ཉིན་ཤས་བསྟུད་མར། རང་ལྗོངས་ཀྱི་ས་གནས་ཁག་དང་སྡེ་ཚན་ཁག་གིས་རྣམ་པ་སྣ་ཚོགས་ཀྱི་ཐོག་ནས་ཏང་གི་ཚོགས་ཆེན་ཉི་ཤུ་པའི་དགོངས་དོན་སློབ་སྦྱོང་དང་། དྲིལ་བསྒྲགས། ལག་བསྟར་བཅས་གཏིང་ཟབ་བྱས་ཏེ་དུས་རབས་གསར་པར་ཏང་དང་རྒྱལ་ཁབ་ཀྱི་བྱ་གཞག་ལ་ཐོབ་པའི་གྲུབ་འབྲས་རླབས་པོ་ཆེ་ལྷུག་པོར་གླེང་བ་དང་ཏང་གི་ཚོགས་ཆེན་ཉི་ཤུ་པའི་ཐོག་བཏོན་པའི་ལྟེ་བའི་ལས་འགན་དང་འཐབ་ཇུས་བཀོད་སྒྲིག་ལ་གོ་བ་ནན་ཏན་བླངས་ནས། དོན་དངོས་དང་ཟུང་འབྲེལ་གྱིས་དོན་འཁྱོལ་བྱེད་ཐབས་ཇུས་འགོད་བྱས་ཏེ་བྱ་གཞག་འཕེལ་རྒྱས་ཀྱི་རྣམ་པ་གསར་པ་ཧུར་ཐག་བཏོད་ཡོད། ཚང་མས། ཏང་གི་ཚོགས་ཆེན་ཉི་ཤུ་པའི་དགོངས་དོན་སྤྱི་འདོམས་སུ་བྱས་ནས་བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གི་མཐའ་སྐོར་དུ་སྔར་བས་མཐུན་སྒྲིལ་དམ་ཟབ་བྱེད་པ་དང་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དར་ཆ་རླབས་པོ་ཆེ་མཐོན་པོར་བསྒྲེངས་ནས་ཡིད་ཆེས་བརྟན་པོ་དང་། བློ་གཅིག་སེམས་གཅིག དཀའ་སྤྱད་འབད་བརྩོན། དཔའ་ངར་ཆེར་སྐྱེད་བཅས་ཀྱི་སྒོ་ནས་མདུན་དུ་སྐྱོད་དགོས་ཞེས་བཤད་པ་རེད།
ཉིན་ཤས་གོང་། རང་སྐྱོང་ལྗོངས་རང་བྱུང་ཐོན་ཁུངས་ཐིང་གི་ཏང་ཙུའི་ཧྲུའུ་ཅི་ཝང་ཀང་གིས་ཏང་གི་སློབ་ཚན་ཁྲིད་པའི་རྣམ་པའི་ཐོག་ནས་ཁོངས་གཏོགས་དེ་གའི་ཏང་ཡོན་ལས་བྱེད་པར་ཏང་གི་ཚོགས་ཆེན་ཉི་ཤུ་པའི་དགོངས་དོན་སྒྲོག་འགྲེལ་བྱས་ཤིང་། དྲ་ཐོག་དང་དྲ་ཕྱི་ཟུང་འབྲེལ་གྱིས་སྒྲོག་འགྲེལ་བྱས་པར་བསྡོམས་ཏང་ཡོན་ལས་བྱེད་པ་235སློབ་སྦྱོང་ནང་ཞུགས་ཡོད་པ་རེད། ཝང་ཀང་གིས་ཏང་གི་ཚོགས་ཆེན་ཉི་ཤུ་པའི་དོན་དངོས་ཀྱི་དོན་སྙིང་གལ་ཆེན་དང་ལོ་རྒྱུས་ཀྱི་དོན་སྙིང་གཏིང་ཟབ་དང་། ཚོགས་ཆེན་གྱི་སྙན་སྒྲོན་གྲུབ་པའི་བརྒྱུད་རིམ་དང་། གཞི་རྩའི་ཁྱད་ཆོས། སྒྲོམ་གཞིའི་གྲུབ་ཚུལ། ཚོགས་ཆེན་གྱི་སྙན་སྒྲོན་གྱི་ནང་དོན་གཙོ་བོ་དང་བཏོན་པའི་འཐབ་ཇུས་བཀོད་སྒྲིག་སོགས་ལ་དམིགས་ནས་ཏང་གི་ཚོགས་ཆེན་ཉི་ཤུ་པའི་དགོངས་དོན་ལ་ཕྱོགས་ཡོངས་དང་། གཏིང་ཟབ། བརྒྱུད་རིམ་ལྡན་པ་བཅས་ཀྱི་སྒོ་ནས་འགྲེལ་བཤད་བརྒྱབ་པ་དང་། དོན་ཟབ་ལ་གོ་བདེ་བའི་སྒོ་ནས་ཏང་ཡོན་ལས་བྱེད་པར་གསོན་ཉམས་དོད་པའི་ཏང་གི་སློབ་ཚན་ཞིག་ཁྲིད་པ་རེད། ཚང་མས་ཏང་གི་ཚོགས་ཆེན་ཉི་ཤུ་པའི་དགོངས་དོན་སློབ་སྦྱོང་དང་ལག་བསྟར་བྱེད་པའི་བསམ་བློའི་རང་རྟོགས་དང་། ཆབ་སྲིད་ཀྱི་རང་རྟོགས། བྱ་སྤྱོད་ཀྱི་རང་རྟོགས་བཅས་ཆེ་རུ་ཏན་ཏིག་བཏང་ནས་སྤྲོ་སེམས་སྔར་བས་འཕེལ་བ་དང་ངར་ཤུགས་སྔར་ལས་ཆེ་བའི་ཉམས་འགྱུར་ཐོག་ནས་རང་འཁྲིའི་ལས་ཀར་ཕན་འབྲས་དངོས་ཐོན་པར་བྱས་ཏེ་དམངས་འཚོའི་བདེ་རྩ་ཆེ་རུ་ཏན་ཏིག་གཏོང་གི་ཡིན་ཞེས་གཅིག་རྗེས་གཉིས་མཐུད་ངང་བཤད་པ་རེད།
ཉིན་ཤས་བསྟུད་མར། གཞིས་རྩེ་གྲོང་ཁྱེར་གམ་པ་རྫོང་གི་གྲོང་སྡོད་ལས་དོན་རུ་ཁག་ཁག་གིས་གཞི་རིམ་དུ་གཞི་ཚུགས་པ་དང་དོན་དངོས་ལ་གཞི་ཚུགས་ཏེ་གྲོང་སྡོད་ལས་བྱེད་པས་སྔོན་ལ་གོ་བ་གཏིང་ཟབ་ལེན་པ་དང་། གོ་བདེ་བར་བསྒྱུར་བ། བོད་རྒྱ་སྐད་ཡིག་གཉིས་ཀྱི་ཐོག་ནས་སྒྲོག་འགྲེལ་སོགས་ཀྱི་བྱ་ཐབས་སྤྱད་དེ་ཏང་གི་ཚོགས་ཆེན་ཉི་ཤུ་པའི་དགོངས་དོན་སྒྲོག་འགྲེལ་གཏིང་ཟབ་བྱས་ནས་ཏང་གི་གསུང་སྒྲ་གམ་པའི་ས་གཞི་ཆེན་པོར་ཁྱབ་པར་བྱས་ཏེ་ཏང་གི་ཚོགས་ཆེན་ཉི་ཤུ་པའི་དགོངས་དོན་ཞིང་འབྲོག་མང་ཚོགས་ཀྱི་སེམས་ནང་ཟུག་པར་བྱས་ཡོད། མིག་སྔའི་བར། གམ་པ་རྫོང་གི་གྲོང་སྡོད་ལས་དོན་རུ་ཁག་ཁག་གིས“གྲོང་ཚོ་རེར་ཚོགས་པ་རེ”དང་བརྒྱུད་ལམ་སྣ་མང་ལས་སྟེགས་སོགས་བརྒྱུད་དེ་དྲ་ཐོག་ནས་སྒྲོག་འགྲེལ་ཐེངས་400ལྷག་ཙམ་བྱས་པ་རེད།
ཉིན་ཤས་གོང་། མི་དམངས་དངུལ་ཁང་མངའ་རིས་ས་ཁུལ་ལྟེ་བའི་ཉིང་ལག་དངུལ་ཁང་ཏང་ཨུད་ཀྱིས་ཏང་ཨུད་ཀྱི་རིགས་པའི་གཞུང་ལུགས་ལྟེ་བའི་ཚོགས་ཆུང་གི་སློབ་སྦྱོང་ཚོགས་འདུ་འཚོགས་ནས་ཏང་གི་ཚོགས་ཆེན་ཉི་ཤུ་པའི་དགོངས་དོན་གྱི་ཆེད་དོན་སློབ་སྦྱོང་བྱས་ཤིང་། མི་དམངས་དངུལ་ཁང་མངའ་རིས་ས་ཁུལ་ལྟེ་བའི་ཉིང་ལག་དངུལ་ཁང་གི་ལས་བྱེད་པ་དང་ལས་བཟོ་ཚོས། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཛུབ་ཁྲིད་དུ་བྱས་ཏེ་དངུལ་རྩ་དམངས་ཆེད་ཀྱི་ཐོག་མའི་བསམ་འདུན་བརྟན་སྲུང་གིས་འབད་འབུངས་ཡར་བརྩོན་དང་ཞུམ་མེད་མདུན་སྐྱོད་བྱས་ནས་ནུས་ཤུགས་ཡོད་རྒུས་ལས་དོན་ཁག་ཡག་པོ་བསྒྲུབ་རྒྱུ་ཡིན་ཞེས་བཤད་པ་རེད།
ས་བབ་མཐོ་ཚད་སྨི་4200ཟིན་པའི་ཆབ་མདོ་གྲོང་ཁྱེར་འཇོ་མདའ་རྫོང་ཨེ་སངས་གྲོང་ཚོའི་ཏང་དམངས་བྱེད་སྒོ་ལྟེ་གནས་སུ་མང་ཚོགས་60ལྷག་ཙམ་གྱིས་གཟབ་མཆོར་ལེགས་པར་སྤྲས་ནས་བློ་རྩེ་གཅིག་སྒྲིམ་ངང་གྲོང་སྡོད་ལས་དོན་རུ་ཁག་གི་རུ་དཔོན་དགེ་ལེགས་དབང་ཕྱུག་གིས་ཏང་གི་ཚོགས་ཆེན་ཉི་ཤུ་པའི་དགོངས་དོན་སྒྲོག་འགྲེལ་བྱེད་པར་ཉན། “དབུལ་ཞྭ་ཕུད་པ་ནི་མཇུག་མཐའ་མིན་པར་འཚོ་བ་གསར་པ་དང་འབད་འཐབ་གསར་པ་གཏོད་པའི་འགོ་འཛུགས་ས་རེད། གྲོང་ཚོའི་ཐོན་ལས་དེ་བས་སྟོབས་ཆེར་གཏོང་བ་དང་། གྲོང་ཚོའི་རྣམ་པ་དེ་བས་ལེགས་སུ་གཏོང་བ། ཚང་མའི་ཡོང་འབབ་དེ་བས་མང་དུ་གཏོང་བ་བཅས་བྱེད་དགོས། ཏང་གི་འགོ་ཁྲིད་འོག་ང་ཚོའི་འཚོ་བ་ཇི་ཙམ་བསྐྱལ་བ་དེ་ཙམ་གྱིས་ཡག་ཏུ་འགྲོ་ངེས་རེད”དགེ་ལེགས་དབང་ཕྱུག་གིས་ཏང་གི་ཚོགས་ཆེན་ཉི་ཤུ་པའི་བརྗོད་དོན་གཙོ་བོ་དང་། འདས་ཟིན་པའི་ལོ་ལྔའི་ལས་དོན། དུས་རབས་གསར་པའི་ལོ་བཅུའི་འཕོ་འགྱུར་རླབས་པོ་ཆེ་སོགས་ཀྱི་ནང་དོན་ལ་དམིགས་ནས་ཏང་གི་ཚོགས་ཆེན་ཉི་ཤུ་པའི་དགོངས་དོན་གསོན་ཉམས་ལྡན་པའི་ངང་སྒྲོག་འགྲེལ་བྱས་པ་རེད།
སྒྲོག་འགྲེལ་མཇུག་འགྲིལ་རྗེས། ཨེ་སངས་གྲོང་ཚོའི“ཨུ་ལྷན་གཉིས”ཀྱི་ཁོངས་མི་དང་ཕྱུག་འགྱུར་སྣེ་ཁྲིད་པ་ཚོས“རྣམ་པ་གསར་པའི་གྲོང་གསེབ་ཀྱི་མཉམ་སྡེབ་དཔལ་འབྱོར་ཇི་ལྟར་འཕེལ་རྒྱས་གཏོང་བ”དང“ཤིང་བརྐོས་ཐོན་ལས་ཇི་ལྟར་སྲ་བརྟན་དང་འཕེལ་རྒྱས་གཏོང་བ”སོགས་ཀྱི་གནད་དོན་ཐད་གྲོས་བསྡུར་གཏིང་ཟབ་བྱས་པས་སྒྲོག་འགྲེལ་བྱ་ཡུལ་གྱི་རྣམ་པ་ཧ་ཅང་འཁྲུག་པོར་གྱུར། དགེ་ལེགས་དབང་ཕྱུག་གིས། གྲོང་སྡོད་ལས་དོན་རུ་ཁག་གིས་གྲོང་ཚོའི“ཨུ་ལྷན་གཉིས”དང་མཉམ་དུ་ཏང་གི་ཚོགས་ཆེན་ཉི་ཤུ་པའི་དགོངས་དོན་གྲོང་གསེབ་དར་རྒྱས་ལ་སྐུལ་འདེད་གཏོང་བའི་སྒུལ་ཤུགས་ཆེན་པོར་ཏན་ཏིག་བསྒྱུར་ནས་མང་ཚོགས་ཀྱི་སྣེ་ཁྲིད་དེ་རྣམ་པ་གསར་རྐྱང་གི་ཐོག་ནས་སྤྱི་ཚོགས་རིང་ལུགས་དེང་རབས་ཅན་གྱི་བོད་གསར་འཛུགས་སྐྲུན་བྱེད་པའི་རྒྱང་ལམ་གསར་པར་འབད་འཐབ་བྱེད་ཀྱི་ཡིན་ཞེས་བཤད་པ་རེད།