སྨན་གླིང་རྫོང་གནས་ཡུལ་ལྷོ་པ་མི་རིགས་ཤང་གནས་ཡུལ་གྲོང་ཚོར་ཏང་གི་ཚོགས་ཆེན་ཉི་ཤུ་པའི་འཐུས་མི་ཡིན་པའི་གནས་ཡུལ་གྲོང་ཚོའི་ཏང་ཀྲི་པུའི་སྒྲིག་བཤེར་ཨུ་ཡོན་བུད་མེད་མཉམ་འབྲེལ་ལྷན་ཚོགས་ཀྱི་ཀྲུའུ་ཞི་ཡག་ཤར་གྱི་སྐོར་གླེང་སྐབས་བསྟོད་པའི་མཐེ་བོང་མི་སྒྲེང་མཁན་གཅིག་ཀྱང་མེད། ལོ་མང་རིང་ཡག་ཤར་གྱིས་སྔ་ཕྱི་བར་གསུམ་དུ་མེས་རྒྱལ་གྱི་མཐའ་མཚམས་སུ་གཞིས་ཚུགས་ནས་གུང་ཁྲན་ཏང་ཡོན་ཞིག་གི་གཟི་བརྗིད་ལས་འགན་བརྟན་སྲུང་བྱས་ཤིང་། ལྷོ་པ་མི་དམངས་ཀྱི་སྣེ་ཁྲིད་ནས་མཐའ་དར་ཕྱུག་འགྱུར་དང་རྒྱལ་སྲུང་ཁྱིམ་སྲུང་གིས་བྱ་སྤྱོད་དངོས་ལ་བརྟེན་ནས“ངས་མེས་རྒྱལ་གྱི་ཆེད་དུ་མཐའ་མཚམས་སྲུང་། མཐའ་མཚམས་མི་དམངས་ཀྱི་སེམས་པ་ཏང་ལ་ཕྱོགས་པའི”ཐོག་མའི་བསམ་འདུན་མཚོན་པར་བྱས་ཏེ་སྤྱིར་བཏང་ཡིན་ལ་རླབས་ཆེན་གྱི་དུས་རབས་གསར་པའི་ལྷོ་པའི་བསྟོད་གླུ་ཞིག་བརྩམས་ཡོད།

ཏང་གི་སྲིད་ཇུས་བཟང་པོ་བརྒྱུད་སྤྲོད་བྱེད་མཁན་སྒྲོག་འགྲེལ་པ།

“ཕ་ཡུལ་གྱི་འཕེལ་རྒྱས་ཆེད་དུ་ངས་རང་ཉིད་ཀྱི་ནུས་ཤུགས་བཏོན་ནས་ཚང་མ་དེ་བས་བདེ་སྐྱིད་ལྡན་པའི་འཚོ་བ་སྐྱེལ་ཐུབ་པ་བྱེད་ཀྱི་ཡིན”

1983ལོར་སྐྱེས་པའི་ཡག་ཤར་ནི་2009ལོར་གཟི་བརྗིད་ལྡན་པའི་ངང་ཀྲུང་གོ་གུང་ཁྲན་ཏང་ལ་ཞུགས་པ་དང་། 2021ལོའི་ཟླ་2པར། གནས་ཡུལ་གྲོང་ཚོའི་ཏང་ཀྲི་པུའི་སྒྲིག་བཤེར་ཨུ་ཡོན་དང་བུད་མེད་མཉམ་འབྲེལ་ལྷན་ཚོགས་ཀྱི་ཀྲུའུ་ཞིར་བདམས།

གནས་ཡུལ་གྲོང་ཚོར་ལྷོ་པ་རིགས་དང་། བོད་རིགས། མོན་པ་རིགས། རྒྱ་རིགས། ཧུའེ་རིགས་བཅས་མི་རིགས་ཁག་5ཡུལ་དེར་འཚོ་བ་སྐྱེལ་གྱི་ཡོད་ཅིང་། གྲངས་ཉུང་མི་རིགས་ཀྱི་བུད་མེད་ལས་བྱེད་པ་ཞིག་ཡིན་པའི་ཡག་ཤར་གྱིས་ཐོག་མཐའ་བར་གསུམ་དུ་མེས་རྒྱལ་གཅིག་གྱུར་ལ་སྲུང་སྐྱོང་དང་མི་རིགས་མཐུན་སྒྲིལ་ལ་ཤུགས་སྣོན་རྒྱག་པ་དེ་རང་ཉིད་ཀྱི་བྱ་སྤྱོད་ཚད་གཞིར་བཟུང་ནས་མི་རིགས་མཐུན་སྒྲིལ་ཡར་ཐོན་སློབ་གསོའི་སྒྲོག་འགྲེལ་ཐེངས་60ལྷག་ཙམ་སྒྲིག་འཛུགས་བྱས་པ་དང་།  དེ་དང་ཆབས་ཅིག་ཁོང་གིས་ད་དུང་ཏང་ཡོན་ཚོའི་སྣེ་ཁྲིད་དེ་ཏང་གི་ལམ་ཕྱོཌ་མཛད་ཕྱོཌ་དང་། ཞིང་སྐྱོར་ཞིང་ཕན་གྱི་སྲིད་ཇུས། སྒྲོལ་དཀར་དང་གཡང་འཛོམས་གཅེན་གཅུང་གཉིས་པོའི་མཐའ་སྲུང་མཐའ་བརྟན་གྱི་སྔོན་ཐོན་བྱས་རྗེས་སོཌ་སྒྲོག་འགྲེལ་བྱས་ནས་ཏང་གི་གསུང་སྒྲ་གྲོང་མི་ཚང་མར་བརྒྱུད་བསྒྲཌ་བྱེད་ཀྱི་ཡོད།

འབད་བརྩོན་ལྷོད་མེད་བྱས་པ་བརྒྱུད། གྲོང་ཚོར་རྒྱལ་ཁབ་ཀྱི་སྤྱི་སྐད་སློབ་སྦྱོང་བྱེད་པའི་སྤྲོ་སེམས་རིམ་བཞིན་འཕེལ་ཞིང་། ད་ཆ་གྲོང་ཚོ“ཨུ་ལྷན་གཉིས”ཀྱི་ཚན་ཁག་གི་ཁོངས་མི་100%ཡིས་རྒྱལ་ཁབ་ཀྱི་སྤྱི་སྐད་ཤེས་པ་དང་། ཏང་ཡོན་དང་མང་ཚོགས་ཚོས་རྒྱལ་ཁབ་ཀྱི་སྤྱི་སྐད་ཤེས་ཚད་75%ཟིན་གྱི་ཡོད། “ད་ཆ་གྲོང་མི་ཚོས་གསར་འགྱུར་སོགས་ལྟ་དུས་གོ་ཡི་ཡོད་པས་སྐད་སྒྱུར་དགོས་ཀྱི་མི་འདུག”ཅེས་ཡག་ཤར་གྱིས་དགའ་སྤྲོའི་ངང་བརྗོད།

གྲོང་མིའི་འབབ་འཕར་དང་ཕྱུག་འགྱུར་ལ་སྣེ་ཁྲིད་མཁན་བུད་མེད་འཇོན་ཐང་ཅན།

ཡག་ཤར་གྱིས“རྒྱལ་ཁབ་ཀྱི་སྲིད་ཇུས་བཟང་པོ་ཡོད་པས་ང་ཚོས་དེ་བས་རང་ཉིད་ཀྱི་ལག་ཟུང་ལ་བརྟེན་ནས་ལས་བརྩོན་ཕྱུག་འགྱུར་ཡོང་བ་བྱེད་དགོས”ཞེས་བཤད། མང་ཚོགས་ཀྱི“སྒུག་བརྟེན་སློང་གསུམ”གྱི་བསམ་བློ་དོར་ནས་དབུལ་པོ་ལས་རྦད་དེ་སྒྲོལ་ཆེད། ཁོང་གིས“ཡུལ་སྐོར་དང་རྟེན་གཞི་ཟུང་དུ་འབྲེལ་བའི”ཐོན་སྐྱེད་གཉེར་སྐྱོང་བྱེད་སྟངས་འཚོལ་ཞིབ་ཧུར་ཐག་བྱས་ནས་ཀརྨ་ཞིང་རའི་ཉིང་ཁྲིའི་སྔོ་བསང་ཞིང་འབྲོག་ཚན་རྩལ་ཚད་ཡོད་ཀུང་སིའི་ལག་རྩལ་མི་སྣ་གདན་དྲངས་ཏེ་གནས་ཡུལ་གྲོང་ཚོར་འབྲི་ཏ་ས་འཛིན་འདེབས་འཛུགས་ཀྱི་ལག་རྩལ་མཛུབ་ཁྲིད་བྱས་ནས་གྲོང་ཚོ་ཡོངས་ཀྱི་བུད་མེད་ཚོའི་སྣེ་ཁྲིད་དེ་དྲོད་ཁང་དུ་འབྲི་ཏ་ས་འཛིན་བཏབ་པ་རེད།

ད་ཆ་གནས་ཡུལ་གྲོང་ཚོའི་དྲོད་ཁང་དུ་འབྲི་ཏ་ས་འཛིན་རྐང་4000བཏབ་པ་དང་། ལོ་ལྟར་དུད་ཚང་རེར་ཡོང་འབབ་སྒོར་2000ལྷག་ཙམ་ཡོང་གི་ཡོད། ཁོང་གི་སྣེ་ཁྲིད་འོག་ན་ནིང་གྲོང་ཚོར་གསར་དུ་བསྐྲུན་པའི་ཀོ་ཤའི་དྲོད་ཁང་ཆེན་པོ་49ལའང་ལོ་ལེགས་བྱུང་ནས་ཐོན་འབབ་རྒྱ་མ་14200ཟིན་པ་དང་། ཡོང་འབབ་སྒོར་ཁྲི་56.8བྱུང་བ། དུད་ཚང་རེར་ཆ་སྙོམས་འབབ་འཕར་སྒོར་9400བྱུང་ཡོད་པ་རེད།

2021ལོའི་ལོ་མཇུག་བར། གྲོང་ཚོ་ཡོངས་ཀྱི་དཔལ་འབྱོར་ཡོང་འབབ་སྒོར་ཁྲི་680ལྷག་ཙམ་ཟིན་ནས་མི་རེར་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར་ཁྲི་3.08ཟིན་ཡོད། “ལོ་དེ་དག་རིང་ལྷོ་པ་མི་དམངས་ཀྱི་འཚོ་བར་འགྱུར་ལྡོག་ཆེན་པོ་བྱུང་ཡོད། དགའ་འོས་པའི་གྲུབ་འབྲས་དེ་དག་ནི་ཏང་ཀྲུང་དབྱང་གིས་མཐའ་མཚམས་མི་རིགས་ས་ཁུལ་ལ་དམིགས་བསལ་ཐུགས་ཁུར་གནང་བ་ལས་བྱུང་བ་ཞིག་རེད” ཅེས་ཡག་ཤར་གྱིས་དགའ་སྤྲོའི་ངང་བཤད།

མེས་རྒྱལ་གྱི་མཐའ་མཚམས་སུ་རྩ་བ་ཚུགས་པའི“སྐལ་བཟང་མེ་ཏོག”

“ང་ཚོའི་འགན་འཁྲི་ནི་ས་སྲུང་མཐའ་བརྟན་དང་སྐྱེ་ཁམས་བསྲུངས་ནས་སོ་སོའི་ཁང་པ་དང་ནོར་ལུག་རྣམས་གནས་ཚད་དུ་བརྩིས་ཏེ་རྐང་འོག་གི་རྒྱལ་ཁབ་ས་ཆ་ཡག་པོ་སྲུང་རྒྱུ་དེ་རེད” མིག་སྔར། ཡག་ཤར་གྱིས་བསམ་བློ་མང་ཤོས་གཏོང་བ་ནི་ཕྲག་ཏུ་ཁུར་བའི་མཐའ་སྲུང་མཐའ་བརྟན་གྱི་འགན་འཁྲི་དེ་རེད། ཁོང་གིས“མཐའ་མཚམས་ཀྱི་དོན་དག་ཚང་མ་དོན་ཆེན་རེད”ཅེས་བཤད།

ཡག་ཤར་གྱིས་ཕྱུགས་འཚོ་བཞིན་མཐའ་མཚམས་སྐོར་སྲུང་གི་འོས་འགན་བརྟན་སྲུང་བྱས་ནས་ལོ་25སོང་ཞིང་། ད་ཆ་ཡག་ཤར་གྱི་སྣེ་ཁྲིད་འོག་གྲོང་ཚོའི་ཏང་ཡོན་མང་ཚོགས་དེ་བས་མང་བ་མཐའ་སྲུང་མཐའ་བརྟན་གྱི་ལས་ལ་ཞུགས་ཏེ་ཆར་རླུང་དྲག་པོའི་ཁྲོད་དུ་ལ་བརྒལ་ཀླུང་བརྒལ་དང་ཆུ་རྒྱུན་དྲག་པོ་བསྒྲལ་བ་དང་རྒྱལ་ཁབ་ཀྱི་ས་ཆ་གོམ་པས་འཇལ་ཏེ་བྱ་སྤྱོད་དངོས་ཀྱི་ཐོག་ནས་རྒྱལ་ཁབ་ཀྱི་ས་ཆ་སྲུང་གི་ཡོད། ད་ལྟའི་ལྷོ་པ་མང་ཚོགས་ཚང་མས་སོ་སོ་རང་ཉིད་བླ་ན་མེད་པའི་རྒྱལ་ཁབ་ཀྱི་ས་ཆ་བརྟན་སྲུང་བྱེད་མཁན་དུ་བརྩིས་ནས་རི་སྐོར་དང་མཐའ་སྲུང་གི་འགན་འཁྲི་རང་འགུལ་ངང་འཁུར་བཞིན་ཡོད།

ཡག་ཤར་མཚོན་བྱེད་དུ་བྱས་པའི་ལྷོ་པ་རིགས་ཀྱི་མི་དམངས་ཚོས་སྐལ་བཟང་མེ་ཏོག་དང་འདྲ་བར་བློ་བརྟན་འགྱུར་མེད་ངང་མེས་རྒྱལ་གྱི་ལྷོ་ནུབ་མཐའ་མཚམས་སུ་གཞིས་ཚུགས་ཏེ་མཐའ་མཚམས་སུ“སྒུལ་བདེའི་མཚམས་རྡོ”ལྟ་བུ་བཙུགས་པ་དང་ཏང་དར་ཐོག་མཐའ་བར་གསུམ་དུ་མཐའ་མཚམས་ཀྱི་འཐབ་ས་དང་པོར་ལྷབ་ལྷུབ་ཏུ་གཡོ་བར་བྱེད་བཞིན་ཡོད།