ཉེ་བའི་ལོ་ཤས་རིང་། སློབ་གྲྭ་ཁག་གིས་མཛེས་རྩལ་དང་ལུས་རྩལ་ལ་ཤུགས་སྣོན་བརྒྱབ་པར་གྲུབ་འབྲས་ཐོབ་མོད། འོན་ཀྱང་སྔར་བཞིན་མི་འདང་བའི་ཆ་མང་པོ་ཡོད་པ་སྟེ། དཔེར་ན། ས་ཁོངས་འཕེལ་རྒྱས་དོ་མི་མཉམ་པ་དང་ས་གནས་མང་པོ་ཞིག་གི་དགེ་རྒན་གྱི་སྟོབས་ཤུགས་ཞན་པ་སོགས་ཡིན། སྤྱི་ཚོགས་ཀྱི་ཐོན་ཁུངས་ལ་སྤྱི་འདོམས་བྱེད་པ་དང་། སློབ་གཉེར་ཆ་རྐྱེན་ལེགས་སུ་བཏང་ནས་སློབ་མའི་མཛེས་རྩལ་གྱི་བྱང་ཚད་མཐོ་རུ་དང་གཟུགས་པོ་ཐང་དུ་གཏོང་དགོས། སྤྱི་ཚོགས་ཀྱི་ཐོན་ཁུངས་ལ་སྤྱི་འདོམས་བྱེད་པ་དང་། ཀུན་སྤྱོད་དང་སྒྱུ་རྩལ་གཉིས་ལྡན་གྱི་སྒྱུ་རྩལ་མཁས་ཅན་དང་རྒྱལ་ཁབ་ལ་གཟི་བརྗིད་བརྩོན་ལེན་བྱེད་མཁན་གྱི་ལུས་རྩལ་པ་སློབ་གྲྭར་གདན་དྲངས་ཏེ་སློབ་མར་ཆེད་ལས་ཀྱི་ཟུར་ཁྲིད་དང་བློ་སྒོ་འབྱེད་པའི་སློབ་གསོ་སྤེལ་དུ་འཇུག་ཆོག སློབ་གྲྭ་ཆེ་མོ་བའི་སྒྱུ་རྩལ་དང་ལུས་རྩལ་ཆེད་ལས་ཀྱི་དགེ་རྒན་གྱི་སློབ་སྐྱོར་འཆར་གཞིར་རྒྱབ་སྐྱོར་ཤུགས་ཆེན་བྱེད་པ་དང་། ཐག་རིང་ལུང་ཁུག་ས་ཁུལ་གྱི་སློབ་གྲྭའི་མཛེས་རྩལ་དང་ལུས་རྩལ་དགེ་རྒན་གྱི་གྲངས་འབོར་མི་འདང་བ་དང་སྤུས་ཚད་མཐོ་པོ་མེད་པའི་ཞན་ཆ་སེལ་དགོས།
—— ཨུ་ཡོན་ཝུའུ་ཝུའེ་ཧྲན(རྒྱལ་ཡོངས་སྲིད་གྲོས་ཀྱི་རྒྱུན་ཨུ་ཀྲུང་གོ་མཛེས་རྩལ་ཁང་གི་ཀོན་ཀྲང)
སྲིད་གཞུང་གི་ལས་དོན་སྙན་སྒྲོན་ནང་ཁྲོམ་ར་ཅན་དང་། ཁྲིམས་སྐྱོང་ཅན། རྒྱལ་སྤྱི་ཅན་བཅས་ཀྱི་ཚོང་གཉེར་ཁོར་ཡུག་བསྐྲུན་རྒྱུར་བཀོད་སྒྲིག་བྱས་ཡོད་པ་དང་། བྱ་ཐབས་མི་ཉུང་བ་ཞིག་ནི་ཚད་བརྒལ་རང་བཞིན་དང་གསར་གཏོད་རང་བཞིན་ལྡན་པ་ཞིག་རེད། ཉེ་བའི་ལོ་ཤས་རིང་། སི་ཁྲོན་གྱིས་སྐམ་སའི་དབུས་ཁུལ་གྱི་སྒོ་དབྱེའི་འཐབ་ཇུས་མཐོ་ས་བསྐྲུན་རྒྱུར་དམིགས་ནས་ཚོང་གཉེར་ཁོར་ཡུག་བསྐྲུན་རྒྱུ་དེ་ལས་གྲྭ་ཨང་དང་པོར་བརྩིས་ནས་སྐུལ་འདེད་བཏང་སྟེ་ས་གནས་འདི་གའི་སྒོ་དབྱེ་རྣམ་པའི་དཔལ་འབྱོར་གྱི་ཆུ་ཚད་མཐོ་རུ་ནུས་ལྡན་བཏང་ཡོད། གོམ་སྟབས་རྗེས་མར། ང་ཚོས་སྤུས་ཚད་མཐོན་པོས་རང་མོས་ཚོང་དོན་གྱི་གྲོས་ཆོད་ལག་ལེན་བསྟར་བ་དང་། རང་ངོས་ཚོང་དོན་ཚོད་ལྟ་ཁུལ་དང་ས་སྒྲོལ་དྲ་ཐོག་ཚོང་དོན་ཕྱོགས་བསྡུས་ཚོད་ལྟ་ཁུལ་སོགས་ཀྱི་སྒོ་དབྱེའི་ལས་སྟེགས་ཀྱི་དཔེ་སྟོན་སྣེ་ཁྲིད་ཀྱི་ནུས་པ་འདོན་སྤེལ་དང་། ལམ་ལུགས་རྣམ་པའི་སྒོ་དབྱེར་ཚད་བརྒལ་རྒྱུན་ཆད་མེད་པར་ཡོང་བ་བྱས་ནས་རྒྱལ་སྤྱིའི་མཉམ་ལས་འགྲན་རྩོད་ནང་དེ་བས་ཧུར་ཐག་ཞུགས་དགོས།
—— འཐུས་མི་ཙེང་ཆིང(སི་ཁྲོན་ཞིང་ཆེན་ཚོང་དོན་ཐིང་གི་ཐིང་ཀྲང)
ཉེ་བའི་ལོ་ཤས་རིང་། རང་རྒྱལ་གྱི་བྱིས་པའི་ཚན་ཁག་གི་ནད་བརྟག་སྨན་བཅོས་ཀྱི་སྤྱི་ཡོངས་ནུས་པ་མངོན་གསལ་དོད་པོས་ཆེ་རུ་ཕྱིན་མོད། འོན་ཀྱང་གཞི་རིམ་གྱི་བྱིས་པའི་ཚན་ཁག་གི་ནད་བརྟག་སྨན་བཅོས་བྱེད་ནུས་བལྟོས་བཅས་ཀྱིས་ཞན་ཙམ་ཡོད། སྡེ་ཁུལ་དང་གྲོང་གསེབ་སྨན་པའི་བྱིས་པའི་ཚན་ཁག་གི་རྒྱུན་མཐོང་ནད་གཞི་སྨན་བཅོས་ཀྱི་གསོ་སྦྱོང་སོགས་ཀྱི་བྱ་ཐབས་བརྒྱུད། གཞི་རིམ་སྨན་བཅོས་རུ་ཁག་འཛུགས་སྐྱོང་ལ་ཤུགས་སྣོན་རྒྱག་དགོས་པ་དང་། རིམ་དབྱེའི་སྨན་བཅོས་ལམ་ལུགས་འཐུས་སྒོ་ཚང་དུ་བཏང་ནས་དེ་བས་ཚན་རིག་དང་མཐུན་པ་དང་གོ་རིམ་ལྡན་པའི་སྨན་བཅོས་བྱེད་སྟངས་ཆགས་རྒྱུར་སྐུལ་འདེད་གཏོང་དགོས། དྲ་ཐོག་སྨན་བཅོས་འཕེལ་རྒྱས་གཏོང་བ་དང་། ས་ཁོངས་ཆེད་ཚན་མནའ་འབྲེལ་དང་རྒྱང་བསྟེན་སྨན་བཅོས་མཉམ་སྒྲུབ་མ་ལག་སྐྲུན་པ། མཉམ་འདུས་ནད་དཔྱད་དང་ཨང་ཀི་བཀག་པ་སོགས་ཀྱི་སྨན་བཅོས་ཞབས་ཞུ་དྲ་རྒྱ་ཅན་ལ་འགྱུར་བ་བཅས་བྱས་ནས་གཞི་རིམ་གྱི་བྱིས་པའི་སྨན་བཅོས་འཕྲོད་བསྟེན་གྱི་དགོས་མཁོ་དེ་བས་ལེགས་པའི་ངང་སྐོང་དགོས་པ་བཅས་ཀྱི་གྲོས་འགོ་འདོན་རྒྱུ་ཡིན།
—— འཐུས་མི་ལི་ཆིའུ(ཁྲུང་ཆིང་གསོ་རིག་སློབ་ཆེན་ཞོར་གཏོགས་བྱིས་པའི་སྨན་ཁང་གི་ཡོན་ཀྲང)
རང་རྒྱལ་གྱི་ཆ་འཕྲིན་ཐོགས་མེད་མ་ལག་འཛུགས་སྐྲུན་ལ་འཕེལ་རྒྱས་མྱུར་པོ་ཕྱིན་མོད། འོན་ཀྱང་སྔར་བཞིན་ཞན་ཆ་མི་ཉུང་བ་ཞིག་ཡོད། ཆ་འཕྲིན་ཐོགས་མེད་ཀྱི་ཁྲིམས་འཛུགས་ལས་དོན་ལ་སྐུལ་འདེད་གང་མགྱོགས་གཏོང་བ་དང་། “ཐོགས་མེད་ཁོར་ཡུག་འཛུགས་སྐྲུན་བཅའ་ཁྲིམས”འདོན་པ། ཆ་འཕྲིན་ཐོགས་མེད་ཀྱི་ཐོན་རྫས་མཁོ་སྤྲོད་བྱེད་ཁྱོན་ཆེ་རུ་གཏོང་བ་དང་ཞབས་ཞུའི་ཆུ་ཚད་མཐོ་རུ་གཏོང་བ་སོགས་ལ་ཁ་གསལ་ཞིང་བཀོལ་སྤྱོད་རང་བཞིན་ཆེ་བའི་གཏན་འབེབས་བྱས་ནས་ཆ་འཕྲིན་ཐོགས་མེད་ཀྱི་ཚད་གཞིའི་མ་ལག་འཐུས་སྒོ་ཚང་དུ་འགྲོ་བ་དང་དོན་འཁྱོལ་ཐུབ་པ་བྱེད་དགོས། དེ་དང་དུས་མཚུངས། རྒན་རྒོན་དང་དབང་པོ་སྐྱོན་ཅན་གྱིས་རྒྱུས་མངའ་ཡོད་པའི་སྲོལ་རྒྱུན་ཞབས་འདེགས་ཞུ་སྟངས་སོར་འཇོག་གི་རྨང་གཞིའི་ཐོག་རྒན་རྒོན་དང་དབང་པོ་སྐྱོན་ཅན་གྱི་རྒྱུན་སྤྱོད་APPདང་མཐའ་སྣེའི་ཐོགས་མེད་སྒྱུར་བཀོད་བྱེད་དགོས་པའི་གྲོས་འགོ་འདོན་རྒྱུ་ཡིན།
—— འཐུས་མི་ཀྲེང་ཅེ(ཀྲུང་གོ་སྒུལ་བདེ་ཀྲེ་ཅང་ཀུང་སིའི་ཏུང་ཧྲི་ཀྲང)
སྲིད་གཞུང་གི་ལས་དོན་སྙན་སྒྲོན་ནང་བཏོན་པའི“ཤར་ནུབ་རྒྱུད་མཉམ་ལས་བྱེད་ཟབ་ཏུ་བཏང་ནས་གནས་གཏན་འཁེལ་གྱི་རོགས་སྐྱོར་དང་སྤྱི་ཚོགས་སྟོབས་ཤུགས་ཀྱི་རོགས་སྐྱོར་བྱེད་དགོས་པ”དང“གསར་བརྗེའི་རྟེན་གཞིའི་ཁུལ་རྙིང་པ་དང་། མི་རིགས་ས་ཁུལ། མཐའ་མཚམས་ས་ཁུལ་བཅས་འཕེལ་རྒྱས་མགྱོགས་སུ་གཏོང་དགོས་པ”“ནུབ་རྒྱུད་ཀྱི་སྐམ་མཚོའི་བགྲོད་ལམ་གསར་པ་བསྐྲུན་རྒྱུར་སྐུལ་འདེད་གཏོང་དགོས་པ”སོགས་ཀྱི་སྲིད་ཇུས་དང་བྱ་ཐབས་སྦབ་ཆ་གཅིག་གིས་ང་ཚོས་བོད་ལྗོངས་འཕེལ་རྒྱས་ཀྱི་གནད་དོན་སེལ་བར་ཐབས་ཤེས་བཟང་པོ་བཏོན་ཡོད། ང་ཚོས་ནུས་རྒྱུ་གཙང་མ་དང་། སྐྱེ་ཁམས་ཡུལ་སྐོར། ཞིང་འབྲོག་ཁྱད་ལྡན་ཐོན་ལས་བཅས་འཕེལ་རྒྱས་ཤུགས་ཆེན་གཏོང་བ་དང་། དབུལ་སྐྱོར་ཐོན་ལས་རིམ་སྤོར་བྱེད་ཟབ་ཏུ་གཏོང་བ། དབུལ་སྒྲོལ་མི་འབོར་ལ་འབབ་འཕར་ཡོང་བར་སྐུལ་འདེད་གཏོང་བ། གྲོང་གསེབ་འཛུགས་སྐྲུན་བཅས་ཀྱི་བྱ་སྤྱོད་ཆེན་པོ་གསུམ་གཏིང་ཟབ་སྤེལ་བ། མཐའ་མཚམས་འབྱོར་འབྲིང་གྲོང་ཚོ་འཛུགས་སྐྲུན་གྱི་གྲུབ་འབྲས་སྲ་བརྟན་རྒྱ་སྐྱེད་གཏོང་བ། “གྲོང་ཚོ་གཅིག་ལ་བྱ་ཐབས་གཅིག”བཟོ་བ་དང་ལག་ལེན་ཡག་པོ་བསྟར་བ་བཅས་བྱས་ནས་ཐུན་མོང་ཕྱུག་འགྱུར་ལ་སྐུལ་འདེད་ཧུར་ཐག་གཏོང་རྒྱུ་ཡིན།
—— ཨུ་ཡོན་ཨའོ་ལིའུ་ཆོན(བོད་རང་སྐྱོང་ལྗོངས་ཉིང་ཁྲི་གྲོང་ཨུད་ཀྱི་ཧྲུའུ་ཅི)