2022ལོའི་ཟླ་9ཚེས་7ཉིན། བོད་རང་སྐྱོང་ལྗོངས་ཀྱི་ཏོག་གསར་གློ་ཚད་རིམས་ནད་སྔོན་འགོག་དང་ཚོད་འཛིན་ལས་དོན་གྱི་གསར་འགྱུར་ཡོངས་བསྒྲགས་ཚོགས་འདུ་ཐེངས་སུམ་ཅུ་པ་འཚོགས་པ་རེད། བོད་རང་སྐྱོང་ལྗོངས་སྲིད་གཞུང་གི་གསར་འགྱུར་མགྲིན་ཚབ་པ་སྲིད་གཞུང་གི་དྲུང་ཆེ་གཞོན་པ་བསྟན་འཛིན་ལྷུན་གྲུབ་ཀྱིས་གསར་འགྱུར་ཡོངས་བསྒྲགས་བྱས་པ་རེད།

ཟླ་9ཚེས་6ཉིན་གྱི་ཆུ་ཚོད་0ནས་24བར། ལྗོངས་ཡོངས་སུ་ཏོག་གསར་གློ་ཚད་ཕོག་པའི་ཡུལ་དེ་གའི་གཏན་འཁེལ་ནད་དཔེ་76མང་དུ་ཕྱིན་ཡོད(དེའི་ཁྲོད་ལྷ་ས་གྲོང་ཁྱེར་ལ་46དང་། གཞིས་རྩེ་གྲོང་ཁྱེར་ལ་3 ཆབ་མདོ་གྲོང་ཁྱེར་ལ་23 ནག་ཆུ་གྲོང་ཁྱེར་ལ་4 ) རྟགས་མེད་ནད་དུག་འགོས་པ་389མང་དུ་ཕྱིན་ཡོད(དེའི་ཁྲོད་ལྷ་ས་གྲོང་ཁྱེར་ལ་152དང་། གཞིས་རྩེ་གྲོང་ཁྱེར་ལ་141 ལྷོ་ཁ་གྲོང་ཁྱེར་ལ་14 ཆབ་མདོ་གྲོང་ཁྱེར་ལ་12 ནག་ཆུ་གྲོང་ཁྱེར་ལ་43 མངའ་རིས་ས་ཁུལ་ལ་27བཅས་ཡོད་པ)

ཟླ་9ཚེས་7ཉིན་གྱི་ཆུ་ཚོད་0ནས་14བར། ལྗོངས་ཡོངས་སུ་ཏོག་གསར་གློ་ཚད་ཕོག་པའི་ཡུལ་དེ་གའི་གཏན་འཁེལ་ནད་དཔེ་1མང་དུ་ཕྱིན་ཡོད(ཆབ་མདོ་གྲོང་ཁྱེར་གྱི་སྙན་སེང་) རྟགས་མེད་ནད་དུག་འགོས་པ་182མང་དུ་ཕྱིན་ཡོད(དེའི་ཁྲོད་ལྷ་ས་གྲོང་ཁྱེར་ལ་81དང་། གཞིས་རྩེ་གྲོང་ཁྱེར་ལ་67 ལྷོ་ཁ་གྲོང་ཁྱེར་ལ་6 ཆབ་མདོ་གྲོང་ཁྱེར་ལ་1 ནག་ཆུ་གྲོང་ཁྱེར་ལ་7 མངའ་རིས་ས་ཁུལ་ལ་20བཅས་ཡོད་པ)

ཟླ་9ཚེས་6ཉིན་གྱི་ཆུ་ཚོད་24བར། ལྗོངས་ཡོངས་སུ་ཁྱོན་ཉེན་ཁ་ཆེ་བའི་ཁུལ་430དང་ཉེན་ཁ་འབྲིང་བའི་ཁུལ་223ཡོད་པ་རེད།

ཟླ་9ཚེས་6ཉིན་མང་དུ་ཕྱིན་པའི་ནད་དཔེ་465ཚང་མ་ལོགས་འཇོག་དོ་དམ་ཚོད་འཛིན་བྱེད་ས་ནས་ཤེས་རྟོགས་བྱུང་བ་རེད།

ཟླ་9ཚེས་6ཉིན་གྱི་ཆུ་ཚོད་24བར། ལྗོངས་ཡོངས་སུ་དྲག་སྐྱེད་བྱུང་སྟེ་སྨན་ཁང་ནས་དོན་པའི་མི་991དང་། འབྲེལ་འདྲིས་དམ་ཟབ་འབྱུང་མཁན་40105ལ་གཅིག་སྡུད་ལོགས་འཇོག་གི་བརྟག་དཔྱད་བྱེད་མཚམས་བཞག་པ། མིག་སྔར་མི་52491གིས་གཅིག་སྡུད་ལོགས་འཇོག་གི་བརྟག་དཔྱད་དང་ལེན་བྱེད་བཞིན་ཡོད་པ་རེད།