ཉེ་ཆར། 2021ལོའི་དཔེ་དེབ་ཀྱི་དྲི་བསུང་འཐུལ་བའི་ཁྲེང་ཀོན་ཏེ། “ངའི་དེབ་ཁང་དང་ངའི་ཕུགས་འདུན”ཞེས་པའི་གཞོན་ནུ་ལོ་ཆུང་གི་ཏང་གི་ལོ་རྒྱུས་གཏམ་རྒྱུད་འགྲན་བསྡུར་ཆེ་མོའི་མཐའ་བསྡུར་ཁྲེང་ཀོན་ཆུས་རྔ་ཆེན་སློབ་ཆུང་དུ་བྱས་པ་རེད། དུས་འགོའི་ཐོག་མའི་འགྲན་བསྡུར་དང་བསྐྱར་འགྲན་བྱས་པ་བརྒྱུད་ཁྲེང་ཀོན་ཆུས་ཀྱི་སློབ་གྲྭ་འབྲིང་ཆུང་9ཡི་འགྲན་ཞུགས་རུ་ཁག་མཐའ་བསྡུར་ནང་ཚུད་པ་རེད། ཁོང་ཚོས་དུས་རྒྱུན་སློབ་གྲྭ་ནས་ཤེས་པ་དང་སློབ་ཕྱིའི་ལྟ་ཀློག་ཁྲོད་ནས་ཤེས་པའི་ཀྲུང་གོ་གུང་ཁྲན་ཏང་གི་ལོ་ངོ་བརྒྱའི་འབད་འཐབ་ལོ་རྒྱུས་དང་། དེ་བཞིན་མའོ་ཙེ་ཏུང་དང་ཀྲོའུ་ཨེན་ལའེ་སོགས་འབྱོར་མེད་གྲལ་རིམ་གྱི་གསར་བརྗེ་པ་རྒན་གྲས་ཀྱི་ངོ་མཚར་གཏམ་རྒྱུད་འགྲན་བསྡུར་ནང་བརྗོད་པ་དང་། འགྲན་བསྡུར་བརྒྱུད་གཞོན་ནུ་ལོ་ཆུང་སློབ་མ་ཚོར་དཔེ་དེབ་ལྟ་བར་དགའ་བ་དང་གྱེར་འདོན་ལ་མཁས་པའི་སློབ་སྦྱོང་གི་གོམས་གཤིས་བཟང་པོ་འཇགས་པ་མ་ཟད། གཞོན་ནུ་ཚོས་ལྟ་ཀློག་ཁྲོད་ནས་ཏང་གི་ལོ་ངོ་བརྒྱའི་འོད་སྟོང་འཕྲོ་བའི་ལོ་རྒྱུས་ཤེས་རྟོགས་ཐུབ་པ་དང་། སློབ་མ་ཚོའི་ཏང་གཅེས་རྒྱལ་གཅེས་ཀྱི་བརྩེ་སེམས་ཟབ་ཏུ་ཕྱིན་པ། གུང་ཁྲན་རིང་ལུགས་ཀྱི་ཕུགས་བསམ་དང་དད་སེམས་བརྟན་དུ་ཕྱིན་ནས་དུས་རབས་གསར་པའི་གཞོན་ནུ་ཡག་པོ་ཞིག་ཆགས་པའི་བརྩོན་ལེན་བྱས་པ་རེད། འདི་ནི་འགྲན་བསྡུར་བྱ་ཡུལ་ཡིན་པ།