ཉིན་ཤས་བསྟུད་མར། ལྗོངས་ཡོངས་ཀྱི་མི་སྤྱི་ཁོངས་གཏོགས་ཀྱིས་ལྗོངས་ཏང་ཨུད་ཀྱི་འབོད་སྐུལ་དང་ལེན་མཐའ་གཅིག་ཏུ་བྱས་ཏེ། རིམས་འགོག་ལས་དོན་དེ་སྤྱོད་ཚུལ་ལེགས་གཏོང་དང་དོན་འཁྱོལ་ལ་དམ་འཛིན་དང་ཁོངས་གཏོགས་ཀྱི་སྤྱོད་ཚུལ་འཛུགས་སྐྱོང་གི་ཞིབ་བཤེར་གལ་ཆེན་ཞིག་ཏུ་བརྩིས་ནས། རང་འཁྲིའི་ལས་འགན་ཡག་པོ་བསྒྲུབས་པའི་རྨང་གཞིའི་ཐོག ལས་བྱེད་པ་སྡེ་ཁུལ་དུ་བཏང་སྟེ་རིམས་འགོག་ལས་དོན་སྤེལ་བ་དང་། དྲ་ཐོག་གི་ལས་ཞུགས་དང་སྤྱི་ཚོགས་འགན་བཅོལ་གྱི་ཞབས་འདེགས་ཞུས་ནས། རིམས་འགོག་རིང་གི་རང་ལྗོངས་ཀྱི་དཀའ་ངལ་ཡོད་པའི་མང་ཚོགས་ཀྱི་གཞི་རྩའི་འཚོ་བ་ནུས་ཤུགས་ཡོད་རྒུས་འགན་ལེན་བྱས་པ་རེད།

བསྡོམས་རྩིས་ལྟར་ན། ལྗོངས་ཡོངས་ཀྱི་མི་སྤྱི་ཁོངས་གཏོགས་ཀྱིས་ལས་བྱེད་པ་དང་ལས་བཟོ་1031འཐབ་ས་དང་པོར་མངགས་ཏེ་རིམས་འགོག་དང་བླངས་ཀྱི་ལས་དོན་སྤེལ་ཞིང་། ལྗོངས་ཡོངས་ཀྱི་མི་སྤྱིའི་གཞི་རིམ་ལས་ཞུགས་ཞབས་ཞུའི་ལས་སྟེགས་མི་སྣ་དང་། ལས་རིགས་རྩལ་ནུས་གསོ་སྦྱོང་སློབ་གྲྭའི་མི་སྣ། སྤྱི་ཕན་རང་བཞིན་གྱི་ལས་གནས་མི་སྣ་སོགས་ཁྱོན་མི་གྲངས་7122རིམས་འགོག་དང་བླངས་ཞབས་འདེགས་ནང་ཞུགས་ནས། རང་ལྗོངས་ཀྱི་མི་སྤྱི་དཔུང་ཁག་གིས་སྤྱི་ཡོངས་ལ་ལྟ་རྟོག་དང་། འགན་འཁུར་ཕོད་པ། དམག་འཐབ་དྲག་པོ་རྒྱག་ཐུབ་པ་བཅས་ཀྱི་སྲོལ་རྒྱུན་བཟང་པོ་གང་ལེགས་མངོན་ཡོད་པ་རེད།

རིམས་ནད་ཐོན་རིང་། རང་ལྗོངས་ཀྱི་མི་སྤྱི་ཁོངས་གཏོགས་ཀྱིས་ཁྲོམ་རའི་བྱེད་པོའི་ལས་གནས་བརྟན་པོ་དང་དཀའ་ངལ་སེལ་རྒྱུར་རམ་འདེགས་བྱེད་པ་དང་། ཞི་ལྷོད་དང་། ཕྱིར་སློག ཁ་གསབ། ཉུང་གཏོང་བཅས་ཀྱི་ཆ་སྒྲིག་སྲིད་ཇུས་ལག་ལེན་ཤུགས་ཆེན་བསྟར་ནས། “དྲ་ཐོག་ཐད་གཏོང”གི་བྱེད་སྟངས་བརྒྱུད་ཁེ་ལས་28ལ་མཐོ་སློབ་སློབ་ཐོན་སློབ་མའི་ལས་ཞུགས་ཁ་གསབ་དངུལ་སྒོར་ཁྲི་2841དང་ཁེ་ལས་20ལ་ལས་གནས་བརྟན་པོའི་ཕྱིར་སློག་མ་དངུལ་སྒོར་ཁྲི་96སྤྲད་པ་རེད། དེ་དང་ཆབས་ཅིག་རང་ལྗོངས་ཀྱི་མི་སྤྱི་ཁོངས་གཏོགས་ཀྱིས་ལས་ཞུགས་ལ་དམ་འཛིན་ཤུགས་ཆེན་བྱས་ནས། བོད་རང་སྐྱོང་ལྗོངས་ཀྱི་སྤྱི་པའི་ལས་ཞུགས་གདན་ཞུའི་དྲ་བ་དང་། “བོད་ལྗོངས་མི་སྤྱི་ཐོན་ཁུངས་ཁྲོམ་ར” “བོད་ལྗོངས་མཐོ་སློབ་སློབ་ཐོན་སློབ་མའི་ལས་ཞུགས”སོགས་སྐད་འཕྲིན་སྤྱི་རྟགས་ཀྱི་དགེ་མཚན་འདོན་སྤེལ་གང་ལེགས་བྱས་ནས། ཁྲོམ་རའི་གདན་ཞུའི་ཆ་འཕྲིན་ཡོངས་བསྒྲགས་བྱས་པ་དང་། “དྲ་ཐོག་ངོ་རྒྱུགས”དང་། “སྔོན་ལ་ལས་གནས་སུ་བསྐྱོད་པ་དང་དེ་རྗེས་རྒྱུགས་གཏོང་བ”“ཚོགས་སྒྲིག་རྣམ་པའི”ལས་ཞུགས་སོགས་བྱེད་སྟངས་སྣ་ཚོགས་སྤྱད་ནས། ལྗོངས་ཕྱིའི་ལས་ཞུགས་གཞི་ཁྱོན་མུ་མཐུད་ཆེ་རུ་བཏང་བ། ཁ་པར་དང་དྲ་རྒྱ་སོགས་ཀྱི་བྱེད་སྟངས་བརྒྱུད་གྲོང་ཁྱེར་དང་གྲོང་རྡལ་གྱི་དཀའ་ངལ་ཡོད་པའི་མི་སྣའི་ལས་ཞུགས་དང་འཚོ་བའི་གནད་དོན་སྔར་བས་ཐག་གཅོད་བྱེད་པ་དང་། གྲོང་ཁྱེར་དང་གྲོང་རྡལ་གྱི་དཀའ་ངལ་ཡོད་པའི་མི་སྣར་དམིགས་ནས་གདན་ཞུའི་འདུ་ཚོགས་ཁག་3སྒྲིག་འཛུགས་ཀྱིས་འཚོགས་ཏེ་ལས་ཞུགས་ལས་གནས་1249མཁོ་འདོན་བྱས་ཡོད་པ་རེད།

ཤེས་རྟོགས་བྱུང་བར་གཞིགས་ན། རིམས་ནད་ཐོན་རིང་ལྗོངས་ཡོངས་ཀྱི་ཁེ་ལས་ལས་བཟོའི་གཞི་རྩའི་རྒན་གསོ་རྒན་བཅོལ་དང་། གྲོང་ཁྱེར་དང་གྲོང་གསེབ་ཀྱི་གྲོང་མིའི་གཞི་རྩའི་རྒན་གསོ་འགན་བཅོལ། ལས་ཁུངས་དང་བྱ་གཞག་ཚན་པའི་རྒན་གསོ་འགན་བཅོལ་བཅས་ཀྱི་དངུལ་སྤྲོད་པའི་འགག་རྩའི་དུས་ཚོད་དང་ཏག་ཏག་འཁེལ་ཡོད། རང་སྐྱོང་ལྗོངས་སྤྱི་ཚོགས་འགན་སྲུང་ཅུས་ཀྱིས་སྤྱི་ཚོགས་འགན་སྲུང་གི“དྲ་ཐོག་ལས་སྟེགས”ནས་རྒན་གསོའི་མ་དངུལ་གྱི་གྲངས་གཞི་གྲུབ་པར་བྱེད་ཀྱི་ཡོད། དྲ་ཐོག་ནས་ཞིབ་བསྡུར་བྱས་རྗེས་རྒན་གསོའི་དངུལ་སྤྲོད་པའི་བརྒྱུད་རིམ་སྟབས་བདེ་རུ་བཏང་སྟེ་རྒན་ཡོལ་ཞུས་པའི་མི་སྣར་རྒན་གསོའི་དངུལ་གྲངས་ཚང་མ་ལེན་ཐུབ་པའི་འགན་ལེན་བྱས་པ་དང་མང་ཚོགས་ཀྱི་གཞི་རྩའི་འཚོ་བ་འགན་སྲུང་བྱས་པ་རེད། རིམས་ནད་ཐོན་རིང་དྲ་ཕྱིར་གཉེར་ཐབས་བྲལ་བའི་ཁ་ཚ་དགོས་གཏུགས་ཀྱི་ལས་སྒོ་ཁག་རང་ལྗོངས་ཀྱི་མི་སྤྱི་ཁོངས་གཏོགས་ཀྱིས་དྲ་ཐོག་ནས་གཉེར་རྒྱུ་རྒྱུན་འཁྱོངས་བྱས་པ་དང་ཆ་འཕྲིན་ལག་རྩལ་མི་སྣ་ཆུ་ཚོད་24ལས་ཀ་སྒྲུབ་པར་མངགས་ནས་ཆ་འཕྲིན་ཅན་གྱི་ལས་སྟེགས་ཚང་མ་བརྟན་པོའི་ངང་འཁོར་རྒྱུག་ཐུབ་པའི་འགན་ལེན་དང་། སྤྱི་ཚོགས་འགན་བཅོལ་གྱི་འགན་བཅོལ་ནང་ཞུགས་པའི་ཐོ་འགོད་དང་། རེ་ཞུ་འཇལ་སྤྲོད། འབྲེལ་བ་འགྱུར་བ་དང་མཇུག་མཐུད་སོགས་གཙོ་གནད་ལས་སྒོ་ཕྱོགས་ཡོངས་ནས་དྲ་ཐོག་ནས་ཐོ་འགོད་དང་སྒུལ་བདེའི་གཏོང་སྤྲོད་མངོན་འགྱུར་ཐུབ་ཡོད།