ཟླ་11ཚེས་27ནས་30ཉིན་བར་ཀྲུང་གོ་གུང་ཁྲན་ཏང་བོད་རང་སྐྱོང་ལྗོངས་ཀྱི་འཐུས་མི་ཚོགས་ཆེན་ཐེངས་བཅུ་པ་ལྷ་སར་འཚོགས་ཤིང་། ལྷོ་ཁ་གྲོང་ཁྱེར་གྱི་རྒྱ་ཆེའི་ལས་བྱེད་པ་དང་མང་ཚོགས་ཀྱིས་ཚགས་པར་དང་། བརྙན་འཕྲིན། རླུང་འཕྲིན། དྲ་རྒྱ་སོགས་ནས་ཚོགས་འདུའི་འཕེལ་རིམ་དང་འབྲེལ་ཡོད་གནས་ཚུལ་ལ་དོ་ཁུར་རྒྱ་ཁྱབ་བྱས་པ་དང་། ཚོགས་འདུའི་དགོངས་དོན་ལ་སློབ་སྦྱོང་དང་གོ་བ་ལེན་པ། འཕེལ་རྒྱས་ཀྱི་གྲུབ་འབྲས་ལ་གྲོས་བསྡུར་ཚ་ཚ་འུར་འུར། དམིགས་ཡུལ་དང་འཆར་གཞིར་རྒྱང་ལྟ་བཅས་བྱས་པ་རེད། ཚང་མས་རང་སྐྱོང་ལྗོངས་ཏང་གི་འཐུས་མི་ཚོགས་ཆེན་ཐེངས་བཅུ་པའི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱེད་པ་གོ་སྐབས་གལ་ཆེན་ལ་བརྩིས་ནས་མངགས་བཅོལ་བློ་ལ་བརྟན་པོར་འཆང་བ་དང་། ངར་ཤུགས་ཆེན་པོ་འཕེལ་བ། བློ་རྩ་བརྟན་པོས་ཡར་རྒྱས་བརྩོན་ལེན་བཅས་བྱས་ནས་ལྷོ་ཁའི་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་ཆེད་སྟོབས་ཤུགས་ལེགས་སྐྱེས་སུ་འབུལ་རྒྱུ་ཡིན་ཞེས་གཅིག་རྗེས་གཉིས་མཐུད་ངང་བཤད་པ་རེད།
ཉིན་ཤས་གོང་ལྷོ་ཁ་གྲོང་ཁྱེར་གྱིས་གྲོང་ཨུད་རྒྱུན་ལས་ཨུ་ལྷན(རྒྱ་ཆེ)གྱི་ཚོགས་འདུ་འཚོགས་ནས་རང་སྐྱོང་ལྗོངས་ཏང་གི་འཐུས་མི་ཚོགས་ཆེན་ཐེངས་བཅུ་པའི་དགོངས་དོན་བརྒྱུད་བསྒྲགས་དང་སློབ་སྦྱོང་བྱས་པ་རེད། ཚོགས་འདུའི་ཐོག་ལྷོ་ཁ་གྲོང་ཁྱེར་གྱི་རིམ་པ་ཁག་དང་སྡེ་ཚན་ཁག་གིས་སློབ་སྦྱོང་ནན་ཏན་དང་གོ་བ་གཏིང་ཟབ་ལེན་པ་དང་། དམ་པ་དོན་གཉེར་དང་དངོས་འཛིན་དངོས་སྒྲུབ། འགོ་ཁྲིད་ལ་ཤུགས་སྣོན་རྒྱག་པ། སྒྲིག་འཛུགས་ཞིབ་ཚགས་བཅས་བྱས་ནས་རང་སྐྱོང་ལྗོངས་ཏང་གི་འཐུས་མི་ཚོགས་ཆེན་ཐེངས་བཅུ་པའི་དགོངས་དོན་སློབ་སྦྱོང་དང་། ལག་བསྟར། དོན་འཁྱོལ་བཅས་བྱེད་པའི་ཚ་རླབས་ཤིག་མགྱོགས་མྱུར་འཕྱུར་བར་བྱས་ནས་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་ཧུར་ཐག་གཏོང་དགོས་པའི་བླང་བྱ་བཏོན་པ་རེད། ཚོགས་ཞུགས་རིམ་ཁག་འགོ་ཁྲིད་ལས་བྱེད་པས་ཆབ་སྲིད་ཀྱི་ཚུགས་གནས་མཐོ་རུ་བཏང་སྟེ་རང་སྐྱོང་ལྗོངས་ཏང་གི་འཐུས་མི་ཚོགས་ཆེན་ཐེངས་བཅུ་པའི་དངོས་ཡོད་ཀྱི་དོན་སྙིང་གལ་ཆེན་དང་ལོ་རྒྱུས་ཀྱི་དོན་སྙིང་ཟབ་མོར་ངོས་འཛིན་གཏིང་ཟབ་བྱེད་པ་དང་། ཚོགས་འདུའི་དགོངས་དོན་སྣེ་ཁྲིད་དེ་སྒྲོག་འགྲེལ་དང་དྲིལ་བསྒྲགས་དང་ཚོགས་འདུའི་དགོངས་དོན་སྣེ་ཁྲིད་དེ་ལག་བསྟར་དོན་འཁྱོལ་བྱས་ནས། ལྗོངས་ཡོངས་ཀྱི“མདུན་གྲལ་དུ་སླེབས་པ་བཞིའི”ཆེད་དུ་ལྷོ་ཁའི་སྟོབས་ཤུགས་ལེགས་སྐྱེས་སུ་འབུལ་རྒྱུ་ཡིན་ཞེས་གཅིག་རྗེས་གཉིས་མཐུད་ངང་བཤད་པ་རེད།
རང་སྐྱོང་ལྗོངས་ཏང་གི་འཐུས་མི་ཚོགས་ཆེན་ཐེངས་བཅུ་པའི་འཐུས་མི་འཕྱོངས་རྒྱས་རྫོང་ཨུད་ཀྱི་ཧྲུའུ་ཅི་ཧན་ལེང་གིས་རྫོང་དེས་རང་སྐྱོང་ལྗོངས་ཏང་གི་འཐུས་མི་ཚོགས་ཆེན་ཐེངས་བཅུ་པའི་དགོངས་དོན་བརྒྱུད་བསྒྲགས་དང་སློབ་སྦྱོང་བྱེད་པའི་ཆེད་དོན་ཚོགས་འདུ་གཙོ་སྐྱོང་བྱེད་སྐབས། མིག་སྔར་དམིགས་ཡུལ་གཏན་འཁེལ་ཟིན་པ་དང་འཆར་གཞི་བཀོད་ཟིན་པས་འགག་རྩ་དོན་འཁྱོལ་དམ་འཛིན་ཡག་པོ་བྱས་མིན་ལ་ཐུག་ཡོད། བརྟན་ལྷིང་དང་། འཕེལ་རྒྱས། སྐྱེ་ཁམས། མཐའ་སྟོབས་བཅས་ཀྱི་ལས་དོན་ཁག་ཧུར་ཐག་ངང་ཡག་པོ་བསྒྲུབས་ཏེ་རྫོང་དེ་ཡོངས་ཀྱི་མི་རིགས་ཁག་གི་ལས་བྱེད་པ་དང་མང་ཚོགས་ཀྱི་བསམ་བློ་དང་བྱ་སྤྱོད་གཅིག་གྱུར་ཡོང་བ་བྱེད་པ་དང་། ཡིད་ཆེས་བརྟན་དུ་གཏོང་བ་དང་བློ་རྩེ་གཅིག་སྒྲིམ་གྱིས་ལས་ཀ་བྱས་ཏེ་ཕན་འབྲས་དངོས་ལ་བརྟེན་ནས་འཕེལ་རྒྱས་ཀྱི་རྣམ་པ་གསར་པ་གཏོད་རྒྱུ་ཡིན་ཞེས་བཤད་པ་རེད།
ལྷོ་ཁ་གྲོང་ཁྱེར་ཐད་གཏོགས་ལས་ཁུངས་ལས་དོན་ཨུ་ལྷན་གྱི་རིམ་པ་དང་པོའི་ཁོའོ་ཡོན་སྣ་དཀར་རྩེ་རྫོང་ཁ་རག་ཤང་སྤུན་བརྒྱུད་གྲོང་ཚོའི་གྲོང་སྡོད་ལས་དོན་རུ་ཁག་གི་རུ་མི་ཀྲང་དབྱིན་པོ་ཡིས། “གྲོང་སྡོད་ལས་བྱེད་པ་ཞིག་གི་ངོས་ནས་སླད་ཕྱིན་ངས་མང་ཚོགས་ཀྱི་སྣེ་ཁྲིད་དེ་རང་སྐྱོང་ལྗོངས་ཏང་གི་འཐུས་མི་ཚོགས་ཆེན་ཐེངས་བཅུ་པའི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱས་ནས་ཐོག་མའི་བསམ་འདུན་མ་བརྗེད་པར་དད་མོས་ཀྱི་རྨང་གཞི་བརྟན་པོ་འཛུགས་པ་དང་ཏན་ཏན་ཏིག་ཏིག་གིས་མང་ཚོགས་ལ་ཞབས་འདེགས་ཞུ་བའི་འཇོན་ཐང་ཆེ་རུ་བཏང་སྟེ་གཞི་རིམ་གྱི་གར་སྟེགས་ཐོག་མི་ཚེའི‘གཟི་མདངས’མངོན་ཐུབ་པ་དང་དངོས་སྒྲུབ་ཁྲོད‘རྒྱལ་ཁབ་སྟོབས་ཆེར་གཏོང་བར་ང་ཡིས་འབད’ཅེས་པའི་དམ་བཅའ་ལག་བསྟར་བྱ་རྒྱུ་ཡིན”ཞེས་བཤད་པ་རེད།
རང་སྐྱོང་ལྗོངས་ཏང་གི་འཐུས་མི་ཚོགས་ཆེན་ཐེངས་བཅུ་པའི་འཐུས་མི་ལྷོ་བྲག་རྫོང་ལ་རྒྱབ་ཤང་རྒྱལ་ལ་ཕུག་གྲོང་ཚོའི་ཏང་ཀྲི་པུའི་ཧྲུའུ་ཅི་མིག་དམར་བསམ་གྲུབ་ཀྱིས་གྲོང་ཚོར་སླེབས་མ་ཐག་འཕྲལ་དུ་མང་ཚོགས་ལ་རང་སྐྱོང་ལྗོངས་ཏང་གི་འཐུས་མི་ཚོགས་ཆེན་ཐེངས་བཅུ་པའི་དགོངས་དོན་སྒྲོག་འགྲེལ་བྱས་པ་རེད། ཁོང་གིས“ལོ་འདི་དག་རིང་ཏང་ཀྲུང་དབྱང་དང་ལྗོངས་ཏང་ཨུད་ཀྱིས་མཐའ་དར་དམངས་ཕྱུག་གི་ལས་དོན་ལ་གཏོང་ཆ་གཏོང་ཤུགས་རྒྱུན་མཐུད་ཆེ་རུ་བཏང་བ་དང་ཆབས་ཅིག་ང་ཚོའི་གྲོང་ཚོའི་རྨང་གཞིའི་སྒྲིག་བཀོད་འཛུགས་སྐྲུན་ལ་འཕེལ་རྒྱས་མྱུར་པོ་བྱུང་ནས་མང་ཚོགས་ཀྱི་འཚོ་བ་ཇེ་ལེགས་སུ་ཕྱིན་ཡོད། ངས་རང་སྐྱོང་ལྗོངས་ཏང་གི་འཐུས་མི་ཚོགས་ཆེན་ཐེངས་བཅུ་པའི་དགོངས་དོན་དྲིལ་བསྒྲགས་དང་ལག་བསྟར་ཡག་པོ་བྱས་ནས་མང་ཚོགས་དང་ཁྱིམ་ཚང་ཀུན་གྱིས་ཤེས་ཐུབ་པ་བྱེད་པ་དང་། མང་ཚོགས་ལ་སྐུལ་ལྕག་གིས་མཐའ་སྟོབས་ཀྱི་དོན་ཆེན་འདི་ཡག་པོ་བསྒྲུབས་ཏེ་ཚོགས་འདུའི་དགོངས་དོན་དེ་བླ་ན་མེད་པའི་རྒྱལ་ཁབ་ཀྱི་ས་ཆ་སྲུང་བ་དང་བདེ་སྐྱིད་ལྡན་པའི་ཁྱིམ་གཞིས་འཛུགས་སྐྲུན་བྱེད་པའི་མང་ཚོགས་ཀྱི་རང་རྟོགས་ཀྱི་བྱ་སྤྱོད་ལ་དངོས་སུ་འགྱུར་བ་བྱ་རྒྱུ་ཡིན”ཞེས་བཤད་པ་རེད།
“རང་སྐྱོང་ལྗོངས་ཏང་གི་འཐུས་མི་ཚོགས་ཆེན་ཐེངས་བཅུ་པ་ནི་མི་སེམས་གཅིག་ཏུ་བསྒྲིལ་བ་དང་མི་རྣམས་མདུན་སྐྱོད་ལ་སྐུལ་མ་གཏོང་བའི་ཚོགས་འདུ་ཞིག་ཡིན་པས་ང་ལ་སྐུལ་ལྕག་ཆེན་པོ་ཐེབས་བྱུང་། རྒན་ཡོལ་ཞུས་པའི་ལས་བྱེད་པ་རྒན་གྲས་ཤིག་གི་ངོས་ནས་ངས་ད་རེས་ཀྱི་ཚོགས་འདུའི་དགོངས་དོན་སློབ་སྦྱོང་ཡག་པོ་དང་། གོ་བ་ཡག་པོ་ལེན་པ། དྲིལ་བསྒྲགས་ཡག་པོ་བཅས་བྱས་ནས‘འདུ་ཤེས་བཞི’ཟབ་ཏུ་གཏོང་བ་དང་། ‘གདེང་ཚོད་བཞི’བརྟན་དུ་གཏོང་བ། ‘སྲུང་སྐྱོང་གཉིས’ཐུབ་པ། ལྗོངས་ཏང་ཨུད་ཀྱི་ཐབས་ཇུས་བཀོད་སྒྲིག་ལག་བསྟར་དོན་འཁྱོལ་ཡག་པོ། ལས་གནས་ལས་བྲལ་ཡང་ཏང་དང་ཁ་མ་བྲལ་བ་དང་རྒན་ཡོལ་ཞུས་ཀྱང་ངོ་བོ་མི་འགྱུར་བ་བཅས་བྱས་ཏེ། མུ་མཐུད་ཏང་གི་བྱ་གཞག་ཆེད་ནུས་ཤུགས་བཏོན་ནས་ནམ་ཡང་ཏང་གི་བཀའ་ལ་ཉན་པ་དང་། ཏང་གི་བཀའ་དྲིན་ཚོར་བ། ཏང་གི་རྗེས་སུ་འབྲང་བ་བཅས་བྱ་རྒྱུ་ཡིན”ཞེས་གོང་དཀར་རྫོང་གི་རྒན་ཡོལ་ཞུས་པའི་ལས་བྱེད་པ་རྒན་གྲས་བསྟན་དར་གྱིས་དེ་ལྟར་བཤད།