ལྷ་ས་ནས་གོང་དཀར་གནམ་ཐང་བར་གནས་སྐབས་འགྲོ་འོང་འགན་ལེན་བྱེད་རྒྱུའི་འགྲིམ་འགྲུལ་ལམ་ཐིག་སྐོར་གྱི་སྤྱི་བསྒྲགས། དེ་རིང་ནས་བཟུང་། རྒྱ་ཆེའི་མང་ཚོགས་དང་། འགྲུལ་པ། སློབ་མ་སོགས་ཀྱི་དམིགས་བསལ་དགོས་མཁོར་གཞིགས་ནས། ལྷ་ས་ནས་གོང་དཀར་གནམ་ཐང་བར་འགྲོ་འོང་བྱེད་པའི་འགྲིམ་འགྲུལ་གནད་དོན་འགན་ལེན་བྱ་ཆེད། ལྷ་ས་གྲོང་ཁྱེར་ཏོག་གསར་གློ་ཚད་རིམས་ནད་ལ་ཁ་གཏད་གཅོག་པའི་ལས་དོན་འགོ་ཁྲིད་ཚོགས་ཆུང་གིས་ཉིན་ལྟར་འགྲུལ་སྐྱེལ་རླངས་འཁོར་5བཀོད་སྒྲིག་བྱས་ཏེ། ལྷ་ས་ནས་གོང་དཀར་གནམ་ཐང་བར་འགྲོ་འོང་བྱེད་མཁན་འགྲུལ་པ་སྐྱེལ་བསུ་བྱེད་རྒྱུའི་གཏན་འབེབས་བྱས་པ་རེད། དང་པོ། སྤ་སེ་འཚོང་ས་དང་། རླངས་འཁོར་ལ་འཛུལ་ས་དང་འབབ་ས། 1.ལྷ་ས་ནས་གོང་དཀར་གནམ་ཐང་དུ་སྐྱོད་མཁན་འགྲུལ་པ་འཛུལ་ས་ལྷ་ས་དམངས་སྤྱོད་མཁའ་འགྲུལ་གྱི་སྤ་སེ་འཚོང་སའི་སྒོ་རའི་ཕྱིར(སྤ་སེ་འཚོང་ས་དང་རླངས་འཁོར་ལ་འཛུལ་ས་གཅིག་པ་ཡིན་པ)ཡོད་པ་དང་། རླངས་འཁོར་འབབ་ས་གནམ་ཐང་འབབ་ཚུགས་T3པའི་སྒོ་དང་པོའི་ཕྱི་རོལ་ཏུ་ཡིན། 2.གོང་དཀར་གནམ་ཐང་ནས་ལྷ་སར་ལོག་མཁན་འགྲུལ་པ་རླངས་འཁོར་ལ་འཛུལ་ས་གནམ་ཐང་འབབ་ཚུགས་T3པའི་རླངས་འཁོར་འཇོག་ས(ལྷ་སས་ཁྱེད་ལ་དགའ་བསུ་ཞུ)ཞེས་བྲིས་པའི་ཡི་གེ་ཆེན་པོའི(སྤ་སེ་འཚོང་ས་དང་རླངས་འཁོར་ལ་འཛུལ་ས་གཅིག་པ་ཡིན)མདུན་དུ་ཡོད་པ་དང་། རླངས་འཁོར་ནས་འབབ་ས་དམངས་སྤྱོད་མཁའ་འགྲུལ་གྱི་སྤ་སེ་འཚོང་སའི་སྒོ་རའི་ཕྱིར་ཡིན། གཉིས་པ། འགྲུལ་པའི་ངེས་བྱ། 1.ལྷ་ས་ནས་གོང་དཀར་གནམ་ཐང་དུ་སྐྱོད་མཁན་འགྲུལ་པ་ཚང་མས་བོད་ནས་འགྲོ་བའི་རིམས་འགོག་གི་བླང་བྱ་ལྟར། ཉིན་ལྔར་བརྟག་དཔྱད་ཐེངས་གསུམ(ཉིན་དང་པོ་དང་། གསུམ་པ། ལྔ་པ་བཅས་ལ་ཉིང་སྐྱུར་བརྟག་དཔྱད་ཐེངས་རེ་བྱེད་དགོས་པ་དང་ཉིན་ལྔ་པའི་ཉིང་སྐྱུར་བརྟག་དཔྱད་འབྲས་བུ་བོད་ནས་མ་ཐོན་གོང་གི་ཆུ་ཚོད་24ཡི་ནང་ཚུན་ཡིན་པ)ཉིང་སྐྱུར་བརྟག་དཔྱད་འབྲས་བུ་སྲིབ་གཤིས་དང་བོད་ལྗོངས་ཤར་བགྲོད་ཀྱི་བཤེར་རྟགས་ལྗང་ཁུ་ཡིན་དགོས་པ་མ་པ་ཟད། ཆུ་ཚོད་3གྱི་སྔོན་ཚུད་ནས་རླངས་འཁོར་འཛུལ་སར་འབྱོར་དགོས། 2.གོང་དཀར་གནམ་ཐང་ནས་ལྷ་སར་སྐྱོད་མཁན་འགྲུལ་པ་ཚང་མས《ཏོག་གསར་གློ་ཚད་རིམས་ནད་ལ་ཁ་གཏད་གཅོག་པའི་ལྷ་ས་གྲོང་ཁྱེར་ལས་དོན་འགོ་ཁྲིད་ཚོགས་ཆུང་གཞུང་དོན་ཁང་གི་སྤྱི་བསྒྲགས》(【2022ལོའི】ཡིག་ཨང་6པ)ཡི་བླང་བྱ་ལག་ལེན་བསྟར་དགོས། 3.གོང་གི་ཆ་རྐྱེན་ཚང་མེད་ན་འགྲུལ་པ་རླངས་འཁོར་ལ་བསྡད་མི་ཆོག ཏོག་གསར་གློད་ཚད་རིམས་ནད་ལ་ཁ་གཏད་གཅོག་པའི་ལྷ་ས་གྲོང་ཁྱེར་ལས་དོན་འགོ་ཁྲིད་ཚོགས་ཆུང་གཞུང་དོན་ཁང་ནས། (མཁའ་འགྲུལ་སྐོར་གྱི་གནས་ཚུལ་ཞིབ་ཕྲ་དམངས་སྤྱོད་མཁའ་འགྲུལ་བོད་རང་སྐྱོང་ལྗོངས་དོ་དམ་ཅུས་ཀྱི་སྐད་འཕྲིན་སྤྱི་རྟགས་ཀྱི་ཉིན་རེའི་དུས་གཏན་གནམ་གྲུའི་ཆ་འཕྲིན་ལ་གཟིགས་རོགས་གནང)
འགན་འཁུར་རྩོམ་སྒྲིག་པ། 德吉普尺