ཟླ་3ཚེས་29ཉིན་གྱི་ཆུ་ཚོད་9པ་ནས་21བར། ཀྲུང་དབྱང་སྐྱེ་ཁམས་ཁོར་ཡུག་སྲུང་སྐྱོང་ལྟ་བཤེར་ཚོགས་ཆུང་བཞི་པར་རང་ལྗོངས་ཀྱི་སྐྱེ་ཁམས་ཁོར་ཡུག་སྲུང་སྐྱོང་ཐད་ཀྱི་གནད་དོན་གོང་ཞུའི་ཡི་གེ་དང་ཁ་པར་གྱི་ཐེར་འདོན་27འབྱོར་བ་དེ་དག་གྲོང་ཁྱེར་དང་ས་ཁུལ་5དང་འབྲེལ་བ་ཡོད་པ་ནི། ལྷ་ས་གྲོང་ཁྱེར་གྱི་22དང་། ལྷོ་ཁ་གྲོང་ཁྱེར་གྱི་2 ནག་ཆུ་གྲོང་ཁྱེར་གྱི་1 གཞིས་རྩེ་གྲོང་ཁྱེར་གྱི་1 མངའ་རིས་ས་ཁུལ་གྱི་1བཅས་ཡིན་པ་དང་། བསྡོམས་སྐྱེ་ཁམས་ཁོར་ཡུག་གི་གནད་དོན་35གོང་ཞུ་བྱས་པའི་ནང་སྐྱེ་ཁམས་གཏོར་སྐྱོན་རིགས་9དང་། རླུང་ཁམས་ཆེ་མོའི་སྦགས་བཙོག་རིགས་8 ཆུའི་སྦགས་བཙོག་རིགས་7 ས་རྒྱུའི་སྦགས་བཙོག་རིགས་5 འཛེར་སྒྲའི་སྦགས་བཙོག་རིགས་4 སྦཌ་བཙོག་གཞན་དག་རིགས་2བཅས་ཚུད་ཡོད་པ་རེད།

མིག་སྔའི་བར། ཀྲུང་དབྱང་སྐྱེ་ཁམས་ཁོར་ཡུག་སྲུང་སྐྱོང་ལྟ་བཤེར་ཚོགས་ཆུང་བཞི་པས་རང་ལྗོངས་ལ་རྩིས་སྤྲད་པའི་ཡིག་འབུལ་ཞུ་བཅར་གྱི་གནད་དོན་95ཚང་མ་གོ་རིམ་ལྟར་གྲོང་ཁྱེར་དང་ས་ཁུལ་ཁག་དང་དེ་བཞིན་འབྲེལ་ཡོད་སྡེ་ཚན་ལ་བསྒྲུབ་རྒྱུར་རྩིས་སྤྲད་ཟིན་པ་རེད།