“དེ་རིང་ཙུང་ལི་ལི་ཁེ་ཆང་གིས་གནང་བའི་སྲིད་གཞུང་གི་ལས་དོན་སྙན་སྒྲོན་ཉན་པ་ཡིན། 2021ལོར་རང་རེའི་རྒྱལ་ཁབ་ལ་གྲུབ་འབྲས་གལ་ཆེན་གསར་པ་ཐོབ་པ་ཐོས་སྐབས་སེམས་གཏིང་ནས་སྤོབས་པ་ཆེན་པོ་སྐྱེས་བྱུང་། 2022ལོར་ཏང་དང་སྲིད་གཞུང་གི་འགྱུར་མེད་སྟོབས་ལྡན་གྱི་འགོ་ཁྲིད་འོག་འབད་འབུངས་ཡར་བརྩོན་དང་དུས་ངལ་མཉམ་སེལ་བྱེད་པར་ཡིད་ཆེས་དང་སྟོབས་ཤུགས་དེ་བས་ཆེ་རུ་ཕྱིན་སོང”ཞེས་གཞིས་རྩེ་གྲོང་ཁྱེར་རིན་སྤུངས་རྫོང་ཨུད་དྲིལ་བསྒྲགས་པུའི་པུའུ་ཀྲང་ཝང་ཝུའེ་ཧྭ་ཡིས་སེམས་འགུལ་ཐེབས་བཞིན་དུ་བརྗོད།
ཝང་ཝུའེ་ཧྭ་ཡིས། གཞི་རིམ་གྱི་དྲིལ་བསྒྲགས་བསམ་བློ་དང་རིག་གནས་ཁོངས་གཏོགས་ཀྱི་ལས་བྱེད་པ་ཞིག་ཡིན་པའི་ངས་རྒྱལ་ཡོངས་ཚོགས་འདུ་གཉིས་ཀྱི་དགོངས་དོན་ནན་ཏན་ངང་སློབ་སྦྱོང་དང་། དྲིལ་བསྒྲགས། ལག་བསྟར་བཅས་བྱེད་ཀྱི་ཡིན། རྫོང་ཨུད་དང་རྫོང་སྲིད་གཞུང་གི་འགོ་ཁྲིད་ཡང་དག་འོག དུས་བབ་གསར་པའི་འོག་གི་དྲིལ་བསྒྲགས་བསམ་བློའི་ལས་དོན་གྱི་རྩ་བའི་ལས་འགན་དང་འགན་ཁྲིར་དམ་པོར་དམིགས་པ་དང་། “གཏན་འཁེལ་གཉིས”ཀྱི་ཐག་གཅོད་རང་བཞིན་གྱི་དོན་སྙིང་མངོན་གསལ་དོད་དུ་གཏོང་བ། ཏང་གི་ཚོགས་ཆེན་ཉི་ཤུ་པ་དགའ་བས་བསུ་བ་དང་། དྲིལ་བསྒྲགས། ལག་བསྟར་བཅས་བྱ་རྒྱུ་དེ་ལས་ཀའི་གཙོ་རྐང་དུ་བཟུང་ནས་དྲིལ་བསྒྲགས་བསམ་བློའི་ལས་དོན་ཏན་ཏིག་ངང་བསྒྲུབས་ཏེ། རིན་སྤུངས་རྫོང་རྒྱང་སྐྱོད་ཀྱི་ལམ་བུ་གསར་པར་དཔའ་མཛངས་རྟུལ་ཕོད་ཀྱིས་མདུན་དུ་བསྐྱོད་པ་དང་དུས་རབས་གསར་པར་བྱས་རྗེས་འཇོག་ཆེད་སྲ་ཞིང་བརྟན་པའི་བསམ་བློའི་འགན་ལེན་དང་བསམ་པའི་སྟོབས་ཤུགས་ཆེན་པོ་མཁོ་འདོན་བྱེད་ཀྱི་ཡིན་ཞེས་གསུངས་པ་རེད།