“མིག་སྔ་དང་སླད་ཕྱིན་དུས་སྐབས་ཤིག་རིང་གི་ལས་ཀའི་གཙོ་གནད་ནི་ཐེངས་འདིའི་གྲོས་ཚོགས་ཀྱི་དགོངས་དོན་ལག་བསྟར་དོན་འཁྱོལ་ཡག་པོ་བྱས་ཏེ། ཞི་ཅིན་ཕིང་གི་སྐྱེ་ཁམས་ཤེས་དཔལ་སྐོར་གྱི་དགོངས་པ་དང“སྔོ་ཞིང་དྭངས་པའི་རི་ཆུ་གསེར་རི་དངུལ་རི་ཡིན་པའི”སྐྱེ་ཁམས་འཕེལ་རྒྱས་ཀྱི་འདུ་ཤེས་དང་། ལྷག་པར་དུ་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་བོད་དུ་གཟིགས་ཞིབ་གནང་སྐབས་གནང་བའི་གསུང་བཤད་གལ་ཆེན་གྱི་དགོངས་དོན་ལག་ལེན་ནན་ཏན་བསྟར་བ་དང་། སྐྱེ་ཁམས་ཤེས་དཔལ་འཛུགས་སྐྱོང་བྱ་རྒྱུ་དེ་སྔར་བས་མངོན་གསལ་དོད་པའི་གནས་བབ་ཐོག་འཇོག་པ། ཕྱོཌ་ཡོངས་ནས་སྐྱེ་ཁམས་སྲུང་སྐྱོང་འཛུཌ་སྐྱོང་ལ་ཤུཌ་སྣོན་རྒྱག་པ། སྐྱེ་ཁམས་ཤེས་དཔལ་འཛུཌ་སྐྱོང་གི་ཆུ་ཚད་མཐོ་རུ་གཏོང་བ་བཅས་བྱས་ཏེ་སྔོ་ཞིང་དྭངས་པའི་རི་ཆུ་དེ་མི་རིགས་ཁག་གི་མང་ཚོགས་ཀྱི་བདེ་སྐྱིད་ཀྱི་བརྟེན་སར་འགྱུར་བར་བྱེད་དགོས”ཞེས་རང་སྐྱོང་ལྗོངས་ཏང་གི་འཐུས་མི་ཚོཌ་ཆེན་ཐེངས་བཅུ་པའི་འཐུས་མི་ཉིང་ཁྲི་གྲོང་ཁྱེར་ནགས་ལས་དང་རྩྭ་ཐང་ཅུས་ཏང་ཙུའུ་ཡི་ཧྲུའུ་ཅི་དང་ཅུས་ཀྲང་གཞོན་པ་དགྲ་འདུལ་གྱིས་གསུངས།
དགྲ་འདུལ་གྱིས། ཉིང་ཁྲི་གྲོང་ཁྱེར་ནགས་ལས་དང་རྩྭ་ཐང་ཅུས་ཀྱིས“སྐྱེ་ཁམས་ཤེས་དཔལ་གྱི་སྣེ་ཁྲིད་ཁུལ”འཛུཌ་སྐྲུན་བྱ་རྒྱུ་དམིགས་ཚད་དུ་བྱས་ནས། ཐེངས་འདིའི་གྲོས་ཚོགས་ཐོག་བཏོན་པའི་དམིགས་ཚད་དང་ཟུང་འབྲེལ་གྱིས་ནགས་ཚལ་དང་། རྩྭ་ར། འདམ་ར་བཅས་ཀྱི་ཐོན་ཁུངས་ལ་ཕྱོགས་ཡོངས་ནས་དོ་དམ་བྱེད་ཤུགས་ཆེ་རུ་གཏོང་བ་དང་། རང་བྱུང་ནགས་ཚལ་ལ་སྲུང་སྐྱོང་དང་སྤྱི་ཕན་ནགས་ཚལ་དོ་དམ་བདག་སྐྱོང་བྱེད་ཤུགས་སྔར་བས་ཆེ་རུ་གཏོང་བ། རང་བྱུང་སྲུང་སྐྱོང་ཁུལ་གྱི་མ་ལག་འཛུགས་སྐྲུན་འཐུས་སྒོ་ཚང་དུ་གཏོང་བ། སྐྱེ་ཁམས་མ་ལག་གི་རང་ངོས་ཉམས་གསོའི་ནུས་པ་ཆེ་རུ་གཏོང་བ། སྐྱེ་ཁམས་མ་ལག་གི་སྤུས་ཚད་དང་བརྟན་པོའི་རང་བཞིན་ཆེ་རུ་གཏོང་བ། སྐྱེ་དངོས་སྣ་མང་རང་བཞིན་གྱི་སྲུང་སྐྱོང་དྲ་རྒྱ་འཛུགས་པ། ཉིང་ཁྲི་གྲོང་ཁྱེར་གྱི་ནགས་ར་དང་། རྩྭ་ར། འདམ་ར་བཅས་ཀྱི་ཐོན་ཁུངས་ཀྱི་གྲངས་གཞིའི་མཛོད་འཛུགས་པ། “ནམ་མཁའ་དང་། བར་མཐོངས། ས་ངོས”བཅས་གཞི་གཅིག་ཅན་གྱི་ཐོན་ཁུངས་ཀྱི་ལྟ་ཞིབ་ཚད་ལེན་མ་ལག་འཚོལ་ཞིབ་བྱས་ནས་འཛུགས་པ། རྒྱལ་ཁབ་ཀྱི་སྐྱེ་ཁམས་བདེ་འཇགས་སྲུང་ཡོལ་གལ་ཆེན་བརྟན་དུ་གཏོང་བ། “སྤུས་ཚད་མཐོ་བའི་འཕེལ་རྒྱས་སྔོན་བསྟར་ཁུལ”ཁྲིད་སྟོན་དུ་བྱེད་པ་བཅས་བྱས་ནས། ནགས་ཚལ་དང་རྩྭ་རའི་མཁོ་སྤྲོད་ཕྱོགས་ཀྱི་གྲུབ་ཆའི་རང་བཞིན་གྱི་སྒྱུར་བཅོས་གཏིང་ཟབ་ཏུ་བཏང་སྟེ། “སྔོ་ཞིང་དྭངས་པའི་རི་ཆུ”དེ“གསེར་རི་དངུལ་རིར”འགྱུར་བ་བྱ་རྒྱུ་ཡིན་ཞེས་གསུངས་པ་རེད།