2022ལོའི་ཟླ་9ཚེས་29ཉིན། ཏོག་གསར་གློ་ཚད་རིམས་ནད་ལ་ཁ་གཏད་གཅོག་པའི་ལྷ་ས་གྲོང་ཁྱེར་ཁྲེང་ཀོན་ཆུས་ལས་དོན་འགོ་ཁྲིད་ཚོགས་ཆུང་གཞུང་དོན་ཁང་གིས་སྤྱི་བསྒྲགས་སྤེལ་ནས། ལྷ་ས་གྲོང་ཁྱེར་ཁྲེང་ཀོན་ཆུས་ཀྱི་དེ་སྔའི་ཉེན་ཁ་ཆུང་བའི་ཁུལ་ཁག་གཅིག་གི་ཐོན་སྐྱེད་དང་འཚོ་བའི་སྒྲིག་ལམ་སླར་གསོ་བྱས་པའི་རྨང་གཞིའི་ཐོག 2022ལོའི་ཟླ་9ཚེས་30ཉིན་གྱི་ཆུ་ཚོད་0ནས་བཟུང་། ཁྲེན་ཀོན་ཆུས་ཡོངས་ཀྱི་གྲོང་ཚོ(སྡེ་ཁུལ)17གྱི་ཉེན་ཁ་ཆུང་བའི་ཁུལ་གྱི་ཁུལ་ཆུང་དང་ལས་ཁུངས་57གྱི་ཐོན་སྐྱེད་དང་འཚོ་བའི་སྒྲིག་ལམ་རིམ་བཞིན་སླར་གསོ་བྱེད་རྒྱུ་དང་། 《ཏོག་གསར་གློ་ཚད་རིམས་ནད་སྔོན་འགོག་དང་ཚོད་འཛིན་གྱི་ཇུས་གཞི(པར་གཞི་དགུ་པ)》ཡི་འབྲེལ་ཡོད་གཏན་འབེབས་ལྟར། ཉེན་ཁ་ཆུང་བའི་ཁུལ་གྱིས་རིམས་ནད་སྔོན་འགོག་དང་ཚོད་འཛིན་གྱི་བྱ་ཐབས་དོན་འཁྱོལ་ནན་པོ་བྱས་ནས། རིམས་ནད་སྔོན་འགོག་དང་ཚོད་འཛིན་གྱི་ལས་དོན་ལ་ཐོབ་པའི་གྲུབ་འབྲས་སྔར་བས་བརྟན་དུ་བཏང་སྟེ། སླར་གསོ་བྱས་ཀྱང་འགོག་ཟོན་མི་གློད་པ་དང་རིམས་འགོག་ལ་ལྷོད་གཡེང་མི་ཤོར་བར་བྱེད་དགོས།    

ཟླ་9ཚེས་30ཉིན། ཁྲེན་ཀོན་ཆུས་ཀྱི་ཐོན་སྐྱེད་དང་འཚོ་བའི་སྒྲིག་ལམ་རིམ་བཞིན་སླར་གསོ་བྱུང་བའི་ས་ཆ་57