དུས་རབས་གསར་པའི་རྒྱབ་ལྗོངས་འོག ཉིང་ཁྲི་གྲོང་ཁྱེར་མཐོ་རིམ་སློབ་འབྲིང་གཉིས་པས་ཐོག་མཐའ་བར་གསུམ་དུ་འབད་འབུངས་སྟོབས་བརྩོན་གྱིས་ཏང་གི་དགོངས་དོན་སློབ་གྲྭའི་སློབ་གསོ་སློབ་ཁྲིད་ཀྱི་ཕྱོགས་གང་སར་ཁྱབ་པར་བྱས་ནས་མི་སྐྱོང་གི་ཐོག་མའི་བསམ་འདུན་ལ་སྐྱེ་སྟོབས་ཀྱི་གསོན་ཤུགས་རྒྱས་པར་བྱས་ཡོད། མི་དམངས་བློ་ཡིད་ཚིམ་པའི་སློབ་གསོ་ཡག་པོ་གཉེར་བའི་ལྟེ་བར་དམིགས་ནས། “ཐོག་མའི་བསམ་འདུན་མ་བརྗེད་པར་འགན་འཁྲི་བློ་ལ་བརྟན་པོར་འཆང་བའི”བརྗོད་དོན་གཙོ་བོའི་སློབ་གསོ་དང་ཏང་གི་ལོ་རྒྱུས་སློབ་སྦྱོང་སློབ་གསོ་གོ་སྐབས་སུ་བྱས་ཏེ། སློབ་གསོ་སློབ་ཁྲིད་དང་ཀུན་སྤྱོད་ལ་བརྟེན་ནས་མི་སྐྱོང་གི་བརྒྱུད་རིམ་ཁྲོད་ཀྱི་སློབ་གྲྭའི་ཏང་རྩ་འཛུགས་ཀྱི་གོང་བུ་འགྲིལ་ཤུགས་དང་དམག་འཐབ་ཀྱི་ནུས་པ་ཟམ་མི་ཆད་པར་ཤུགས་ཆེར་བཏང་བ་དང་ཏང་འཛུགས་སྐྱོང་ལ་བརྟེན་ནས་སློབ་གྲྭའི་སྤུས་ཚད་མཐོ་བའི་འཕེལ་རྒྱས་ཀྱི་རྣམ་པ་གསར་པ་གཏོད་རྒྱུར་ཁྲིད་སྟོན་བྱས་ཡོད།
སློབ་སྦྱོང་གི་ཚ་རླབས་གསར་པ་འཕྱུར་བ་བྱས་ནས་བྱང་ཚད་མཐོ་རུ་བཏང་བ།
ཉིང་ཁྲི་གྲོང་ཁྱེར་མཐོ་རིམ་སློབ་འབྲིང་གཉིས་པས་ཐོག་མཐའ་བར་གསུམ་དུ་ཏང་གི་སློབ་གསོའི་ལས་དོན་ལ་ཕྱོགས་ཡོངས་ནས་འགོ་ཁྲིད་དང་ཁྲིད་སྟོན་བྱ་རྒྱུ་མཐའ་འཁྱོངས་བྱས་པ་འདི་ནི་སློབ་གསོ་ཡག་པོ་གཉེར་བའི་རྩ་བའི་འགན་ལེན་ཞིག་རེད།
དགེ་རྒན་ཚོར་སྦྱངས་ནས་འབྲས་བུ་ཐོན་པ་དང་སྦྱངས་པ་གོ་ཆོད་ཡོང་རྒྱུ་ནི་ཉིང་ཁྲི་གྲོང་ཁྱེར་མཐོ་རིམ་སློབ་འབྲིང་གཉིས་པས་རྒྱུན་རྣམ་ཅན་གྱི་སློབ་ཁྲིད་ཞིབ་འཇུག་བྱེད་སྒོ་སྤེལ་བའི་ཐོག་མའི་བསམ་འདུན་རེད། རྒྱུན་གཏན་གྱི་སློབ་ཁྲིད་ཞིབ་འཇུག་གཞན་དག་དང་མི་འདྲ་བར་སློབ་གྲྭ་དེས་རང་ངོས་ཀྱི་དོན་དངོས་ལ་གཞི་ཚུགས་ཏེ“གཟའ་འཁོར་རེར་མ་རྩོམ་ལྟ་ཀློག”གི་བྱེད་སྒོ་སྤེལ་ནས་རྒྱ་ཆེའི་ཏང་ཡོན་ཚོས་གདོང་ལེན་དཔེ་བཟང་གི་ནུས་པ་འདོན་སྤེལ་གང་ལེགས་བྱས་པ་བརྒྱུད་དུས་བཀག་ལྟར་སློབ་ཁྲིད་ཞིབ་འཇུག་ཚོགས་ཆུང་དང་སློབ་ཁྲིད་གྲ་སྒྲིག་ཚོགས་ཆུང་ནང་སློབ་སྦྱོང་གི་ཉམས་མྱོང་མཉམ་སྤྱོད་བྱས་པས། དགེ་རྒན་གྱི་སློབ་ཁྲིད་ཞིབ་འཇུག་གི་ཆུ་ཚད་མཐོ་རུ་སོང་བ་མ་ཟད། རྒྱལ་ཁབ་ཀྱི་སྲིད་ཇུས་གསར་ཤོས་དུས་ཐོག་ཏུ་ཤེས་རྟོགས་ཐུབ་པ་མ་ཟད་ཆབ་སྲིད་སློབ་སྦྱོང་ལ་ཤུགས་སྣོན་བརྒྱབ་ཡོད།
ཏང་ཡོན་དགེ་རྒན་དཔུང་ཁག་གི་སྤྱི་ཡོངས་ཀྱི་ཆུ་ཚད་མཐོ་རུ་བཏང་བས། ལས་སྒོའི་འཇོན་ཐང་ཆེ་རུ་སོང་ཡོད། རིགས་པའི་གཞུང་ལུགས་སློབ་སྦྱོང་ལ་ཤུགས་སྣོན་རྒྱག་པ་དང་ཏང་གཤིས་བློ་སྦྱོང་མཐོ་རུ་གཏོང་རྒྱུ་དེའང་མེད་དུ་མི་རུང་བ་ཞིག་ཡིན་པས་དེར་བརྟེན་སློབ་གྲྭས་དགེ་རྒན་གྱི་སློབ་ཁྲིད་བྱང་ཚད་མཐོ་རུ་གཏོང་བ་དང་ཆབས་ཅིག་བསམ་བློ་ཆབ་སྲིད་འཛུགས་སྐྱོང་ལ་སྐུལ་འདེད་གཏོང་རྒྱུ་མཉམ་དུ་དམ་འཛིན་དང་སྐུལ་འདེད་གཏོང་རྒྱུར་ལྷོད་གཡེང་གཏན་ནས་བཏང་མེད།
སློབ་གྲྭའི་ཏང་སྤྱི་ཁྱབ་ཀྲི་པུའུ་ཡིས“སློབ་སྦྱོང་གཉིས་དང་ཚད་ལོན་གཅིག”གི་སློབ་སྦྱོང་སློབ་གསོ་རྒྱུན་རྣམ་ཅན་དང་ལམ་ལུགས་ཅན་མཐའ་འཁྱོངས་ཀྱིས་ཏང་ཡོན་སྒྲིག་འཛུགས་བྱས་ཏེ་གཟའ་འཁོར་རེའི་གཟའ་ལྷག་པའི་ཕྱི་དྲོའི་ཚོགས་ཐེངས་གསུམ་པ་དང་དགེ་རྒན་དང་ལས་བཟོ་ཡོངས་གཟའ་པ་སངས་ཀྱི་ཕྱི་དྲོའི་ཚོགས་ཐེངས་གསུམ་པར་ཏང་གི་ཚོགས་ཆེན་བཅུ་དགུ་པ་དང་དེ་བཞིན་སྐབས་བཅུ་དགུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གཉིས་པ་དང་། གསུམ་པ། བཞི་པ། ལྔ་པ་བཅས་ཀྱི་དགོངས་དོན་གཅིག་སྡུད་ངང་སློབ་སྦྱོང་དང་ཀྲུང་དབྱང་གི་བོད་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་བདུན་པའི་དགོངས་དོན་སོགས་སློབ་སྦྱོང་དང་ལག་བསྟར་བྱེད་དུ་བཅུག་ནས་རྒྱ་ཆེའི་དགེ་རྒན་དང་ལས་བཟོར“འདུ་ཤེས་བཞི”ཟབ་ཏུ་གཏོང་བ་དང་། “གདེང་ཚོད་བཞི”བརྟན་དུ་གཏོང་བ། “སྲུང་སྐྱོང་གཉིས”མཐའ་གཅིག་ཏུ་ཐུབ་པ་བཅས་བྱེད་དགོས་པའི་སློབ་གསོ་བཏང་བ་རེད།
གདོང་ལེན་དཔེ་བཟང་གི་ནུས་པ་འདོན་སྤེལ་བྱས་ནས་དཔུང་ཁག་རྩེ་གྲ་ཞིག་བཏོད་པ།
ཏང་ཡོན་ནི་དར་ཆ་ཞིག་ཡིན། ཉེ་བའི་ལོ་ཤས་རིང་། ཉིང་ཁྲི་གྲོང་ཁྱེར་མཐོ་རིམ་སློབ་འབྲིང་གཉིས་པས་དགེ་རྒན་གྱི་དཔུང་ཁག་རྩེ་གྲ་ཞིག་གཏོད་ཆེད། “དགེ་རྒན་གྱི་ཀུན་སྤྱོད་འཛུགས་སྐྱོང”དང་། “དགེ་རྒན་གྱི་སློབ་གསོ་སློབ་ཁྲིད་ཀྱི་འཇོན་ཐང་ཆེ་རུ་གཏོང་བ” “ཏང་ཡོན་གྱིས་ཁས་ལེན་ཡི་གེ་འཇོག་པ”སོགས་ཀྱི་བྱེད་སྒོ་ཧུར་ཐག་སྤེལ་ཡོད།
སློབ་གྲྭའི་ཏང་སྤྱི་ཁྱབ་ཀྲི་པུའི་སྣེ་ཁྲིད་འོག སློབ་གྲྭའི་རྒྱ་ཆེའི་ཏང་ཡོན་ལས་བྱེད་པ་དང་དགེ་རྒན་ཚོས་སྣེ་འདྲེན་ནུས་པ་ཧུར་ཐག་བཏོན་པ་དང་། སློབ་གསོའི་ལྟ་བ་ལེགས་སུ་དང་ཞབས་ཞུའི་འདུ་ཤེས་ཟབ་ཏུ་ཏན་ཏིག་བཏང་བ། བློ་གཅིག་སེམས་གཅིག་གིས་མི་དམངས་ལ་ཞབས་འདེགས་ཞུ་བའི་དམིགས་བསལ་གྱི་འདུ་ཤེས་བརྟན་པོ་བཙུགས་ནས་ཏང་ཡོན་གྱི་གདོང་ལེན་དཔེ་བཟང་གི་ནུས་པ་འདོན་སྤེལ་གང་ལེགས་བྱས་ཡོད། ལས་གཅེས་ལས་བཀུར་དང་སློབ་གཅེས་ལེགས་སྐྱེས་བཅས་ཀྱི་སློབ་གསོའི་བསམ་ཕྱོགས་དར་སྤེལ་ཤུགས་ཆེན་བཏང་སྟེ་ཉེ་འགྲམ་གྱི་ལེགས་སྐྱེས་འབུལ་སྤྲོ་བ་དང་། སྤྱོད་གཙང་གཞུང་དྲང་། སེམས་ནུས་ཡོད་རྒུས་སློབ་གསོ་སྒྱུར་བཅོས། མི་སྐྱོང་དམ་བཅའ་འཇོག་པ་བཅས་ཀྱི་ཕུལ་བྱུང་དགེ་རྒན་དང་། ཕུལ་བྱུང་གི་འཛིན་བདག སློབ་མས་དགའ་ཤོས་བྱེད་པའི་དགེ་རྒན། ཕུལ་བྱུང་གི་ཏང་ཡོན་དགེ་རྒན་སོགས་སྔོག་འདོན་བྱས་ནས་མིག་དཔེ་ལྟ་སའི་དཔེ་བཟང་དང་སྔོན་ཐོན་བརྩོན་ལེན་གྱི་དགེ་རྒན་ཚོགས་པའི་གཟུགས་བརྙན་བཏོད་པས། སློབ་གྲྭ་དང་། ཁྱིམ་བདག སྤྱི་ཚོགས་བཅས་སུ་ཤུགས་རྐྱེན་བཟང་པོ་ཐེབས་ཡོད། ཏང་ཡོན་གྱིས་སློབ་གྲྭའི་ལས་དོན་ཁག་དང་ལྷག་པར་དུ་སློབ་གསོ་སློབ་ཁྲིད་ཀྱི་སྤུས་ཚད་མཐོ་རུ་གཏོང་བར་རྐང་འཛིན་སྣེ་ཁྲིད་དང་དཔེ་སྟོན་གྱི་ནུས་པ་ཡག་པོ་བཏོན་ཡོད།
གསར་བརྗེའི་ལོ་རྒྱུས་འཚོལ་ཞིབ་བྱས་ནས་གསར་བརྗེའི་གཏམ་རྒྱུད་ཡག་པོ་བརྗོད་པ།
ཀྲུང་གོ་གུང་ཁྲན་ཏང་དབུ་བརྙེས་ནས་ལོ་ངོ་100འཁོར་བ་དང་བོད་ཞི་བས་བཅིངས་འགྲོལ་བཏང་ནས་ལོ་ངོ་70འཁོར་བ་དང་དེ་བཞིན་ཏང་གི་ལོ་རྒྱུས་སློབ་སྦྱོང་སློབ་གསོར་སྐུལ་འདེད་གཏོང་བ་དང་ཟུང་འབྲེལ་བྱས་ནས། ཉིང་ཁྲི་གྲོང་ཁྱེར་མཐོ་རིམ་སློབ་འབྲིང་གཉིས་པས་རྒྱལ་གཅེས་རིང་ལུགས་ཀྱི་སློབ་གསོར་ཤུགས་སྣོན་རྒྱག་པ་དང་རྒྱལ་གཅེས་རིང་ལུགས་ཀྱི་སྙིང་སྟོབས་དར་སྤེལ་གཏོང་རྒྱུ་དེ་མི་སྐྱོང་གི་ནང་དོན་གལ་ཆེན་ཞིག་ལ་བརྩིས་ཏེ“གསར་བརྗེའི་གཏམ་རྒྱུད་བརྗོད་པ”དང་། “དམག་མི་རྒན་གྲས་ལ་སྙན་སེང་ཞུ་བ་དང་འབྱུང་འགྱུར་གླེང་བ” “ཐོག་མའི་བསམ་འདུན་མ་བརྗེད་པར་འགན་འཁྲི་བློ་ལ་བརྟན་པོར་འཆང་བའི”བརྗོད་དོན་གཙོ་བོའི་ཡིག་གཟུགས་དང་རི་མོའི་འགྲན་བསྡུར་དང་སྤྲོ་སྣང་ལྡན་པའི་ལུས་རྩལ་འགྲན་ཚོགས་སོགས་ཀྱི་བྱེད་སྒོ་སྤེལ་བ་བརྒྱུད། རོལ་རྩེད་ཞོར་ལ་སློབ་གསོ་ཐེབས་པ་བྱེད་པའི་ཁྲོད་ནས་རྒྱལ་གཅེས་ཀྱི་བརྩེ་སེམས་དགེ་སློབ་ཚོའི་སེམས་སུ་ཟུག་པར་བྱས་ཡོད།
སློབ་གྲྭའི་ལོ་རྒྱུས་དང་ཏང་གི་ལོ་རྒྱུས་ཟུང་འབྲེལ་བྱེད་པ་དང་རིགས་པའི་གཞུང་ལུགས་དང་ལག་ལེན་མཉམ་འདྲེས་ཐུབ་པར་བྱས་ཤིང་། ཉིང་ཁྲི་གྲོང་ཁྱེར་མཐོ་རིམ་སློབ་འབྲིང་གཉིས་པའི་ཏང་སྤྱི་ཁྱབ་ཀྲི་པུའུ་ཡིས་སྣ་མང་ཕུན་སུམ་ཚོགས་པའི་བརྗོད་དོན་གཙོ་བོའི་བྱེད་སྒོ་རབ་དང་རིམ་པ་སྤེལ་རྒྱུ་དེ་རྒྱལ་གཅེས་རིང་ལུགས་ཀྱི་སློབ་གསོའི་གཞི་རྟེན་གལ་ཆེན་ཞིག་ལ་བརྩིས་ནས་གསར་བརྗེའི་གཏམ་རྒྱུད་གསོན་ཉམས་དོད་པོས་བརྗོད་དེ་གསར་བརྗེའི་རིག་གནས་བརྒྱུད་བསྒྲགས་བྱས་པས། དགེ་སློབ་ཚོའི་མི་རིགས་ཀྱི་སྤོབས་སེམས་དང་མི་རིགས་ཀྱི་སེམས་ཤུགས་ཆེ་རུ་སོང་བ་དང་རྒྱལ་གཅེས་རིང་ལུགས་ཀྱི་སློབ་གསོའི་ཕན་འབྲས་དངོས་ཆེ་རུ་སོང་ཡོད།