འདི་ནི་ཟླ་2ཚེས་24ཉིན་ཁྲུང་ཆིང་གྲོང་ཁྱེར་ཅིའུ་ལུང་ཕོ་ཆུས་ཤེ་ཅཱ་དབན་སློབ་གྲྭར་ལིའུ་ཤིས་ཡཱ(དཀྱིལ)ཡིས་སློབ་མ་ཚོར་སློབ་དུས་གསར་པར་སློབ་སྦྱོང་ལ་འབད་བརྩོན་བྱེད་དགོས་པའི་སྐུལ་ལྕག་གནང་བཞིན་པ།

ཟླ་3ཚེས་8ཉིན། རྒྱལ་ཡོངས་མི་དམངས་འཐུས་མི་ཚོགས་ཆེན་སྐབས་བཅུ་གསུམ་པའི་ཚོགས་འདུ་ཐེངས་ལྔ་པའི“འཐུས་མིའི་བགྲོད་ལམ”གྱི་བཅར་འདྲིའི་བྱེད་སྒོ་ཐེངས་གཉིས་པར་ཁྲུང་ཆིང་ནས་ཡིན་པའི་འཐུས་མི་ལིའུ་ཤིས་ཡཱ་ཡིས“ཡང་གཏོང་གཉིས”ཀྱི་སྲིད་ཇུས་ཀྱི་དམིགས་ཡུལ་ནི་སྦྱངས་འབྲས་དང་སྤུས་ཚད་ཞན་དུ་གཏོང་ཆེད་མིན། སློབ་གསོ་ཡག་པོ་ཞིག་ཡིན་ཕྱིན་དྲི་གཞི་མང་པོ་འབྲི་བ་དང་དུས་ཚོད་མང་པོ་སྤྱད་ནས་སྦྱོང་བའི་ཐབས་ཁོ་ནར་བརྟེན་མི་སྲིད་པར་བཅད་ཁ་ཆུང་ཆུང་ཞིག་ལ་བརྟེན་ནས་སློབ་གསོའི་ཁོར་ཡུག་གོ་རིམ་ལྡན་པའི་ངང་བསྐྱར་སྒྲིག་དང་། སློབ་གྲྭའི་ཕྱི་ནང་གི་སློབ་གསོའི་ཐོན་ཁུངས་མཉམ་འདྲེས། སློབ་གསོའི་རྣམ་པར་འགྱུར་ལྡོག་གཏོང་བ་བཅས་བྱས་ནས་ཕྲུ་གུ་ཚོའི་འཚར་ལོངས་ཀྱི་སྤུས་ཚད་མཐོ་རུ་གཏོང་གི་རེད་ཅེས་གསུངས་པ་རེད།

ལིའུ་ཤིས་ཡཱ་ནི་ཁྲུང་ཆིང་གྲོང་ཁྱེར་ཅིའུ་ལུང་ཕོ་ཆུས་ཤེ་ཅཱ་དབན་སློབ་གྲྭའི་སློབ་སྤྱི་ཡིན་ཞིང་། ལོ་བཅུ་གྲངས་གོང་ནས་ཁོང་གིས“ཁུར་པོ་ཡང་གཏོང་དང་སྤུས་ཚད་མཐོར་གཏོང”གི་བྱང་ཚད་སློབ་གསོ་འཚོལ་ཞིབ་གནང་ཡོད། 2018ལོའི་ཟླ་11པར་སློབ་གྲྭ་དེའི“དཔྱིད་འགོའི་མེ་ཏོག་རབ་ཏུ་བཞད”ཅེས་པའི་བྱང་ཚད་སློབ་གསོའི་སྤུས་ཚད་དོ་དམ་བྱེད་ཐབས་ལ་སྐབས་གསུམ་པའི་ཀྲུང་གོའི་སྤུས་ཚད་བྱ་དགའ་ཐོབ་པ་རེད།

ལིའུ་ཤིས་ཡཱ་2013ལོར་རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མིར་བདམས་ཐོན་བྱུང་བ་ནས་བཟུང་། ཡུན་རིང་རིགས་མི་འདྲ་བའི་སློབ་གྲྭར་འདྲི་རྟོགས་དང་བརྟག་དཔྱད་གནང་ནས་སློབ་གསོའི་སྲིད་ཇུས་དོན་འཁྱོལ་བྱེད་སྐབས་ཀྱི་འཇུར་མིག་གི་གནད་དོན་མཁྱེན་རྟོགས་གནང་བ་རེད། ཁོང་གིས་ད་དུང་སྒེར་གྱི་སྨྱན་སྦྱོར་བཙུགས་ཏེ་དྲ་རྒྱའི་ཐབས་ལམ་བརྒྱུད་དམངས་དོན་དམངས་འདོད་བསྡུ་རུབ་གནང་ནས་སློབ་ཕྱིའི་གསོ་སྦྱོང་སྒྲིག་གཞི་བཅོས་སྒྲིག་བྱེད་པ་དང་། ཁུར་པོ་ཡང་གཏོང་དང་སྤུས་ཚད་མཐོར་གཏོང་། ན་སོ་དར་ལ་མ་བབས་པའི་མིར་སྲུང་སྐྱོབ་བྱེད་པ་སོགས་ཀྱི་གྲོས་འགོ་བཏོན་གནང་ཡོད། དེའི་ནང་གི་གྲོས་འགོ་ཁག་གཅིག་ལ་འབྲེལ་ཡོད་སྡེ་ཚན་གྱིས་དང་ལེན་ཧུར་ཐག་ཞུས་ནས་རེ་རེ་བཞིན་དོན་འཁྱོལ་བྱེད་བཞིན་ཡོད།

འདི་ལོའི་ཚོགས་འདུ་གཉིས་ལ་ལིའུ་ཤིས་ཡཱ་ཡིས་སླར་ཡང་སློབ་གསོ་དང་འབྲེལ་བའི་གྲོས་འགོ་མང་པོ་ཞིག་གྲ་སྒྲིག་གནང་ཡོད། ལིའུ་ཤིས་ཡཱ་ཡིས་སློབ་གསོའི་འཕེལ་རྒྱས་ཆེད་དུ་ཐབས་འདོན་ཇུས་འབུལ་བྱེད་པ་ནི་རང་ཉིད་ཀྱི་འགན་འཁྲི་ཡིན་པའི་ངོས་འཛིན་གནང་གི་ཡོད།