སྔོན་འགྲོའི་གཏམ།
རང་ལྗོངས་ཀྱིས་བོད་ཀྱི་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་དང་དུས་རབས་གསར་པའི་ཏང་གི་བོད་སྐྱོང་མཛད་ཇུས་ལག་བསྟར་དོན་འཁྱོལ་གཏིང་ཟབ་བྱས་ཏེ། ཀྲུང་དབྱང་གི་ཐུགས་ཁུར་དང་རྒྱལ་ཡོངས་ཀྱི་རྒྱབ་སྐྱོར་འོག བརྟན་ལྷིང་དང་། འཕེལ་རྒྱས། སྐྱེ་ཁམས། མཐའ་སྟོབས་བཅས་ཀྱི“དོན་ཆེན་བཞིར”དམ་འཛིན་ཡག་པོ་བྱས་པ་དང་། དུས་བཀག་ལྟར་དབུལ་སྒྲོལ་འགག་སྒྲོལ་གྱི་དམག་འཐབ་ལ་རྒྱལ་ཁ་བླངས་པ། ཕྱོགས་ཡོངས་ནས་འབྱོར་འབྲིང་སྤྱི་ཚོགས་བསྐྲུན་པ་དང་། སྤྱི་ཚོགས་སྤྱི་ཡོངས་རྒྱུན་མཐུད་ཞི་མཐུན་བརྟན་ལྷིང་དང་། དཔལ་འབྱོར་སྐྱོན་བྲལ་ངང་མགྱོགས་མྱུར་འཕེལ་རྒྱས། སྐྱེ་ཁམས་ཁོར་ཡུག་བཟང་པོ་རྒྱུན་འཁྱོངས། མཐའ་མཚམས་སྲ་བརྟན་དང་མཐའ་མཚམས་བདེ་འཇགས་བཅས་མངོན་འགྱུར་བྱུང་ནས། བྱ་གཞག་ཁག་ལ་ཕྱོགས་ཡོངས་ནས་ཡར་ཐོན་དང་ལོ་རྒྱུས་རང་བཞིན་གྱི་གྲུབ་འབྲས་ཐོབ་ཡོད།
བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གིས་བོད་ཀྱི་ལས་དོན་ལ་ཚད་མཐོའི་མཐོང་ཆེན་གནང་ནས་དུས་རབས་གསར་པའི་ཏང་གི་བོད་སྐྱོང་མཛད་ཇུས་གཏན་འཁེལ་དང་། བོད་ལ་རྒྱབ་སྐྱོར་བྱེད་པའི་གཙོ་གནད་རྣམ་གྲངས་འབོར་ཆེན་གཏན་འཁེལ། དམིགས་བསལ་གཟིགས་སྐྱོང་སྲིད་ཇུས་རབ་དང་རིམ་པ་བཟོས་ནས་ལག་བསྟར་བཅས་གནང་སྟེ། བོད་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་བཏང་བ་རེད།
འདི་ནི་ཐེན་ཅིན་གྲོང་ཁྱེར་གྱིས་རོགས་སྐྲུན་བྱས་པའི་ཆབ་མདོ་གྲོང་ཁྱེར་ཁ་རུབ་ཆུས་སློབ་ཆུང་ཡིན་པ།
རང་ལྗོངས་ཀྱིས་ལས་ཞུགས་དང་། སློབ་གསོ། སྨན་བཅོས། སྡོད་ཁང་སོགས་དམངས་འཚོའི་འདུ་འགོད་རྣམ་གྲངས་གལ་ཆེན་འཛུགས་སྐྲུན་ལ་ཕྱོགས་ཡོངས་ནས་སྐུལ་འདེད་གཏོང་བར་ཀྲུང་དབྱང་གི་རྒྱབ་སྐྱོར་ཐོབ་ཡོད། འདི་ནི་སྐྲུན་བཞིན་པའི་བོད་རང་སྐྱོང་ལྗོངས་སྨན་ཁང་ཡིན་པ།
2022ལོའི་ཟླ་7ཚེས་8ཉིན། རྒྱལ་ཁབ་ཀྱིས་མ་དངུལ་སྒོར་དུང་ཕྱུར་6.6བཏང་ནས་བསྐྲུན་པའི་བོད་ལྗོངས་རྟེན་རྫས་བཤམས་མཛོད་ཁང་གསར་པ་སྒོ་ཕྱེ་ཡོད། རྟེན་རྫས་བཤམས་མཛོད་ཁང་གསར་པའི་ས་བཟུང་རྒྱ་ཁྱོན་ལ་སྨི་ངོས་གྲུ་ཁྲི་6.5ཟིན་པ་དང་ཉར་ཚགས་དངོས་པོ་ཁྲི་52ལྷག་ཙམ་ཟིན་པ་དེ་ནི་ཉར་ཚགས་དང་། འགྲེམས་སྟོན། ཞིབ་འཇུག སློབ་གསོ། ཞབས་ཞུ་སོགས་ཀྱི་བྱེད་ནུས་གཅིག་ཏུ་འདུས་པའི་རྒྱལ་ཁབ་རིམ་པ་དང་པོའི་དེང་རབས་ཅན་གྱི་ཕྱོགས་བསྡུས་རྟེན་རྫས་བཤམས་མཛོད་ཁང་ཞིག་རེད།
རྨང་གཞིའི་སྒྲིག་བཀོད་དེ་བས་འཐུས་སྒོ་ཚང་དུ་ཕྱིན་ནས་བོད་ཀྱི་དམངས་སྤྱོད་མཁའ་འགྲུལ་གྱི་མཁའ་ལམ་152བར་མང་དུ་ཕྱིན་པ་དང་། མཁའ་ལམ་ཤར་གཏོང་ཐུབ་པའི་གྲོང་ཁྱེར་68བར་མང་དུ་ཕྱིན་པ། གནམ་ཐང་ནས་འགྲོ་འོང་བྱེད་པའི་དུས་གཏན་གནམ་གྲུ་ཉིན་རེར་ཆ་སྙོམས་ཐེངས་219ཟིན་པ། 2021ལོར་འགྲུལ་པ་སྐྱེལ་འདྲེན་བྱེད་ཚད་མི་ཐེངས་ཁྲི་603ལྷག་ཙམ་ཟིན་ཡོད། འདི་ནི་ལྷ་ས་གྲོང་ཁྱེར་གོང་དཀར་རྒྱལ་སྤྱིའི་གནམ་ཐང་T3གནམ་ཐང་བབས་ཚུགས་ཀྱི་ཟུར་ཞིག་ཡིན་པ།
མཚོ་བོད་དང་། ཁྲོན་བོད། བོད་དབུས། མངའ་རིས་བཅས་ཀྱི་གློག་དྲ་དྲ་སྦྲེལ་ཐུབ་པ་དང“གློག་ཤུགས་མཁའ་ལམ”བཞི་པོས་བོད་ཀྱི་ཁྱིམ་ཚང་ཁྲི་སྟོང་མང་པོར་རྒྱུན་ཆད་མེད་པར་གློག་གཏོང་བཞིན་ཡོད་པ་དང་2015ལོ་ནས་བཟུང་རིམ་རྩིས་བྱས་ན་གློག་གཏོང་ཚད་ཆུ་ཚོད་ཆན་ཝ་དུང་ཕྱུར་92ཟིན་ཡོད། འདི་ནི“གློག་ཤུགས་མཁའ་ལམ”གྱི་ལྕགས་སྒྲོམ་ཡིན་པ།
རང་ལྗོངས་ཀྱིས་གཞུང་ལམ་དང་། ལྕགས་ལམ། མཁའ་འགྲུལ། མདོང་ལམ་སོགས་སྐྱེལ་འདྲེན་སྣ་ཚོགས་ཚུད་པའི་ཕྱོགས་བསྡུས་ལངས་གཟུགས་ཀྱི་འགྲིམ་འགྲུལ་དྲ་བ་གཞི་རྩའི་ཆ་ནས་བསྐྲུན་རྒྱུར་ཀྲུང་དབྱང་གི་རྒྱབ་སྐྱོར་ཐོབ་ཡོད། 2021ལོའི་ཟླ་6ཚེས་25ཉིན། ཁྲོན་བོད་ལྕགས་ལམ་ལྷ་ཉིང་དུམ་བུ་དངོས་སུ་ཤར་གཏོང་ཐུབ་ཅིང་། འདི་ནི་ཤར་གཏོང་ཐུབ་པའི་ཉིན་དེར་བསྐྱར་དར་རྟགས་ཅན་གྱི་ས་མཐོའི་གློག་རླངས་ཉིས་ལྡན་གྱི་ཤུགས་འགྲེམས་མེ་འཁོར་མཚོ་བོད་ས་མཐོར་ཐེངས་དང་པོ་སྐྱོད་བཞིན་པ།