རིམས་ནད་སྔོན་འགོག་དང་ཚོད་འཛིན་གྱི་ཛ་དྲག་དུས་བབ་རིང་ལྷ་ས་གྲོང་ཁྱེར་གྱིས་ཏང་ཀྲུང་དབྱང་དང་ལྗོངས་ཏང་ཨུད་ཀྱི་ཐབས་ཇུས་བཀོད་སྒྲིག་ལག་བསྟར་དོན་འཁྱོལ་གཏིང་ཟབ་བྱས་ཏེ། རྒྱ་ཆེའི་སྨན་དོན་མི་སྣ་དང་། གྲོང་སྡོད་ལས་དོན་རུ་མི། སྡེ་ཁུལ་གྱི་ལས་དོན་པ། དང་བླངས་པ། གཤམ་སྐྱོད་ཏང་ཡོན་ལས་བྱེད་པ་བཅས་ཀྱིས་བཀའ་འབྱོར་མ་ཐག་བྱ་སྤྱོད་སྤེལ་ནས་རིམས་ནད་སྔོན་འགོག་དང་ཚོད་འཛིན་གྱི་འཐབ་ས་དང་པོར་ཧུར་ཐག་ཞུགས་ནས་རིམས་ནད་སྔོན་འགོག་དང་ཚོད་འཛིན་གྱི་སྲིད་ཇུས་དང་བྱེད་ཐབས་ཁག་དོན་འཁྱོལ་ལ་ནུས་ཤུགས་ཡོད་རྒུས་སྐུལ་འདེད་བཏང་ཐོག་གྲོང་མིའི་དངོས་ཟོག་མཁོ་སྤྲོད་འགན་ལེན་བྱས་ཡོད། དེ་དང་དུས་མཚུངས་མཉམ་འགོག་མཉམ་སྡོམ་དང་། ཕྱར་བ་གྲུ་འདེགས། ལྷག་བསམ་རྣམ་དག་བཅས་ཀྱི་སྒོ་ནས་ལྗོངས་ཡོངས་ཀྱི་རིམས་ནད་སྔོན་འགོག་དང་ཚོད་འཛིན་གྱི་འགོག་རྒོལ་དམག་འཐབ་ལ་ཞུགས་ཏེ་བདེ་སྐྱིད་ལྡན་པའི་ཁྱིམ་གཞིས་མཉམ་དུ་སྲུང་སྐྱོང་བྱས་ཡོད་ཅིང་། འདི་ནི་ལས་དོན་མི་སྣས་ཉིང་སྐྱུར་དཔེ་ལེན་ཁུལ་དུ་དུག་སེལ་བྱེད་བཞིན་པ།