བོད་ཞི་བས་བཅིངས་འགྲོལ་བཏང་ནས་ལོ་ངོ་70འཁོར་བར་རྟེན་འབྲེལ་ཞུ་བའི་མཚམས་འདིར། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི་དང་། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨུད་ཀྱི་ཀྲུའུ་ཞི་བཅས་ཡིན་པའི་ཞི་ཅིན་ཕིང་བོད་དུ་ཕེབས་ནས་བོད་ཞི་བས་བཅིངས་འགྲོལ་བཏང་ནས་ལོ་ངོ་70འཁོར་བར་རྟེན་འབྲེལ་ཞུས་པ་དང་། བོད་ཀྱི་མི་རིགས་ཁག་གི་ལས་བྱེད་པ་དང་མང་ཚོགས་ལ་འཚམས་འདྲི་གནང་བ། མི་རིགས་ཁག་གི་ལས་བྱེད་པ་དང་མང་ཚོགས་ལ་ཏང་ཀྲུང་དབྱང་གི་ཐུགས་ཁུར་བསྣམས་པ་དེས་རང་ལྗོངས་ཀྱི་རིམ་ཁག་ཏང་ཨུད་དང་སྲིད་གཞུང་གིས་འགན་ཁུར་ནས་བྱས་རྗེས་འཇོག་རྒྱུར་སྐུལ་མ་ཐེབས་ཡོད་ལ། ས་གནས་དེ་གའི་བྱ་གཞག་ཁག་སྤུས་ཚད་མཐོ་བའི་འཕེལ་རྒྱས་འགྲོ་རྒྱུར་སྐུལ་འདེད་ཀྱང་བཏང་ཡོད།
བོད་རང་སྐྱོང་ལྗོངས་ཀྱི་ལྟེ་བའི་གྲོང་ཁྱེར་ཡིན་པའི་ལྷ་ས་གྲོང་ཁྱེར་གྱིས་ལྗོངས་ཡོངས་ཀྱི་ལས་དོན་ཁྲོད་གནས་བབ་ཧ་ཅང་གལ་ཆེན་བཟུང་ཡོད། དུས་ཡུན་རིང་པོའི་ནང་དང་ལྷག་པར་དུ་ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན། ལྷ་ས་གྲོང་ཨུད་དང་གྲོང་ཁྱེར་སྲིད་གཞུང་གིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པའི་རླབས་ཆེན་དར་ཆ་མཐོན་པོར་བསྒྲེངས་ནས་རང་སྐྱོང་ལྗོངས་ཏང་ཨུད་དང་སྲིད་གཞུང་གི་ཐབས་ཇུས་བཀོད་སྒྲིག་དོན་འཁྱོལ་བྱས་ཏེ་ལྟེ་བའི་གྲོང་ཁྱེར་གྱི“གནས་རིམ་དང་པོའི”ནུས་པ་འདོན་རྒྱུར་སྔར་བས་ཤུགས་སྣོན་ཐེབས་པ་དང་དཔལ་འབྱོར་དང་སྤྱི་ཚོགས་བྱ་གཞག་ཁག་འཕེལ་རྒྱས་འགྲོ་ཚད་ལྗོངས་ཡོངས་ཀྱི་མདུན་གྲལ་དུ་སླེབས་ཡོད། རང་ལྗོངས་སུ་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་བོད་དུ་གཟིགས་ཞིབ་གནང་སྐབས་གནང་བའི་གསུང་བཤད་གལ་ཆེན་དང་མཛུབ་སྟོན་གལ་ཆེན་གྱི་དགོངས་དོན་སློབ་སྦྱོང་ལག་བསྟར་གཏིང་ཟབ་བྱེད་པའི་ཚ་རླབས་ཤིག་འཕྱུར་ཡོད། ལྷ་ས་གྲོང་ཁྱེར་གྱིས་སྤྱི་ཁྱབ་ཧྲུའུ་ཅིས་བོད་ལ་གཟིགས་ཞིབ་གནང་སྐབས་གནང་བའི་གསུང་བཤད་གལ་ཆེན་དང་མཛུབ་སྟོན་གལ་ཆེན་གྱི་དགོངས་དོན་སློབ་སྦྱོང་ལག་བསྟར་བྱེད་རྒྱུ་དེ་ཆབ་སྲིད་ཀྱི་ལས་འགན་གཙོ་བོར་བརྩི་བ་དང་། མངགས་བཅོལ་བློ་ལ་བརྟན་པོར་ངེས་ནས་དྲིན་ཚོར་ཡར་བརྩོན་བྱེད་པ། དངོས་འཛིན་དངོས་སྒྲུབ་ཀྱི་གྲུབ་འབྲས་ཐོག་ནས་ལྟེ་བའི་གྲོང་ཁྱེར་གྱི་འགན་སེམས་མཚོན་པ་དང་ལྟེ་བའི་གྲོང་ཁྱེར་གྱི་མིག་དཔེ་འདོན་པ་བཅས་བྱེད་རྒྱུ་རེད།
ལྷ་ས་གྲོང་ཨུད་ཀྱི་འབྲེལ་ཡོད་འགན་འཁུར་བས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་བོད་དུ་གཟིགས་ཞིབ་གནང་སྐབས་གནང་བའི་གསུང་བཤད་གལ་ཆེན་དང་མཛུབ་སྟོན་གལ་ཆེན་གྱི་དགོངས་དོན་སློབ་སྦྱོང་ལག་བསྟར་གཏིང་ཟབ་བྱེད་རིང་ལྷ་ས་གྲོང་ཁྱེར་གྱིས་གཤམ་གསལ་གྱི་ལས་དོན་ཁག་སྒྲུབ་ཐུབ་པ་བྱེད་དགོས་པ་སྟེ།
གཅིག་ནས་བཀའ་དྲིན་ཚོར་བཞིན་སྤྱི་ཁྱབ་ཧྲུའུ་ཅི་དང་ཏང་ཀྲུང་དབྱང་གི་དམིགས་བསལ་བྱམས་སྐྱོང་ཆུད་ཟོས་སུ་གཏོང་མི་རུང་། སྤྱི་ཁྱབ་ཧྲུའུ་ཅི་དང་ཏང་ཀྲུང་དབྱང་གི་ཐུགས་ཁུར་དང་བྱམས་སྐྱོང་ནི་བོད་འཕེལ་རྒྱས་གཏོང་བའི་རྩ་བའི་སྒུལ་ཤུགས་རེད།
སྤྱི་ཁྱབ་ཧྲུའུ་ཅི་དང་ཏང་ཀྲུང་དབྱང་གི་བྱམས་བརྩེའི་ཐུགས་ཁུར་དང་རྒྱབ་སྐྱོར་དང་རྒྱལ་ཡོངས་མི་དམངས་ཀྱི་ཤུགས་ཆེའི་རྒྱབ་སྐྱོར་འོག་བོད་ཀྱི་བྱ་གཞག་ཁག་ལ་སྐྱེ་བོ་ཀུན་གྱིས་དོ་སྣང་བྱེད་པའི་ལོ་རྒྱུས་ཀྱི་ཡར་རྒྱས་བྱུང་བ་དང་། བོད་ཀྱི་མི་རིགས་ཁག་གི་མི་དམངས་རྣམས་ལ་སྔར་སྐྱེལ་མྱོང་མེད་པའི་བདེ་སྐྱིད་ལྡན་པའི་འཚོ་བ་སྐྱེལ་རྒྱུ་བྱུང་བ། བོད་ཀྱི་སྤྱི་ཚོགས་མཆོང་སྐྱོད་བྱེད་ཐེངས་གཅིག་ལ་ལོ་ངོ་སྟོང་གི་མཆོང་སྐྱོད་བྱུང་བའི་ལོ་རྒྱུས་ཀྱི་འཕོ་འགྱུར་ཆེན་པོ་བྱུང་ཡོད། སྤྱི་ཁྱབ་ཧྲུའུ་ཅིས་བོད་ལ་གཟིགས་ཞིབ་དང་བརྟག་ཞིབ་གནང་མཇུག་འགྲིལ་མ་ཐག་ཧྲུའུ་ཅི་ཝུའུ་དབྱིང་ཅེས་པན་ཀྲང་གནང་བའི་ལྗོངས་ཏང་ཨུད་ཀྱིས་འཕྲལ་མར“གོ་བ་གཏིང་ཟབ་ལོན་པ་བཅུའི”ལག་བསྟར་བླང་བྱ་བཏོན་པ་དང་འཕྲལ་མར་ལྗོངས་ཏང་ཨུད་སྐབས་དགུ་པའི་ཚང་འཛོམས་གྲོས་ཚོགས་ཐེངས་བཅུ་པ་འཚོགས་ནས་གོ་རིམ་ལྡན་པའི་ངང་བཀོད་སྒྲིག་གནང་སྟེ། ང་ཚོས་སྤྱི་ཁྱབ་ཧྲུའུ་ཅིའི་གསུང་བཤད་གལ་ཆེན་གྱི་དགོངས་དོན་ལག་བསྟར་དང་དོན་འཁྱོལ་བྱེད་པའི་ཚད་གཞི་དང་མིག་དཔེ་ཞིག་བསྟན་ཡོད།
གཉིས་ནས་སྤྱི་ཡོངས་སེམས་ནང་འཆང་བཞིན་དུ་སྤྱི་ཁྱབ་ཧྲུའུ་ཅི་དང་ཏང་ཀྲུང་དབྱང་གི་མངགས་བཅོལ་ཟབ་མོ་ཆུད་ཟོས་སུ་གཏོང་མི་རུང། སྤྱི་ཁྱབ་ཧྲུའུ་ཅིས་བོད་དུ་གཟིགས་ཞིབ་གནང་སྐབས་གནང་བའི་གསུང་བཤད་གལ་ཆེན་ནི་ཐུགས་བཟང་ཚིག་ནན་དང་སེམས་ལ་གཏིང་ཟབ་ངེས་དགོས་པ་ཞིག་ཡོད་པས་ང་ཚོར“དུས་རབས་གསར་པའི་ཏང་གི་བོད་སྐྱོང་མཛད་ཇུས་ཕྱོགས་ཡོངས་ནས་ལག་བསྟར་བྱེད་དགོས་པའི”ཐུགས་རེ་གནང་བ་དང་། “གཟེར་འདེབས་ཀྱི་སྙིང་སྟོབས་ཐོག་ནས་དོན་འཁྱོལ་ལ་མུ་མཐུད་དམ་འཛིན་ཡག་པོ་བྱེད་དགོས་པའི”བླང་བྱ་བཏོན་གནང་བ། ཞིབ་ཕྲའི་བླང་བྱ་རབ་དང་རིམ་པ་ཡང་བཏོན་གནང་ཡོད། སྤྱི་ཁྱབ་ཧྲུའུ་ཅིས་བཀའ་བཀོད་གནང་བས་ང་ཚོས་བྱ་སྤྱོད་སྤེལ་དགོས་ངེས་རེད། དེར་བརྟེན་ངེས་པར་དུ“བརྟན་ལྷིང”གི་ལས་འགན་ཨང་དང་པོར་ཐོག་མཐའ་བར་གསུམ་དུ་དམ་འཛིན་ཡག་པོ་བྱས་ནས་བོད་ཀྱི་ལས་དོན་གྱི་དུས་མཚམས་རང་བཞིན་གྱི་ཁྱད་ཆོས་ལ་ཕྱོགས་ཡོངས་དང་འཕྱུགས་མེད་ངང་སྟངས་འཛིན་བྱས་ཏེ“ལྷ་ས་བརྟན་ལྷིང་དང་ལྗོངས་ཡོངས་བརྟན་ལྷིང”གི་ངེས་གནས་གལ་ཆེན་ལ་དམིགས་དགོས། ངེས་པར་དུ“འཕེལ་རྒྱས”ཀྱི་ལས་འགན་ཨང་དང་པོར་ཐོག་མཐའ་བར་གསུམ་དུ་དམ་འཛིན་ཡག་པོ་བྱས་ནས“ཚང་དགོས་པ་བཞི་དང་ཕན་འདོགས་པ་གཅིག”གི་བླང་བྱ་དེ་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ཕྱོགས་ཁག་དང་བརྒྱུད་རིམ་ཧྲིལ་པོར་ལག་བསྟར་བྱས་ཏེ་ལྟེ་བའི་གྲོང་ཁྱེར་གྱི་གནས་རིམ་དང་པོ་དང་ལྗོངས་ཡོངས་ཀྱི་ལྟེ་བའི་འཕར་སྣེའི་འཕེལ་རྒྱས་འཐབ་ཇུས་ལ་དམིགས་དགོས། ངེས་པར་དུ“སྐྱེ་ཁམས”ཀྱི་འགན་འཁྲི་ཨང་དང་པོར་ཐོག་མཐའ་བར་གསུམ་དུ་དམ་འཛིན་ཡག་པོ་བྱས་ནས“བོད་ཀྱི་སྐྱེ་ཁམས་ཁོར་ཡུག་སྲུང་སྐྱོང་ཡག་པོ་བྱེད་པ་ནི་ཀྲུང་ཧྭ་མི་རིགས་ཀྱི་འཚོ་གནས་དང་འཕེལ་རྒྱས་ལ་ལེགས་སྐྱེས་ཆེ་ཤོས་ཕུལ་བ་ཞིག་ཡིན་པའི”ལོ་རྒྱུས་ཀྱི་འགན་འཁྲི་བློ་ལ་བརྟན་པོར་ངེས་དགོས། ངེས་པར་དུ“མཐའ་སྟོབས”ཀྱི་ལས་འགན་ཨང་དང་པོར་ཐོག་མཐའ་བར་གསུམ་དུ་དམ་འཛིན་ཡག་པོ་བྱས་ནས་རྒྱལ་ཁབ་ཀྱི་ས་ཆ་བརྟན་སྲུང་དང་བདག་དབང་བརྟན་སྲུང་བྱེད་པ་ནི་ལྷ་སའི་མི་རིགས་ཁག་གི་མི་དམངས་ཀྱི་དོར་ཐབས་མེད་པའི་བླ་ན་མེད་པའི་ལས་འགན་ཡིན་པ་བློ་ལ་བརྟན་པོར་ངེས་དགོས།
གསུམ་ནས་སེམས་ནང་མི་དམངས་བསམ་བཞིན་དུ་སྤྱི་ཁྱབ་ཧྲུའུ་ཅི་དང་ཏང་ཀྲུང་དབྱང་གི་ཁས་ལེན་དང་སྐུལ་ལྕག་ཆུད་ཟོས་སུ་གཏོང་མི་རུང་། སྤྱི་ཁྱབ་ཧྲུའུ་ཅི་བོད་དུ་གཟིགས་ཞིབ་གནང་བར་ཕེབས་པའི་ཞབས་རྗེས་ཐོག་མཐའ་བར་གསུམ་དུ་གངས་ལྗོངས་ས་མཐོའི་མི་རིགས་ཁག་གི་མི་དམངས་ལ་ཉེ་བཅར་གནང་ཡོད། སྤྱི་ཁྱབ་ཧྲུའུ་ཅིས་བོད་དུ་གཟིགས་ཞིབ་གནང་སྐབས་གནང་བའི་གསུང་བཤད་གལ་ཆེན་ཐོག་མཐའ་བར་གསུམ་དུ་དམངས་འཚོ་ལེགས་གཏོང་དང་མི་སེམས་གཅིག་སྒྲིལ་ལ་དམ་པོར་དམིགས་ཡོད། སྤྱི་ཁྱབ་ཧྲུའུ་ཅིས་བོད་ཞི་བས་བཅིངས་འགྲོལ་བཏང་ནས་ལོ་ངོ་70འཁོར་བར་རྟེན་འབྲེལ་ཞུ་བའི་ཕྱག་བྲིས་ཕྱག་བསྟར་མ་གལ་ཆེན་ལས་བོད་ཀྱི་མི་རིགས་ཁག་གི་མི་དམངས་རྣམས་སྔར་ལས་བདེ་སྐྱིད་ལྡན་པའི་འཚོ་བ་སྐྱེལ་རྒྱུ་ཡོང་བའི་ཐུགས་རེ་ཟབ་མོ་གནང་ལུགས་གཏིང་ཟབ་མཚོན་ཡོད། དེ་དག་ཚང་མ་ལས་ང་ཚོས་ཐོག་མའི་བསམ་འདུན་དང་འགན་འཁྲི་ལག་ལེན་བསྟར་རྒྱུར་ལམ་སྟོན་གནང་ཡོད་ལ། ཀུན་སྤྱོད་དང་བྱ་སྤྱོད་ཀྱི་དཔེ་སྟོན་ཡང་གནང་ཡོད།
བཞི་ནས་སེམས་ནང་འགན་སེམས་འཆང་བཞིན་དུ་སྤྱི་ཁྱབ་ཧྲུའུ་ཅི་དང་ཏང་ཀྲུང་དབྱང་གི་ཐུགས་རེ་ཟབ་མོ་ཆུད་ཟོས་སུ་གཏོང་མི་རུང་། དུས་རབས་གསར་པ་དང་འགོ་འཛུགས་ས་གསར་པར་ལངས་ནས་ཏང་དབུ་བརྙེས་ནས་ལོ་ངོ་བརྒྱ་འཁོར་བ་དང་བོད་ཞི་བས་བཅིངས་འགྲོལ་བཏང་ནས་ལོ་ངོ་70འཁོར་བར་དྲན་གསོ་ཞུ་ཐབས་ཡག་ཤོས་ནི་སྤྱི་ཁྱབ་ཧྲུའུ་ཅིའི་གསུང་བཤད་གལ་ཆེན་གྱི་དགོངས་དོན་ཕྱོགས་སྟོན་དུ་འཛིན་ནས་རྒྱང་སྐྱོད་ཀྱི་ལམ་བུ་གསར་པའི་ཐོག་འབད་འབུངས་བྱེད་པ་དང་། འོད་སྟོང་གསར་པ་གཏོད་པ། ལེའུ་གསར་པ་རྩོམ་པ་བཅས་བྱེད་རྒྱུ་དེ་རེད།