འདི་ལོ་ཚུན་དུ། ཉིང་ཁྲི་གྲོང་ཁྱེར་དམངས་སྲིད་ཅུས་ཀྱི་ཏང་རྩ་འཛུགས་ཀྱིས་ཏང་གི་ཆབ་སྲིད་འཛུགས་སྐྱོང་སྤྱི་འདོམས་སུ་བྱས་ཏེ་ཕྱོགས་ཡོངས་ནས་ཏང་ནན་པོས་སྐྱོང་བའི་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གྱི་བླང་བྱ་མཐའ་གཅིག་ཏུ་ལག་བསྟར་དོན་འཁྱོལ་བྱེད་པ་དང་། ཏང་འཛུགས་སྐྱོང་ལས་དོན་ཁྲིད་སྟོན་དུ་བྱས་ཏེ་ཕྱོགས་ཡོངས་ནས་ཏང་ནན་པོས་སྐྱོང་བའི་ལྟེ་བའི་ལས་དོན་ལ་དམིགས་པ། ཏང་ལ་དོ་དམ་དང་ཏང་སྐྱོང་བའི་ཆབ་སྲིད་ཀྱི་ངེས་ཤུགས་ཆེ་རུ་གཏོང་བ། སྒྲིག་ལམ་ལག་བསྟར་དང་འགན་འཁྲི་རྩད་གཅོད་ཀྱི་ལྟ་སྐུལ་བྱེད་ཤུགས་ཆེ་རུ་གཏོང་བ། སྤྱོད་ཚུལ་འཛུགས་སྐྱོང་ལ་ཤུགས་སྣོན་ཏན་ཏིག་རྒྱག་པ་བཅས་བྱས་ཏེ་ཆབ་སྲིད་ཀྱི་ཁོར་ཡུག་སྔར་བས་དྭངས་གཙང་དང་དངོས་སྒྲུབ་ཀྱི་རྣམ་པ་སྔར་བས་ཟབ་ཏུ་འགྲོ་བར་སྐུལ་འདེད་བཏང་ཡོད།

ངོ་སྤྲོད་བྱས་པར་གཞིགས་ན། ཉིང་ཁྲི་གྲོང་ཁྱེར་དམངས་སྲིད་ཅུས་ཀྱིས་2021ལོའི་ཏང་ཙུའི་རིགས་པའི་གཞུང་ལུགས་ཀྱི་ལྟེ་བ་དང་ཀྲི་པུའི་གཅིག་སྡུད་སློབ་སྦྱོང་གི་འཆར་གཞི་ཞིབ་འཇུག་བྱས་ནས་བཟོས་ཏེ་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་རབ་དང་རིམ་པ་དང་མཛུབ་སྟོན་དང་མཆན་བཀོད་མཛུབ་སྟོན་གལ་ཆེན་གྱི་དགོངས་དོན། ཀྲུང་དབྱང་དང་། ལྗོངས་ཏང་ཨུད། གྲོང་ཨུད་བཅས་ཀྱི་ཐབས་ཇུས་བཀོད་སྒྲིག་གལ་ཆེན། གསར་དུ་ཡོངས་བསྒྲགས་ལག་བསྟར་བྱས་པའི་བཅའ་ཁྲིམས་ཁྲིམས་སྲོལ་སོགས་ཀྱི་ནང་དོན་སློབ་སྦྱོང་གཏིང་ཟབ་བྱས་ཤིང་། མིག་སྔའི་བར། ཅུས་ཀྱི་ཏང་ཙུའི་རིགས་པའི་གཞུང་ལུགས་ལྟེ་བའི་ཚོགས་ཆུང་གིས་སློབ་སྦྱོང་ཐེངས་10དང་། ཀྲི་པུའི་གཅིག་སྡུད་སློབ་སྦྱོང་ཐེངས་18 སློབ་སྦྱོང་བགྲོ་གླེང་ཐེངས་6བཅས་བྱས་པ་དང་། རྫོང་དང་ཁྲུའུ་རིམ་པ་ཡན་གྱི་འགོ་ཁྲིད་དང་ཏང་ཡོན་ལས་བྱེད་པ་8མངགས་ནས་གྲོང་ཨུད་ཀྱིས་སྒྲིག་འཛུགས་བྱས་པའི་རིགས་པའི་གཞུང་ལུགས་ཟབ་གཏོང་གི་གསོ་སྦྱོང་ནང་ཞུགས་པ་རེད།

བསྡོམས་རྩིས་བྱས་པར་གཞིགས་ན། མིག་སྔའི་བར་ཉིང་ཁྲི་གྲོང་ཁྱེར་དམངས་སྲིད་ཅུས་ཀྱིས“ངས་དམངས་ལ་བྱ་བ་དངོས་སྒྲུབ་པའི”རྣམ་གྲངས་བསྡོམས་16དོན་འཁྱོལ་བྱས་པ་དང་མ་དངུལ་སྒོར་ཁྲི་2568བརྩོན་ལེན་བྱས་ཏེ། མང་ཚོགས་མི་ཐེངས་533ལ་ཕན་བཏགས་ནས་ཏང་གི་ལོ་རྒྱུས་སློབ་སྦྱོང་སློབ་གསོ་གཏིང་ཟབ་དང་ཏན་ཏིག་སྤེལ་བར་ནུས་ཤུགས་ཡོད་རྒུས་སྐུལ་འདེད་བཏང་ཡོད།