1995ལོར་སྐྱེས་པའི་ཟླ་བ་བཟང་མོ་ནི་ས་སྐྱེས་རྡོ་སྐྱེས་ཀྱི་ལྷ་སའི་བུ་མོ་ཞིག་རེད། ལོ་20ལྷག་ཙམ་ལ་སླེབས་པའི་ཁོང་ནི་ལྷ་སའི་སྒེར་བཙུགས་སྨན་ཁང་ཞིག་གི་མི་ཤུགས་ཐོན་ཁུངས་པུའི་མི་དོན་དོ་དམ་པ་ཞིག་རེད།
ཉེ་བའི་ལོ་ཤས་རིང་མཐོ་སློབ་སློབ་ཐོན་སློབ་མ་མང་པོའི་ལས་ཞུགས་ལྟ་བར་འགྱུར་ལྡོག་ཕྱིན་ཡོད། ཟླ་བ་བཟང་མོ་སློབ་ཆེན་འགྲིམ་སྐབས་བརྡ་ཁྱབ་ཆེད་ལས་སྦྱོང་མཁན་ཞིག་ཡིན་པ་དང་། ཁྱིམ་ཚང་ནང་གི་ཕུ་གུ་གཅིག་པུ་དེ་ཡིན་པའི་ཟླ་བ་བཟང་མོ་སློབ་གྲྭ་ཐོན་རྗེས་ལྷ་སར་ལོག་ཡོང་། སློབ་གྲྭ་ཐོན་མ་ཐག་ཁོང་གིས་གཞུང་གི་ཚན་པར་ཡིག་རྒྱུགས་བཏང་བ་མ་ཟད། ཆེད་ལས་དང་འབྲེལ་བ་ཡོད་པའི་ལས་ཀ་བྱས། ཕྱིས་སུ་ཁོང་གིས་རང་ཉིད་མི་ཤུགས་ཐོན་ཁུངས་ཐད་ཀྱི་ལས་ཀར་དེ་བས་དགའ་པོ་ཡོད་པ་ཤེས་རྗེས་ལས་གནས་ཐོག་འབད་བརྩོན་ལྷོད་མེད་བྱས་པ་མ་ཟད། རང་འགུལ་ངང་འགན་འཁྲི་ཡང་འཁུར་ནས་རང་འཁྲིའི་ལས་འགན་ཡག་པོ་བསྒྲུབས་པ་དང་དུས་མཚུངས་རང་ཉིད་ཀྱི་ཆེད་ལས་ཀྱི་འཇོན་ཐང་རྒྱུན་ཆད་མེད་པར་ཆེ་རུ་བཏང་ཡོད། དུས་ཐུང་ལོ་3ནང་ཁོང་མི་ཤུགས་ཐོན་ཁུངས་ཀྱི་ལས་ཀར་རྒྱུས་མངའ་མེད་པའི་མི་ཞིག་ནས་རང་མགོ་ཐོན་པའི་མི་དོན་གྱི་གཙོ་འགན་འཁུར་མཁན་ཞིག་ཏུ་གྱུར་པ་རེད།
ལས་རིགས་གདམ་ག་བྱེད་སྐབས་གལ་ཆེ་ཤོས་གང་ཡིན་ནམ་ཞེས་འདྲི་སྐབས་ཟླ་བ་བཟང་མོས“སྤྲོ་སྣང”དང“ཆེད་ལས”ཞེས་པའི་སྐད་ཆ་མང་ཤོས་གླེང་གི་ཡོད། ཟླ་བ་བཟང་མོས་གསར་འགོད་པར་ཆེད་ལས་དང་འབྲེལ་བ་ཡོད་ཚེ་ལས་ཀ་བདེ་བླག་ངང་ནས་འགྲུབ་ཐུབ་ནས་ཉེ་འགྲམ་གྱི་མིར་རྙོག་དྲ་བཟོ་མི་སྲིད། ལས་གནས་ལ་དགའ་ཞེན་དང་ཆེད་ལས་བརྩོན་ལེན་བྱས་པ་ལས་ལས་ཞུགས་ཀྱི་ལྟ་བར་འགྱུར་ལྡོག་བྱུང་ཞེས་བརྗོད། ཁྱབ་ཁོངས་གསར་རྐྱང་ཞིག་ཏུ་ཞུགས་པའི་ཟླ་བ་བཟང་མོས་རླུང་བརྟེན་རླབས་གཤག་བྱས་ནས་ངོ་མཚར་གྱི་མི་ཚེ་གཏོད་བཞིན་ཡོད་པ་རེད།