ཉེ་བའི་ལོ་ཤས་རིང་། གྲོ་མོ་རྫོང་གིས་སྒོར་དུང་ཕྱུར་2.42བཏང་ནས་ཤ་མོའི་རིགས་འདེབས་འཛུགས་དང་ཉ་ཝ་ཡུས་གསོ་ཚགས་གཙོ་བོར་བྱས་ཏེ་འདེབས་འཛུགས་གསོ་ཚགས་དང་། གྲང་ཕྲེང་ཟོག་འདྲེན། ཕྱིར་ཚོང་བཅས་གཞི་གཅིག་ཏུ་བསྡུས་པའི་ཕྱོགས་བསྡུས་སྐྱེ་ཁམས་ཐོན་ལས་གླིང་འཛུགས་སྐྲུན་རྣམ་གྲངས་ལག་བསྟར་བྱས་ཡོད། མིག་སྔའི་བར་ཕྱོགས་བསྡུས་སྐྱེ་ཁམས་ཐོན་ལས་གླིང་གིས་དཔལ་འབྱོར་ཕན་འབྲས་སྒོར་ཁྲི་1243.92བཏོད་དེ། རྫོང་ཡོངས་ཀྱི་ཤང་དང་གྲོང་རྡལ་3གྱི་གྲོང་ལྷན་4ཡི་དུད་ཚང་857གྱི་མི་2321ལ་ཁེ་ཕན་མཉམ་འབྲེལ་བཙུགས་པས་དུད་ཚང་རེར་ཆ་སྙོམས་བགོ་འགྲེམས་སྒོར་2000ཡན་རག་པ་དང་མི་43ལས་ཞུགས་བརྟན་པོ་ཐུབ་ཡོད། དེའི་ནང་སློབ་ཆེན་སློབ་མ་18ལས་ཞུགས་ཐུབ་ཡོད།

ཤེས་རྟོགས་བྱུང་བར་གཞིཌ་ན། སྐྱེ་ཁམས་ཐོན་ལས་གླིང་དེས“ཀུང་སི+རྟེན་གཞི+མཉམ་ལས་ཁང+ཞིང་དུད”ཀྱི་གཉེར་སྐྱོང་བྱེད་སྟངས་སྤྱད་དེ། རྫོང་ཁོངས་གཏོགས་ཀྱི་གཞུང་ཁོངས་ཁེ་ལས་ཀའོ་ཧྥུང་ཀུང་སི་ལས་སྟེགས་སུ་བྱེད་པ་དང་། ཕྱོགས་བསྡུས་སྐྱེ་ཁམས་གསོ་ཚགས་རྟེན་གཞི་ལྟེ་གནས་སུ་བྱེད་པ། ཞིང་འབྲོག་པའི་ཆེད་ལས་མཉམ་ལས་ཁང་4བྱེད་པོར་བརྩི་བ། ཉ་ཕྲུག་རྟེན་གཞི་1གཞི་རྟེན་དུ་བྱེད་པའི་གཉེར་སྐྱོང་རྣམ་པ་རགས་ཙམ་ཆགས་པ་དང་གྲོ་མོ་དང་། གཞིས་རྩེ། ལྷ་ས། ཁྲེང་ཏུའུ། ཁྲུང་ཆིང་སོགས་ལྗོངས་ཕྱི་ནང་གི་གྲོང་ཁྱེར་ཁག་ཏུ་ཕྱིར་ཚོང་བྱ་ཡུལ་བཙུགས་ཡོད།