《རྒྱལ་ཁབ་ཀྱི་སྐྱེ་ཁམས་ཤེས་དཔལ་གྱི་མཐོ་ས་བསྐྲུན་རྒྱུའི་བོད་རང་སྐྱོང་ལྗོངས་ཀྱི་སྲོལ་ཡིག》ལག་ལེན་བསྟར་ནས་ལོ་གཅིག་འཁོར་བའི་བཞུགས་མོལ་ཚོགས་འདུའི་ཐོག་གི་སྤེལ་རེས་གཏམ་བཤད། (གནད་བསྡུས)

                                              མཛེས་སྡུག་ལྡན་པའི་བོད་ལྗོངས་འཛུགས་སྐྲུན་བྱེད་པར་འབུལ་འོས་པའི་ལེགས་སྐྱེས་ཕུལ་བ།

                                               རྒྱལ་ཁབ་གློག་ཤུགས་མ་འཇོག་ཚོགས་པ་ཚད་ཡོད་ཀུང་སི་བོད་ལྗོངས་ཡན་ལག་ཀུང་སི། ཀྲའོ་ཧྲོའེ།

ཚོགས་འདུའི་བཀོད་སྒྲིག་གཞིར་བཟུང་། ངས་རྒྱལ་ཁབ་གློག་ཤུགས་མ་འཇོག་ཚོགས་པ་ཚད་ཡོད་ཀུང་སི་བོད་ལྗོངས་ཡན་ལག་ཀུང་སིའི(གཤམ་དུ་རྒྱལ་ཁབ་གློག་ཤུགས་མ་འཇོག་བོད་ལྗོངས་ཡན་ལག་ཀུང་སི་ཞེས་བསྡུ་རྒྱུ)ཚབ་ཞུས་ཏེ《རྒྱལ་ཁབ་ཀྱི་སྐྱེ་ཁམས་ཤེས་དཔལ་གྱི་མཐོ་ས་བསྐྲུན་རྒྱུའི་བོད་རང་སྐྱོང་ལྗོངས་ཀྱི་སྲོལ་ཡིག》སློབ་སྦྱོང་དང་ལག་བསྟར་བྱས་ཚུལ་སྐོར་སྙན་སེང་བྱེད་རྒྱུ་གཤམ་གསལ།

2020ལོར་ཀྲུང་དབྱང་གི་བོད་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་བདུན་པ་འཚོགས་རྗེས། རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ལྷན་གྱིས་བཞུགས་མོལ་ཚོགས་འདུའི་དགོངས་དོན་དོན་འཁྱོལ་བྱ་རྒྱུར་མཐོང་ཧ་ཅང་ཆེན་པོ་བྱས་ཏེ། མཚོ་བོད་ས་མཐོ་འདི་ཉིད་རྒྱལ་ཡོངས་ཙམ་མ་ཟད། ཐ་ན་གོ་ལ་ཧྲིལ་པོའི་སྐྱེ་ཁམས་ཤེས་དཔལ་གྱི་མཐོ་ས་ཞིག་ཏུ་བསྐྲུན་རྒྱུའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གྱི་དགོངས་དོན་ལ་དམིགས་ཏེ《རྒྱལ་ཁབ་ཀྱི་སྐྱེ་ཁམས་ཤེས་དཔལ་གྱི་མཐོ་ས་བསྐྲུན་རྒྱུའི་བོད་རང་སྐྱོང་ལྗོངས་ཀྱི་སྲོལ་ཡིག》བཟོས་ནས་བཏོན་ཞིང་། སྐྱེ་ཁམས་འཆར་འགོད་དང་། སྐྱེ་ཁམས་བདེ་འཇགས། སྐྱེ་ཁམས་དཔལ་འབྱོར། སྐྱེ་ཁམས་རིག་གནས། དཔེ་སྟོན་འཛུགས་གཏོད། སྤྱི་ཚོགས་མཐུན་སྦྱོར། འགན་སྲུང་ལྟ་སྐུལ་སོགས་ཀྱི་སྐྱེ་ཁམས་ཤེས་དཔལ་གྱི་མཐོ་ས་བསྐྲུན་རྒྱུར་སྤྱིའི་བཀོད་སྒྲིག་བྱས་ཡོད།

《སྲོལ་ཡིག》བཏོན་རྗེས། རྒྱལ་ཁབ་གློག་ཤུགས་མ་འཇོག་བོད་ལྗོངས་ཡན་ལག་ཀུང་སིའི་ཏང་ཨུད་ཀྱིས་འཕྲལ་མ་ཉིད་དུ་ཏང་ཨུད་ཀྱི་རྒྱ་ཆེའི་ཚོགས་འདུ་བརྒྱུད་ཀུང་སིའི་མི་སྣ་གཙོ་བོ་སྒྲིག་འཛུགས་བྱས་ཏེ《སྲོལ་ཡིག》སློབ་སྦྱོང་བྱས་པ་དང་། 《སྲོལ་ཡིག》ཇི་ལྟར་ལག་བསྟར་དོན་འཁྱོལ་བྱེད་རྒྱུའི་ཐད་དོན་འཁྱོལ་བྱ་ཐབས་བཟོས་པ་དང་ཆབས་ཅིག 2021ལོའི་ཟླ་6ཚེས་5ཉིན་འཛམ་གླིང་ཁོར་ཡུག་ཉིན་མོར་ཀུང་སིའི་ལས་བཟོ་ཡོངས་སྒྲིག་འཛུགས་བྱས་ནས《སྲོལ་ཡིག》དང་ཀུང་སིའི་དོན་འཁྱོལ་བྱ་ཐབས་སློབ་སྦྱོང་ནན་ཏན་བྱས་ཡོད།

ཀུང་སིས་རྣམ་གྲངས་ཀྱི་དུས་འགོ་དང་། ལས་གྲྭ་འཛུགས་སྐྲུན། ཐོན་སྐྱེད་འཁོར་སྐྱོད་བདག་སྐྱོང་བཅས་ཀྱི་ལས་དོན་སྤེལ་རིང་སྐྱེ་ཁམས་ཁོར་ཡུག་སྲུང་སྐྱོང་ལ་མཐོང་ཧ་ཅང་ཆེན་པོ་བྱས་ནས་ཀུང་སིའི་སྤྱི་ཁྱབ་ཅིང་ལིས་ཙུའུ་ཀྲང་བྱས་པའི་སྐྱེ་ཁམས་ཁོར་ཡུག་སྲུང་སྐྱོང་འགོ་ཁྲིད་ཚོགས་ཆུང་བཙུགས་པ་དང་འབྲེལ། “ཏང་སྲིད་འགན་འཁྲི་མཉམ་ཁུར་དང་ལས་གནས་གཅིག་ལ་འགན་འཁྲི་གཉིས”ཀྱི་རྩ་དོན་གཞིར་བཟུང་། སྐྱེ་ཁམས་ཁོར་ཡུག་སྲུང་སྐྱོང་གི་ལས་གནས་འགན་འཁྲིའི་ལམ་ལུགས་བཙུགས་པ་དང་། ལས་གནས་ཁག་གི་སྐྱེ་ཁམས་ཁོར་ཡུག་སྲུང་སྐྱོང་གི་བླང་བྱ་ཁ་གསལ་བཏོན་ནས་སྐྱེ་ཁམས་ཁོར་ཡུག་སྲུང་སྐྱོང་ཚད་ལྡན་ཅན་གྱི་དོ་དམ་ལག་དེབ་དང་། སྐྱེ་ཁམས་ཁོར་ཡུག་སྲུང་སྐྱོང་གི་ཆུ་ཚད་མཐོ་རུ་གཏོང་བའི་བྱ་སྤྱོད་འཆར་གཞི། སྐྱེ་ཁམས་ཁོར་ཡུག་སྲུང་སྐྱོང་གི་ཆུ་ཚད་མཐོ་རུ་གཏོང་བའི་བྱ་སྤྱོད་ཇུས་གཞི། སྐྱེ་ཁམས་ཁོར་ཡུག་སྲུང་སྐྱོང་ལོ་འཁོར་གྱི་ལས་ཀའི་གཙོ་གནད་སོགས་ཀྱི་འབྲེལ་ཡོད་ཡིག་ཆ་སྔ་རྗེས་སུ་བཟོས་ནས་སྤྲད་ཡོད། རྣམ་གྲངས་ཀྱི་དུས་འགོར་ཁོར་ཡུག་ཤུགས་རྐྱེན་ཐེབས་ཤུགས་ལ་དབྱེ་ཞིབ་ནན་ཏན་བྱས་ནས་དེ་མཚུངས་ཀྱི་འོས་ཐོབ་དང་བྱས་རྗེས་ཡོད་པའི་ཕྱོགས་གསུམ་པར་ཁོར་ཡུག་ཤུགས་རྐྱེན་ལ་གདེང་འཇོག་བྱ་རྒྱུའི་མངགས་བཅོལ་བྱས་ཏེ། སྐྱེ་ཁམས་ཁོར་ཡུག་སྲུང་སྐྱོང་ལ་མ་དངུལ་གཏོང་ཤུགས་མུ་མཐུད་ཆེ་རུ་བཏང་བ་དང་ཁོར་ཡུག་གི་ཤུགས་རྐྱེན་ལ་ཁ་གཏད་གཅོག་པའི་བྱ་ཐབས་བཟོས་ཡོད། རྣམ་གྲངས་འཛུགས་སྐྲུན་བྱེད་སྐབས་ཁོར་ཡུག་སྲུང་སྐྱོང་གི“དུས་གཅིག་ཏུ་གསུམ”གྱི་ལམ་ལུགས་ལག་བསྟར་ནན་པོ་བྱས་ནས། ཁོར་ཡུག་སྲུང་སྐྱོང་གི་སྒྲིག་བཀོད་དེ་ངེས་པར་དུ་ལས་གྲྭ་གཙོ་བོ་དང་དུས་གཅིག་ཏུ་ཇུས་འགོད་དང་། དུས་གཅིག་ཏུ་ཨར་སྐྲུན། དུས་གཅིག་ཏུ་ཐོན་སྐྱེད་བེད་སྤྱོད་བཅས་བྱས་ཡོད། དུས་མཇུག་ཏུ་ཐོན་སྐྱེད་འཁོར་སྐྱོད་བདག་སྐྱོང་བྱེད་སྐབས་ཚོགས་པ་དང་ཀུང་སིའི་གཅིག་གྱུར་བཀོད་སྒྲིག་དང་ཀུང་སིའི་ལོ་འཁོར་གྱི་ལས་ཀའི་འཆར་གཞི་གཞིར་བཟུང་། སྐྱེ་ཁམས་ཁོར་ཡུག་སྲུང་སྐྱོང་ཞིབ་བཤེར་དང་ལྟ་བཤེར་ལས་དོན་ཁག་སྤེལ་ནས་སྐྱེ་ཁམས་ཁོར་ཡུག་སྲུང་སྐྱོང་ཞིབ་བཤེར་དང་ལྟ་བཤེར་དག་ཐེར་གྱི་རྩིས་ཁྲ་བཟོས་ནས་རེ་རེ་བཞིན་དག་ཐེར་དང་ཐོ་སུབ་སྟེ་སྐྱེ་ཁམས་ཁོར་ཡུག་སྲུང་སྐྱོང་གི་ལས་དོན་ཁག་དོན་ཐོག་ཏུ་འཁྱོལ་བའི་འགན་ལེན་བྱས་ཡོད། རིམ་ཁག་སྲིད་གཞུང་གིས་མཛུབ་ཁྲིད་དང་ཞིབ་བཤེར་བྱས་པ་བརྒྱུད། ཉེ་བའི་ལོ་ཤས་རིང་ཀུང་སིས་སྐྱེ་ཁམས་ཁོར་ཡུག་སྲུང་སྐྱོང་ལས་དོན་ཁག་གོ་རིམ་ལྡན་པའི་ངང་སྤེལ་བ་དང་ཀུང་སི་བཙུགས་ནས་ལོ་བཅུ་སོང་རིང་སྐྱེ་ཁམས་ཁོར་ཡུག་གི་དོན་རྐྱེན་ཐོན་མྱོང་མེད། འོན་ཀྱང་མི་འདང་སའང་ཁ་ཤས་ཡོད་པ་དང་། གཙོ་བོ་སྐྱེ་ཁམས་ཤེས་དཔལ་གྱི་སྲིད་ཇུས་སྟངས་འཛིན་དང་སྐྱེ་ཁམས་ཁོར་ཡུག་སྲུང་སྐྱོང་ལ་མ་དངུལ་གཏོང་བ་སོགས་ཀྱི་ཐད་ད་དུང་སྔར་བས་ཤུགས་སྣོན་རྒྱག་དགོས་པ་དེ་རེད།

2020ལོའི་ཟླ་7པར། རང་སྐྱོང་ལྗོངས་ཐོན་ལས་འཛུགས་སྐྲུན་འགོ་ཁྲིད་ཚོགས་ཆུང་གིས་རང་སྐྱོང་ལྗོངས་ཕྱོགས་བསྡུས་རིག་ལྡན་ནུས་རྒྱུའི་འཆར་འགོད་ཞིབ་འཇུག་གི་ལས་འགན་དེ་རྒྱལ་ཁབ་གློག་ཤུགས་མ་འཇོག་བོད་ལྗོངས་ཡན་ལག་ཀུང་སིར་སྤྲད་པ་དང་། དེའི་ནང་འོད་ཤུགས་བྱེ་བཅོས་ནུས་རྒྱུ་གསར་སྤེལ་དང་སྐྱེ་ཁམས་བཅོས་སྐྱོང་སྣེ་འབྲེལ་དང་ཕྱོགས་བསྡུས་བེད་སྤྱོད་ཚུད་ཡོད། ངེད་ཀུང་སིའི་ཞིབ་འཇུག་གྲུབ་འབྲས་དེ་རང་སྐྱོང་ལྗོངས་ནུས་རྒྱུ་དོ་དམ་སྡེ་ཚན་ལ་གོང་ཞུ་བྱས་ཡོད། ཡུན་རིང་ཚོད་ལྟ་དང་ལྟ་ཞིབ་བྱས་པ་བརྒྱུད་འོད་ཤུགས་སྤྱོད་ཁུལ་དང་ས་ཚིགས་བསྐྲུན་རྗེས་ས་ངོས་རླངས་པར་འགྱུར་ཚད་24%ཙམ་ཉུང་དུ་ནུས་ལྡན་ཕྱིན་པ་དང་། ས་ངོས་ཀྱི་རླུང་གི་མྱུར་ཚད་50%ཡན་དམའ་རུ་ཕྱིན་པ། འོད་ཤུགས་སྤྱོད་ཁུལ་གྱི་སྐྱེ་ཁམས་ཁོར་ཡུག་ལེགས་སུ་མངོན་གསལ་དོད་པོ་ཕྱིན་ནས་བོད་ཀྱི་བྱེ་འགྱུར་ས་ཆ་བཅོས་སྐྱོང་བྱེད་རིང་དགེ་མཚན་ལྡན་པའི་ནུས་པ་ཐོན་ཡོད། མིག་སྔར་ངེད་ཀུང་སིར་བོད་ཀྱི་ས་ཁོངས་ཀྱི་ཉི་ནུས+སྐྱེ་ཁམས་དཔེ་སྟོན་དང་དེ་བཞིན་ཚད་ལྡན་ཅན་གྱི་བྱ་ཐབས་ཁྱབ་གདལ་གྱི་ཞིབ་འཇུག་སྙན་ཞུ་རགས་ཙམ་གྲུབ་པ་དང་། གོམ་སྟབས་རྗེས་མར་ཆབ་མདོ་དང་མངའ་རིས་ཀྱི་མཁོ་སྤྲོད་འགན་ལེན་རྣམ་གྲངས་སུ་ཚོད་ལྟ་བྱ་རྒྱུ་ཡིན།