2022ལོའི་ཟླ་10ཚེས་16ཉིན། ཀྲུང་གོ་གུང་ཁྲན་ཏང་རྒྱལ་ཡོངས་འཐུས་མི་ཚོགས་ཆེན་ཐེངས་ཉི་ཤུ་པ་རྒྱལ་ཁའི་ངང་འགོ་ཚུགས་པ་དང་། བོད་ཀྱི་འཐུས་མི་ཚོགས་པའི་འཐུས་མི་ཡོངས་ཀྱིས་ཏང་ཡོན་ཁྲི་43དང་མི་རིགས་ཁག་གི་མི་དམངས་ཁྲི་360ལྷག་ཙམ་གྱི་མངགས་བཅོལ་ཟབ་མོ་ཐུགས་ལ་བཅངས་ཏེ། སྤྲོ་སེམས་རབ་ཏུ་འཕེལ་བའི་སྒོ་ནས་འགོ་ཚུགས་ཚོགས་ཆེན་ལ་ཞུགས་ཤིང་། ཁོང་རྣམ་པའི་སྙིང་སྟོབས་ལྷག་པར་འཕེལ་ཞིང་གོམ་སྟབས་ཤིན་ཏུ་བརྟན།

ཆུ་ཚོད་བཅུ་པ་ཏག་ཏག་ལ་ཚོགས་འདུ་འགོ་ཚུགས་པ་དང་། ཚང་མས་ཡར་བཞེངས་ནས་སྐད་གཟེངས་མཐོན་པོས་རྒྱལ་གླུ་བླངས་པས། རྔམ་བརྗིད་ལྡན་པའི་འགྱུར་ཁུག་ཚོགས་ར་ཡོངས་སུ་གྲགས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཀྲུང་གོ་གུང་ཁྲན་ཏང་སྐབས་བཅུ་དགུ་པའི་ཀྲུང་དབྱང་ཨུ་ཡོན་ལྷན་ཁང་གི་ཚབ་ཞུས་ནས་ཚོགས་ཆེན་ལ་སྙན་སྒྲོན་གནང་བ་རེད།

འགོ་ཚུགས་ཚོགས་འདུ་གྲོལ་རྗེས། རང་ལྗོངས་ཀྱི་འཐུས་མི་རྣམས་ཚོགས་ར་ནས་དོན་ཞིང་། ཚང་མར་སེམས་འགུལ་ཆེན་པོ་ཐེབས་པ་དང་ཡིད་ཆེས་ཀྱིས་ཁེངས་ཡོད།