རྩོམ་གྱི་ཡོང་ཁུངས་ཤིན་ཧྭ་གསར་འགྱུར་ཁང་།

1978ལོ། ②

★ ཟླ་11ཚེས་25ཉིན། བྱང་གསུམ(ནུབ་བྱང་དང་། བྱང་རྒྱུད། བྱང་ཤར)གྱི་འགོག་སྲུང་ནགས་ཚལ་མ་ལག་གི་ལས་གྲྭ་སྐྲུན་འགོ་ཚུགས་པ་དང་། 1990ལོའི་ཟླ་5ཚེས་7ཉིན། འབྲི་ཆུའི་དབུས་རྒྱུད་དང་སྟོད་རྒྱུད་ཀྱི་འགོག་སྲུང་ནགས་ཚལ་མ་ལག་འཛུགས་སྐྲུན་གྱི་ལས་གྲྭ་ཕྱོགས་ཡོངས་ནས་སྐྲུན་འགོ་ཚུགས་ཡོད།

★ ཟླ་12ཚེས་16ཉིན། ཀྲུང་གོ་དང་ཨ་རིའི་དབར་ཕྱི་འབྲེལ་འཛུགས་རྒྱུའི་སྐོར་གྱི་མཉམ་འབྲེལ་སྤྱི་བསྒྲགས་སྤེལ་ཞིང་། 1979ལོའི་ཟླ་1ཚེས་1ཉིན་ནས་བཟུང་ཕྱི་འབྲེལ་ཕན་ཚུན་ཁས་ལེན་རྒྱུ་མ་ཟད། ཕྱི་འབྲེལ་འཛུགས་རྒྱུའི་ཁྱབ་བསྒྲགས་ཀྱང་བྱས་པ་རེད། ཉིན་དེར་ཨ་རིས་1979ལོའི་ཟླ་1ཚེས་1ཉིན་ནས་བཟུང་ཐའེ་དབན་དབང་འཛིན་ལས་ཁུངས་དང“ཕྱི་འབྲེལ་འབྲེལ་བ”ཟེར་བ་གཅོད་རྒྱུའི་ཁྱབ་བསྒྲགས་བྱས་ཡོད།

★ ཟླ་12ཚེས་18ནས་ཚེས་22ཉིན་བར། ཀྲུང་གུང་སྐབས་བཅུ་གཅིག་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པ་འཚོགས་ཤིང་། ཚང་འཛོམས་གྲོས་ཚོགས་ཐོག“ཡིན་ཕྱིན་གཉིས”ཀྱི་ནོར་འཁྲུལ་བྱེད་ཕྱོགས་ལ་དགག་པ་བརྒྱབ་པ་དང་། མའོ་ཙེ་ཏུང་གི་དགོངས་པ་ཆ་ཚང་བ་དང་གནད་ལ་འཁེལ་བའི་ངང་ཁོང་དུ་ཆུད་པར་བྱེད་པའི་ཚན་རིག་དང་མཐུན་པའི་མ་ལག་ལ་ཁས་ལེན་གང་ལེགས་བྱས་པ། ལག་ལེན་ནི་བདེན་དོན་ལ་ཞིབ་དཔྱད་བྱེད་པའི་ཚད་གཞི་ཉག་གཅིག་ཡིན་པའི་གནད་དོན་ལ་གྲོས་བསྡུར་བྱེད་པར་ཚད་མཐོའི་གདེང་འཇོག་བྱས་ཡོད། ཚང་འཛོམས་གྲོས་ཚོགས་འཚོགས་པ་དེས་ཀྲུང་གོ་གུང་ཁྲན་ཏང་གིས་མར་ཁེ་སི་རིང་ལུགས་ཀྱི་དགོངས་པའི་ལམ་ཕྱོགས་དང་། ཆབ་སྲིད་ལམ་ཕྱོགས། རྩ་འཛུགས་ལམ་ཕྱོགས་བཅས་བསྐྱར་དུ་གཏན་འཁེལ་བྱས་པས། ཀྲུང་གོ་གསར་པ་དབུ་བརྙེས་ཚུན་གྱི་ཏང་གི་ལོ་རྒྱུས་ཐོག་དོན་སྙིང་གཏིང་ཟབ་ལྡན་པའི་རླབས་ཆེན་གྱི་ཁ་ཕྱོགས་སྒྱུར་མཚམས་ཤིག་ཡིན་པ་དང་དེས་སྒྱུར་བཅོས་སྒོ་དབྱེ་དང་སྤྱི་ཚོགས་རིང་ལུགས་དེང་རབས་ཅན་གྱི་རླབས་ཆེན་གྱི་རྒྱང་སྐྱོད་ལམ་བུ་འགོ་ཚུགས་པ་མཚོན་གྱི་ཡོད།

★ ཟླ་12ཚེས་23ཉིན། ཧྲང་ཧའེ་པའོ་ཧྲན་ངར་ལྕགས་སྤྱི་ཁྱབ་བཟོ་གྲྭས་ལས་འགོ་འཛུགས་པའི་མཛད་སྒོ་འཚོགས་ཤིང་། 1985ལོའི་ཟླ་11པ་དང་1992ལོའི་ཟླ་4པར་སླེབས་སྐབས། དུས་ཐེངས་དང་པོ་དང་གཉིས་པའི་ལས་གྲྭ་བསྐྲུན་ཟིན་ནས་ཐོན་སྐྱེད་བྱེད་འགོ་ཚུགས་ཡོད། 2001ལོའི་ཟླ་5པར་དུས་ཐེངས་གསུམ་པའི་ལས་གྲྭ་ལས་མཇུག་འགྲིལ་ནས་ཞིབ་བཤེར་རྩིས་ལེན་བྱས་པ་རེད།

(མུ་མཐུད་འགོད་རྒྱུ)