྲམ་ནས་ཏང་གི་ཚོགས་ཆེན་ཉི་ཤུ་པའི་དགོངས་དོན་སློབ་སྦྱོང་དང་ལག་བསྟར་བྱ་རྒྱུ་དེ་ཏང་ཀྲི་པུའུ་དང་ཏང་ཡོན་གྱི་རྒྱུན་གཏན་སློབ་སྦྱོང་ཁྲོད་བཅུག་སྟེ་རྣམ་པ་མང་བ་དང་། རིམ་པ་ཕྱེ་བ། ཁྱོན་ཡོངས་ལ་ཁྱབ་པ་བཅས་ཀྱི་གསོ་སྦྱོང་སྤེལ་ཡོད།
སྔ་ཙམ་བཀོད་སྒྲིག་བྱས་ནས་ཤེས་སྦྱོར་གཅིག་མཐུན་ཡོང་བར་དམ་འཛིན་བྱས་ཤིང་། ཞིང་ལས་འཕེལ་རྒྱས་དངུལ་ཁང་བོད་ལྗོངས་ཡན་ལག་དངུལ་ཁང་གིས“ཞིང་གསུམ”ལས་དོན་གྱི་སྤྱིའི་བླང་བྱ་ཁོང་དུ་བརྟན་པོ་ཆུད་པར་བྱས་ནས་ཏང་གི་ཚོགས་ཆེན་ཉི་ཤུ་པའི་དགོངས་དོན་སློབ་སྦྱོང་བྱས་པའི་ཕན་འབྲས་དེ་ལས་དོན་ལ་སྐུལ་འདེད་གཏོང་བའི་བྱ་སྤྱོད་ཀྱི་རང་འགུལ་དུ་འགྱུར་བར་བྱས་ནས“དོན་ཆེན་བཞི”དང“འགན་ལེན་བཞིར”དམིགས་ནས་དངུལ་རྩས་ཞིང་ལས་ལ་རྒྱབ་སྐྱོར་བྱེད་ཤུགས་མུ་མཐུད་ཆེ་རུ་བཏང་སྟེ་བྱ་སྤྱོད་དངོས་ཀྱི་ཐོག་ནས་ཏང་གི་ཚོགས་ཆེན་ཉི་ཤུ་པའི་དགོངས་དོན་དོན་ཐོག་ཏུ་འཁྱོལ་བར་སྐུལ་འདེད་བཏང་བ་རེད།