གྲོང་གསེབ་དར་རྒྱས་ཀྱི་འཐབ་ཇུས་ལག་བསྟར་བྱེད་པར་ཏང་འཛུགས་སྐྱོང་གིས་སྣེ་ཁྲིད་བྱེད་པ་ནི་འགན་ལེན་ཡིན། ཉེ་བའི་ལོ་ཤས་རིང་། གཞིས་རྩེ་གྲོང་ཁྱེར་བསམ་གྲུབ་རྩེ་ཆུས་ལྕགས་འདམ་ཤང་ཀོ་ལྕག་གྲོང་གསར་ཏང་སྤྱི་ཁྱབ་ཀྲི་པུའུ་ཡིས“འཕེལ་རྒྱས་ལ་དམིགས་ནས་ཏང་འཛུགས་སྐྱོང་ལ་དམ་འཛིན་བྱེད་པ་དང་ཏང་འཛུགས་སྐྱོང་ལ་དམ་འཛིན་བྱས་ནས་འཕེལ་རྒྱས་ལ་སྐུལ་འདེད་གཏོང་བའི”ལས་ཀའི་འདུ་ཤེས་མཐའ་འཁྱོངས་ཀྱིས་གྲོང་ཚོའི་དོན་དངོས་དང་ཟུང་འབྲེལ་བྱས་ནས“འཐབ་ས་དང་པོའི”ལས་དོན་སྒྲུབ་ཐབས་གསར་གཏོད་བྱས་པ་དང་། ཏང་འཛུགས་སྐྱོང་གི་ལས་ཀའི་ལམ་སྲོལ་སྔར་བས་ཕུན་སུམ་ཚོགས་སུ་དང་འཐུས་ཚང་དུ་བཏང་བ། ཏང་འཛུགས་སྐྱོང་གི“གསར་བརྗེའི་སྒུལ་ཤུགས”ལ་བརྟེན་ནས་གྲོང་གསེབ་དར་རྒྱས་ཡོང་བར་སྣེ་ཁྲིད་བཅས་བྱས་པས། རང་སྐྱོང་ལྗོངས་རིམ་པའི་གཞི་རིམ་ཏང་རྩ་འཛུགས་ལེགས་གྲས་བརྒྱ་སོགས་ཀྱི་གཟི་བརྗིད་མཚན་སྙན་ཐོབ་ཡོད། ད་ཆ། ཐོན་ལས་ཕེལ་རྒྱས་ཆེ་བ་དང་། སྐྱེ་ཁམས་འཚོ་སྡོད་རུང་བ། ཡུལ་སྲོལ་གོམས་གཤིས་བཟང་བ། བཅོས་སྐྱོང་ནུས་ལྡན་ཡིན་པ། འཚོ་བ་འབྱོར་ཞིང་ཕྱུག་པ་བཅས་ཀྱི་གྲོང་གསེབ་གསར་པའི་རྣམ་པ་ཀོ་ལྕག་གྲོང་ཚོར་མངོན་འགྱུར་ཡོང་བཞིན་ཡོད་པ་རེད།

འཐབ་ས་དང་པོར་དམག་འཐབ་མཁར་རྫོང་སྲ་བརྟན་དུ་བཏང་བ། འདི་ལོ་གྲོང་ཚོའི(གྲོང་ལྷན)སྐབས་བརྗེའི་ཁྲོད། རྒྱལ་ཡོངས་ཀྱི་ངལ་རྩོལ་དཔེ་བཟང་དང་ལྕགས་འདམ་ཤང་གི་ཕྱུག་འགྱུར་འཇོན་ཐང་ཅན་དབང་སྒྲོན་གྱིས་ཀོ་ལྕག་གྲོང་གསར་གྱི་ཏང་སྤྱི་ཁྱབ་ཀྲི་པུའི་ཧྲུའུ་ཅི་དང་གྲོང་ཚོ་ཨུ་ཡོན་ལྷན་ཁང་གི་ཀྲུའུ་རེན་གྱི་འགན་གཅིག་ལྕོགས་སུ་ཁུར་ནས་གྲོང་ཚོའི“ཨུ་ལྷན་གཉིས”ཀྱི་ཚན་ཁག་ཏུ་ཏང་ཡོན་100%ཟིན་པ་དང་ཆ་སྙོམས་ལོ་གྲངས་སྐབས་གོང་མ་ལས་5.7ཆུང་དུ་ཕྱིན་ཡོད་པ་རེད། ཏང་སྤྱི་ཁྱབ་ཀྲི་པུའུ་ཡི“1+N”མཉམ་སྐྲུན་རྣམ་པར(ཏང་སྤྱི་ཁྱབ་ཀྲི་པུའུ་དང་། དཔུང་སྡེ། གླིང་ཁུལ་ཁེ་ལས། ཆེད་ལས་མཉམ་ལས་རྩ་འཛུགས་སོགས་ཟུང་འབྲེལ)སྐུལ་འདེད་བཏང་ནས་མཉམ་སྐྲུན་མཉམ་བཅོས་མཉམ་སྤྱོད་བཅས་ཀྱི་རྣམ་པ་བཟང་པོ་ཞིག་ཧུར་ཐག་བཏོད་ཡོད་པ་རེད།

འཐབ་ས་དང་པོར་མི་རིགས་མཐུན་སྒྲིལ་ཡར་ཐོན་ཡོང་བར་བྱས་པ། ཀོ་ལྕག་གྲོང་གསར་གྱི་ཏང་སྤྱི་ཁྱབ་ཀྲི་པུའུ་ཡིས་མཐུན་སྒྲིལ་ཁྲོད་ཡར་ཐོན་དང་ཡར་ཐོན་ཁྲོད་མཐུན་སྒྲིལ་བྱ་རྒྱུ་མཐའ་འཁྱོངས་ཀྱིས“ཚོགས་འདུ་གསུམ་དང་སློབ་ཚན་གཅིག”དང“བརྗོད་དོན་གཙོ་བོའི་ཏང་གི་ཉིན་མོའི”བྱེད་སྒོར་བརྟེན་ནས། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་དང་ལག་བསྟར་གཏིང་ཟབ་བྱས་པ་དང་། གསོན་ཉམས་དོད་ཤོས་དང་གོ་སྐོན་བློ་འགུག་གི་ནུས་པ་ཆེ་ཤོས་ལྡན་པའི་ཏང་གི་ལོ་རྒྱུས་ཀྱི་སློབ་དེབ་སྤྱད་དེ་ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་བརྟན་པོ་བཙུགས་ཡོད་པ་རེད།

འཐབ་ས་དང་པོར་རིག་གནས་མཉམ་འདྲེས་མཉམ་སྐུལ་བྱས་པ། ཀོ་ལྕག་གྲོང་གསར་ནི་བསམ་གྲུབ་རྩེ་ཆུས་ཀྱི་ཡུལ་གཞན་དུ་གནས་སྤོས་དབུལ་སྐྱོར་གྱི་གཅིག་སྡུད་བཀོད་སྒྲིག་ས་ཚིགས་ཡིན་པ་དང་རྫོང་9དང་ཤང་8ནས་ཡོང་བའི་ཡུལ་གཞན་དུ་གནས་སྤོས་དབུལ་སྐྱོར་གྱི་མང་ཚོགས་ཡོད། གྲོང་ཚོས་རིག་གནས་སྣེ་ཁྲིད་དུ་བྱས་ནས་གནས་སྤོས་མང་ཚོགས་དབར་དང་གནས་སྤོས་མང་ཚོགས་དང་ས་གནས་དེ་གའི་མང་ཚོགས་དབར་གྱི་འབྲེལ་བ་ཟབ་དུ་གཏོང་བར་སྐུལ་འདེད་བཏང་ནས། གྲོང་མིའི་དམངས་ཁྲོད་སྒྱུ་རྩལ་རུ་ཁག་ཅིག་བཙུགས་ཡོད་པ་དང་། རུ་ཁག་དེས་སྟོད་གཞས་དང་བྲོ་རྒྱུན་འཛིན་བྱས་པ་དང་མང་ཚོགས་ཀྱི་མཐོང་དགའ་ཐོས་སྤྲོའི་རིག་རྩལ་འཁྲབ་སྟོན་ལེ་ཚན་རྩོམ་སྒྲིག་བྱས་ནས་མང་ཚོགས་ཀྱི་རིག་གནས་རོལ་རྩེད་འཚོ་བ་རྒྱུན་ཆད་མེད་པར་ཕུན་སུམ་ཚོགས་སུ་བཏང་ཡོད། དུས་ཆེན་སླེབས་རིམ་བཞིན་གྲོང་ཚོའི་ཏང་ཡོན་ལས་བྱེད་པ་དང་མང་ཚོགས་སྒྲིག་འཛུགས་བྱས་ནས་སྲིད་ཇུས་སྒྲོལ་འགྲེལ་དང་རིག་རྩལ་འཁྲབ་སྟོན་བྱས་ཏེ་གྲོང་པ་ཁྱིམ་མཚེས་ཀྱི་འབྲེལ་བ་སྔར་བས་ཟབ་ཏུ་གཏོང་གི་ཡོད་པ་རེད།

འཐབ་ས་དང་པོར་གྲོང་ཚོའི་ཤེས་ལྡན་མི་སྣ་གསོ་སྐྱོང་བྱས་པ། “ང་ནི་ཏང་གི་སྲིད་ཇུས་བཟང་པོའི་འོག་ཕྱུག་པོ་ཆགས་མཁན་དང་པོ་དེ་ཡིན། མི་གཅིག་ཕྱུག་པོ་ཆགས་ན་ཕྱུག་པོ་མིན། ཡུལ་མིའི་སྣེ་ཁྲིད་དེ་ཕྱུག་པོ་ཆགས་ན་གཞི་ནས་ཕྱུག་པོ་ངོ་མ་རེད”ཅེས་དབང་སྒྲོན་གྱིས་དེ་ལྟར་བཤད། དུས་རབས་གོང་མའི་ལོ་རབས་90པའི་དུས་མཇུག་ཏུ། ཤང་གྲོང་ཁེ་ལས་ཆར་རྗེས་མྱུ་གུ་རྒྱས་པ་ལྟར་ཐོན་ཀྱང་དབང་སྒྲོན་གྱིས་བློ་ཡིད་ཚིམ་ནས་མ་བསྡད་པར་གོ་སྐབས་དམ་འཛིན་བྱས་ཏེ“ལྕགས་འདམ་ཤང་གི་ཤང་གྲོང་ཁེ་ལས་ཀྱི་གསུམ་བརྒྱད་ཕྱོགས་བསྡུས་ཞབས་ཞུ་པུའུ”བཙུགས་ནས་ལྕགས་འདམ་ཤང་གི་མིང་དོན་མཚུངས་པའི“སྒོར་ཁྲི་བརྒྱ་ལོན་པའི”དུད་ཚང་དུ་གྱུར།

འཐབ་ས་དང་པོར་ཐོན་ལས་འཕེལ་རྒྱས་བཏང་བ། བསམ་གྲུབ་རྫེ་ཆུས་ཨུད་དང་ཆིང་ཏའོ་བོད་སྐྱོར་གྱི་ཤུགས་ཆེའི་རྒྱབ་སྐྱོར་འོག ཀོ་ལྕག་གྲོང་གསར་གྱིས“ཁག་གཅིག་བྱས་པ་བཞིའི”དབུལ་སྒྲོལ་ཕྱུག་འགྱུར་འདུ་འགོད་ལག་བསྟར་བྱས་ནས་2020ལོར་གྲོང་གསར་གྱི་ལོའི་མི་རེའི་ཆ་སྙོམས་ཡོང་འབབ་གནས་སྤོས་གོང་དང་བསྡུར་ན་379%འཕར་ནས་ཡུལ་གཞན་དུ་གནས་སྤོས་མང་ཚོགས་གནས་སྤོ་ཐུབ་པ་དང་། གཞི་ཆགས་ཐུབ་པ། འཕེལ་རྒྱས་འགྲོ་ཐུབ་པ། ཕྱུག་པོ་ཆགས་ཐུབ་པ་བཅས་བྱུང་ཡོད། ཐོན་ལས་འཕེལ་རྒྱས་ལ་བརྟེན་ནས་ཁག་གཅིག་སྣེ་ཁྲིད་ཅིང་། “འོད་ཤུགས་གྲོང་རྡལ་ཆུང་ངུའི”ཐོན་ལས་རྣམ་གྲངས་6ལ་བརྟེན་ནས“ཀྲི་པུའུ་དང་། མཉམ་ལས་ཁང་། ཞིང་དུད”བཅས་ཟུང་འབྲེལ་གྱི་འཕེལ་རྒྱས་རྣམ་པ་བཏོད་དེ། ཅོན་ཧྲན་བཞོན་མ་གསོ་ཚགས་དང་མི་རིགས་ལག་ཤེས་བཟོ་ལས་སོགས་མཉམ་ལས་ཁང་4སྔ་རྗེས་སུ་བཙུགས་ནས་འཕེལ་རྒྱས་འགྲོ་དཀའ་བའི་གནད་དོན་ནུས་ཤུགས་ཡོད་རྒུས་ཐག་གཅོད་བྱས་ཡོད། ཁེ་ལས་ནང་འདྲེན་བྱས་ནས་ཁག་གཅིག་ལ་ཡོང་འབབ་བཏོད་ཅིང་། བདེ་ཆེན་ཉི་འོད་གཞིས་ཀ་ཚད་ཡོད་ཀུང་སི་སོགས་ཁེ་ལས་ཆེ་གྲས་8བཙུགས་ནས་མང་ཚོགས་ལ་ཡོང་འབབ་སྒོར་ཁྲི་1366.9ཡོང་བར་སྐུལ་འདེད་བཏང་སྟེ་གནས་སྤོས་མང་ཚོགས་ཕ་ཡུལ་ནས་ཁ་བྲལ་མི་དགོས་པར་ཐག་ཉེ་ས་ནས་འབབ་འཕར་ཡོང་བ་བྱས་པ་རེད།