རིམས་ནད་ཐོན་ཚུན། ལྷོ་ཁ་གྲོང་ཁྱེར་གྱིས“12345”ཡི་སྲིད་དོན་ཞབས་ཞུའི་དམངས་ཕན་ཐད་སྦྲེལ་ཁ་པར་ཡག་པོ་སྤྱད་ནས“ཐེར་འདོན་འབྱོར་མ་ཐག་སྒྲུབ་པའི”བྱེད་སྟངས་སྤྱོད་འགོ་བཙུགས་ཏེ་སྤུས་ཚད་མཐོ་བ་དང་ཕན་འབྲས་ཆེ་བའི་ངང་མང་ཚོགས་ཀྱིས་ཁ་པར་ནང་བརྗོད་པའི་གནད་དོན་ཐག་གཅོད་བྱས་ཡོད། ཟླ་8ཚེས་8ནས་23ཉིན་བར་གྲོང་ཁྱེར་དེས་མང་ཚོགས་ཀྱིས་ཁ་པར་ནང་བརྗོད་པའི་གནད་དོན་1598ཐག་གཅོད་བྱས་ཏེ་ཉིན་རེར་ཆ་སྙོམས་100ཙམ་ཟིན་པ་དང་ཁ་པར་འབྱོར་འཕྲལ་ལན་རྒྱག་པ་དང་ཁ་པར་འབྱོར་འཕྲལ་བསྒྲུབ་རྒྱུ་གཞི་རྩའི་ཆར་བསྒྲུབས་ནས་མང་ཚོགས་ཀྱིས་ཁྱིམ་གྱི་སྒོ་དོན་མ་དགོས་པར་དགོས་གཏུགས་ཀྱི་གནད་དོན་དང་དཀའ་གནད་བསྒྲུབས་ཏེ་རིམས་ནད་སྔོན་འགོག་དང་ཚོད་འཛིན་བྱེད་རིང་གི་དམངས་འཚོའི“སེམས་སྦྲེལ་ཟམ་པ”བཙུགས་ཡོད་པ་རེད།

རིམས་ནད་ཐོན་རིང་། ལྷོ་ཁ་གྲོང་ཁྱེར་གྱི“12345”ཡི་སྲིད་དོན་ཐད་སྦྲེལ་ཁ་པར་འབྱོར་ཚད་རིམས་ནད་མ་ཐོན་གོང་ལས་ལྡབ་7ཙམ་མང་དུ་ཕྱིན་པ་དེའི་ནང་རིམས་ནད་སྔོན་འགོག་དང་ཚོད་འཛིན་གྱི་འབྲེལ་ཡོད་གནད་དོན་གྱིས་བསྡོམས་འབོར་གྱི་99%ཡན་བཟུང་ཡོད། ཁ་པར་མང་དུ་འགྲོ་བར་དམིགས་ནས་ལྷོ་ཁ་གྲོང་ཁྱེར་གྱིས་ཁ་པར་གྱི་སྐུད་ལམ་མང་དུ་བཏང་བ་དང་སྲིད་དོན་ཁ་པར་ཁག་3ནས་10བར་མང་དུ་བཏང་བ་མ་ཟད། མི་སྣ་སྐོང་འཐེན་བྱས་ནས་སྟོབས་ཤུགས་ཆེ་རུ་བཏང་བ་དང་། ཁ་པར་ལེན་མཁན་ལས་མི་12ཚང་མ་ལས་གནས་ཐོག་ཡོད་པ། ཚན་རིག་དང་མཐུན་པའི་ངང་ལས་རེས་བཀོད་སྒྲིག་དང་འགུལ་རྣམ་ལེགས་སྒྲིག་བྱེད་པ། ཉིན་མཚན་དབྱེར་མེད་དང་བདུན་མཚམས་འཇོག་མི་བྱེད་པར་ཞབས་ཞུ་བྱས་ཏེ་ཐད་སྦྲེལ་ཁ་པར་དེ་རིམས་ནད་སྔོན་འགོག་དང་ཚོད་འཛིན་གྱི་འཐབ་ས་མདུན་མར་བེད་སྤྱོད་ཐུབ་པ་བྱས་ནས་རིམས་ནད་ཐོན་རིང་དམངས་འཚོའི་གནད་དོན་བདག་སྤྲོད་ཐབས་ལམ་ཤར་གཏོང་ཐུབ་རྒྱུར་ནུས་ཤུགས་ཡོད་རྒུས་འགན་ལེན་བྱེད་བཞིན་ཡོད་པ་རེད།