ཟླ་9ཚེས་5ཉིན། བོད་རང་སྐྱོང་ལྗོངས་ཀྱི་ཏོག་གསར་རིམས་ནད་སྔོན་འགོག་དང་ཚོད་འཛིན་ལས་དོན་གྱི་གསར་འགྱུར་ཡོངས་བསྒྲགས་ཚོགས་འདུ་ཐེངས་ཉེར་བརྒྱད་པའི་ཐོག བོད་རང་སྐྱོང་ལྗོངས་ཉིང་ཁྲི་གྲོང་ཁྱེར་འཕེལ་སྒྱུར་ཨུ་ལྷན་ཏང་ཙུའི་ཁོངས་མི་ཀྲུའུ་རེན་གཞོན་པ་ཀྲུའུ་ཏུང་ཝེ་ཡིས། ཟླ་9ཚེས་3ཉིན། ཉིང་ཁྲི་གྲོང་ཁྱེར་གྱི་གཙོ་གནད་རྣམ་གྲངས་ཁག་112ལས་འགོ་བསྐྱར་འཛུགས་དང་ཐོན་སྐྱེད་སླར་གསོ་བྱས་ཤིང་། རྣམ་གྲངས་དེ་དག་ལ་ཁྱོན་མ་དངུལ་སྒོར་དུང་ཕྱུར་53.8བཏང་བ་ལས། ད་ལོ་མ་དངུལ་སྒོར་དུང་ཕྱུར་25.8ལེགས་སྒྲུབ་ཐུབ་པ་བྱེད་རྩིས་ཡོད་པས། གཙོ་གནད་རྣམ་གྲངས་འཛུགས་སྐྲུན་དང་རིམས་ནད་སྔོན་འགོག་དང་ཚོད་འཛིན་ཕྱོགས་གཉིས་ཀར་དམ་འཛིན་དང་འཐུས་ཤོར་མི་ཡོང་བའི་འགན་ལེན་བྱེད་ཀྱི་ཡིན་ཞེས་ངོ་སྤྲོད་བྱས་པ་རེད། 

ཀྲུའུ་ཏུང་ཝེ་ཡིས། ཉིང་ཁྲི་གྲོང་ཁྱེར་གྱིས“རིམས་ནད་སྔོན་འགོག་དང་། དཔལ་འབྱོར་བརྟན་པོ། འཕེལ་རྒྱས་བདེ་འཇགས”བཅས་ཡོང་བར་བྱེད་དགོས་པའི་ཏང་ཀྲུང་དབྱང་གི་བླང་བྱ་ལག་བསྟར་དོན་འཁྱོལ་མཐའ་གཅིག་ཏུ་བྱས་ནས། རིམས་ནད་སྔོན་འགོག་དང་ཚོད་འཛིན་དང་རྣམ་གྲངས་འཛུགས་སྐྲུན་ལ་སྐུལ་འདེད་གཏོང་བའི་ལས་དོན་སྤྱི་འདོམས་ཀྱིས་ཡག་པོ་བསྒྲུབས་ཏེ། རིམས་ནད་སྔོན་འགོག་ཐུབ་པ་དང་ཐོན་སྐྱེད་རྗེས་ཟིན་པའི་འགན་ལེན་བྱེད་ཀྱི་ཡིན་ཞེས་བརྗོད་པ་རེད། 

མིག་སྔའི་བར། གཙོ་གནད་རྣམ་གྲངས་ཐོན་སྐྱེད་ལ་མཁོ་བའི་དངོས་ཟོག་ཏུན་1500ལྷག་ཙམ་མཐུན་སྦྱོར་ཐག་གཅོད་ཐུབ་པས། གྲོང་ཁྱེར་ཡོངས་ཀྱི་འཛུགས་སྐྲུན་བྱེད་བཞིན་པའི་གཙོ་གནད་རྣམ་གྲངས་149དང་འཛུགས་སྐྲུན་ལ་ཞུགས་མཁན་18160ཡི་ཐོན་སྐྱེད་དང་འཚོ་བར་འགན་ལེན་བྱུང་སྟེ། ཟླ་བརྒྱད་པར་མ་དངུལ་སྒོར་དུང་ཕྱུར་6ཙམ་ལེགས་སྒྲུབ་བྱས་པ་རེད། ཟླ་9ཚེས་3ཉིན། གཙོ་གནད་རྣམ་གྲངས་112ལས་འགོ་བསྐྱར་འཛུགས་དང་ཐོན་སྐྱེད་སླར་གསོ་བྱས་ཡོད་ཅིང་། རྣམ་གྲངས་དེ་དག་ལ་ཁྱོན་མ་དངུལ་སྒོར་དུང་ཕྱུར་53.8བཏང་བ་ལས། ད་ལོ་མ་དངུལ་སྒོར་དུང་ཕྱུར་25.8ལེགས་སྒྲུབ་ཐུབ་པ་བྱེད་རྩིས་ཡོད་པས། གཙོ་གནད་རྣམ་གྲངས་འཛུགས་སྐྲུན་དང་རིམས་ནད་སྔོན་འགོག་དང་ཚོད་འཛིན་ལ་ཕྱོགས་གཉིས་ཀར་དམ་འཛིན་དང་འཐུས་ཤོར་མི་ཡོང་བའི་འགན་ལེན་བྱེད་བཞིན་ཡོད་པ་རེད།