ནག་ཆུ་གྲོང་ཁྱེར་གྱི“ཁེ་ལས་ལ་རོགས་རམ་དང་དམངས་ལ་ཕན་པ་སྐྲུན། ཉོ་སྒྲུབ་ལ་སྤྲོ་བའི་ནག་ཆུ”ཞེས་པའི་ཟླ་10པའི་འཛད་སྤྲོད་ལ་སྐུལ་འདེད་གཏོང་བའི་བྱེད་སྒོའི་སྤྱི་བསྒྲགས།

  དམངས་འཚོ་འགན་ལེན་དང་ལེགས་སུ་གཏོང་བ་དང་། དཔལ་འབྱོར་ཕྱོགས་སྒྱུར་རིམ་སྤོར་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བ། ནག་ཆུ་གྲོང་ཁྱེར་གྱི་འཛད་སྤྱོད་ཁྲོམ་ར་འཁྲུག་ཏུ་ནུས་ལྡན་གཏོང་བ། མི་རིགས་ཁག་གི་མང་ཚོགས་ཀྱི་འཛད་སྤྱོད་ཀྱི་དགོས་མཁོ་སྔར་བས་ལེགས་པའི་སྒོ་ནས་སྐོང་བ་བཅས་བྱ་ཆེད། ནག་ཆུ་གྲོང་ཁྱེར་གྱི“ཁེ་ལས་ལ་རོགས་རམ་དང་མི་དམངས་ལ་ཕན་པ་སྐྲུན། ཉོ་སྒྲུབ་ལ་སྤྲོ་བའི་ནག་ཆུ”ཞེས་པའི་ཟླ་10པའི་འཛད་སྤྱོད་ལ་སྐུལ་འདེད་གཏོང་བའི་བྱེད་སྒོ་ཟླ་10ཚེས་1ཉིན་དངོས་སུ་སྤེལ་འགོ་ཚུགས་ཤིང་། ཀྲུང་གོ་དངུལ་འབྲེལ་གྱི་སྤྲིན་ཚོམས་མྱུར་སྤྲོད་ཅེས་པའི་APPབརྒྱུད། གྲོང་ཁྱེར་ཡོངས་ཀྱི་འཛད་སྤྱོད་པར་དམངས་ཕན་འཛད་སྤྱོད་འཛིན་ཤོག་སྣ་ཚོགས་སྤྲད་དང་སྤྲོད་མུས་རེད། ད་ལྟ་བྱེད་སྒོའི་འབྲེལ་ཡོད་དོན་ཚན་སྤྱི་བསྒྲགས་གཤམ་གསལ།

གཅིག བྱེད་སྒོའི་དུས་ཚོད་དང་ཁྱབ་ཁོངས།

  2022ལོའི་10ཟླ་1ཉིན་ནས་10ཟླ་31ཉིན་གྱི་ཆུ་ཚོད་24:00བར།

  བྱེད་སྒོར་ཞུགས་མཁན་ཁྱབ་ཁོངས། ནག་ཆུ་གྲོང་ཁྱེར་དུ་ཡོད་པའི་མི་ཚང་མ་བྱེད་སྒོར་ཞུགས་ཆོག

གཉིས། འཛིན་ཤོག་ལེན་སྟངས།

  འཛད་སྤྱོད་པས་ལག་ཐོགས་ཁ་པར་དུ་ཀྲུང་གོ་དངུལ་འབྲེལ་སྤྲིན་ཚོམས་མྱུར་སྤྲོད་APPཕབ་རྗེས། ནག་ཆུ་གྲོང་ཁྱེར་གྱི་གནས་གཏན་འཁེལ་བྱེད་པ་དང་། དེ་རྗེས་དེའི་ནང་གི“ཁེ་ལས་ལ་རོགས་རམ་དང་མི་དམངས་ལ་ཕན་པ་སྐྲུན། ཉོ་སྒྲུབ་ལ་སྤྲོ་བའི་ནག་ཆུ”ཞེས་པ་མནན་ནས། རང་གི་འཛད་སྤྱོད་ཀྱི་དགོས་མཁོ་གཞིར་བཟུང“ཚོང་ཁང་དང་སྒོ་རྩིས་ཚོང་ཁང་གི་བཟའ་བཏུང་སྣུམ་སྣོན་འཛིན་ཤོག”དང“ཁྱིམ་ཆས་ཀྱི་གྲངས་འཛིན་ཀུན་འཐུས་འཛིན་ཤོག”བླང་ཆོག

གསུམ། ཁ་གསབ་ཀྱི་ཚད་གཞི་དང་བེད་སྤྱོད་བྱེད་སྟངས།

(གཅིག) ཁ་གསབ་ཀྱི་ཚད་གཞི། 

  1.ཚོང་ཁང་དང་སྒོ་རྩིས་ཚོང་ཁང་གི་བཟའ་བཏུང་སྣུམ་སྣོན་འཛིན་ཤོག  སྒོར་100ཟིན་ཚེ་སྒོར་30གཅོག་རྒྱུ་དང་། སྒོར་200ཟིན་ཚེ་སྒོར་60གཅོག་རྒྱུ། སྒོར་300ཟིན་ཚེ་སྒོར་100གཅོག་རྒྱུ། སྒོར་400ཟིན་ཚེ་སྒོར་150གཅོག་རྒྱུ་ཡིང་ཞིང་། བེད་སྤྱོད་བསྐྱར་མ་བྱེད་མི་ཆོག

  2. ཁྱིམ་ཆས་ཀྱི་གྲངས་འཛིན་ཀུན་འཐུས་འཛིན་ཤོག སྒོར་1000ཟིན་ཚེ་སྒོར་200གཅོག་རྒྱུ་དང་། སྒོར་3000ཟིན་ཚེ་སྒོར་500བྱས་པའི་འཛད་སྤྱོད་འཛིན་ཤོག་གཉིས་ཀྱི་རིན་གོང་གཅོག་རྒྱུ་ཡིང་ཞིང་། བེད་སྤྱོད་བསྐྱར་མ་བྱེད་མི་ཆོག སུ་སྔོན་ལ་སླེབས་ན་དེར་འཛིན་ཤོག་སྔོན་ལ་ཐོབ་པ་དང་འཛིན་ཤོག་མང་ཉུང་ལ་ཚད་བཀག་ཡོད་པས་དུས་ཚོད་དམ་འཛིན་བྱེད་དགོས། དངོས་ཟོག་སྣ་ཁ་གཅིག་ལས་མ་ཉོས་ཚེ་འཛིན་ཤོག་གཅིག་ལས་སྤྱད་མི་ཆོག

 (གཉིས)འཛིན་ཤོག་བེད་སྤྱོད་བྱེད་སྟངས། 

  སྤྱོད་མཁན་གྱིས“སྤྲིན་ཚོམས་མྱུར་སྤྲོད་APP”ནང་འོས་སྦྱོར་མང་པོ་བྱས་པའི“ཁེ་ལས་ལ་རོགས་རམ་དང་མི་དམངས་ལ་ཕན་པ་སྐྲུན། ཉོ་སྒྲུབ་ལ་སྤྲོ་བའི་ནག་ཆུ”ཞེས་པའི་དྲ་ངོས་སུ་འཛུལ་ཏེ། རིན་མི་དགོས་པར་སྒོར་30དང་། སྒོར་60 སྒོར་100 སྒོར་150བཅས་ཟིན་པའི་ཚོང་ཁང་དང་སྒོ་རྩིས་ཚོང་ཁང་གི་བཟའ་བཏུང་སྣུམ་སྣོན་འཛིན་ཤོག་ལེན་པ་དང་། སྒོར་200དང་སྒོར་500ཟིན་པའི་ཁྱིམ་ཆས་ཀྱི་གྲངས་འཛིན་ཀུན་འཐུས་འཛིན་ཤོག་ལེན་དགོས། མི་རེས་འཛིན་ཤོག་རེ་ནས་སྣ་ཁ་གཉིས་ལས་བླང་མི་ཆོག་ཅིང་། ཁྱོན་བསྡོམས་སྣ་ཁ་བཅུ་གཉིས་བླང་ཆོག

  འཛིན་དངུལ་སྤྱོད་པའི་དུས་ཚོད་ནི། ཉིན་ལྟར་གྱི་ཆུ་ཚོད་00:00ནས་24:00བར་ཡིན་པ་དང་། འཛད་སྤྱོད་འཛིན་ཤོག་གི་དངོས་ཡོད་གོ་ཆོད་དུས་ཡུན་ནི། འཛིན་ཤོག་ངོས་ཀྱི་གོ་ཆོད་དུས་ཡུན་གཞིར་འཛིན་རྒྱུ་དང་། 2022ལོའི་ཟླ་10ཚེས་31ཉིན་གྱི་ཆུ་ཚོད་23:59:59བར་སྤྱད་ཆོག་གི་ཡོད། འཛད་སྤྱོད་པས་སྲིད་གཞུང་གིས་ཁྱབ་བསྒྲགས་བྱས་པའི་ཚོང་དུད་ཁག་ཏུ་འཛད་སྤྱོད་བྱས་ཚེ་གཞི་ནས་གོང་གསལ་གྱི་གཟིགས་སྐྱོང་ལོངས་སུ་སྤྱད་ཆོག

བཞི། འཛད་སྤྱོད་པས་བློ་འདྲི་དང་ཞུ་གཏུག་ཐེར་འདོན་བྱེད་སྟངས།

  བྱེད་སྒོ་སྤེལ་རིང་། གལ་སྲིད་དམངས་ཕན་འཛད་སྤྱོད་འཛིན་ཤོག་ཐད་འཛད་སྤྱོད་པར་དོགས་གཞི་ཡོད་པའམ་ཡང་ན། འཛད་སྤྱོད་པའི་ཁྲིམས་མཐུན་ཁེ་དབང་ལ་གནོད་འཚེ་གཏོང་བའི་གནས་ཚུལ་ཐོན་པ་དང་། བྱེད་སྒོར་ཞུགས་མཁན་ཚོང་པས་དངུལ་སྨར་བརྗེ་སྤྲོད་བྱེད་པ་སོགས་ཁྲིམས་འགལ་སྒྲིག་འགལ་གྱི་བྱེད་སྤྱོད་ཤེས་ཚེ། གཤམ་གྱི་ཁ་པར་བརྒྱུད་བློ་འདྲི་དང་ཞུ་གཏུག་བྱས་ནས་ཐེར་འདོན་བྱ་ཆོག

  ཁྲིམས་འགལ་བྱེད་སྤྱོད་ཐེར་འདོན་ཁ་པར་ཨང་གྲངས། 110 

  འཛད་སྤྱོད་ཞུ་གཏུག་ཐེར་འདོན་ཁ་པར་ཨང་གྲངས། 12315 

  ཀྲུང་གོ་དངུལ་འབྲེལ་མ་རྐང་ཚད་ཡོད་ཀུང་སི་བོད་ལྗོངས་ཡན་ལག་ཀུང་སིའི་བློ་འདྲིའི་ཁ་པར་ཨང་གྲངས། 0891-6846165 

 སྤྱི་བསྒྲགས་འདིའི་མཐའ་མའི་འགྲེལ་བཤད་བྱེད་དབང་བོད་ལྗོངས་ནག་ཆུ་གྲོང་ཁྱེར་ཚོང་དོན་ཅུས་ལ་ཡོད། གལ་ཏེ་བྱེད་སྒོ་ནར་འགྱངས་བྱས་ཚེ་བོད་ལྗོངས་ནག་ཆུ་གྲོང་ཁྱེར་ཚོང་དོན་ཅུས་ཀྱིས་ལོགས་སུ་སྤྱི་བསྒྲགས་སྤེལ་གྱི་ཡིན། 

ཟུར་བཀོད། 

  བོད་ལྗོངས་ནག་ཆུ་གྲོང་ཁྱེར་གྱི“ཁེ་ལས་ལ་རོགས་རམ་དང་མི་དམངས་ལ་ཕན་པ་སྐྲུན། ཉོ་སྒྲུབ་ལ་སྤྲོ་བའི་ནག་ཆུ”ཞེས་པའི་ཟླ་10པའི་འཛད་སྤྱོད་ལ་སྐུལ་འདེད་གཏོང་བའི་བྱེད་སྒོའི་ཚོང་པའི་མིང་ཐོ།

ནག་ཆུ་གྲོང་ཁྱེར་ཚོང་དོན་ཅུས་ཀྱིས། 

2022ལོའི་ཟླ་10ཚེས་12ཉིན།