ཚེས་14ཉིན། རང་སྐྱོང་ལྗོངས་ཀྱི་ཏོག་གསར་གློ་ཚད་རིམས་ནད་སྔོན་འགོག་དང་ཚོད་འཛིན་ལས་དོན་གྱི་གསར་འགྱུར་ཡོངས་བསྒྲགས་ཚོགས་འདུ་ཐེངས་སོ་བདུན་པའི་ཐོག བོད་རང་སྐྱོང་ལྗོངས་ནད་ཡམས་སྔོན་འགོག་དང་ཚོད་འཛིན་གྱི་རིགས་གཅིག་མཁས་ཅན་ཚོགས་ཆུང་གི་ཁོངས་མི། བོད་རང་སྐྱོང་ལྗོངས་ནད་ཡམས་སྔོན་འགོག་དང་ཚོད་འཛིན་ལྟེ་གནས་ཀྱི་ཀྲུའུ་རེན་གཞོན་པ། ཀྲུའུ་རེན་སྨན་པ་དཀའ་བཅུ་པ་ཧོའུ་ཕེ་པིན་གྱིས་བོད་ལྗོངས་ཤར་བགྲོད་ཀྱི་བདེ་ཐང་བཤེར་རྟགས་དམར་པོ་དང་། སེར་པོ། ལྗང་ཁུ་བཅས་མངོན་པའི་རྩ་དོན་དང་། བཤེར་རྟགས་ཀྱི་ཚོས་གཞི་མི་འདྲ་བ་ཕན་ཚུན་སྒྱུར་བའི་སྒྲིག་སྲོལ། དེ་བཞིན་བཤེར་རྟགས་དམར་པོ་དང་། སེར་པོ། ལྗང་ཁུ་བཅས་ཡིན་མཁན་ལ་དོ་དམ་ཇི་ལྟར་བྱེད་པ་སོགས་ཀྱི་གནད་དོན་ལ་ལན་ཞིབ་ཕྲ་བསྐྱོན་པ་གཤམ་གསལ།
ཚོགས་ར།
བཤེར་རྟགས་མངོན་པའི་རྩ་དོན།
ཉེན་ཁ་ཆེ་བའི་རིགས་ཡིན་མཁན་ལ་བཤེར་རྟགས་དམར་པོ་མངོན་གྱི་ཡོད་པ་ལས། གཙོ་བོ་ཏོག་གསར་གློ་ཚད་ཀྱི་ཉིང་སྐྱུར་བརྟག་དཔྱད་བྱས་འབྲས་གདགས་གཤིས་ཡིན་མཁན་དང་། གཏན་འཁེལ་ནད་པ། ནད་རྟགས་མེད་པའི་ནད་པ། དོགས་ཡོད་ནད་པ། དེ་བཞིན་གཅིག་སྡུད་ལོགས་དགར་བཞག་ནས་གསོ་རིག་ལྟ་ཞིབ་བྱ་ཡུལ་དང་ཁྱིམ་དུ་ལོགས་དགར་བསྡད་ནས་གསོ་རིག་ལྟ་ཞིབ་བྱ་ཡུལ་བཅས་ཚུད་ཡོད།
ཉེན་ཁ་འབྲིང་བའི་རིགས་ཡིན་མཁན་ལ་བཤེར་རྟགས་སེར་པོ་མངོན་གྱི་ཡོད་པ་ལས། གཙོ་བོ་གཏན་འཁེལ་ནད་པ་སྨན་ཁང་ནས་དོན་རྗེས། ཁྱིམ་དུ་བདེ་ཐང་ལྟ་ཞིབ་ཚད་ལེན་བྱ་ཡུལ་གྱི་མི་དང་། ནད་རྟགས་མེད་པའི་ནད་པ་སྒྲོམ་ཚང་སྨན་ཁང་ནས་དོན་མཁན། ས་ཁོངས་ཀྱི་གཞོགས་འདེགས་ཞིབ་བཤེར་བྱེད་རིང་ཁུངས་མང་བསྡུར་ནས་གཏན་འཁེལ་བྱུང་བའི་ཉེན་ཁ་ཡོད་པའི་མི། དེ་བཞིན་ས་གནས་དེ་གའི་རིམས་འགོག་ཆ་འཕྲིན་གྱི་གཙོ་གནད་མིར་ཉིང་སྐྱུར་བརྟག་དཔྱད་བྱས་མེད་པའི་མི་བཅས་ཚུད་ཡོད།
བཤེར་རྟགས་ཀྱི་ཚོས་གཞི་སྒྱུར་བའི་རྩ་དོན།
གཏན་འཁེལ་ནད་པ་དྲག་སྐྱེད་བྱུང་རྗེས། སྨན་ཁང་ནས་དོན་མཁན་དང་། ནད་རྟགས་མེད་པའི་ནད་པ་སྒྲོམ་ཚང་སྨན་ཁང་ནས་དོན་མཁན། དོགས་ཡོད་ནད་པའི་ཁོངས་ནས་ཕུད་པ། གཅིག་སྡུད་ལོགས་དགར་གྱི་ལྟ་ཞིབ་བྱེད་མཚམས་བཞག་པ་སོགས་ལ་ཁྱིམ་དུ་བསྡད་ནས་བདེ་ཐང་ལྟ་ཞིབ་བྱེད་རིང་། བོད་ལྗོངས་ཤར་བགྲོད་ཀྱི་བདེ་ཐང་བཤེར་རྟགས་དམར་པོ་ནས་སེར་པོར་སྒྱུར་བ་དང་། ཁྱིམ་དུ་བསྡད་ནས་བདེ་ཐང་ལྟ་ཞིབ་བྱེད་མཚམས་བཞག་པའམ་ཡང་ན་འབྲེལ་ཡོད་བླང་བྱ་ལྟར་ཉིང་སྐྱུར་བརྟག་དཔྱད་བྱས་འབྲས་ཚང་མ་སྲིབ་གཤིས་ཡིན་རིགས། བོད་ལྗོངས་ཤར་བགྲོད་ཀྱི་བདེ་ཐང་བཤེར་རྟགས་ལྗང་ཁུར་སྒྱུར་གྱི་ཡོད།
བཤེར་རྟགས་ཀྱི་ཚོས་གཞི་དམར་པོ་དང་སེར་པོ། ལྗང་ཁུ་བཅས་ཡིན་མཁན་ལ་དོ་དམ་བྱ་ཐབས་ཐད།
དམར་པོ་ཡིན་རིགས། མི་དེ་ཉེན་ཁ་ཆེ་བ་ཡིན་པ་མཚོན་པས། འགྲོ་འོང་བྱེད་མཚམས་བཞག་ནས་གཅིག་སྡུད་ལོགས་དགར་བསྡད་ནས་ལྟ་ཞིབ་བྱེད་དགོས་པ་དང་།
བཤེར་རྟགས་སེར་པོ་ཡིན་རིགས། མི་དེ་ཉེན་ཁ་འབྲིང་བ་ཡིན་པ་མཚོན་པས། འགྲོ་འོང་ཚོད་འཛིན་བྱེད་དགོས་ཤིང་། འདུ་འཛོམས་དང་གསོལ་སྟོན་སོགས་མཉམ་སྡེབ་ཀྱི་བྱེད་སྒོར་ཞུགས་མི་ཆོག་པ་དང་། མི་འདུ་འཛོམས་བྱེད་སར་འགྲོ་མི་ཆོག་ལ། སྤྱི་པའི་འགྲིམ་འགྲུལ་ཡོ་ཆས་ལའང་བསྡད་མི་ཆོག
བཤེར་རྟགས་ལྗང་ཁུ་ཡིན་རིགས། མི་དེ་ཉེན་ཁ་ཆུང་བའི་ཡིན་པ་མཚོན་པས། མི་སྒེར་གྱི་འགོག་སྲུང་ཡག་པོ་བྱེད་པ་གཞིར་བྱས་གོ་རིམ་ལྡན་པའི་ངང་འགྲོ་འོང་བྱ་ཆོག