འདས་ཟིན་པའི་ལོ་ལྔའི་རིང་བོད་ཀྱིས་སྤྱི་ཡོངས་ཀྱི་རྒྱལ་ཁབ་བདེ་འཇགས་ལྟ་བ་བརྟན་པོ་བཙུགས་ཏེ། “གཡོ་སྒུལ་མི་གཏོང་བ་གཉིས”མཐའ་འཁྱོངས་ཀྱིས་མེས་རྒྱལ་གཅིག་གྱུར་ལ་སྲུང་སྐྱོང་དང་མི་རིགས་མཐུན་སྒྲིལ་ལ་ཤུགས་སྣོན་རྒྱག་པའི་གཞི་འཛིན་ས་དང་ཤུགས་རྒྱག་སར་དམ་པོར་དམིགས་པ་དང་། ཁ་ཕྲལ་ལ་ངོ་རྒོལ་བྱེད་པའི་འཐབ་རྩོད་ཀྱི་རང་འགུལ་དབང་ཆར་སྟངས་འཛིན་ཏན་ཏིག་བྱས་ནས་ཕུགས་འཕེར་གྱི་ཇུས་གཞི་འདིང་བ་དང་རྩ་བ་བརྟན་ཚུཌ་ཀྱི་བྱ་ཐབས་སྤྱོད་པ་དང་། སྤྱི་ཚོཌ་བཅོས་སྐྱོང་ཐད“གཞན་སྐུལ”ནས“རང་འགུལ”ཕྱོགས་སུ་བསྒྱུར་ཏེ། མང་ཚོཌ་ཀྱི་བདེ་འཇགས་ཚོར་སྣང་དང་བློ་ཡིད་ཚིམ་ཚད་རྒྱལ་ཡོངས་ཀྱི་མདུན་གྲལ་དུ་སླེབས་ཡོད།
“རང་སྐྱོང་ལྗོངས་ཀྱི་ཏང་གི་འཐུས་མི་ཚོགས་ཆེན་ཐེངས་བཅུ་པའི་ཐོག སྤྱི་ཡོངས་ཀྱི་རྒྱལ་ཁབ་བདེ་འཇགས་ལྟ་བ་བརྟན་པོར་བཙུཌ་ནས་སྤྱི་ཚོགས་སྤྱི་ཡོངས་མཐའ་གཅིག་ཏུ་སྲུང་སྐྱོང་བྱེད་རྒྱུའི་སྐོར་གྱི་བློ་མཐུན་ཝང་ཅུན་ཀྲེང་གི་བླང་བྱ་ནི་ང་ཚོས་སླད་ཕྱིན་དུས་སྐབས་ཤིག་རིང་མི་དམངས་མང་ཚོཌ་ཀྱི་བདེ་འཇགས་ཚོར་སྣང་རྒྱུན་མཐུད་ཆེ་རུ་བཏང་ནས་བོད་ཀྱི་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་མངོན་འགྱུར་བྱེད་པའི་མཛུབ་ཁྲིད་རང་བཞིན་གྱི་བསམ་ཕྱོཌ་ཤིག་རེད”ཅེས་འཐུས་མི་ཚོས་གཅིག་རྗེས་གཉིས་མཐུད་ངང་གསུངས་པ་རེད།
རང་སྐྱོང་ལྗོངས་ཀྱི་ཏང་གི་འཐུས་མི་ཚོགས་ཆེན་ཐེངས་བཅུ་པའི་འཐུས་མི་རང་སྐྱོང་ལྗོངས་ཁྲིམས་འཛིན་ཐིང་ཏང་ཨུད་ཀྱི་ཧྲུའུ་ཅི་བློ་བཟང་བསྟན་དར་གྱིས། བློ་མཐུན་ཝང་ཅུན་ཀྲེང་གིས་གནང་བའི་སྙན་སྒྲོན་ནང་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པའི་དར་ཆ་རླབས་ཆེན་མཐོན་པོར་བསྒྲེངས་ཏེ་ཏང་གི་སྐབས་བཅུ་དགུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་དྲུག་པ་དང་ཀྲུང་དབྱང་གི་བོད་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་བདུན་པའི་དགོངས་དོན་ཕྱོགས་ཡོངས་ནས་ལག་བསྟར་དོན་འཁྱོལ་དང་། བོད་ཀྱི་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་དང་དུས་རབས་གསར་པའི་ཏང་གི་བོད་སྐྱོང་མཛད་ཇུས་ལག་བསྟར། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི“བདུན་གཅིག”གི་གསུང་བཤད་གལ་ཆེན་དང་བོད་ལ་གཟིགས་ཞིབ་གནང་སྐབས་ཀྱི་གསུང་བཤད་གལ་ཆེན་གྱི་དགོངས་དོན་ལག་བསྟར་བཅས་བྱེད་པ་ནི། བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གི་ཚད་གཞི་དང་ཡང་ཡང་སྡུར་བ་དང་མིག་ལྟོས་ཀྱིས་རྗེས་སུ་དམ་པོར་སྙེག་པའི“སྟོབས་ཤུགས་ཆེ་ཤོས”ཤིག་དང་། ལྗོངས་ཡོངས་ཀྱི་གོང་འོག་ཚང་མར་རྒྱང་སྐྱོད་ཀྱི་ལམ་བུ་གསར་པར་སླར་ཡང་གྲུབ་འབྲས་གསར་པ་གཏོད་པའི་དམ་བཅའ་འཇོག་པའི“སྐུལ་སློང་བཀའ་རྒྱ”ཞིག་རེད།
“ཏང་གི་འཐུས་མི་ཞིག་གི་ངོས་ནས་ཏང་གི་འཐུས་མི་ཚོགས་ཆེན་ལ་ཞུགས་ཐུབ་པས། ངར་གཟི་བརྗིད་ཆེན་པོ་ཚོར་གྱི་འདུག་ལ་འགན་འཁྲི་ལྕི་པོ་ཡོད་པའི་ཚོར་སྣང་ཟབ་མོའང་བྱུང”ཞེས་རང་སྐྱོང་ལྗོངས་ཏང་གི་འཐུས་མི་ཚོགས་ཆེན་ཐེངས་བཅུ་པའི་འཐུས་མི་དང་གཞིས་རྩེ་གྲོང་ཁྱེར་མི་དམངས་ཞིབ་དཔྱོད་ཁང་གི་ཏང་ཙུའི་ཧྲུའུ་ཅི་ཅན་ཁྲ་ཀྲང་སྒྲོལ་དཀར་གྱིས་གསུངས།
སྒྲོལ་དཀར་གྱིས་གྲོང་ཁྱེར་རིམ་པའི་ཞིབ་དཔྱོད་ལས་ཁུངས་ཀྱི་འགན་འཁུར་བ་ཞིག་གི་ངོས་ནས། གོམ་སྟབས་རྗེས་མར་འགག་རྩ་ཉུང་ཤས་ཀྱི་ནུས་པ་ཧུར་ཐག་བཏོན་ཏེ་ཐོག་མཐའ་བར་གསུམ་དུ་ཞིབ་དཔྱོད་ལས་ཁུངས་ཀྱིས་ཏང་གི་ཆབ་སྲིད་འཛུགས་སྐྱོང་ལ་ཤུགས་སྣོན་རྒྱག་པ་གནས་བབ་ཨང་དང་པོར་བཞག་ནས་ཆབ་སྲིད་ལས་ཁུངས་ཀྱི་འདུ་ཤེས་ཟབ་ཏུ་གཏོང་བ་དང་ཏང་གིས་ཞིབ་དཔྱོད་ལས་དོན་ལ་འགོ་ཁྲིད་གཙང་བཙན་བྱེད་པར་གཡོ་འགུལ་སྤུ་ཙམ་མི་གཏོང་བའི་སྒོ་ནས་མཐའ་འཁྱོངས་དང་། ཐོག་མཐའ་བར་གསུམ་དུ“རྒྱལ་ཁབ་ཀྱི་དོན་ཆེན”ཡིད་ལ་བཅངས་ནས་འཕེལ་རྒྱས་ཀྱི་འདུ་ཤེས་གསར་པ་ཆ་ཚང་བ་དང་། གནད་སྨིན། ཕྱོགས་ཡོངས་བཅས་ཀྱི་སྒོ་ནས་ལག་བསྟར། འཕེལ་རྒྱས་ཀྱི་བཀོད་པ་གསར་པ་འགྲུབ་པ་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་བརྒྱུད་རིམ་དུ་རང་འགུལ་ངང་འགན་འཁྲི་འཁུར་བ་དང་འགན་འཁྲི་གཙང་སྒྲུབ། ཐོག་མཐའ་བར་གསུམ་དུ་དམངས་སེམས་ནི་ཆབ་སྲིད་ཆེ་ཤོས་ཡིན་པ་བློ་ལ་བརྟན་པོར་ངེས་ཏེ་ཞིབ་དཔྱོད་དང་གྱོད་གཞིར་ལྟ་སྐུལ་བྱེད་རིང་མི་དམངས་ལྟེ་བར་འཛིན་པའི་འཕེལ་རྒྱས་ཀྱི་འདུ་ཤེས་དོན་འཁྱོལ། རྩ་ཁྲིམས་དང་བཅའ་ཁྲིམས་ཀྱིས་དཀྲིས་པའི་དབང་ཆ་གང་ལེགས་སྤྱོད་པ། སྤྱི་ཡོངས་ལ་ཞབས་འདེགས་ཞུ་རིང་རང་འགུལ་ངང་མཉམ་འདྲེས་བཅས་བྱས་ནས“ཞིབ་དཔྱོད་ཆེན་པོ་བཞི”དང“ལས་སྒོ་ཆེན་པོ་བཅུ”རྒྱུན་མཐུད་ཏན་ཏིག་དང་། ཡག་པོ། སྟོབས་ཆེན། སྤུས་ལེགས་བཅས་བསྒྲུབས་ཏེ་དུས་མཚམས་གསར་པའི་གཞིས་རྩེའི་ཞིབ་དཔྱོད་བྱ་གཞག་འཕེལ་རྒྱས་ཀྱི་རྒྱང་སྐྱོད་ལམ་བུ་གསར་པ་ཧུར་ཐག་གཏོད་ཀྱི་ཡིན་ཞེས་གསུངས།