རང་སྐྱོང་ལྗོངས་ཏང་གི་འཐུས་མི་ཚོགས་ཆེན་ཐེངས་བཅུ་པའི་འཐུས་མི་དང་ཉིང་ཁྲི་གྲོང་ཁྱེར་མང་ཚོགས་སྒྱུ་རྩལ་ཁང་གི་ཀོན་ཀྲང་གཞོན་པ་ཚེ་རིང་གིས་བློ་མཐུན་ཝང་ཅུན་ཀྲེང་གིས་གནང་བའི་ལས་དོན་སྙན་སྒྲོན་ནན་ཏན་ངང་ཉན་རྗེས་སྐུལ་མ་ཆེན་པོ་ཐེབས་བྱུང་ལ་མྱོང་ཚོར་ཡང་ཟབ་མོ་ཡང་བྱུང་ཞེས་གསུངས་པ་རེད།
ཚེ་རིང་གིས“སྙན་སྒྲོན་ནང་དངོས་ཐོག་བདེན་འཚོལ་གྱིས་རང་སྐྱོང་ལྗོངས་ཏང་གི་འཐུས་མི་ཚོགས་ཆེན་ཐེངས་དགུ་པ་འཚོགས་ཚུན་དུ་ཏང་ཀྲུང་དབྱང་གི་བྱམས་བརྩེའི་ཐུགས་ཁུར་འོག་ལྗོངས་ཡོངས་ཀྱི་ལས་དོན་ཁག་ལ་ཐོབ་པའི་གྲུབ་འབྲས་ལ་ཕྱོགས་སྡོམ་དང་། སླད་ཕྱིན་གྱི་ལོ་ལྔའི་བརྗིད་ཆེའི་འཆར་གཞི་ཚན་རིག་དང་མཐུན་པའི་སྒོ་ནས་བཀོད་ཅིང་། འདི་ནི་གདེང་ཚོད་ལྡན་པ་དང་། དོན་དངོས་དང་མཐུན་པ། སྐུལ་མ་ཐེབས་པ་བཅས་ཀྱི་སྙན་སྒྲོན་ཡག་པོ་ཞིག་རེད་ལ། རང་ལྗོངས་ཀྱི་སླད་ཕྱིན་དུས་སྐབས་ཤིག་རིང་དཔལ་འབྱོར་དང་སྤྱི་ཚོགས་འཕེལ་རྒྱས་ལ་སྐུལ་འདེད་གཏོང་བའི་མཛུབ་ཁྲིད་རང་བཞིན་གྱི་ཡིག་ཆ་ཞིག་དང་རིམ་ཁག་ཏང་རྩ་འཛུགས་ཀྱི་བྱ་སྤྱོད་ཀྱི་རྩ་གནད་དང་ཕྱོགས་སྟོན་ཞིག་ཀྱང་རེད”ཅེས་གསུངས་པ་རེད།
ཚེ་རིང་གིས་གསུངས་དོན། སླད་ཕྱིན་གྱི་ལས་ཀའི་ཁྲོད་ང་ཚོས་ཏང་གི་འཐུས་མི་ཚོགས་ཆེན་གྱིས་གསལ་པོ་བཏོན་པའི་དམིགས་ཚད་ལས་འགན་ཁག་གཞིར་བཟུང་། དམངས་འཚོའི་གཞི་རྩའི་དགོས་མཁོར་དམིགས་ཏེ་དེང་རབས་ཀྱི་སྤྱི་པའི་རིག་གནས་ཞབས་ཞུའི་མ་ལག་དང་། དུས་རབས་གསར་པའི་རིག་གནས་ཐོན་ལས་མ་ལག རིག་རྩལ་སྤུས་རྟགས་གསར་རྩོམ་མ་ལག ཕུལ་བྱུང་གི་སྲོལ་རྒྱུན་རིག་གནས་རྒྱུན་འཛིན་སྲུང་སྐྱོང་དང་བེད་སྤྱོད་མ་ལག་བཅས་མགྱོགས་མྱུར་འཛུགས་པ་དང་འཐུས་སྒོ་ཚང་དུ་གཏོང་བ་དང་། རིག་གནས་ཀྱི་ནུས་སྤྲོད་དང་རིག་གནས་ཀྱི་སྐུལ་ཁྲིད་ནུས་པ་འདོན་སྤེལ་གང་ལེགས་བྱས་ཏེ། རིག་གནས་དམངས་ཕན་འདུ་འགོད་མགྱོགས་མྱུར་ལག་བསྟར་དང་། གཞི་རིམ་མང་ཚོགས་ཀྱི་རིག་གནས་ཀྱི་གཡུལ་ས་སྟོབས་ཆེར་བཏང་ནས། ཚོགས་འདུའི་དགོངས་དོན་དེ་འཕེལ་རྒྱས་ལ་ཇུས་འགོད་དང་ལས་དོན་ལ་སྐུལ་འདེད་གཏོང་བའི་ཞིབ་ཕྲའི་བྱེད་ཐབས་དང་བྱ་སྤྱོད་དངོས་ལ་སྒྱུར་བ་ཏན་ཏིག་བྱས་ཏེ། ཉིང་ཁྲི་གྲོང་ཁྱེར་མང་ཚོགས་ཀྱི་རིག་གནས་དང་རིག་རྩལ་གྱི་བྱ་གཞག་ཁག་ལ་འཕེལ་རྒྱས་གསར་པ་ཡོང་བར་སྐུལ་འདེད་གཏོང་བ་དང་བྱས་རྗེས་གསར་པ་མངོན་པར་བྱས་ཐོག དུས་རབས་གསར་པའི་བོད་ཀྱི་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་ཆེད་གསོན་ཤུགས་དང་སྒུལ་ཤུགས་བསྣན་རྒྱུ་ཡིན།