ཤིན་ཧྭ་གསར་འགྱུར་ཁང་པེ་ཅིང་ནས་ཟླ་4ཚེས་14ཉིན་གློག་འཕྲིན་འབྱོར་བ་གཞིར་བཟུང་། རེས་སྐོར་གཉིས་པའི་ཀྲུང་དབྱང་སྐྱེ་ཁམས་ཁོར་ཡུག་སྲུང་སྐྱོང་ལྟ་བཤེར་ཁག་དྲུག་པའི་ལས་དོན་སྤེལ་བཞིན་ཡོད་ཅིང་། ཚེས་14ཉིན་ལྟ་བཤེར་ཚོགས་ཆུང་གིས་བོད་ལྗོངས་ནག་ཆུ་གྲོང་ཁྱེར་གསེར་རྙེད་ཆུས་ཀྱི་བྱེ་རྡོ་སྔོག་འདོན་ལ་དོ་དམ་ཚོད་འཛིན་ཡག་པོ་མ་བྱུང་བ་དང་ཁྲིམས་འགལ་སྒྲིག་འགལ་གྱི་གནད་དོན་མངོན་གསལ་དོད་པོ་ཡོད་ཅིང་། མཐོ་གྲང་རྩྭ་ཐང་སྐྱེ་ཁམས་ཁོར་ཡུག་ལ་གཏོར་སྐྱོན་ཚབས་ཆེན་བཏང་བའི་དཔེ་མཚོན་གྱོད་དཔེ་བརྡ་ཁྱབ་བཏང་སྟེ། ཉེན་བརྡ་བཏང་ནས་གནད་དོན་དག་ཐེར་ལ་སྐུལ་འདེད་ཏན་ཏིག་བཏང་བ་རེད།
ལྟ་བཤེར་ཚོགས་ཆུང་གིས་ནག་ཆུ་གྲོང་ཁྱེད་གསེར་རྙེད་ཆུས་ཀྱི་བྱེ་རྡོ་སྔོག་འདོན་ལ་དོ་དམ་ཡག་པོ་མ་བྱུང་བ་དང་ཁྲིམས་འགལ་སྒྲིག་འགལ་གྱི་གནད་དོན་མངོན་གསལ་དོད་པོ་ཡོད་ཅིང་། མཐོ་གྲང་རྩྭ་ཐང་གི་སྐྱེ་ཁམས་ཁོར་ཡུག་ལ་གཏོར་སྐྱོན་ཚབས་ཆེན་བཏང་ཡོད། བྱེ་རྡོ་ར་བ་མང་པོ་ཞིག་གིས་གཏན་འབེབས་ལྟར་སྔོག་འདོན་གྱི་ཆོག་འཐུས་ལག་ཁྱེར་ཁྲིམས་ལྟར་གཉེར་དགོས་མོད། འོན་ཀྱང་ས་གནས་དེས་སྡེ་ཚན་གྱི་ཡིག་ཆའི་རྣམ་པའི་ཐོག་ནས་གོང་གསལ་གྱི་བྱེ་རྡོ་ར་བ་དེ་དག་ལ་ཆོག་མཆན་ཐེངས་མང་སྤྲད་དེ་སྔོག་འདོན་གྱི་ཆོག་འཐུས་ལག་ཁྱེར་ལེན་དགོས་པའི་བླང་བྱ་བཏོན་མེད་པ་རེད། བྱེ་རྡོ་སྔོག་འདོན་ཁེ་ལས་ཁག་གཅིག་གིས་དུས་ཡུན་རིང་པོའི་ནང་རང་སྣང་གང་ཤར་གྱིས་སྔོག་འདོན་ཤུགས་ཆེན་པོ་དང་། ས་མཚམས་ལས་བརྒལ་ནས་སྔོག་འདོན། ཚད་ལས་བརྒལ་ནས་སྔོག་འདོན་བཅས་བྱས་ཡོད་པ་རེད།