2022ལོའི་ཟླ་9ཚེས་27ཉིན། ཏོག་གསར་གློ་ཚད་རིམས་ནད་ལ་ཁ་གཏད་གཅོག་པའི་ལྷ་ས་གྲོང་ཁྱེར་ཁྲེང་ཀོན་ཆུས་ལས་དོན་འགོ་ཁྲིད་ཚོགས་ཆུང་གཞུང་དོན་ཁང་གིས་སྤྱི་བསྒྲགས་སྤེལ་ནས། ལྷ་ས་གྲོང་ཁྱེར་ཁྲེང་ཀོན་ཆུས་ཀྱི་དེ་སྔའི་ཉེན་ཁ་ཆུང་བའི་ཁུལ་ཁག་གཅིག་གི་ཐོན་སྐྱེད་དང་འཚོ་བའི་སྒྲིག་ལམ་སླར་གསོ་བྱས་པའི་རྨང་གཞིའི་ཐོག 2022ལོའི་ཟླ་9ཚེས་28ཉིན་གྱི་ཆུ་ཚོད་0ནས་བཟུང་། ཁྲེན་ཀོན་ཆུས་ཡོངས་ཀྱི་གྲོང་ཚོ(སྡེ་ཁུལ)25ཡི་ཉེན་ཁ་ཆུང་བའི་ཁུལ་གྱི་ཁུལ་ཆུང་དང་ལས་ཁུངས་92ཀྱི་ཐོན་སྐྱེད་དང་འཚོ་བའི་སྒྲིག་ལམ་རིམ་བཞིན་སླར་གསོ་བྱེད་རྒྱུ་དང་། 《ཏོག་གསར་གློ་ཚད་རིམས་ནད་སྔོན་འགོག་དང་ཚོད་འཛིན་གྱི་ཇུས་གཞི(པར་གཞི་དགུ་པ)》ཡི་འབྲེལ་ཡོད་གཏན་འབེབས་ལྟར། ཉེན་ཁ་ཆུང་བའི་ཁུལ་གྱི་རིམས་ནད་སྔོན་འགོག་དང་ཚོད་འཛིན་བྱ་ཐབས་དོན་འཁྱོལ་ནན་པོ་བྱས་ནས། རིམས་ནད་སྔོན་འགོག་དང་ཚོད་འཛིན་གྱི་ལས་དོན་ལ་ཐོབ་པའི་གྲུབ་འབྲས་སྔར་བས་བརྟན་དུ་བཏང་སྟེ། སླར་གསོ་བྱས་ཀྱང་འགོག་ཟོན་མི་གློད་པ་དང་རིམས་འགོག་ལ་ལྷོད་གཡེང་མི་ཤོར་བར་བྱེད་དགོས།

ནང་དོན་ཞིབ་ཕྲ་གཤམ་གྱི་རྩ་གཉིས་ཨང་རྟགས་བཤེར་ན་གཟིགས་ཐུབ།

  2022ལོའི་ཟླ་9ཚེས་28ཉིན། བསམ་གྲུབ་རྩེ་ཆུས་རིམས་འགོག་མཉམ་འགོག་མཉམ་འཛིན་ལས་དོན་འགོ་ཁྲིད་ཚོགས་ཆུང་གཞུང་དོན་ཁང་གིས་སྤྱི་བསྒྲགས་སྤེལ་ནས། 2022ལོའི་ཟླ་9ཚེས་28ཉིན་གྱི་ཆུ་ཚོད་0ནས་བཟུང་། དུས་ཁག་དང་པོའི་ཐོན་སྐྱེད་དང་འཚོ་བའི་སྒྲིག་ལམ་སླར་གསོ་བྱས་པའི་རྨང་གཞིའི་ཐོག གྲོང་ཚོ་དང་གྲོང་མིའི་ཁུལ་ཆུང་ཁག་གཅིག་གི་ཐོན་སྐྱེད་དང་འཚོ་བའི་སྒྲིག་ལམ་རིམ་ལྡན་པའི་སྒོ་ནས་སླར་གསོ་བྱེད་རྒྱུ་དང་འཕྲིན་གཏོང་ལས་གཉེར་ཚོམས་ཆེན་ཁག་གཅིག་གོ་རིམ་ལྡན་པའི་སྒོ་ནས་ཚོང་ལས་སླར་གསོ་བྱེད་རྒྱུ་ཡིན་པ་རེད།