མཐའ་མཚམས་ས་ཁུལ་གྱི་རྨང་གཞིའི་སྒྲིག་བཀོད་འཛུགས་སྐྲུན་ལ་ཤུགས་སྣོན་རྒྱག་པ་དང་། མཐའ་དར་དམངས་ཕྱུག་གི་བྱ་སྤྱོད་ལག་ལེན་བསྟར་བ། མཐའ་མཚམས་ས་ཁུལ་གྱི་འཕེལ་རྒྱས་ལ་སྐུལ་འདེད་གཏོང་བ་བཅས་བྱས་ནས་མཐའ་མཚམས་བརྟན་ལྷིང་དང་། མཐའ་མཚམས་སྲ་བརྟན། མཐའ་མཚམས་དར་རྒྱས་བཅས་ཀྱི་ནུས་པ་ཕྱོགས་ཡོངས་ནས་ཆེ་རུ་བཏང་སྟེ་རྒྱལ་ཁབ་ཀྱི་མཐའ་བརྟན་དང་། མཐའ་དར། དམངས་ཕྱུག་བཅས་ཀྱི་བྱ་སྤྱོད་དཔེ་སྟོན་ཁུལ་ནུས་ཤུགས་ཡོད་རྒུས་འཛུགས་གཏོད་བྱེད།

འདི་ནི“ཁྱིམ་ནི་ཡུལ་སྨད་དང་རྒྱལ་ཁབ་ནི་ཀྲུང་གོ་ཡིན”མི་ཚང་མས་བླ་ན་མེད་པའི་རྒྱལ་ཁོངས་སྲུང་མཁན་ཞིག་དང་བདེ་སྐྱིད་ལྡན་པའི་ཁྱིམ་གཞིས་སྐྲུན་མཁན་ཞིག་བརྩོན་ལེན་བྱེད་བཞིན་ཡོད། འདི་ནི“བདུན་གཅིག་བྱས་རྗེས་གཟེངས་རྟགས”ཐོབ་མཁན་སྒྲོལ་དཀར་དང“དུས་རབས་ཀྱི་མིག་དཔེ”ཡིན་པའི་གཅུང་མོ་གཡང་འཛོམས་གཉིས་ཀྱིས་མཉམ་དུ་མཐའ་སྲུང་སྐོར་གཡེང་བྱེད་བཞིན་པ།

འདི་ནི་ཏང་གི་འོད་ཟེར་མཐའ་མཚམས་སུ་འཕྲོས། མཐའ་མཚམས་མི་དམངས་ཀྱི་སེམས་པ་ཏང་ལ་ཕྱོགས། མི་རིགས་ཁག་གི་མང་ཚོགས་ཀྱིས་བབ་ཆགས་ལ་སྤྲོ་སེམས་འཁོལ་བའི་རྣམ་པའི་ཐོག་ནས་ཏང་གཅེས་རྒྱལ་གཅེས་ཀྱི་སེམས་པ་མཚོན་པར་བྱས་ཡོད། འདི་ནི་2021ལོའི་ཟླ་7ཚེས་1ཉིན་བོད་རང་སྐྱོང་ལྗོངས་གོང་དཀར་རྫོང་གི་ཏང་ཡོན་གྱིས་ཀྲུང་གོ་གུང་ཁྲན་ཏང་དབུ་བརྙེས་ནས་ལོ་ངོ་100འཁོར་བའི“ནམ་ཡང་ཏང་གི་རྗེས་སུ་འབྲང་བའི”བརྗོད་དོན་གཙོ་བོའི་ཏང་གི་ཉིན་མོའི་བྱེད་སྒོ་སྤེལ་བ།

འདི་ནི་བོད་རང་སྐྱོང་ལྗོངས་སྨན་གླིང་རྫོང་ཁྱུང་གླིང་གྲོང་ཚོའི་གྲོང་མིས་སྐོར་གཡེང་མཐའ་བརྟན་གྱི་བྱེད་སྒོ་སྤེལ་བ།

འདི་ནི་མཐའ་མཚམས་རྒྱུད་ཀྱི་འཕེལ་རྒྱས་ཁུལ་མགྱོགས་མྱུར་འཛུགས་སྐྲུན་བྱས་ནས་མཐའ་མཚམས་ཀྱི་འཐབ་ས་དང་པོའི་མི་རིགས་ཁག་གི་མང་ཚོགས་ཀྱི་འཚོ་བར་འགན་ལེན་ཡོད་པ་དང་། ཕྱུག་འགྱུར་ལ་ཐབས་ལམ་ལྡན་པ། མཐའ་སྲུང་ལ་སྒུལ་ཤུཌ་ཡོད་པ། འཕེལ་རྒྱས་ལ་འདེགས་སྐྱོར་ཡོད་པ་བཅས་བྱུང་ཡོད། འདི་ནི་བོད་རང་སྐྱོང་ལྗོངས་མཚོ་སྣ་རྫོང་ཇ་ལོ་ཆེད་ལས་མཉམ་ལས་ཁང་གི་ཞིང་འབྲོག་པས་ཇ་ལོ་གསར་པ་འཐུ་བཞིན་པ།

འདི་ནི་མཐའ་མཚམས་འབྱོར་འབྲིང་གྲོང་ཚོ་མགྱོགས་མྱུར་འཛུགས་སྐྲུན་བྱས་ནས་མཐའ་མཚམས་གྲོང་མིའི་སྡོད་མལ་ལ་འཚམ་པ་དང་ལས་རིགས་ལ་འཚམ་ཞིང་། འདི་ནི་2020ལོའི་ཟླ་11ཚེས་25ཉིན་ཧྲང་ཧའེ་གྲོང་ཁྱེར་གྱིས་སྐྲུན་རོགས་བྱས་པའི་མཐའ་མཚམས་འབྱོར་འབྲིང་གྲོང་ཚོའི་དཔེ་སྟོན་རྣམ་གྲངས་བསྐྲུན་ཟིན་པ་དང་གྲོ་མོ་རྫོང་དུད་སྣ་ཤང་འཕང་མདའ་གྲོང་ཚོའི་མཐའ་མཚམས་མང་ཚོགས་སྡོད་ཁང་གསར་པར་སྤོས་པ།

འདི་ནི་མཐའ་མཚམས་ས་ཁུལ་གྱི་འགྲིམ་འགྲུལ་དང་། ནུས་རྒྱུ། ཆུ་བེད། འཕྲིན་གཏོང་། གནམ་གཤིས་སོགས་རྨང་གཞིའི་སྒྲིག་བཀོད་འཛུགས་སྐྲུན་ལ་སྤྱི་འདོམས་སྐུལ་འདེད་བཏང་ཞིང་། 2013ལོའི་ཀྲུང་གོའི་རྫོང་ལ་ཤར་གཏོང་ཐུབ་པའི་གཞུང་ལམ་མཐའ་མ——མེ་ཏོག་གཞུང་ལམ་གྱི་ལམ་ཐིག་ཧྲིལ་པོ་འབྲེལ་མཐུད་ཐུབ་པ་དང་2020ལོར་བཅོས་སྒྲིག་བསྐྱར་སྐྲུན་ལེགས་སྒྲུབ་ཟིན་ཡོད། འདི་ནི་2021ལོའི་ཟླ་11པར་པར་བླངས་པའི་མེ་ཏོག་གི་གཞུང་ལམ་ཡིན་པ།

འདི་ནི་2015ལོའི་ཟླ་4ཚེས་25ཉིན་ནེ་པ་ལར་ས་ཡོམ་ཆེས་ཚབས་ཆེན་རིམ་པ་8.1བརྒྱབ་ནས་མཐའ་མཚམས་འགག་སྒོར་གནས་པའི་སྐྱིད་གྲོང་རྫོང་སྐྱིད་གྲོང་གྲོང་རྡལ་ལ་གནོད་འཚེ་ཚབས་ཆེན་ཕོག་ཡོད། འདི་ནི་གེགས་རྗེས་བསྐྱར་སྐྲུན་གྱི་སྐྱིད་གྲོང་གྲོང་རྡལ་གྱི་རྣམ་པ་གསར་པ་ཡིན་པ།