འདི་ནི་ཕེབས་སྐྱེལ་མཛད་སྒོ་འཚོག་ཡུལ་དུ་གཞིས་རྩེ་གྲོང་ཁྱེར་གྱི་མི་རིགས་ཁག་གི་ལས་བྱེད་མང་ཚོགས་དང་སྨན་དོན་པས་ལག་ཏུ་ཁ་བཏགས་འཁྱེར་ཏེ་དཔའ་བོ་ཚོར་བླ་ན་མེད་པའི་གུས་འདུད་ཞུས་ནས་ཐུགས་རྗེ་ཆེ་ཞུ་བཞིན་པ།

ཟླ་9ཚེས་28ཉིན་གྱི་ཐོ་རེངས་ཆུ་ཚོད་5པ་ཙམ་ལ་གཞིས་རྩེ་གྲོང་ཁྱེར་གྱིས་མཛད་སྒོ་འཚོགས་ནས་ཧྲན་ཏུང་དང་ཅི་ལིན་གྱི་རིམས་འགོག་རོགས་སྐྱོར་སྨན་བཅོས་རུ་ཁག་ཁག་དང་པོར་ཕེབས་སྐྱེལ་ཞུས་ཏེ་གཞིས་རྩེའི་མི་དམངས་ཁྲི་80ཡིས་ཐུགས་རྗེ་ཆེ་ཞུ་སེམས་ཚད་མེད་མཚོན་པར་བྱས་ཡོད།

གཞིས་རྩེ་གྲོང་ཁྱེར་གྱིས་ཏོག་གསར་གློ་ཚད་རིམས་ནད་ལ་འགོག་རྒོལ་བྱེད་པའི་འགག་རྩའི་དུས་སུ་ཧྲན་ཏུང་ཞིང་ཨུད་དང་ཞིང་ཆེན་སྲིད་གཞུང་དང་། ཅི་ལིན་ཞིང་ཨུད་དང་ཞིང་ཆེན་སྲིད་གཞུང་གིས་རིམས་འགོག་རོགས་སྐྱོར་སྨན་བཅོས་རུ་ཁག་འཕྲལ་དུ་སྒྲིག་འཛུགས་བྱས་ཏེ་གཞིས་རྩེར་བཏང་ཡོད། སྨན་བཅོས་རུ་ཁག་གི་རུ་མི་ཡོངས་ཀྱིས་རྩ་འཛུགས་ཀྱི་འབོད་སྐུལ་དང་ལེན་ཞུས་ནས་རང་འགུལ་ངང་རེ་འདུན་ཞུས་པ་དང་དཔའ་ངར་ཆེན་པོས་ཉེན་ཁར་མ་འཛེམས་པར་ཧྲན་ཏུང་དང་ཅི་ལིན་མི་དམངས་ཀྱི་བརྩེ་བ་ཟབ་མོ་འཆང་བཞིན་ཚེ་སྲོག་ལ་བརྟེན་ནས་ཚེ་སྲོག་སྲུང་སྐྱོང་བྱས་ནས་ཉིན་མཚན་40ལྷག་ཙམ་དཀའ་ངལ་ཁྱད་བསད་བྱས་ཏེ། གཞིས་རྩེའི་ཏོག་གསར་གློ་ཚད་རིམས་ནད་འགོག་རྒོལ་དམག་འཐབ་ལ་ཕྱོགས་ཡོངས་ནས་རྒྱལ་ཁ་ལེན་ཆེད་ལེགས་སྐྱེས་མངོན་གསལ་དོད་པོ་ཕུལ་ཡོད་པ་རེད།