འདི་ནི་ཟུར་མཚོ་མཐའ་མཚམས་མངགས་གཏོང་ཁང་གི་མི་དམངས་ཉེན་རྟོག་པས་ཟུར་མཚོ་ཤང་ལྟེ་བའི་སློབ་ཆུང་གི་སློབ་མ་ཚོར་ཏང་གི་སྐབས་བཅུ་དགུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་དྲུག་པའི་དགོངས་དོན་སྒྲོག་འགྲེལ་བྱེད་བཞིན་པ། 

འདི་ནི་འགྲམ་མཐའ་མཚམས་མངགས་གཏོང་ཁང་གི་ཉེན་རྟོག་ཞབས་ཞུ་ཁང་གསུམ་པའི་ལས་སྒྲུབ་མི་དམངས་ཉེན་རྟོག་པས་འགྲམ་འགག་སྒོའི་སྨན་ཁང་གི་སྨན་དོན་མི་སྣ་དང་མཉམ་དུ་ཏང་གི་སྐབས་བཅུ་དགུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་དྲུག་པའི་དགོངས་དོན་སློབ་སྦྱོང་བྱེད་བཞིན་པ། 

འདི་ནི་སྤོ་རོང་མཐའ་མཚམས་མངགས་གཏོང་ཁང་གི་མི་དམངས་ཉེན་རྟོག་པས་འབྲོག་རར་བསྐྱོད་དེ་ཏང་གི་སྐབས་བཅུ་དགུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་དྲུག་པའི་དགོངས་དོན་སྒྲོག་འགྲེལ་བྱེད་བཞིན་པ། 

གྲུབ་འབྲས་རླབས་པོ་ཆེ་ཡིས་མི་ལ་སྐུལ་མ་བཏང་། ཉམས་མྱོང་རྩ་ཆེན་དག་གིས་འབྱུང་འགྱུར་གསལ་པོར་སྟོན། ཀྲུང་གོ་གུང་ཁྲན་ཏང་སྐབས་བཅུ་དགུ་པའི་ཀྲུང་དབྱང་ཨུ་ཡོན་ལྷན་ཁང་གི་ཚང་འཛོམས་གྲོས་ཚོགས་ཐེངས་དྲུག་པ་འཚོགས་ཚུན། བོད་ལྗོངས་གཞིས་རྩེ་མཐའ་མཚམས་དོ་དམ་ཉིང་ལག་རུ་ཁག་གཉའ་ལམ་མཐའ་མཚམས་དོ་དམ་རུ་ཆེན་གྱིས་ཚོགས་འདུའི་དགོངས་དོན་དུས་ཐོག་ཏུ་སློབ་སྦྱོང་བྱས་ནས་གོ་བ་ལོན་པར་བྱས་ཤིང་། ཀྲི་པུའུ་ཡི་མཉམ་སྡེབ་སློབ་སྦྱོང་དང་། ཏང་ཚོགས་ཆུང་གིས་གྲོས་བསྡུར། ཉེས་རྟོག་ཞབས་ཞུ་ཁང་དང་བཅའ་སྡོད་གྲོང་ཚོ་ཨུ་ལྷན་གྱིས་མཉམ་འབྲེལ་སློབ་སྦྱོང་། དྲ་ཐོག་ནས་སློབ་སྦྱོང་སོགས་རྣམ་པ་སྣ་ཚོགས་ལ་བརྟེན་ནས་སློབ་སྦྱོང་བྱས་པ་རེད།

གཏིང་ཟབ་སྦྱངས་པ་དང་གྲོས་བསྡུར་འཁྲུག་པོ་བྱས་པ།

ཚང་འཛོམས་གྲོས་ཚོགས་ཀྱི་དགོངས་དོན་མཐའ་མཚམས་ཀྱི་འཐབ་ས་དང་པོར་སྒྲོག་འགྲེལ་བྱས་པ།

སྔ་དྲོའི་ཆུ་ཚོད་10པའི་མཚམས་སུ་རི་སྐེད་དུ་གནས་པའི་དགོན་གསར་གྲོང་ཚོའི་རིམས་ནད་སྔོན་འགོག་དང་ཚོད་འཛིན་གྱི་ལས་སྒྲུབ་ས་ཚིགས་སྔར་བཞིན་སྨུག་པས་ཡོངས་སུ་གྲིབ་ཅིང་། སྒྲོག་འགྲེལ་ཞབས་ཞུའི་རུ་ཁག་དང་། མཉམ་འགོག་རུ་མི། ཡུལ་དམག་བཅས་མེ་ཕུང་གི་འགྲམ་དུ་རུབ་རུབ་བྱས་ནས་བསྡད། སྒྲོག་འགྲེལ་ཞབས་ཞུའི་རུ་ཁག་གི་མི་དམངས་ཉེན་རྟོག་པས་ཚང་མར་ཏང་གི་སྐབས་བཅུ་དགུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་དྲུག་པའི་ནང་དོན་འཁོད་པའི་ཚགས་པར་སྤྲད་པ་རེད།

སྒྲོག་འགྲེལ་ཞབས་ཞུ་རུ་ཁག་གི་མི་དམངས་ཉེན་རྟོག་པས་ད་དུང་དྲིལ་བསྒྲགས་ལག་དེབ་ཆེད་མངགས་བཟོས་པ་དང་། ནང་དོན་གཙོ་བོ་རྣམས་ཟུར་དུ་བཏོན་པ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་དང་ཟུང་འབྲེལ་བྱས་ཁར། ཉན་སྤྲོ་ཞིང་གོ་བདེ་བའི་སྐད་ཆར་བརྟེན་ནས་ཏང་གི་སྐབས་བཅུ་དགུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་དྲུག་པའི་དགོངས་དོན་ཁྲོད་ཀྱི་བསམ་བློ་གསར་པ་དང་། ལྟ་བ་གསར་པ། ཆོད་གཏམ་གསར་པ་བཅས་འགྲེལ་བཤད་བརྒྱབ་པ་རེད།

གྲོང་ཚོ་དང་དུད་ཚང་དུ་བསྐྱོད་པ།

ཚང་འཛོམས་གྲོས་ཚོགས་ཀྱི་དགོངས་དོན་གྲོང་ཚོ་དང་དུད་ཚང་ཡོངས་ལ་སྒྲོག་འགྲེལ་བྱས་པ།

སྤོ་རོང་ཤང་ཞབས་ཁ་གྲོང་ཚོའི་ཡུལ་མི་མཚམས་གཅོད་ཁྱིམ་གྱི་སྒོ་རྩར། ཡུལ་མི་ཁག་གཅིག་གིས་མི་དམངས་ཉེན་རྟོག་པས་སྤྲད་པའི་དྲིལ་བསྒྲགས་ལག་དེབ་ལ་ནན་ཏན་ངང་བལྟས་པ་མ་ཟད། མི་དམངས་ཉེན་རྟོག་པས་འགྲེལ་བཤད་བརྒྱབ་པར་གཟབ་ནན་ཆེན་པོས་ཉན་པ་རེད། “ང་ཚོའི་གྲོང་ཚོར་འགྱུར་ལྡོག་གང་བྱུང་བ་དང་ཁྱེད་རང་གི་ཁྱིམ་ཚང་ལ་འགྱུར་ལྡོག་གང་བྱུང་བ་ཚང་མས་ཤོད་དང”

“དེ་སྔོན་ང་ཚོའི་གྲོང་ཚོའི་ཁང་མ་སྤྱིར་ན་རྡོ་རྩིག་ཁང་པ་ཐབས་ཆག་ཤ་སྟག་ཡིན། ད་ལྟ་ཏང་ཀྲུང་དབྱང་གི་འགྱུར་མེད་སྟོབས་ལྡན་གྱི་འགོ་ཁྲིད་འོག ཁྱིམ་ཚང་ཚང་མར་ཁང་པ་གསར་པ་རྒྱབ་ཡོད། ཁང་པ་འདི་ངའི་ཡིན། སྐབས་དེ་དུས་འགྲོ་སོང་ཚང་མ་སྲིད་གཞུང་གིས་བཏང་བ་རེད”སྐལ་བཟང་ཚེ་རིང་གིས་མདུན་གྱི་ཁང་པར་མཛུབ་མོ་འཛུགས་བཞིན་བཤད། སྒྲོག་འགྲེལ་བྱེད་ཡུལ་དུ་ཚང་མས་གཅིག་རྗེས་གཉིས་མཐུད་ངང་རང་ཉིད་ཀྱི་བསམ་ཚུལ་ལྷུག་པོར་བཤད།

རུ་ཆེན་དེས་ད་དུང“སྐད་གཉིས”ཀྱི་སྒྲོག་འགྲེལ་རུ་ཁག་བཙུགས་ནས་དུད་ཚང་དུ་འཚམས་འདྲིར་སྐྱོད་པ་དང་ཆབས་ཅིག་སྒྲོག་འགྲེལ་ཡང་བྱས་ཤིང་། ཁོང་ཚོས་གོ་བདེ་ཤེས་སླའི་སྐད་ཆའི་ཐོག་ནས་མང་ཚོགས་ལ་ཏང་གི་སྐབས་བཅུ་དགུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་དྲུག་པའི་དགོངས་དོན་དྲིལ་བསྒྲགས་བྱས་ཏེ། མང་ཚོགས་ཀྱིས་དུས་ཐོག་ཏུ་ཏང་ཀྲུང་དབྱང་གི་དམངས་ཕན་སྲིད་ཇུས་གསར་པ་ཤེས་རྟོགས་དང་། ཏང་དང་རྒྱལ་ཁབ་ཀྱིས་མཐའ་མཚམས་ཀྱི་མང་ཚོགས་ལ་ཐུགས་ཁུར་གནང་ལུགས་ཤེས་རྟོགས་ཐུབ་པར་བྱས་པ་རེད།

སློབ་གྲྭར་སྒྲོག་འགྲེལ་བྱེད་པར་བསྐྱོད་པ།

ཚང་འཛོམས་གྲོས་ཚོགས་ཀྱི་དགོངས་དོན་བརྒྱུད་བསྒྲགས་བྱས་ནས་དཔའ་ངར་ཆེན་པོས་མདུན་སྐྱོད་བྱེད་པར་སྐུལ་འདེད་བཏང་བ།

སྒྲོག་འགྲེལ་ཞབས་ཞུའི་རུ་ཁག་ཁོངས་གཏོགས་ཁུལ་གྱི་སློབ་གྲྭར་སྒྲོག་འགྲེལ་བྱེད་པར་བསྐྱོད་དེ། ཟུར་མཚོ་ཤང་ལྟེ་བའི་སློབ་ཆུང་གི་དགེ་སློབ་ཚོ་དང་ཏང་གི་སྐབས་བཅུ་དགུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་དྲུག་པའི་དགོངས་དོན་སློབ་སྦྱོང་བྱེད་པའི་སྤེལ་རེས་ཚོགས་འདུ་འཚོགས་ཤིང་། ཚང་མས་རིམས་ནད་སྔོན་འགོག་དང་མཐའ་མཚམས་སྲུང་སྐྱོང་སོགས་ཀྱི་བརྗོད་དོན་དང་ཟུང་འབྲེལ་བྱས་ནས་གྲོས་བསྡུར་བྱས་པ་རེད།

མི་དམངས་ཉེན་རྟོག་པས་ཐབས་ཤེས་སྣ་ཚོགས་བཏང་ནས་སློབ་ཆུང་སློབ་མ་ཚོའི་སེམས་ཤུགས་འཕེལ་ཐབས་བྱས་ཤིང་། ཁོང་ཚོས་སློབ་མ་ཚོར་དུས་རབས་ཀྱི་རེ་བ་དང་ལང་ཚོ་ཆུད་ཟོས་སུ་མི་གཏོང་བར། སློབ་སྦྱོང་ལ་འབད་བརྩོན་ལྷོད་མེད་བྱས་ཏེ་བློ་སྟོབས་དང་། སེམས་ཤུགས། གདིང་ཤུགས་བཅས་ཟམ་མི་ཆད་པར་ཆེ་རུ་གཏོང་དགོས་པ་མ་ཟད། ད་དུང“གནམ་འོག་གི་བྱ་བ”དང“ལོ་ཆུང་གི་སེམས་པ”ཟུང་འབྲེལ་དང“འཇོན་ཐང་ངོ་མ”དང“གཟུཌ་གཞི་ཐང་པོ”ཟུང་འབྲེལ་བྱས་ཏེ། ཀུན་སྤྱོད་དང་། ཤེས་རིག ལུས་རྩལ། མཛེས་རྩལ། ངལ་རྩོལ་བཅས་ཕྱོགས་ཡོངས་ནས་འཕེལ་རྒྱས་ཀྱི་སྤྱི་ཚོགས་རིང་ལུགས་ཀྱི་ཚད་དང་མཐུན་པའི་འཛུགས་སྐྲུན་པ་དང་ཤུལ་འཛིན་པར་འགྱུར་བ་བྱེད་དགོས་པའི་ལྕག་སྐུལ་བཏང་བ་རེད།

གཉའ་ལམ་མཐའ་མཚམས་དོ་དམ་རུ་ཆེན་གྱི་སྒྲོག་འགྲེལ་ཞབས་ཞུ་རུ་ཁག་གིས་ཏང་གི་སྐབས་བཅུ་དགུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་དྲུག་པའི་དྲིལ་བསྒྲགས་དཔྱད་གཞིའི་ཡིག་རིགས་ཁྱོན་1500ལྷག་ཙམ་སྤྲད་པ་དང་གཅིག་སྡུད་སྒྲོག་འགྲེལ་ཐེངས་11བྱས་ཤིང་། ཁ་གསལ་གཏིང་ཟབ་ཀྱི་སྒོ་ནས་སྒྲོག་འགྲེལ་དང་། དོན་དངོས་དང་ཉེ་བཅར་གྱི་སྒོ་ནས་སྒྲོལ་འགྲེལ། ངང་རྒྱུད་རིང་ལ་ཞིབ་ཚགས་པོས་སྒྲོག་འགྲེལ་བཅས་བྱས་ཏེ། ཏང་གི་སྐབས་བཅུ་དགུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་དྲུག་པའི་དགོངས་དོན་ཁྱིམ་ཚང་ཀུན་གྱིས་ཤེས་པར་བྱས་ཡོད།