(1921ལོའི་ཟླ་7པ་ནས་2021ལོའི་ཟླ་6པ་བར)

1985ལོ།

★ ཟླ་1ཚེས་1ཉིན། ཀྲུང་གུང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གིས《གྲོང་གསེབ་ཀྱི་དཔལ་འབྱོར་ལ་སྔར་བས་གསོན་ཤུགས་འཕེལ་བར་བྱ་རྒྱུའི་སྐོར་གྱི་སྲིད་ཇུས་ཁག་བཅུ》བཀྲམ་སྟེ། ཞིང་ལས་ཐོན་རྫས་སྡེབ་ཉོ་དང་ཆ་གསེས་ཉོ་སྒྲུབ་ལམ་ལུགས་སྒྱུར་བཅོས་བྱས་ནས་1985ལོ་ནས་བཟུང་གན་འཇོག་མངགས་ཉོ་དང་ཁྲོམ་རས་བསྡུ་ཉོ་བྱ་རྒྱུའི་གཏན་འབེབས་བྱས་པ་རེད།

★ ཟླ་1ཚེས་21ཉིན། རྒྱལ་ཡོངས་མི་དམངས་འཐུས་ཚོགས་སྐབས་དྲུག་པའི་རྒྱུན་ལས་ཨུ་ཡོན་ལྷན་ཁང་གི་ཚོགས་འདུ་ཐེངས་དགུ་པའི་ཐོག《དགེ་རྒན་དུས་ཆེན་སྐོར་གྱི་གཏན་འབེབས》ལ་གྲོས་འཆམ་བྱུང་ནས། ཟླ་9ཚེས་10ཉིན་དགེ་རྒན་དུས་ཆེན་ལ་གཏན་འཁེལ་བྱས་པ་རེད།

★ ཟླ་2ཚེས་18ཉིན། ཀྲུང་གུང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གིས《འབྲི་ཆུ་དང་། ཀྲུའུ་ཅང་ཟུར་གསུམ་གླིང་། མིན་ནན་ཤ་ཀྲང་ཆོན་ཟུར་གསུམ་ས་ཁུལ་གྱི་བཞུགས་མོལ་ཚོགས་འདུའི་ཟིན་བྲིས་གནད་བསྡུས》མཆན་བཀོད་བརྒྱུད་སྤྲོད་བྱས་པ་དང་འབྲེལ། འབྲི་ཆུའི་ཟུར་གསུམ་གླིང་དང་། ཀྲུའུ་ཅང་ཟུར་གསུམ་གླིང་། མིན་ནན་ཤ་ཀྲང་ཆོན་ཟུར་གསུམ་ས་ཁུལ་དུ་མཚོ་འགྲམ་དཔལ་འབྱོར་གསར་སྤེལ་ཁུལ་གཏོད་རྒྱུའི་གཏན་འབེབས་བྱས་པ་རེད།

★ ཟླ་2ཚེས་20ཉིན། ཀྲུང་གོའི་ལྷོ་སྣེའི་རྟོག་ཞིབ་ས་ཚིགས་ཨང་དང་པོ་སྟེ། ལྕགས་རི་རིང་པོའི་ས་ཚིགས་ལྷོ་སྣེའི་ཆའོ་ཀྲི་ཝང་གླིང་ཕྲན་དུ་བསྐྲུན་ཞིང་། དེ་ནས་བཟུང་རང་རྒྱལ་གྱིས་ལྷོ་སྣེའི་ཀྲུང་ཧྲན་ས་ཚིགས་དང་། ཁུ་ནུ་ས་ཚིགས། ཐའེ་ཧྲན་ས་ཚིགས་བཅས་གཅིག་རྗེས་གཉིས་མཐུད་ངང་བསྐྲུན་པ་རེད།

★ ཟླ་3ཚེས་4ཉིན། ཏེང་ཞའོ་ཕིང་གིས་ཕྱི་རྒྱལ་གྱི་སྐུ་མགྲོན་དང་ཐུག་འཕྲད་གནང་སྐབས་ད་ཆ་འཛམ་གླིང་ཐོག་གི་གནད་དོན་ཆེན་པོ་ངོ་མ་དང་གོ་ལ་ཧྲིལ་པོའི་རང་བཞིན་གྱི་འཐབ་ཇུས་ཀྱི་གནད་དོན་ཞིག་ཡོད་པ་གཅིག་ནི་ཞི་བདེའི་གནད་དོན་དང་གཅིག་ཤོས་དེ་འཕེལ་རྒྱས་ཀྱི་གནད་དོན་རེད། ཞི་བདེའི་གནད་དོན་ནི་ཤར་ནུབ་ཀྱི་གནད་དོན་དང་འཕེལ་རྒྱས་ཀྱི་གནད་དོན་ནི་ལྷོ་བྱང་གི་གནད་དོན་རེད། མདོར་བསྡུས་ནས་བཤད་ན། ཤར་ལྷོ་ནུབ་བྱང་་ཡིག་འབྲུ་བཞི་པོ་དེ་རེད། ལྷོ་བྱང་གི་གནད་དོན་ནི་ལྟེ་བའི་གནད་དོན་རེད་ཅེས་གསུངས་པ་རེད།

★ ཟླ་3ཚེས་13ཉིན། ཀྲུང་གུང་ཀྲུང་དབྱང་གིས《ཚན་རིག་ལག་རྩལ་གྱི་སྒྲིག་སྲོལ་སྒྱུར་བཅོས་བྱ་རྒྱུའི་སྐོར་གྱི་གཏན་འབེབས》བྱས་ནས། དཔལ་འབྱོར་འཛུགས་སྐྲུན་བྱེད་པར་ངེས་པར་དུ་ཚན་རིག་ལག་རྩལ་ལ་བརྟེན་དགོས་པ་དང་། ཚན་རིག་ལག་རྩལ་གྱི་ལས་དོན་སྤེལ་སྐབས་ངེས་པར་དུ་དཔལ་འབྱོར་འཛུགས་སྐྲུན་ལ་ཁ་ཕྱོགས་དགོས་པའི་འཐབ་ཇུས་བྱེད་ཕྱོགས་བཏོན་པ་རེད།

★ ཟླ་5ཚེས་23ནས་ཟླ་6ཚེས་6ཉིན་བར། ཀྲུང་དབྱང་དམག་ཨུད་ཀྱིས་རྒྱ་ཆེའི་ཚོགས་འདུ་འཚོགས་པ་དང་། ཏེང་ཞའོ་ཕིང་གིས་ཚོགས་འདུའི་ཐོག་རྒྱལ་སྤྱིའི་དུས་བབ་ཀྱི་བརྡར་ཤ་གསར་པ་དང་ཀྲུང་གོའི་ཕྱི་ཕྱོགས་སྲིད་ཇུས་ཀྱི་འགྱུར་ལྡོག་གལ་ཆེན་གཉིས་བཏོན་གནང་བ་དང་འབྲེལ། ཀྲུང་གོ་མི་དམངས་བཅིངས་འགྲོལ་དམག་གི་མི་གྲངས་ཁྲི་100ཉུང་དུ་གཏོང་རྒྱུའི་ཁྱབ་བསྒྲགས་གནང་བ་རེད། ཚོགས་འདུའི་ཐོག་དམག་དཔུང་འཛུགས་སྐྱོང་གི་མཛུབ་ཁྲིད་བསམ་བློའི་ཐད་འཐབ་ཇུས་རང་བཞིན་གྱི་འགྱུར་ལྡོག་གཏོང་རྒྱུའི་ཐབས་ཇུས་གལ་ཆེན་བཏོན་པ་རེད།

★ ཟླ་5ཚེས་27ཉིན། ཀྲུང་གུང་ཀྲུང་དབྱང་གིས《སློབ་གསོའི་སྒྲིག་སྲོལ་སྒྱུར་བཅོས་བྱ་རྒྱུའི་སྐོར་གྱི་གཏན་འབེབས》བྱས་པ་རེད།

★ ཟླ་5པར། ཀྲུང་གུང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གིས། ཚན་རིག་ལག་རྩལ་ལ་བརྟེན་ནས་གྲོང་གསེབ་ཀྱི་དཔལ་འབྱོར་འཕེལ་རྒྱས་ལ་སྐུལ་འདེད་གཏོང་རྒྱུ་དམིགས་ཡུལ་དུ་བྱས་པའི“མེ་སྟག་འཆར་གཞི”ལག་ལེན་བསྟར་རྒྱུར་ཆོག་མཆན་སྤྲད་པ་རེད།

★ ཟླ་6ཚེས་9ནས་15ཉིན་བར། རྒྱལ་ཡོངས་ཀྱི་ཁྲིམས་ལུགས་དྲིལ་བསྒྲགས་སློབ་གསོའི་ལས་དོན་ཚོགས་འདུ་འཚོགས་པ་དང་། ཚོགས་འདུའི་ཐོག《སྤྱི་དམངས་ཡོངས་ལ་བཅའ་ཁྲིམས་ཀྱི་རྒྱུན་ཤེས་གཞི་རྩའི་ཐོག་ནས་ཁྱབ་གདལ་གཏོང་རྒྱུའི་སྐོར་གྱི་ལོ་ལྔའི་འཆར་འགོད》ལ་གྲོས་འཆམ་བྱུང་བ་རེད། 2021ལོར་ལོ་ལྔའི་བཅའ་ཁྲིམས་ཁྱབ་གདལ་གྱི་འཆར་འགོད་ཁྱོན་ཁག་བརྒྱད་ལག་བསྟར་བྱས་པ་རེད།

★ ཟླ་9ཚེས་18ནས་23ཉིན་བར། ཀྲུང་གོ་གུང་ཁྲན་ཏང་གི་རྒྱལ་ཡོངས་འཐུས་མིའི་ཚོགས་འདུ་འཚོགས་པ་དང་། ཚོགས་འདུའི་ཐོག་ཀྲུང་དབྱང་ཨུ་ཡོན་ལྷན་ཁང་དང་། ཀྲུང་དབྱང་བློ་འདྲི་ཨུ་ཡོན་ལྷན་ཁང་། ཀྲུང་དབྱང་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་བཅས་ཀྱི་ཁོངས་མི་ལེགས་སྒྲིག་བྱས་པ་རེད།

★ ཟླ་9ཚེས་24ཉིན། ཀྲུང་གུང་སྐབས་བཅུ་གཉིས་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་ལྔ་པ་འཚོགས་པ་དང་། ཚང་འཛོམས་གྲོས་ཚོགས་ཐོག་ཀྲུང་དབྱང་ཆབ་སྲིད་ཅུས་དང་ཀྲུང་དབྱང་ཧྲུའུ་ཅི་ཁྲུའི་ཁོངས་མི་ལེགས་སྒྲིག་བྱས་ནས་ཀྲུང་དབྱང་འགོ་ཁྲིད་ལས་ཁུངས་ཀྱི་ཁོངས་མི་རྙིང་ཚབ་གསར་མཐུད་སྔར་ལས་ལྷག་པ་བྱས་པ་རེད།

1986ལོ།

★ ཟླ་3ཚེས་5ཉིན། ཏེང་ཞའོ་ཕིང་གིས་ཝང་ཏ་ཧེང་དང་། ཝང་ཀེན་ཁྲང་། དབྱང་ཅ་ཁྲེ། ཁྲེན་ཧྥང་ཡུན་བཅས་ཚན་རིག་མཁས་ཅན་བཞིས་བཏོན་པའི་ཕྱི་རྒྱལ་གྱི་ཆུ་ཚད་མཐོ་བའི་ལག་རྩལ་འཕེལ་རྒྱས་ལ་རྗེས་འདེད་ཞིབ་འཇུག་བྱ་རྒྱུའི་སྐོར་གྱི་གྲོས་འགོར་མཆན་བཀོད་མཛུབ་སྟོན་གནང་བ་རེད། ཟླ་11ཚེས་18ཉིན། ཀྲུང་གུང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གིས《ཆུ་ཚད་མཐོ་བའི་ལག་རྩལ་ཞིབ་འཇུག་འཕེལ་རྒྱས་འཆར་གཞིའི་རྩ་གནད》བརྒྱུད་སྤེལ་བྱས་པ་རེད། འཆར་གཞི་འདིར་ཏེང་ཞའོ་ཕིང་གིས་ཐོག་མར་མཆན་བཀོད་མཛུབ་སྟོན་གནང་བའི་དུས་ཚོད་1986ལོའི་ཟླ་3པ་ཡིན་པས“བརྒྱད་དྲུག་གསུམ་འཆར་གཞི”ཞེས་ཀྱང་འབོད་སྲོལ་ཡོད།

★ ཟླ་4ཚེས་12ཉིན། རྒྱལ་ཡོངས་མི་དམངས་འཐུས་ཚོགས་སྐབས་དྲུག་པའི་ཚོགས་འདུ་ཐེངས་བཞི་པའི་ཐོག《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་དམངས་ཁྲིམས་སྤྱི་སྲོལ》དང་། 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་འོས་འགན་སློབ་གསོའི་བཅའ་ཁྲིམས》 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཕྱི་རྒྱལ་གྱི་མ་འཇོག་ཁེ་ལས་སྐོར་གྱི་བཅའ་ཁྲིམས》 བཅས་ལ་གྲོས་འཆམ་བྱུང་བ་རེད།

★ ཟླ་7ཚེས་8ཉིན། ཀྲུང་གོའི་རྒྱལ་ནང་སྲུང་སྐར་འཕྲིན་གཏོང་དྲ་བ་དངོས་སུ་བསྐྲུན་པ་རེད།

★ ཟླ་8ཚེས་10ཉིན། བཅིངས་འགྲོལ་དམག་སྤྱི་ཁྱབ་ཚན་མོ་པུའུ་དང་། སྤྱི་ཁྱབ་ཆབ་སྲིད་པུའུ། སྤྱི་ཁྱབ་རྒྱབ་ཕྱོགས་མཁོ་སྒྲུབ་པུའུ་བཅས་ཀྱིས་བརྡ་ཐོ་བཏང་ནས་གྲ་སྒྲིག་དམག་ཞབས་དཔུང་སྡེ་མི་དམངས་བཅིངས་འགྲོལ་དམག་གི་སྒྲིག་ཚུད་གོ་རིམ་ནང་དངོས་སུ་འཇུག་རྒྱུའི་གཏན་འབེབས་བྱས་པ་རེད།

★ ཟླ་9ཚེས་15ཉིན། ཀྲུང་གུང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གིས《ཀྲུང་གོ་གུང་ཁྲན་ཏང་གི་དམངས་ཡོངས་ལ་དབང་བའི་ལམ་ལུགས་ཀྱི་བཟོ་ལས་ཁེ་ལས་ཀྱི་གཞི་རིམ་རྩ་འཛུགས་ཀྱི་ལས་དོན་སྲོལ་ཡིག》བཀྲམ་པ་རེད།

★ ཟླ་9ཚེས་28ཉིན། ཀྲུང་གུང་སྐབས་བཅུ་གཉིས་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་དྲུག་པ་འཚོགས་པ་དང་། ཚང་འཛོམས་གྲོས་ཚོགས་ཐོག《སྤྱི་ཚོགས་རིང་ལུགས་ཀྱི་བསམ་པའི་དཔལ་ཡོན་སྲོལ་གཏོད་མཛུབ་ཁྲིད་བྱེད་ཕྱོགས་སྐོར་གྱི་གྲོས་ཆོད》ལ་གྲོས་འཆམ་བྱུང་བ་རེད།

★ ཟླ་12ཚེས་5ཉིན། རྒྱལ་སྲིད་སྤྱི་ཁྱབ་ཁང་གིས《ཁེ་ལས་སྒྱུར་བཅོས་གཏིང་ཟབ་ཏུ་བཏང་ནས་ཁེ་ལས་ཀྱི་གསོན་ཤུགས་འཕེལ་བར་བྱ་རྒྱུའི་སྐོར་གྱི་གཏན་འབེབས་འགའ་ཞིག》བྱས་པ་རེད།

★ ཟླ་12ཚེས་30ཉིན། ཏེང་ཞའོ་ཕིང་གིས་ཀྲུང་དབྱང་གི་འགན་ཁུར་བློ་མཐུན་འགའ་ཞིག་དང་བཀའ་མོལ་གནང་སྐབས། དར་ཆ་གསལ་སྟོན་གྱིས་གཞི་རྩའི་རྩ་དོན་བཞི་མཐའ་འཁྱོངས་བྱས་ཏེ་འབྱོར་ལྡན་གྲལ་རིམ་གྱི་རང་དབང་ཅན་ལ་ངོ་རྒོལ་བྱེད་དགོས་ཞེས་གསུངས་པ་རེད། 1987ལོའི་ཟླ་1ཚེས་28ཉིན། ཀྲུང་གུང་ཀྲུང་དབྱང་གིས《མིག་སྔར་འབྱོར་ལྡན་གྲལ་རིམ་གྱི་རང་དབང་ཅན་ལ་ངོ་རྒོལ་བྱེད་པའི་གནད་དོན་འགའ་ཞིག་སྐོར་གྱི་བརྡ་ཐོ》བཀྲམ་པ་རེད།(རྩོམ་གྱི་ཡོང་ཁུངས་ཤིན་ཧྭ་གསར་འགྱུར་ཁང) (མུ་མཐུད་འགོད་རྒྱུ)

བོད་ཡིག་སྨྱན་སྦྱོར་གྱིས“ཏང་གི་ལོ་རྒྱུས་རྟག་ཏུ་བསྐྱར་དྲན་བྱེད། ཏང་གི་ལོ་རྒྱུས་བློ་ལ་བརྟན་པོར་ངེས། —— ཀྲུང་གོ་གུང་ཁྲན་ཏང་དབུ་བརྙེས་ནས་ལོ་ངོ་100འཁོར་བར་རྟེན་འབྲེལ་ཞུ”ཞེས་པའི་ཆེད་སྒྲིག་ལེ་ཚན་དམིགས་སུ་ཇུས་འགོད་བྱས་ཡོད། ཆེད་སྒྲིག་ལེ་ཚན་འདིའི་ནང《ཀྲུང་གོ་གུང་ཁྲན་ཏང་གི་རྒྱལ་ཡོངས་འཐུས་མི་ཚོགས་ཆེན་རིམ་བྱུང་ངོ་སྤྲོད》དང་། 《ཀྲུང་གོ་གུང་ཁྲན་ཏང་གི་ལོ་རྒྱུས》ཀྱི་རྨང་གཞིའི་ཤེས་བྱ། 《ཀྲུང་གོ་གུང་ཁྲན་ཏང་གི་ལོ་རྒྱུས》ཀྱི་འདྲི་བ་དྲིས་ལན། 《གུང་ཁྲན་ཏང་གི་བསྒྲགས་གཏམ》 《འགག་རྩའི་ཚིག་བརྒྱ་ནས་ལོ་ངོ་བརྒྱའི་ཏང་གི་ལོ་རྒྱུས་ལ་ལྟ་བ》 《ཀྲུང་གོ་གུང་ཁྲན་ཏང་གི་ཏང་གི་ལོ་རྒྱུས》ཀྱི་ཤེས་བྱ། 《ཀྲུང་གོ་གུང་ཁྲན་ཏང་དབུ་བརྙེས་ནས་ལོ་ངོ་100འཁོར་བར་རྟེན་འབྲེལ་ཞུ་བའི་ཚོགས་ཆེན་ཐོག་གནང་བའི་ཞི་ཅིན་ཕིང་གི་གསུང་བཤད་སྙིང་བཏུས》 《པར་རིས་ཐོག་ནས་ཀྲུང་གོའི་ལོ་རྒྱུས་ལ་ལྟ་བ》 《ཇི་ལྟར་བྱས་ཏེ་ཏང་གི་ལོ་རྒྱུས་སློབ་སྦྱོང་སློབ་གསོ་ཡག་པོ་སྤེལ་ལུགས་གྲངས་གཞི་ནས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱི“གནད་འགག”ལ་ལྟ་བ》 《ཀྲུང་གོ་གུང་ཁྲན་ཏང་སྐོར་གྱི་རྨང་གཞིའི་ཤེས་བྱ》 《ཀྲུང་གོ་གུང་ཁྲན་ཏང་གི་ལོ་བརྒྱའི་དོན་ཆེན་ཟིན་ཐོ》(1921ལོའི་ཟླ་7པ་ནས་2021ལོའི་ཟླ་6པ་བར) 《ཀྲུང་གོ་གུང་ཁྲན་ཏང་མིའི་སྙིང་སྟོབས་རྒྱུད་རབས་གཤམ་གསལ》བཅས་བཀོད་ཡོད། དེ་བས་མང་བའི་ནང་དོན་ཤེས་འདོད་ན་རྩ་གཉིས་ཨང་རྟགས་འདི་བཤེར་ན་གཟིགས་ཐུབ། ཚང་མས་དོ་ཁུར་གནང་བར་ཐུགས་རྗེ་ཆེ་ཞུ།