ཏང་གི་ལོ་རྒྱུས་སློབ་སྦྱོང་སློབ་གསོའི་ཚ་རླབས་སྔར་བས་འཕྱུར་བ་དང་ཏང་གི་ལོ་རྒྱུས་སློབ་སྦྱོང་སློབ་གསོ་གཞི་རིམ་དུ་རྩ་བ་ཚུགས་པ་དང་གྲུབ་འབྲས་ཐོབ་པའི་འགན་ལེན་བྱ་ཆེད། ཟླ་ཤས་རིང་ཁྲེང་ཀོན་ཆུས་ཀྱིས་བྱ་ཐབས་སྣ་མང་སྤྱད་དེ་ཏང་གི་ལོ་རྒྱུས་སློབ་སྦྱོང་སློབ་གསོ་སྤེལ་བ་རེད།
ཉིན་ཤས་གོང་། ཁྲེང་ཀོན་ཆུས་ཞིང་ལས་གྲོང་གསེབ་ཅུས་དང་ཁྲེང་ཀོན་ཆུས་དམངས་སྲིད་ཅུས་ཀྱིས་ཏང་ཡོན་ལས་བྱེད་པ་སྒྲིག་འཛུགས་བྱས་ཏེ་ལྷ་སའི་ལྷུན་གྲུབ་ཞིང་རར་ལྟ་སྐོར་དང་སློབ་སྦྱོང་བྱས་པ་རེད། ལྷུན་གྲུབ་ཞིང་རར་ཏང་ཡོན་ཚོས་འགྲེལ་བཤད་རྒྱག་མཁན་གྱི་རྗེས་སུ་འབྲངས་ནས་ལྷུན་གྲུབ་ཞིང་རའི་གནའ་ཤུལ་གྱི་བྲག་ཕུག་འགྲེམས་ཁང་དང་། གཞོན་ནུ་ཤེས་ཡོན་ཅན་གྱི་གཞུང་ལས་ཁུལ། ཞག་སྡོད་ཁུལ། ཞིང་རའི་འགྲེམས་ཁང་། གཞོན་ནུ་ཤེས་ཡོན་ཅན་གྱི་དྲན་ཤེས་འགྲེམས་ཁང་སོགས་ལ་སྔ་རྗེས་སུ་ལྟ་སྐོར་བྱས་པ་རེད། ས་ཆ་ཞིག་ཏུ་སླེབས་རིམ་བཞིན་ཚང་མས་པར་རེ་རེ་དང་། དངོས་པོ་རེ་རེ། རྣམ་པ་རེ་རེར་ཞིབ་པར་བལྟས་ནས་སྐབས་དེ་དུས་ཀྱི་ལྷ་ས་དང་། ཉིང་ཁྲི། ལྷོ་ཁ། གཞིས་རྩེ་སོགས་ཀྱི་ས་རྒོད་གསར་སྦོལ་ལོ་རྒྱུས་ལ་ཕྱིར་དྲན་བྱས་ཡོད། ཞིང་རའི་ཚོགས་ཁང་དུ་དངོས་མཚོན་གློག་བརྙན《ས་མཐོའི་མེ་ཏོག་ཏ་ཀྲའེ》དང《དཔྱིད་དཔལ་ལ་རོལ་བ》ཞེས་པའི་དུམ་བུ་ཞིག་བསྟན་རྗེས་ཏང་ཡོན་མང་པོ་ཞིག་ལ་གསར་བརྗེའི་སྙིང་སྟོབས་ལས་སེམས་འགུལ་ཐེབས་ཡོད། ལྟ་སྐོར་མཇུག་འགྲིལ་རྗེས། ཁྲེང་ཀོན་ཆུས་དམངས་སྲིད་ཅུས་ཀྱི་ལས་བྱེད་པ་དང་ལས་བཟོ་ཡོངས་འགན་ལེན་ལྔའི་གཅིག་སྡུད་བསྙེན་བཀུར་ལྟེ་གནས་སུ་བསྐྱོད་དེ་རྒན་རྒོན་ལ་འཚམས་འདྲི་བྱེད་པའི་དང་བླངས་བྱེད་སྒོ་སྤེལ་བ་རེད། མཇུག་ཏུ་ལས་བྱེད་པ་དང་ལས་བཟོ་ཡོངས་ཀྱིས་ཞིང་རའི་ཚོགས་ཁང་མདུན་དུ་ཏང་ཞུགས་དམ་བཅའ་བསྐྱར་འཇོག་བྱས་པ་རེད།
ཁྲེང་ཀོན་ཆུས་ལས་བྱེད་པ་རྒན་གྲས་པུའུ་ཏང་གི་ལས་དོན་ཨུ་ལྷན་གྱིས་རྒན་ཡོལ་ཞུས་པའི་ཏང་ཡོན་30སྒྲིག་འཛུགས་བྱས་ནས“གསར་བརྗེའི་གློག་བརྙན་ལྟ་བ་དང་སྤྱིར་བཏང་མིན་པའི་ལོ་ཟླར་དྲན་གསོ་བྱེད་པའི”གློག་བརྙན་ལྟ་བའི་བྱེད་སྒོ་སྤེལ་བ་དང་། གློག་བརྙན་དེ་མིག་སྔར་གང་སར་བསྟན་པའི《གསར་བརྗེ་བ》ཞེས་པ་དེ་ཡིན་ཞིང་། གློག་བརྙན་དེས་གཙོ་བོ་ཕྱིར་དྲན་བྱེད་པའི་རྣམ་པའི་ཐོག་ནས་ལི་ཏ་ཀྲའོ་སོགས་གསར་བརྗེ་བས“ལམ་བུ་དེ་རྙེད་ཐུབ་ཚེ། ངས་གནམ་སར་འགྱུར་ལྡོག་གཏོང་ཐུབ་པའི”ཞུམ་མེད་ཀྱི་གསར་བརྗེའི་སྙིང་སྟོབས་དང་རྒྱལ་སྐྱོབ་དམངས་སྐྱོབ་ཀྱི་ལམ་བུ་འཚོལ་བའི་ལོ་རྒྱུས་བརྗོད་ཡོད། གློག་བརྙན་ལྟ་སྐབས་རྒན་ཡོལ་ཞུས་པའི་ལས་བྱེད་མང་པོ་ཞིག་གློག་བརྙན་ནང་གི་རྒྱལ་གཅེས་བརྩེ་སེམས་ལས་སེམས་འགུལ་ཚད་མེད་ཐེབས་ནས་མིག་ཆུ་དབང་མེད་དུ་ཤོར་ཡོད།
གྲྭ་བཞི་ཁྲོམ་གཞུང་གྲྭ་བཞི་སྡེ་ཁུལ་གྱིས་ཁོངས་གཏོགས་ཁུལ་གྱི་སྲང་ལམ་གྱི་གྱང་ངོས་ཐོག་ཏང་གི་ལོ་རྒྱུས་རིག་གནས་བཀོད་ནས་གྲོང་མི་མང་ཚོགས་ཀྱི་ཏང་གི་ལོ་རྒྱུས་སློབ་སྦྱོང་བྱེད་པའི་ཧུར་བརྩོན་རང་བཞིན་ཆེ་རུ་བཏང་ཡོད།