ལྷ་སར་སློབ་གྲྭ་འདི་འདྲ་ཞིག་ཡོད་པ་སྟེ་དེའི་ནང་གི་ཕྲུ་གུ་ཚོར་མིག་ཡོད་ཀྱང་མཐོང་མི་ཐུབ་ལ་རྣ་བ་ཡོད་ཀྱང་གོ་ཐུབ་ཀྱི་མེད་པས། མི་ཚོས་ཁོ་ཚོར་ཤ་ཚ་དང་བཅས“བཞད་ཁ་ཕྱེ་འགོར་བའི་སྐལ་བཟང་མེ་ཏོག”ཅེས་འབོད་ཀྱི་ཡོད།

སློབ་གྲྭ་དེ་ནི་ལྷ་ས་གྲོང་ཁྱེར་དམིཌ་བསལ་སློབ་གསོའི་སློབ་གྲྭ་ཡིན་པ་དང་། ཚོགས་སྤྱི་དེ་ནི་ལྷ་ས་གྲོང་ཁྱེར་གྱི་དམིཌ་བསལ་སློབ་གསོའི་སློབ་གྲྭའི་ཏང་ཡོན་ཡོངས་རེད།

མིག་སྔར་ལྷ་ས་གྲོང་ཁྱེར་དམིགས་བསལ་སློབ་གསོའི་སློབ་གྲྭར་ཤེས་སྒྲིབ་དང་། འོན་ལྐུགས། ལོང་བ་བཅས་དབང་པོ་སྐྱོན་ཅན་གྱི་སློབ་མ་ཁྱོན་236དང་དགེ་རྒན་ལས་བཟོ་76ཡོད་པའི་ནང་ཏང་ཡོན་37ཡོད།

ཉེ་བའི་ལོ་ཤས་རིང་། ལྷ་ས་གྲོང་ཁྱེར་དམིགས་བསལ་སློབ་གསོའི་སློབ་གྲྭའི་ཏང་ཀྲི་པུས་དར་ཆ་གཅིག་མཐོན་པོར་སྒྲེང་བ་དང་། བསམ་ཕྱོགས་ཆ་ཚང་གཅིག་འཛུགས་པ། ལམ་སྲོལ་གཅིག་འཛུགས་པ། སྤུས་རྟགས་གཅིག་སྐྱེད་སྲིང་བྱེད་པ། ཚད་གཞི་གཅིག་འཛུགས་པ་བཅས་ཀྱི“གཅིག་རེ་ལྔའི”ཏང་འཛུགས་སྐྱོང་ལས་དོན་གྱི་སྤུས་རྟགས་གསར་པ་ནུས་ཤུགས་ཡོད་རྒུས་བཏོད་དེ། གཞི་རིམ་ཏང་རྩ་འཛུགས་ཚད་ལྡན་ཅན་འཛུགས་སྐྱོང་ལ་ཕྱོགས་ཡོངས་ནས་ཤུགས་སྣོན་བརྒྱབ་སྟེ་ཏང་ཡོན་ལ་སློབ་གསོ་གཏོང་བ་དང་། ཏང་ཡོན་ལ་དོ་དམ་བྱེད་པ། ཏང་ཡོན་ལ་ལྟ་སྐུལ་བྱེད་པ། མང་ཚོགས་ལ་ཞབས་འདེགས་ཞུ་བ། མང་ཚོགས་ལ་དྲིལ་བསྒྲགས་བྱེད་པ། མང་ཚོགས་གོང་བུ་གཅིག་ཏུ་འགྲིལ་བ་བཅས་ཀྱི་ཏང་ཀྲི་པུའི་དམག་འཐབ་མཁར་རྫོང་གི་ནུས་པ་འདོན་སྤེལ་གང་ལེགས་ཀྱིས་ཏང་ཀྲི་པུའུ་འདི་ཉིད་དཔེ་སྟོན་ཁྱབ་འགྱེད་དང་སྐུལ་ཁྲིད་ཀྱི་ནུས་པ་ཅུང་ཆེ་བའི་གཞི་རིམ་ཏང་རྩ་འཛུགས་ཤིག་ཏུ་འགྱུར་རྒྱུའི་བརྩོན་ལེན་བྱས་ནས“ནུབ་རྒྱུད་རྩེར་སོན”གྱི་དམིགས་བསལ་སློབ་གསོའི་སློབ་གྲྭ་འཛུགས་ཆེད་རྩ་འཛུགས་ཀྱི་འགན་ལེན་བརྟན་པོ་མཁོ་འདོན་བྱས་ཡོད།

ཤེས་རྟོགས་བྱུང་བར་གཞིགས་ན། ལྷ་ས་གྲོང་ཁྱེར་དམིགས་བསལ་སློབ་གསོའི་སློབ་གྲྭར་རྒྱལ་ཁབ་དང་། རང་སྐྱོང་ལྗོངས། ལྷ་ས་གྲོང་ཁྱེར་བཅས་ཀྱི་གཟི་བརྗིད་མཚན་སྙན་ཐེངས་མང་ཐོབ་མྱོང་ཡོད་ཅིང་། 2003ལོར་རྒྱལ་ཁབ་ལུས་རྩལ་སྤྱི་ཁྱབ་ཅུས་ཀྱིས“རྒྱལ་ཡོངས་དབང་པོ་སྐྱོན་ཅན་གྱི་ལུས་རྩལ་སྔོན་ཐོན་མཉམ་སྡེབ”ལ་བདམས་པ་དང་། 2009ལོར་སློབ་གསོ་པུའུ་དང་། དམངས་སྲིད་པུའུ། ཀྲུང་གོ་དབང་སྐྱོན་མཉམ་འབྲེལ་ལྷན་ཚོགས་བཅས་ཀྱིས“རྒྱལ་ཡོངས་ཀྱི་དམིགས་བསལ་སློབ་གསོའི་སྔོན་ཐོན་མཉམ་སྡེབ”ལ་བདམས་པ། 2011ལོར“བོད་རང་སྐྱོང་ལྗོངས་ཀྱི་སྔོན་ཐོན་གཞི་རིམ་ཏང་རྩ་འཛུཌ”ལ་བདམས་པ། 2012ལོར་ལྷ་ས་གྲོང་ཁྱེར་མི་དམངས་སྲིད་གཞུང་གིས“ལྷ་ས་གྲོང་ཁྱེར་གྱི་མི་རིགས་མཐུན་སྒྲིལ་གྱི་དཔེ་བཟང་སྔོན་ཐོན་མཉམ་སྡེབ”ལ་བདམས་པ། 2016ལོར་རྒྱལ་ཁབ་ལུས་རྩལ་སྤྱི་ཁྱབ་ཅུས་ཀྱིས“2016ལོ་འཁོར་གྱི་རྒྱལ་ཁབ་ལུས་རྩལ་གྱི་སྔོན་ཐོན་མཉམ་སྡེབ”ལ་བདམས་པ། 2018ལོར“ལྗོངས་ཡོངས་ཀྱི་སློབ་གསོའི་ཁོངས་གཏོགས་ཀྱི་གཞི་རིམ་ཏང་འཛུགས་སྐྱོང་གི་དཔེ་སྟོན་སློབ་གྲྭར”བདམས་པ། 2019ལོར“ལྗོངས་ཡོངས་ཀྱི་གཞི་རིམ་ཏང་འཛུགས་སྐྱོང་གི་དཔེ་སྟོན་ས་ཚིགས”ཀྱི་མཚན་སྙན་སྤྲད་པ་བཅས་རེད།

2000ལོར་ལྷ་ས་གྲོང་ཁྱེར་དམིགས་བསལ་སློབ་གསོའི་སློབ་གྲྭ་དངོས་སུ་བཙུགས་པ་ནས་བཟུང་བོད་ལ་དམིགས་བསལ་གྱི་སློབ་གསོ་མེད་པའི་ལོ་རྒྱུས་མཇུག་འགྲིལ་ནས་བོད་ཀྱི་དམིགས་བསལ་སློབ་གསོའི་ལམ་ཚད་རྡོ་རིང་བཙུགས་ཡོད།

འཕེལ་རྒྱས་འགྲོ་བའི་བརྒྱུད་རིམ་ནང་། ལྷ་ས་གྲོང་ཁྱེར་དམིགས་བསལ་སློབ་གསོའི་སློབ་གྲྭས“ནུབ་རྒྱུད་ཀྱི་དམིགས་བསལ་སློབ་གསོའི་སློབ་གྲྭ་རྩེ་གྲ”གཉེར་རྒྱུའི་དམིགས་ཚད་བཏོན་པ་དང་ཆབས་ཅིག དགེ་རྒན་དང་ལས་བཟོ་ཡོངས་ལ“སློབ་མར་སློབ་ཚན་ཉིན་གཅིག་ལས་མ་ཁྲིད་ཀྱང་ཁོ་ཚོའི་ཚེ་གང་ལ་བསམ་བློ་གཏོང་དགོས་པའི”དམིགས་ཡུལ་བརྟན་པོ་འཛུགས་དགོས་པའི་བླང་བྱ་བཏོན་ཏེ། གཅེས་སེམས་དང་། ངང་རྒྱུད་རིང་པོ། ཡིད་ཆེས། སྙིང་རུས། སེམས་ནུས། ལྷག་བསམ་བཅས་ཀྱི་དམིགས་བསལ་སློབ་གྲྭའི་དགེ་རྒན་གྱི་ཀུན་སྤྱོད་ཀྱི་ཚད་གཞི་དྲུག་བཟོས་པ་དང་། ཏན་ཏིག་ཡར་བརྩོན་གྱི་སྤྱོད་ཚུལ་དང་གསར་འབྱེད་གསར་གཏོད་ཀྱི་བྱེད་ཐབས་ལ་བརྟེན་ནས་སློབ་གྲྭའི་གཞི་རིམ་ཏང་འཛུགས་སྐྱོང་ལས་དོན་ཏན་ཏིག་ངང་སྤེལ་ཡོད། སློབ་ཁྲིད་ལ་དམིགས་ནས་ཏང་འཛུགས་སྐྱོང་ལ་དམ་འཛིན་བྱེད་པ་དང་། ཏང་འཛུགས་སྐྱོང་ལ་དམ་འཛིན་ཡག་པོ་བྱས་ནས་སློབ་ཁྲིད་ལ་སྐུལ་འདེད་བཏང་སྟེ། སློབ་གྲྭའི་ལྟེ་བའི་འགྲན་རྩོད་ཀྱི་འཇོན་ཐང་ཆེ་རུ་གཏོང་ཆེད་ཁ་ཕྱོགས་ཡང་དག་བསྟན་ཡོད།

སློབ་གསོ་སློབ་ཁྲིད་ཁྲོད་ལྷ་ས་གྲོང་ཁྱེར་གྱི་དམིགས་བསལ་སློབ་གསོའི་སློབ་གྲྭས“ཏང་ཡོན་གཅིག་ལ་དར་ཆ་གཅིག”གི་ནུས་པ་འདོན་སྤེལ་གང་ལེགས་བྱས་ཏེ། སློབ་གྲྭའི་སྤུས་ལེགས་ཐོན་ཁུངས་བསྡུ་སྒྲིལ་གང་ལེགས་བྱེད་པ་དང་། མཐུན་སྒྲིལ་ནུས་ལྡན་གྱི་འགོ་ཁྲིད་ཚན་ཁག་གཏོད་པ། ཀྲི་པུའི་ལམ་ལུགས་ཁག་ཚད་ལྡན་དུ་གཏོང་བ། ཏང་ཡོན་གྱི་གདོང་ལེན་དཔེ་བཟང་གི་ནུས་པ་འདོན་སྤེལ་གང་ལེགས་བྱེད་པ། སློབ་གསོ་སློབ་ཁྲིད་ཀྱི་སྤུས་ཚད་རྒྱུན་ཆད་མེད་པར་ལེགས་སུ་གཏོང་བ་བཅས་བྱས་པས་སློབ་མ་དང་། ཁྱིམ་བདག སྤྱི་ཚོགས་བཅས་ཀྱི་གདེང་འཇོག་ཡག་པོ་ཐོབ་ཡོད།

དེ་དང་དུས་མཚུངས་ལྷ་ས་གྲོང་ཁྱེར་དམིགས་བསལ་སློབ་གསོའི་སློབ་གྲྭས་ཏང་རྩ་འཛུགས་ཀྱི་འགོ་ཁྲིད་འོག་གི་སློབ་སྤྱིའི་འགན་འཁྲིའི་ལམ་ལུགས་ཁྱབ་གདལ་ཧུར་ཐག་བཏང་སྟེ། “གནས་གཅིག་འགན་གཉིས”དོན་འཁྱོལ་ཏན་ཏིག་བྱས་ནས་སློབ་གྲྭའི་ཐབས་ཇུས་ཁག་དེ་བས་ཚན་རིག་དང་མཐུན་པ་དང་དམངས་གཙོ་ཡོང་ཆེད། སློབ་གྲྭས་ཏང་སྲིད་མཉམ་ཞུགས་ཚོགས་འདུའི་ལམ་ལུགས་དང་དགེ་རྒན་གྱི་འཐུས་མི་ཚོགས་ཆེན་གྱི་ལམ་ལུགས་ལ་བརྟེན་ནས་སློབ་གྲྭའི་ཏང་འཛུགས་སྐྱོང་དང་དེ་བཞིན་སློབ་གསོ་སློབ་ཁྲིད་ལས་དོན་ཁྲོད་ཀྱི་དོན་ཆེན་ཞིབ་འཇུག་དང་ཐབས་ཇུས་འགོད་རྒྱུ་མཐའ་འཁྱོངས་བྱས་ཏེ། ཏང་རྩ་འཛུགས་ཀྱི་ཆབ་སྲིད་སྲོག་ཤིང་ནུས་པ་འདོན་སྤེལ་གང་ལེགས་བྱས་ནས་སློབ་གྲྭའི་ལས་དོན་ཁག་སྐྱོན་བྲལ་ངང་སྤེལ་རྒྱུར་སྐུལ་འདེད་ནུས་ལྡན་བཏང་ཡོད།

ལྷ་ས་གྲོང་ཁྱེར་དམིགས་བསལ་སློབ་གསོའི་སློབ་གྲྭའི་ཏང་ཀྲི་པུས་ད་དུང་སློབ་གསོ་དང་དོན་དངོས་ཟུང་འབྲེལ་ལ་མཐོང་ཆེན་བྱས་ཏེ། “ཕྱོགས་ཡོངས་ནས་འབྱོར་འབྲིང་སྤྱི་ཚོགས་བསྐྲུན་སྐབས་དབང་པོ་སྐྱོན་ཅན་གཅིག་ཀྱང་མ་ལུས་པའི”དབང་སྐྱོན་ཉིན་མོའི་བྱེད་སྒོ་དང་། “འདྲ་མཉམ་འཚར་ལོངས་དང་། དགའ་སྤྲོའི་ངང་འཚར་ལོངས་ཡོང་བའི”དྲུག་གཅིག་ལ་རྟེན་འབྲེལ་ཞུ་བའི་བྱེད་སྒོ “ཉིན་རེར་ལུས་སྦྱོང་ཆུ་ཚོད་གཅིག་བྱས་ནས་ཚེ་གང་བདེ་ལ་རོལ་བའི”ལུས་རྩལ་བྱེད་སྒོ “སྤྱི་སྐད་ཁྱབ་གདལ་བཏང་ནས་གསུང་རབ་རྟག་ཏུ་གྱེར་འདོན་བྱེད་པ”སོགས་སྣ་མང་ཕུན་སུམ་ཚོགས་པའི་ལག་ལེན་བྱེད་སྒོ་ཧུར་ཐག་སྤེལ་ནས་དྲང་ནུས་བརྒྱུད་སྤྲོད་བྱས་ཏེ་སྤྱི་ཚོགས་རིང་ལུགས་ཀྱི་ལྟེ་བའི་རིན་ཐང་ལྟ་བ་ལག་ལེན་ཏན་ཏིག་བསྟར་ཡོད།

སློབ་གྲྭ་དེས་ད་དུང་ཏང་ཡོན་དགེ་རྒན་གདོང་ལེན་རུ་ཁག་ཏུ་བྱས་ནས་སློབ་ཚན་གསར་པ་རིགས་གསུམ་ལ་དབྱེ་ཞིབ་ནུས་ལྡན་བྱས་ཏེ། སློབ་གྲྭའི་སློབ་གཉེར་ཁྱད་ཆོས་གཞིར་བཟུང་། སློབ་མ་གཙོ་བོར་བྱེད་པ་དང་དགེ་རྒན་གཙོ་ཁྲིད་དུ་བྱས་ཏེ་བློ་རིག་དང་ཀུན་སྤྱོད་མཉམ་དུ་འཕེལ་བའི་སློབ་ཚན་ཁྲིད་སྟངས་གསར་གཏོད་བྱས་ཡོད། སློབ་གྲྭའི་སློབ་ཚན་དང་སྡེ་ཚོགས་དང་གཞོན་ནུ་ལོ་ཆུང་གི་བྱེད་སྒོའི་གཞི་རྟེན་དུ་བྱས་ནས་སློབ་གྲྭའི་སྤུས་རྟགས་འཕེལ་རྒྱས་ལ་སྐུལ་འདེད་ཤུགས་ཆེན་གཏོང་བ་དང་ལས་རིགས་གསོ་སྦྱོང་ཧུར་ཐག་བྱས་ཏེ་མིག་སྔར་ལོང་བའི་འཕུར་མཉེད་དང་། ཚོན་བྲིས། འཚེམ་བཟོ་སོགས་ལས་རིགས་རྩལ་ནུས་གསོ་སྦྱོང་སློབ་ཚན་བཀོད་སྒྲིག་བྱས་ནས་སློབ་གྲྭའི་སློབ་གཉེར་གྱི་ཁྱད་ཆོས་གང་ལེགས་མངོན་པར་བྱས་ཡོད།