ནག་ཆུ་གྲོང་ཁྱེར་ཏོག་གསར་གློ་ཚད་རིམས་ནད་ལ་ཁ་གཏད་གཅོག་པའི་ལས་དོན་འགོ་ཁྲིད་ཚོགས་ཆུང་གཞུང་དོན་ཁང་གི་སྤྱི་བསྒྲགས། 

(2022)ཡིག་ཨང་44པ། 

2022ལོའི་ཟླ་9ཚེས་21ཉིན་གྱི་ཆུ་ཚོད་0ནས་24བར། གྲོང་ཁྱེར་ཡོངས་སུ་ཏོག་གསར་གློ་ཚད་ཕོག་པའི་ནད་པ་3མང་དུ་(ནད་རྟགས་མེད་པའི་ནད་པ་3)ཕྱིན་ཡོད་པ་ལས། དེའི་ནང་།

(གཅིག)ཨ་མདོ་རྫོང་། ཉིན་དེ་རང་ལ་ནད་པ་2མང་དུ་ཕྱིན་པ། (ནད་རྟགས་མེད་པའི་ནད་པ་2ཡིན་པ། གཉིས་ཀ་ལོགས་དགར་དོ་དམ་ཚོད་འཛིན་བྱ་ཡུལ་དུ་ཉིང་སྐྱུར་བརྟག་དཔྱད་གྲལ་བཤེར་ཁྲོད་ཤེས་རྟོགས་བྱུང་བ་རེད)

    (གཉིས)སྦྲ་ཆེན་རྫོང་། ཉིན་དེ་རང་ལ་ནད་པ་1མང་དུ་ཕྱིན་པ། (ནད་རྟགས་མེད་པའི་ནད་པ་1དེ་ཡུལ་གཞན་ནས་སླེབས་པ་དང་། ཉིང་སྐྱུར་བརྟག་དཔྱད་བྱེད་སྐབས་ཤེས་པ)

    མིག་སྔར། གོང་གི་ནད་པ་3པོར་གནས་གཏན་འཁེལ་དུ་ལོགས་དགར་སྨན་བཅོས་བྱེད་བཞིན་ཡོད་པ་མ་ཟད། ནད་པ་འདི་དག་དང་འབྲེལ་འདྲིས་དམ་ཟབ་འབྱུང་མཁན་དང་བརྒྱུད་འབྲེལ་འབྱུང་མཁན་ལའང་ལོགས་དགར་དོ་དམ་ཚོད་འཛིན་བྱེད་བཞིན་ཡོད་པ་རེད།